امتحان المحشيشين

موضوع: امتحان المحشيشين السبت مارس 15, 2008 5:35 am

[size=24]امتحان الثانويه العامه للمحششين للمرحله الثانيه لعام 2020

التاريخ : 32/5/2020

الاجابه فى نفس ورقة الاسئله ( ملحوظه ممنوع منعا باتا الكتابه على ورقة الاسئله )

الفرع علمى علمك

اسم الطالب :

رقم الموبايل :

الماده ( اللى هتمتحنوها دلوقتى ) : عربى ان شاء الله

هذا الامتحان برعاية فودافون شبكة المحمول الاولى

اولا التعبير :

اختر احد المواضيع الاتيه

1- اكتب فيما لا يقل عن سطرين تلاته عن دور الريس فى حياتنا الاجتماعيه والسياسيه والفنيه

والسياسيه والجن*** وكله يعنى ويجب ذكر كل فتوحات وافتتاحات الريس

( ومن يتخطى العدد السابق ذكره من الاسطر تحذف له درجة السؤال كامله )

2- كرر عبارة قميص نفيسه نشف لسه منشفش خمسيه خمسه وخمسين مره

( على ان يتسبب الخطأ الاملائى الواحد بضياع درجة سؤال التعبير كامله )

ثانيا القصه : ( من قصه عائلة الحاج متولى )

أ- يعنى ايه : داكور يا حج - هات عكس كملة طلع فوق ( ودخل الكلمات دى فى قصص )

ب- ليه الحاج متولى اتجوز اربع مرات ورا بعض ومقضاش شهور العده فى النص

ج- اذكر اسماء كلا من كما ورد فى المسلسل او فى القصه :

فاديه عبد الغنى - سميه الخشاب ( اوعى وشك ) - انعام سالوسه

ثالثا النصوص :

جاوب على السؤال الجاى لو فاضى : من نص ( يا زمالك )

قال الشاعر معبرا عن اشواقه وواصفا محبوبه فى القصيده الاتيه :

يا زمالك يا مدرسه لعب وفن وهندسه

أ- من كاتب العصيده وما الفكره الفرعيه التى تدور حولها البيوت

ج- طلع من البيت الرابع صورتين فوريتين مبينا نوع الكاميرا والفيلم المستخدم

د- سمع باقى القصيده لحد الاخر

ثالثا البلاعه :

قال الشاعر ( الله يرحمه )

مكرا مفرا مقبلا مدبرا معا ... كجرموث صخرا حطه السيل من على

طلع من البيت ده محسن حلو وصوره خياليه خاليه من الملامح

وبالمره طلع الاخطاء الاملائيه فى البيت ده ويا ريت تقول اسم الفرس اللى بيمدحه الراجل

( عزيزى الطالب .. اذا اردت تكمله الامتحان اقلب الصفحه واذا لم ترد من فضلك سلم الورقه )

رابعا القرايه يا معلم ( هانت خلاص ) :

( اجب عن سؤال واحد من الاتى على ان يكون مجموع اسئلتلك فى القراء سؤالين )

من درس ريسنا حبيبنا : ( متقتبسش من القطعه الجايه فى موضوع التعبير احسنلك )

" وزى ما الريس وفى بوعده مع عم ادريس سنه 1999 وطلعه يعمل عمره السنه اللى فاتت

بيوفى بوعده مع الست ام وفاء السنه دى بس يا خساره ام وفاء ماتت قبل ما تطلع العمره "

أ- يعنى ايه : وفى - هات عكس : ماتت

ب- اذكر باقى اسماء الخمسه اللى طلعهم الريس عمره فى السنوات السبع الاخيره

ج- اختار الكلمه الصح من بين الشرطتين المعوجتين :

1- عم ادريس رجل ( مسلم - مسيحى - تايلاندى تقفيل مصرى )

2- الست ام وفاء ماتت ب ( الايدز - انفلونزا البنى ادمين - الحسره )

3- الريس مسك البلد فى القرن الكام ( التسعتاشر - العشرين - الواحد وعشرين )

من درس مصر هى ماما :

" ان مصر لعبت دور حلو قوى فى حل النزاع الصومالى البوركينى فاسو والريس كان ليه

دور كبير كبير قوى فى حل الخناقه اللى حصلت بينهم واعادة الهدوء والاستسلام للمنطقه"

أ- يعنى ايه : بوركينى فاسو - ايه عكس : كبير

ب- تعرف ايه عن الدور اللى لعبته مدغشقر فى الليله دى

اخر حاجه خالص النحو :

"ولقد كان للهجمات الارهابيه الاخرانيه خالص ( اللى كانت فى ميدان لبنان ) اثر كبير فى تدهور

حال وسائل النقل والمواصلات كالاتوبيس والتوك توك وغيرهما من وسائل النقل العامه"

أ- اعرب اللى مكتوب باللون الاسود

ب- طلع من القطعه خبر شبه جمله( مش شبها قوى يعنى ) وبين المبتدأ فى الجمله اللى قبليها

ج- وطلع برضه من نفس القطعه نعت مجرور بالجره ومبتدأ مجزوم بالجذمه وحال اتنصب عليه

د- دخل حرف جر ناسخ فى الجمله اللى الجايه وغير اللى على مزاجك يا معلم :

مسكوا البردعه يابو زيد وسابوا الحمار

خلصت الاسئله كده مع تمنياتنا ليكوا بالفشل الذريع[/size]

مستنى رأيكوووووووووو

ياااه ده لو الإمتحان ده جه للشعب المصري هيجيبوا فيه الفول مارك

والله موضوعك حلو اوى ويستاهل 10 من 10

زى الدرجه اللى انا هاجبها فى الامتحان

هههههههههههههههههههه
اجمد امتحان
نايسسسسسسسس ليك يابوي

ههههههههههههههههههههههههههههه
هههههههههههههههههههههههههههههه
ههههههههههههههههههههههههههههههه
نايس امتحان والله Very Happy

متشكر اوي يجماعه على مروركوا على الموضوع متشكر اوي

» امتحان السفاره المصريه
» امتحان اللغه العربيه (من نوع خاص)
» جدول امتحان الصف الثانى الاعدادى
» امتحان النجـــــــــــــــوم, اعرف نجمك المفضل عمل إيه في الامتحان
» امتحان العربى ثانويه عامه 2008