يلا نطبخ أحلى الاكلات؟؟؟؟

شوربة المشروم

المقادير:
• بصلة مقطعة قطعا صغيرة.
• 3 ملاعق دقيق.
• 3 ملاعق زبدة.
• ربع كيلو مشروم.
• كوب كريمة.
• ملح وفلفل.
• 5 أكواب شوربة فراخ.
• أوراق بقدونس للتزيين.
الطريقة:
• دي مفيش أسهل منها أول حاجة هاعملها هاقطّع المشروم..

• هاجيب حلة وأحط فيها شوية زبدة وأشوح فيها المشروم لمدة عشرة دقائق وطبعا هاضيف عليه الملح والفلفل.

• بعد كده هاخد حوالي كوب واحد من الشوربة وأحطها على المشروم وأخليه على النار لمدة عشرة دقائق علشان يستوي وبعد كده هاطفي البوتجاز واسيب المشروم لغاية ما يبرد.. وبعد ما يبرد هاضربه في الخلاط.

• هاحط شوية زبدة في طاسة وهاضيف ليها البصل واشوّح البصل على النار لمدة ربع ساعة.

• بعد كده هاضيف ليها الدقيق مع التقليب المستمر لغاية لون الدقيق يبقى ذهبي وبعد كده هاحط كوب شوربة بالتدريج مع التقليب المستمر علشان الدقيق ما يكلكعش وبعد كده هاضيف ملح وفلفل.

• هاجيب المشروم اللي ضربته في الخلاط واحطه في حلة على النار وهاضيف إليه كوب الكريمة واسيبهم يغلوا كلهم مع بعض... وبعد كده هاحط باقي الشوربة.

• هاجيب طبق الشوربة واحط فيه الشوربة.





كنافة بشوكولاتة فورماسيه و كورن فليكس

المقادير:

1\2 كيلو كنافة أو شعرية باكستاني متكسرة
كبشة يد جوز هند مبشور
كبشة يد شوكولاته فورماسيه
كبشة يد كورن فليكس متكسر
فنجان صغير عسل
معلقة زبدة أو سمنة

الطريقة:

1- نحمر الكنافة في ال سمنة لحد ما تبدأ تحمر و بعدين نطفي النار عليها.
2- نضيف على الكنافة جوز هند و شوكولاته فورماسيه و كورن فليكس و نبدأ نصب العسل عليهم بشويش و نفضل نقلب لحد ما يمسك في بعضه.
3- استعملي غطاء برطمان صغير و ضعي عليه كيس و إبدئي خدي معلقة من الخلطة و حطيها في الغطاء و إضغطي عليها عشان تشكلي دوائر و بعدين شدي الكيس عشان تطلعي الدوائر بسهولة و حوطيها في طبق و اتركيها تبرد و بعدين قدميها و بالهنا و الشفا.



مكرونه بالجبنه سهله جداا
المقادير
1 مثلث جبنه ركفورد 100 جرام
1 كوب كريمه طبخ
500 جرام مكرونه (شكلها حسب الرغبه)
بصله متوسطه - فص ثوم
زبده او زيت زيتون
ملح - فلفل
زعتر - روزمارى

الطريقه
تشوح البصله و فص الثوم على النار حتى تذبل
نضيف كوب الكريمه ثم قطعه الجبنه و نقلبها
(لازم الجبنه تكون بدرجه حراره الغرفه حتى لا تستغرق وقت فى الذوبان)
نترك المكونات حتى تصل للغليان ثم نضع الملح و الفلفل حسب الرغبه و الزعتر و الروزمارى (فريش او جاف)
تسلق المكرونه و نقلبها فى الصوص و بالهنا و الشفا
(نصيحه : عدم غلى المكونات لفترة طويله حتى لا تنفصل الكريمه و يفضل ان تكون النار هادئه الى متوسطه)




كريب بالخضار

المقادير : ـ ملعقتا زيت نباتي.
ـ بصلة مفرومة.
ـ فلفلة حمراء دون بذر مقطعة لأجزاء صغيرة.
ـ فلفلة صفراء دون بذر مقطعة لأجزاء صغيرة.
ـ 150 جرام فطر من الحجم الصغير مقطع لأنصاف.
ـ حبة كوسة مفرومة.
ـ علبة طماطم مفرومة.
ـ 125 جراما من جبنة الفتا المفرومة.
ـ ملعقة حبق مفروم.
ـ ملح وفلفل أسود.


طريقة التحضير : 1 ـ حمي الزيت في المقلاة، ثم اقلي فيه البصل حتى يصبح ناعما. أضيفي الفلفل بنوعيه وقطع الكوسة والفطر واستمري في طبخ المقادير حتى تصبح الخضر طرية وناعمة.

2 ـ أضيفي بعد ذلك الطماطم، واستمري في الطبخ على نار متوسطة حتى تصبح الصلصة كثيفة نوعا ما.

3 ـ أزيلي المقلاة من على النار، ثم أضيفي جبنة الفتا والحبق والملح والفلفل الأسود حسب الرغبة. سخني حبات البان كايك في الفرن لمدة دقيقتين، ثم احشيها بخليط الخضر مثلما توضح الصورة.


مقادير عجينة الكريب:
- 5 بيضات
- 150 غرام من السكر سنيدة
- 50 غرام من الزبدة الذائبة
- نصف لتر من الحليب
- قليل من الملح
- 5 غرام من سكر فانيلا .

طريقة عمل الكريب:

- في اناء مناسب ، يخلط الدقيق مع السكر ، البيض ، الملح و الزبدة الذائبة .
- يضاف اليها ببطء الحليب الدافئ و سكر الفانيلا .
- يطهى الكريب في مقلاة خاصة بالكريب ساخنة و مدهونة بالزبدة .
وبلهنا والشفا