الحب فى 2009 (( المشاركه 26 الف ليا فى الافضل)) توبيك رومانسى جدا

يا اخوانا انتو مش ملاحظين ان الكلام العاطفى والتعبيرات الرومانسيه زادت اوى اليومين دول دى مش بس زادت دى رطرتت ((حبيب قلبى , روحى , نور عيني واحشنى يا غالى انت فينك يا قمر والنعمه الشريفه بموت فيك ))

الكلام الحلو دا كله مكانشى فى قاموسنا اليومي قبل كده والكلام ده مش بس بيقوله راجل لست او ست لراجل لا راجل لرجل او ست لست واى حد تقابله يقوم رزعك طقم حنيه كده بدون اى مناسبه وساعات من غير سابق معرفه

الشئ الغريب ان شلال الكلام الحلو ده وتعبيرات الحب الفظيعه دى جاين فى وقت الحب فيه انتهى تماما والناس مبقتشى طايقه بعضيها

والحقيقه ثورة الاتصالات والموبايلات اخترعت لنا وسائل جديده للتعبير عن الحب مسجات ورنات جاهزه لا تتعب دماغك ولا تفكر يدوب تكتب Send وصلت يا باشا thumbup

وكلنا طبعا فاكرين عبد الحليم حافظ ولبنى عبد العزيز فى فيلم الوساده الخاليه ومكالمات التليفون اللى كانت شغاله بينهم طول الليل ولبنلاى بتقوله بصوتها اللى يدوخ ((اقفل بقى يا صلاح)) give_rose

وصلاح مش عايز يقفل كانت بتقول صلاح بطريقه thumbup

خليتنى اعيد الثانويه العامه علشان احسن مجموعى كان نفسى يبقى اسمى صلاح من حلاوة صلاح اللى بتقولها وطبعا عبد الحليم ولبنى كانو بيتكلمو بالساعات من غير اى مشاكل لان مصلحة التليفونات ايامها كانت بتدفع فلوس للى يتكلمو فى التليفون علشان يجعو الناس تتكلم

ودلوقتى هنستعرض مع بعض قاموس لالفاظ عاطفيه جديده دخلت حياتنا بعد ظهور الموبايل

تلاقى اللى بتكلمك فى نهاية المكالمه بتقولك يلا باى ((ايه يلا باى دى كانها مش قادره تسيبك انما يلا باى يلا باى))

وبعدين طلعت حاجه جديده سى يو بقى (( see you )) ايه سى يو دى كمان

ظهرت بقى قافله جديده للمكالمات تلاقى الانسه اللى بتكلمك بعد 3 ساعات ضحك وهزار ابيح وكلام فاضى م اللى قلبك يحبه فجاه تقولك بتاثر لا اله الا الله وطبعا لازم ترد وتقول محمد رسول الله هو انا مش مسافر استراليا ولا رايح اعمل عمليه جراحيه دى بتكلمك 19 مره فى اليوم وكل مره تقفل كده لا اله الا الله

خد دى جديده برضه Very Happy

بعد نهاية المكالمه ويلا باى وسى يوو والحاجات دى فجاه وقبل مهبد السماعه فى وشها تقولى تيك كير ((take care )) يعنى ايه تيك كير هى بتكلمنى وانا بتسلق جبل المقطم وخايفه احسن اقع على جدور رقبتى ولا انا رايح اتخانق مع جماعه من الدويقه واحتمال مرجعشى تيك كير كده فى المطلق خلى بالك من نفسك طب اتيك كير من ايه

ظاهره تانيه بقى تغيظ شويه Question

لما تتصل بيك وترج عليا وتقول الو تقوم هى مخضوضه على طول affraid

وتقول مالك صوتك ماله مش عاجبنى طمنى عليك ((انا مقولتش غير الو احلفلها بايه انى كويس مفييش حاجه انما هى طبعا مش مصدقانى فكرانى مخبى عليها المصيبه اللى انا واقع فيها )) بليز قولى متخبيش عليا حاجه ((ايه القصه وربنا مفيش اى حاجه ولازم طبعا اجارى مشاعرها مدام هى مخضوضه لازم يبقى عندى انا كمان حاجه تخض امال هسيبها تتخض ع الفاضى كده Wink

)) لا بس عندى شوية انفلوزنزا Smile

تقوم مصرخه فى وشى affraid

((مع انى كنت بطمنها)) ومروحتش لدكتور لحد دلوقتى انت لازم تعمل تشيك اب ((check up)) لا لا يمكن ((هى الوليه دى بتصرخ على ايه انا قولت انفلونزا عادى مش انفلونزا الطيور ))

وعلى كده على طول بقيت شايف كل اللى حواليا نازلين حب فى بعض وخوف على بعض كل الكلام حلو كل التعبيرات رومانسيه كل الاحضان دافئه كل اللقاءات سبايسى لدرجه ان احنا مش مكفينا عيد حب واحد لا عندنا اتنين فلانتين واحد فى فبراير وواحد فى نوفمبر امال هنودى الحب اللى عندنا دا فين

وفى الافراح تلاقى المعازيم نازلين رقص وزغاريد العريس والعروسه فى منتهى السعاده بحب الناس بس قرب كده لاى ترابيزه ولمع الاؤكر هتلاقى اللى قاعدين نازلين تقطيع فى فروة العريس والعروسه واهلهم

ولو دخلت ميتم تلاقى الموجودين نازلين عياط لدرجة انك متعرفشى الميت ده قريب مين قرب شويه ولمع الاؤكر تلاقى الىل كان حاطط راسه قى ايده ونازل عياط بيميل على اللى جنيه وبيقوله سمعت اخر نكته ويقومو فطسانين على روحهم م الضحك

حب حب حب حب فى كل حته حب I love you

فى الكافيهات فى الشوارع فى النوادى فى المصالح الحكوميه مش شايف قدامى غير عشاق ونظرات وتسبيل وعواطف ياااااارب شوية كراهيه بقى الحب مالى البلد د

اعزائى كل الاعضاء بحبكم جدا عضو عضو وعضوه عضوه وحتى اللى مقراشى النوبيك بتاعى بحبهم جدا انا مش قادر اوصفلكم بتوحشونى اد ايه من التوبيك للتوبيك

يلا باى وسى يو بقى وتيك كير تيك كير بقى بليز اعملو تشيك اب علشان انا قلقان عليكم صوتكم مش عاجبنى خالص تيك كير بقى

هههههههههههههههههههههه
والله معاك حق ياحمود
وانا بجد ليا الشرف انى اول واحد
برد على موضوع الالفيه26 وكمان يكون
موضوع غايه
فى التميز ومش عارف ايه الحكايه سبت الروعه وبقت التميز

نيس توبيك يامحمود وبجد

تسلم ايدك والف مبروك على
الالفيه الجديده(26) ياحمود
وعقبال الالفيه المليون
ومعلش على التاخير بجد انا اول لما شوفتها
رديت على طول والله

لما تتصل بيك وترج عليا وتقول الو تقوم هى مخضوضه على طول affraid

وتقول مالك صوتك ماله مش عاجبنى طمنى عليك ((انا مقولتش غير الو احلفلها بايه انى كويس مفييش حاجه انما هى طبعا مش مصدقانى

اية الكلام الكميل دة
البنات دول وحشين اوى كدة
معندهمش حق فى اللى بيعملوة والله
هبقى اوصيهم بعد كدة ميطمنوش على حد

والف مليون مبروك على الالفية 26

mohaa كتب:: هههههههههههههههههههههه
والله معاك حق ياحمود
وانا بجد ليا الشرف انى اول واحد
برد على موضوع الالفيه26 وكمان يكون
موضوع غايه
فى التميز ومش عارف ايه الحكايه سبت الروعه وبقت التميز

شكرا للمرور يا حوده يا عسل والله الشرف ليا يا جميل انك ترد فى موضوعى

وشكرا للروعه فى الرد

ههههههههه

عاشق المستحيل كتب:: نيس توبيك يامحمود وبجد

تسلم ايدك والف مبروك على
الالفيه الجديده(26) ياحمود
وعقبال الالفيه المليون
ومعلش على التاخير بجد انا اول لما شوفتها
رديت على طول والله

يا باشا انت ترد فى وقت دحنا لينا الشرف يا سكر

وبعدين انت رديت اول مشوفته الدور والباقى على اللى شافه ولا عبر

شكرا يا محمد للمرور الجميل

lo2lo2a كتب:: لما تتصل بيك وترج عليا وتقول الو تقوم هى مخضوضه على طول وتقول مالك صوتك ماله مش عاجبنى طمنى عليك ((انا مقولتش غير الو احلفلها بايه انى كويس مفييش حاجه انما هى طبعا مش مصدقانى

اية الكلام الكميل دة
البنات دول وحشين اوى كدة
معندهمش حق فى اللى بيعملوة والله
هبقى اوصيهم بعد كدة ميطمنوش على حد

والف مليون مبروك على الالفية 26

الله يبارك فيك يا عسل

وشكرا للمرور الكميل والرد الاجمل نورتى التوبيك

إنما الاعمال بالنيات وإنما لكل إمرءِ ما نوى
بعدين حكاية الحب دى وماله ياخى لما تلاقى حد يخاف عليك بس ادعى ربنا انه يفضل لبعد الجواز
ههههههههههههههههههههههههههههههههههه
الناس عمرها ما هتتغير النميمة زى الدم فى عروقهم
اهم حاجة صحتك بالدنيا
الف مبروك للالفيه ال 26

ههههههههههههههههههههههههههه

شكرا للرد الجميل يا احلى محمد2

الله يبارك فيك وعقبالك

الف مبروك عليك الالفيه
يامحمود ويارب للافضل دايما

شكرا للمرور يا ايه وبجد اهل المنصوره هما اللى رافعين راسى

» اسعد لحظاتى معى الافضل(المشاركه الالف ليا فى الافضل)
» ماكياج صيف 2009 لكى حتى تكونين الافضل معنا فى الافضل ..
» الفرق بين زمان ودلوقتى -- ((المشاركه ال 27 الف ليا فى الافضل))
» دستور جمهوريه بطيخستان ((المشاركه ال 31 الف لى فى الافضل))
» اعرض على حبيبتك الجواز ب9 طرق جديده موووووووت ((المشاركه الالف ليا فى الافضل))