رباعيـــــات صلاح جاهين ...مين يكمل معايا كتابتها بالابيات اللي تعجبه ؟!!ارجو التثبيت

السلام عليكم ورحمة الله وبركاته



صلاح جاهين ...




ورباعيات صلاح جاهين ....

خلينا نحاول نشترك في تدوينها هنا في الموقع بالصور ...




يعني كل واحد يجيب صورة بتعبر عن الابيات اللي عجبته


ونكمل مع بعض الموضوع ده ....




بصراحه باحس ان الرباعيات فيها شئ مميز اوي ...انها بتدي لك حكمة مابين السطور

منين أجيبها كلمه متألمـــــــــــــــــة
لعيبه فايره حايره و مصممــــــــــه
منين اجيبها كلمه تكون بنـــت ارض
تشفي اللي ما شافهوش كلام السمـا
عجبي !!!

إيديا في جيوبي وقلبي طِرب

سارح في غربة بس مش مِغترِب

وحدي لكين وَنسان وماشي كده

وبابتعد...ما اعرفش...أو باقترِب

عجبي !

عجبتني كلمة من كلام الورق


النور شرق من بين حروفها و برق


حبيت أشيلها ف قلبي .. قالت حرام


ده أنا كل قلب دخلت فيه اتحرق

عجبي !!!

كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!

دخل الربيع يضحك لقانى حزين



نده الربيع على اسمى لم قلت مين؟



حط الربيع أزهاره جنبى وراح



وإيش تعمل الأزهار للميتين؟

يأســــك وصبـــــرك بين إيديك وانت حـــــــر


تيأس ..ما تيأس ...الحيـــــــاه راح تمر



أنا دقت من دا ومن دا .... عجبي ...لقيت



الصبــــــر مـــــر و برضــــــك... اليـــــأس مــــــر



عجبـــــي!