استفتاء حول عمل المنتدي الشبابي-يرجو الدخول من جميع الأعضاء

السلام عليكم ورحمة الله وبركاته

إزيكم يا جماعة أنا عايز أخد رأيكم في عمل المنتدي الشبابي وده منتدي إن شاء الله هيبقي مختص بالشباب من الجنسين

وهيتناول الصراعات بين الشباب والبنات وهيتناول الموضة والأزياء وكل حاجة عن الشباب مشاكلهم وأحلامهم

واقتراحاتهم في موضوعات شبابية طحن

أنا طبعا مستني منكم التصويتات وإللي يصوت زي كل مرة يقول سبب تصويته إيه سواء بالموافقة أو الرفض علشان

أستفيد منه (تواضع أهو علشان ماحدش يقول غرور )

ومستني منكم الأراء والاقتراحات والتصويتات والردوووود

والسلام عليكم ورحمة الله وبركاته

طبعا موافق يا محسن كده احسن لما يبقى فيه منتدى للمواضيع الشبابيه فقط وكمان فى مواضيع كتيره معموله وملهاش مكان فى الرومانسيه

وانا كماااان اكيييييييد موافقة طبعا
هايبقى منتدى فعلا يضم كل المواضيع عشان التنظيم وكدة
واتكلوا على الله اعملوة

أوك شكراااااااا ليك يا إسلام Very Happy

ومستني بقية الردوووووووووووود و التصويتات

شكراااااااااا يا منة علي الصوت والرد كمان وهانعملوا بعد لما الاستفتاء يخلص Very Happy

دي فكرة حلوة قوي يا محسن انك تعمل منتدي للشباب تحل فيه مشاكلهم

أوك يا عائشة وشكرا ليكي علي الصوت وعلي الرد Very Happy

انا لا اوفق ... معلش زى ماتقول كده بعترض ... شبابى ايه على اساس ان فيه عواجيز معانا ... مهو كلوا شباب و انا شايف انه حشو و خلاص زى حكايه منتدى الاعضاء .. و مثلا لو فى عضو لى صور لنفسه ممكن يحطها فى الصور عادى ... طبعا لا اؤيد

أحترم رأيك جداااااا يا توينز بس أحب أقولك إنك ماشي معايا في المنتدي بنظام و بنظرية

(خالف تعرف) وعلي فكرة صاحب فكرة المنتدي ده إسلام مش أنا وأنا قصدي بالمنتدي ده

أخبار الشباب وحلول مشاكلهم واقتراحاتهم أفهمك أكتر يعني مثلا ممكن قضية معينة زي الدنمارك

دي قضية كل الناس بتتكلم عنها لكن فيه مواضيع معينة مثل الصراعات بين الشباب والبنات

دي غير قضية الدنمارك خالص ويارب تكون وصلت

أما بقي حكاية منتدي أخبار الأعضاء بالرغم إن ده مش مجال للكلام عنها إلا إني شايف إن المنتدي

ده لذيذ جداااااا وفكرته كوووول وأنا قصدي من كده التنظيم بحكم إني مشرف عام علي المنتدي

فأهم حاجة التنظيم علشان يبقي الشكل حضاري قدام الأعضاء الجداد مش أي موضوع نيجي

نحطه في منتدي المنوعات ولو مش مصدق أدخل شوفه شكله إزاي وهكذا منتدي الصور

انا موافقه ودى فعلا فكره جميله جدا

أوك يا ملك الملاك رأيك جميل ويهمني كمان Very Happy

انا طبعا مع الاغلبيه وكده موااافق طبعا ..بس في حاجه ان الفكره مش قويه اوي وفعلا هاتبقي

حشو ع الفاضي لان في منتدي اسمه القسم العام والمناقشات ينفع يتحط فيه اي موضوع يحتاج

تناقش وكده..سواء كانت شبابيه او جنس اخر ..مش عارف يعني هاتحط ف القسم الجديد ده

ايه.. بس اوكي ادينا هانشوف ... !

أوك يا سعيد شكرا علي الصوت والرأي ومن حقكم عليا أبينلكم وجهة نظري برضه وأنا

بأعمل إيه في المنتدي بالنسبة للمنتدي العام والمناقشات ده خاص

بالموضوعات إللي بتترقي وإللي بتعدي الردود فيها ل100 رد وغير كده بناقش فيها أمور

المنتدي وبنعمل فيها الاستفتاءات زي ما إنت شايف يا سعيد وأنا قصدي من كده يا سعيد

التنظيم وده لينا وللأعضاء الجداد يعني فيه دلوقتي منتديات زي ما أقول في اللفظ متفجرة

يعني مليانة بموضوعات من مجالات كتيرة وجه الوقت إللي لازم نعمل تقسيمات جديدة

وعلشان نتطور في المنتدي يعني مش معقول المنتدي بتاعنا تفضل هي هي المنتديات إللي

موجودة وخصوصا إن 9 مايو القادم هيمر 6 أشهر علي افتتاح المنتدي فلابد من التجديد

والإحلال والتطوير وشكرا ليك يا سعيد مرة تانية

على فكره انا مبخالفكش ولا حاجه بس انت اصلا افكارك مش كلها بتعجبنى .. و ده منهم حاسس انك عايز تزود المكان .. زى تقسيمه ال دى فى دى .. بس ده مش دى فى دى .. و انا بدى رايى مش اكتر من كده و انا لو شايف الفكره حلوه هقولك اوك .. لكن انا شايفها ملهاش لازمه

أوك يا توينز وشكرا علي رأيك بس أنا شايف إن إحنا مش زي دي في دي هم أكيد أحسن

وإحنا بنحاول نكون زيهم وياريت نكون زيهم فعلا وهم عارفين شغلهم كويس ومنظمين

منتداهم وأنا شايف إن المنتدي لازم يتطور بدل المنتديات المحدودة إللي موجودة وعلشان

يواكب الأحداث لإن المنتدي كل يوم بيكبر أكبر وأكبر

والتصويت انتهي بين 7 موافق و3 معارض

تونز وجهة نظروا صح احنا مش نزود اقسانم وخلاص انا راي ان المنتدي العام والمناقشات دة كفيل ب الموضوعات الشبابية وبجد تونز بيتكلم صح احنا لسة مبقناش دي في دي والا عمر دي في دي طلع كدة بالتدريج يا جماعة انما مش مرة واحدة ومينفعش نعمل حاجات كتير و اصلا عندنا منتديات نايمة زي الالعاب Sad

نو كومنت بجد

هههههههههههههههههه ده علي اساس ان المنتدي في اطفال و مسنين
عشان كده عاوز نعمل منتدي للشباب ,,, هي فكره جمده عشان نفصل مواضيع الشباب و اللي بيفكرو فيه عن باقي المنتدي و ساعتها يبقي اسمو ( مايخص الشباب ) ( ما يهم الشباب ) و انا مــــــــــــــــــــــــــــــــــــــــــــوافق يا حج

يا ادمن هو الاقسام بفلووووووووووووس ؟؟؟؟ و بعدين ده يبقي فرع من قسم مش قسم لوحدو نفض لاحمد اخويا ده معقد Smile

معقد ..... ماشى يا سامح .. انت اصلا مش فاهم حاجه Smile

و زى ماقولت شباب ايه ؟ مهو كولوا شباب .... No Comment

انا راي برضه من راي توينز يا محسن انا شايف ان ممكن يكون منتدي الاعضاء او المنتدي العام والمناقشات نرفع في احدث موضه للشباب والحاجات ده اللي انت كاتبها يعني برضه انا شايف انه حشو برضه وخلاص .......
وتقبل رايي Very Happy

موضوع جميل

» موضوع مهم لكل أعضاء المنتدي بخصوص الإشراف- يرجو الدخول من جميع الأعضاء قديمهم وحديثهم
» ادخل واقترح اسم للمنتدي الجديد -يرجو الدخول من جميع الأعضاء
» الرتب التي يتم الحصول عليها في منتدي الأفضل - يرجو الدخول من جميع الأعضاء
» ادخل وقول أسماء المنتديات السبعة الجديدة - يرجو الدخول من جميع أعضاء المنتدي ومحبيه
» استفتاء حول عمل منتدي الأعضاء_يرجو الدخول من كل أعضاء المنتدي