مكالمات الطوارئ عام 3008 م

فى المستقبل البعيد اللى مالوش ملامح

فى عهد الرئيس .....ابن ابن ابن ابن ..طبعا عارفين مين
البوليس هيقدم خدمات الطوارىء طبعا الدقيقة بجنيه ونص
بيعملوا زى بتوع النغمات
المهم نسمع مكالمات الشعب للبوليس
(و ما حدش يستهون بالمشاكل العصيبة اللى هتسمعوها )

يرن التلفون في القسم ...
و معانا المكالمة الاولى ونقول الووووووووو
بكل لحب ومش عارف ايه......
صوت رجل اقرب الي تنهيق الحمار
وحياة امك ما انا مطلق و اعلي مافي خيلك اركبية يا بنت المكوجي
ولية بتصرخ وهى مسروعة طلقنى طلقنى يا مجرم انت ما عندكش اخوات بلاستيك
كان عندى و حرقتهم و ساحوا قدامى
يتكلم الظابط محاولا تهدئة الموقف ..
يا استاذ بالراحة مش كدة الصلح خير
والراجل بيجعر و يقول
وانت مال اهلك يا جلنف...
يا سيد ما انت اللي طالب الطواريء..
يزداد زعيق الارجل ....قائلا له
و كمان ماشية مع طوارق مش طارق واحد
بتعرفي عليا رجالة....
دا انتى هتشيلى اوبح بس استنى عليا
يصرخ الظابط في الناحية التانية
يا اسطه انا بوليس...
وكمان ظابط بوليس .... بتخوفني يا شنف
والله لاولع فيكي
صوت سيدة تشتعل و تسقط من بلكونة و طاااااااخ
و عيال صغيرة بيقولوا ماما فين .......و هو يقول ماما مش هنا
يعود الرجل مرة اخري
الو انت في قسم اية يا بيه ؟؟؟؟
في قسم العمرانية يا فندم ..لية؟؟
طب لو راجل خليك عندك ...
طااخ طييييخ طوووووووخ (ده صوت واحد نايم بيشخر مش صوت تليفون )

المكالمة الثانية

ترررررررررررين تررنتررن رم رم
ولية اظاهر كدة والله اعلم من صوتها الموسيقى انها من منطقة شعبية ...
الو ايوة يا بية انا عرفت الحل .....
- نعم يا مدام؟؟؟
مدام مين عانسة لو سمحت
-مش موضوعنا ايوة يا عانسة
ايوة يا اخويا اللي هزم الصليبين .... الاجابة نمرة 4 نور الشريف
يا اما دي خدمة الطواريء ...
يا اخويا ومالة المهم انا كسبت الالف جنية؟؟
يا مدام الف جنية اية احنا بوليس...
الست في ولولة ...
الهي ربنا ينتقم منكم مسبتوش حاجة للغلابة اللي زينا
في المترو و الاوتوبيس و التلفون
واكلينها والعة يكش تموتوا محروقين بجاز
طرررك...تيت تيت تيت...

المكالمة التالتة

ونقول مساء الخير (اسامه منير من خلف الاسوار )
صوت شابة في اوائل العشرينات تصرخ في رعب
الوووو 0900 الحقونييييييي
يبتسم الظابط في حماس قائلا في سره .. يا فرج الله باين المرة دي بجد....
اية يا انسة متقلقيش انا هافضل معاكي علي الخط خير في اية؟؟
تصرخ الشابة في انهيار
الحقني هاياكلني
انا مستخبية فوق الدولاب هو لسة مشفنيش
المجرم........
لا...........لا.........لا
هياكل الجبنة............
جبنة ايه نعبتلك نص كيلو بس اهدى شوية........ومعاها عيش توست
يا انسة اهدي علشان افهم......
ممكن توصيفيلي شكلة
الفتاة في ذهول ....
دة بلبوص خالص و كلة شعر
الظابط في بلاهة ......
هو مين دة اللي بلبوص؟؟؟
الفتاة في شبة اغماء..
الفار الفار يا تلحقوني يا متلحقونيش

المكالمة الرابعة

تررررررررن رن رن ترررررررن ترن
و نقول يا نهار اسود على ده خط تليفون
الظابط طهقان وصبره نفد
ايوة نعم عايزين اية يا شعب معفن ميجيش غير بالسك علي نافوخة
مزة(حتة) تقول في غيظ ..
انت بتكلم كدة لية يا زكي...
الظابط فاتح بقة علي اخرة...
وكمان عارفة اسمي... هاتناسبيني
خير يا اختي حمام بيتكو ضرب ولا مش عارفة تعملي البشميل
و الخروف جوزك حالف عليكي يمين طلاق يا انتي يا البشميل جتكو نيلة مليتو البلد
البت بترد وبتاكل السماعة وهى بتتكلم
نعم يا ابن سعدية.........
يتسمر الظابط مذهولا....
اية دة انتي كمان عارفة اسم نينا ...
السيدة في قرف ..
نينا با روح امك...
نينا يا دبلوم معهد امناء الشرطة
انا سماح...
سماح حبيبتي ازيك يا روحي
عزرائيل يخطف روحك ... 4 اسابيع برة البيت من غير ماتسيب فلوس يا جلنف
-معلش انتي عارفة الشغل و انا اللي ماسك الخدمة الجديدة
تصرخ زوجتة كصوت غسالة تص اتوماتيك و الاوتوماتيك بتاعها بايظ
10 دقايق و تكون في البيت
الظابط في توسل..
طب اسيب االقسم ازاي..
يتحرق االقسم علي اللي في يلا يا نوءة
يقول لها في رجاء...
طيب و الشعب...
سماح مطرح ما يحط راسه يحط رجليه......
يشرب من البحر
زكي يبكي ....
-انا جاي يا سماح

و فى النهاية مستنيين مكالماتكم على الخط الساخن
كان معكم.....
محمود الحوت من قسم بوليس العمرانيه حول

حول انا اسمعك جيدا
مكالمات رائعه
تسلم ايدمك

شكرا للمرور يا نوكيا بيه ودايما منور الافضل

ونرجع تانى ونقول الووووووووووووووووووووووووووو
المدام موجوده يا حوت
طيب سلملى عليها
موضوع رائع طلع الكنوز يا حوت

موضوع جامد حمود دهه عنده منه كتير بس مش بيجبلنا المواضيع الحلوة مرة واحدة

شكرا للمرور يا احلى بوسطجى
وطبعا الكنز الكبير لسه موجود والمدام بخير وكله اشطه
وعن قريب سيظهر الكنز

رد محسن
شكرا للمرور وطبعا لازم اخليكم تتشوقو لمواضيعى دايما

» مكالمات لم يرد عليها
» مكالمات سريه 2 ...هتموت من الضحك
» إعلان حالة الطوارئ بمطار القاهرة بعد اصطدام طائرة ألمانية بكوبري تحميل
» مبارك.. ربع قرن من "الطوارئ"