ممكن اسال سؤال( ارجو من الجميع الدخول والاجابه)

السفر والهجره كلمه موجوده على لسان كتير من شباب مصر والحزن وان الشباب حاسس بالغربه جوه بلده طب ليه كده يا جماعه صدقونى مصر احسن بلد فى الدنيا وابسط مثال على كده انها بتتسرق من 7000 سنه ومع ذلك شعبها عايش (احنا كده دخلنا امن دوله) farao

وعلى فكره بالنسبه لكل الشباب اللى بيفكر فى السفر مش هتقدر تشوف مستقبلك فى اى بلد غير بلدك ولو عرفت هيكون المقابل كتير جدا مقابل مستقبلك غربتك وبالنسبه للشباب اللى حاسس بالغربه فى بلده انت اللى عملت فى نفسك كده لانك بتبعد عن الناس اللى بيحبوك حاول تقرب من الناس وهتلاقى غربتك راحت فى طى النسيان يا شباب مصر البلد محتجكالكم علشان تبنوها وتعمروها بجد ياريت نفكر بكل هدوء وهنلاقى ان مصر اعظم بلد فى الدنيا

فعلا عندك حق يا وحيد مش لازم نفكر في الغربة

بس كل ده بيحصل بسبب الوضع الحالي في مصر والغلاء إللي إحنا فيه

غير كده المرتبات ضعيفة والجنيه المصري بقي في الحضيض

وشكرااااااااااااا ليك يا وحيد علي الموضوع ده Very Happy

شكرا ليك يا محسن على الرد الجميل بس على كده الشعب كله هيسافر ولا ايه رايك Very Happy

ما هي لازم الحكومة توفرلنا فرص عمل وده دور الحكومة ويارب الشباب يصبر

بذمتك يا محسن الحكومه هتقدر توفر فرص عمل لكل الشباب المتخرجين

ماهو الموضوع كله عبارة عن حلقات مترابطة لازم كل فرد يؤدي بواجبه في البلد

ولو حصل كده الحكاية هاتبقي تمام Very Happy

كل واحد مننا ليه وجهه نظر فى الموضوع ده

الكلام حلو يا وحيد بس لو مسافرشى هل ممكن يتجوز؟؟؟

طب لو اتجوز هياكل اسرته ايه ظلط؟؟؟

حتى لو اكلهم ظلط توكيل الظلط خده علاء((تعرف النكته دى))

والله انا بفكر اسافر علشان زهقت من البلد دى شوف انا هقلك حاجة متيجى

نسافر انا ونت

real_love كتب:: كل واحد مننا ليه وجهه نظر فى الموضوع ده

انا معاك بس اتمنى ان الشباب يغير وجهة نظره وشكرا على الرد والمتابعه

الفتى الطائش كتب:: الكلام حلو يا وحيد بس لو مسافرشى هل ممكن يتجوز؟؟؟

طب لو اتجوز هياكل اسرته ايه ظلط؟؟؟

حتى لو اكلهم ظلط توكيل الظلط خده علاء((تعرف النكته دى))

ممكن تاكلهم طوب ياجن بس انا عايز اعرف هو كل واحد اتجوز سافر قبل الجواز احسبها بالعقل ياجن وشكرا على ردك الحلو ياحلو

بص حواليك وشوف يا وحيد لو تعرف حد اليومين دول كون نفسه جوه مصر قولى عمل ايه علشان اقلده بعد لما اتخرج

((ركز اوى على اليومين دول))

محمد روتانا كتب:: والله انا بفكر اسافر علشان زهقت من البلد دى شوف انا هقلك حاجة متيجى

نسافر انا ونت[/size[size=24]]

لو انت زهقت يا محمد اكيد فيه ناس بتحبك مزهقتشى منك وعايزاك وبالنسبه ليا انا هفضل فى بلدى ومش هسيبها ابدا

خليك فى البلد جايز تنتصلح وجايز لأ

وانا هستنى لما تنصلح وبعدين ربنا بيقول اسعى ياعبد وانا أسعى معاك

مش كده ولا ايه؟؟؟ وزى مانا قولتلك وجهات نظرى انا عن نفسى زهقت منها

real_love كتب:: خليك فى البلد جايز تنتصلح وجايز لأ

وانا هستنى لما تنصلح وبعدين ربنا بيقول اسعى ياعبد وانا أسعى معاك

مش كده ولا ايه؟؟؟ وزى مانا قولتلك وجهات نظرى انا عن نفسى زهقت منها

اكيد حالها هينصلح بس على ايدينا احنا مش اى حد تانى

انت بيتهيألك
حاجات غريبه
ممكن سؤال انت من الحزب الوطنى ولا؟؟؟

هههههههههههههههههههههههه

مين اللى بيجيب فى سيرة الحزب الحاكم واعضاءه خليك فى حالك يا واد يا خالد انت

بعدين منا حزب وطتى ورايي قدامك اهه

مانا فى حالى هو انا اقدر اقول حاجه غير ربنا يخليهولنا

شكلك كدا يا خالد عايز تقفلنا المنتدى ويا عمنا انا لا حزب وطنى ولا نيله انا شاب مصرى عايز مصر تكون احسن بلد فى الدنيا بس بايد ولادها

اولا الموضوع جميل ومهم جدا يا وحيد
تسلم ايدك وفكرك
ثانيا انا شايفه ان كل الشباب عوزين يسفروا وشويه وحيكلوك خالص
ههههههههههههه
بس والله يا جماعه الخير عندنا احنا والمجهود الى الشباب بيبزلوه برده لو فكروا صح وتوكلوا على ربنا حق توكل حيبذلوا نصه فى بلدهم وحيحققوا الى هما عوزينه
وبعدين ليه ندى خيرنا وخير شبابنا لغيرنا وابلدنا محتاجه المجهود ده
انا معاكم ان الدنيا فى مصر دلوقتى بايظه بس بالصبر والاراده وقبلهم التوكل على الله اكيد حتبقى احسن بكتير
وفى الاول والاخر دى بلدنا وربنا سبحانه وتعالى قدر لنا اننا نكون مصريين يبقى نسيبها اذاى بس
وربنا بيقول : " وخلقنا الانسان فى كبد "
وبعدين احنا ليه ننمى بلاد تانيه وبلدنا محتاجه الى ينميها ،،،، والى ميقدرش يعمل حاجه لمستقبله وسط اهله وفى بلده مش حيقدر يعمل مستقبل برده بلده فى الغربه ولو عمل حيكون خسر حاجات كتير ودفع الثمن غالى يكفى الغربه والبعد عن الاهل وعدم الاستقرار
ولكل مجتهد نصيب
وبردوا : ان الله لا يضيع اجر من احسن عملا
ربنا يوفقنا جميعا يارب لكل ما يحب ويرضى ويقر عين النبى صلى الله عليه وسلم بنا

اخيرا لقيت حد فى المنتدى كله موافقنى فى الراى تسلم الجمجمه يا ميار يا رافعه راسى

انا عايز اقول حاجه وحيد ده جارى ولو جاتله فرصه عمل فى اى دوله اول واحد هيسافر طيب قولولى ايه الشغلانه الحلال اللى فى مصر تخلينى اتجوز وامن مستقبلى لو حد عارفها يبقى يقولى عليها

دلوقتى علشان تبقى غنى فى مصر يا تسرق يا تلعب كوره يا تشتغل رقاصه

وطبعا عمرك مهتبقى حرامى زىــــــــــــــــــــــــــــــ اوعى الرقابه

ولا هتلعب كوره زى ابو تريكه

لا بس ممكن تهز وسطك زى دينا او فيفى اتكل على الله واشتغل رقاصه على راى عادل امام

احمد الفخرانى كتب:: انا عايز اقول حاجه وحيد ده جارى ولو جاتله فرصه عمل فى اى دوله اول واحد هيسافر طيب قولولى ايه الشغلانه الحلال اللى فى مصر تخلينى اتجوز وامن مستقبلى لو حد عارفها يبقى يقولى عليها

يا منوفى انا مش هسافر اى مكان

هههههههههههههههه
شكرا يا وحيد اى خدمه

وانت يا احمد
انا معاك ان الحياه صعبه بس انت ضامن انك لو سافرت حتلاقى الفرصه الى بدور عليها الى حتخليك تتجوز وتامن مستقبلك
صدقنى بلدك احسن من غيرها وبردوا محدش حيفكرلك تعمل ايه فكر لنفسك وشوف انت تقدر تعمل ايه والله ده مش كلام وخلاص جرب وحتعرف ان عندى حق بس كل حاجه فى اولها صعبه وطول ما انتى متوكل على ربنا وبتاخد بالاسباب ربنا حيوفقك

يا سلام يا سلام يا محمود
ايه الكلام الجامد ده
لالالا ان شاء الله مش حتوصل للرقاصه
ههههههههههه

» سؤال ممكن اسال؟
» ارجو الدخول ومساعدتى اهه اهه اهه
» ارجو من المدير الدخول
» هااااااااااااام جدا جدا (ارجو الدخول)
» عمرها 83 سنة ..وتتحدى الجميع فى ممارسة الرياضية