يوميات طالب جامعى

[size=18][/size
]
فيما يلى يوميات لطالب جامعى مخنوق
طبعا اول حاجه بصحى من النوم عادى
بس مخنوق عشان بكون مطبق
وبعد كدة
يا معلم تقوم تروح تتوضى وتصلى
ولو هتاخد شاور يبقى تمام
تلبس بنطلونك وتى شيرتك
ونخرج من البيت
وهنا تبدأ المعاناه
طبعا الطريق زحمه
تخلص الطريق للمترو
وطبعا المترو ف مصر راااااااايق ع الاخر
وف عز الزحمه يا معلم
تلاقى واحد ماسك مصاحف صغيرة وحاجات تانيه غريبه
ويزعق بعلو الصوت
معايا سورة ياسين حصريا
قبل اى حد تانى
ويقولك اساليب دعائيه غريبه
وطبعا المراوح ف المترو عطلانه
ويوم متشتغل يبقى عيد قومى
وكل دة و تلاقى راجل ظريف
ماسك ف الحديدة كانه وارثها
يا عم الحج لو نازل عدينى ولا حياة لمن تنادى
ودة غير ستات وبنات عجيبة الشكل
تكون مثلا قدامك
وانت عايز تتجنبها لا تمسكك قضية تحرش وهى مش ناقصه اساسا
طب سؤال هما عملوا عربيات للستات ليه
عشان المعيز مثلا
ولا هى تلاكيك
المهم ويوم لما تيجى محطة الجامعه
تلاقى ميت واحد بيزنق عليك
قال يعنى هنلعب نيد فور سبيييد
ولما ربنا يكرمك وتنزل
اول حاجه اطمن ع محفظتك عشان ولاد الحرام كتييير
تيجى ع المكنه بتاعت التذاكر وتسمى
ولو عديت بالسلامه
انطلق ع الجامعه
وهنا قمة التلوث البصرى والسمعى
وكل انواع التلوث اللى خلقوا ربنا
ع يمينك بنت ماشيه مع واد لطيف
ومقضينها سنتحه للصبح
هى تتنحنح وهو يرفع ف صوته
اما شمالك واد امور بنضارة شمس
موضة طه حسين
وفاكر نفسه هيلاقى البنات جايه عبيه زى الدبان
وقال ايه بسلامته الشمس بتبوظ بشرته
النايتى الطعم
وهو اساسا ولقف ف حته ضله
بس تقول ايه موضة تامر منه لله
اما ع شمالك شوية بنات ع ولاد بيلعبوا المنديل
وقمة الاستظراف اللى خلقوا ربنا
وتلاقى زحمه ع العمدة مثلا ولا الجلاب
هى تقوله لا هدفع انا
وهو اعدمك محدش هيدفع غيرى
يا سيدى انجز عايزين نجيب كانز ولا فرنساوى
امرنا لله
اخيرا المدرج
هنا بقى قمة الخنقه
زحمه جدااااااااااااا
ولما تلاقى مكان يقولك محجووووز
قال يعنى سينما
والفيلم هيبدأ
ويجى الدكتور وانت وحظك واقف قاعد ان شالله ع الحيط
يبدا الدكتور و على وشعه غضب ربنا
وطبعا كل ولد مأنتم مع بنت عامل نفسه فاهم
وبيعرض انه يشرح

عشان ننجز تخلص المحاضرة
ولو هتقعد مع بنت ولا واحدصاحبك
قابلنى لو لاقيت مكان
تيجى تروح
مقدامكش غير حلين اما مواصلة الشعب المترو
اما مواصلة الشعب برضه الميكروباص
وكدة او كدة انتحار
بس نعمل ايه
توصل بالسلامه للبيت
وتحلف انم مش هتعتبها تانى
يجى بابا او ماما يقولك مستقبلك يا ضنايا
وبنبرة تهديد غصب عنك هتروح تانى
تتغدى
ولو فيه جورنال تقراه
ولو مفيش يبقو دش
وبس يجى معاد النوم
ولو بكرة اجازة
قشطه
تصحى براحتك يا معلم
ولو عندك ماتش ف الدورى الانجليزى تشوفه
ولو مفيش يبقى فيلم ع الشو تايم او الام بى سى
ولو اتفرجت وعملت دماغ
يبقى كومبيوتر
وعيش بالسبع تمن ساعات
وطبعا يجى بابا يابنى ذاكر
الكومبيوتر مش هينفعك
وتانى مستقبلك
ع اساس انى عندى رباط صليبى ومش هلعب كورة تانى
وبعد ما تخلص منه
تيجى تنام
وكوابيس سعيدة
وتصحى
مخنوق لانك مطبق برضه
وتبدا المعاناه مع الجامعه من تانى
و كفاية كدة

هو انت معانا في الكليه ولا ايه
كويس مش احنا لوحدنا
تجربه جمييييييييييييييييله

أها أبوحميد في تجارة القاهرة

ايه يا محسن ما احنا كلنا بنعمل الحاجات دي ولا ايه
مهما اختلفت الكليه او الجامعه حتي ولا ايه رايك

هههههههههههههههههههههه
انت قهراوي؟ يللا معلش ربنا معاك

الاخت فينوس من نيو يورك؟؟

طيب ليه كده يا مانشيستر ماانت كنت شغااااااااال زي الفل
وبعدين الاخت فينوس كانت بترد علي محسن اوك؟؟؟؟؟؟

شغال كويس ع اساس انى خلاط وباظ
عالعموم انا مكانش قصدى تريقه والله
اصل انتى بتتريقى ع القاهرة
وبعدين المحله كويسه برضه مش انتوا مسميين الغزل الاجنتين مصررررر
وانا بحب الارجنتين
بس طبعا اسماء وخلاص عندكوا

يا عم محسن انت بتهدى الجووووو
فعلا النائب المناسب ف المكان المناسب
وربنا ميجيبش خناق
امييين

يعنى محسن اه وانا وحش
ع العموم مش عارف انتى غاويه خناق ليه

وبعدين اسكندريه محله كفر الشيخ قاهرة
اهو كله ف مصر المخروبه
سورى المحروسه

محسن لو قصدك ع الجرح
الاهلى وباتشوكا
الله يخليك متفكرنيش
بس طبعا زى ما انت قايل ان احنا عارفين اننا الاحسن

بس للاسف محليا وافريقيا بس
قدامنا كتير ع العالميه
يا دوب نتضرب ع الاوفسايد ونبقى جاهزين لمانشيستر بس ودى
امضاء اهلاوى حزين جدا

ياجماعة انتوا هتتخنقوا ولا ايه مافيش حاجة تستاهل علشان دة كله كل واحد ليه راي خاص بيه والتانى من حقه يتقبلوا او لاء مش لازمة يعنى الخناق دة كله دة احنا فى منتدى الافضل يعنى العيلة الواحدة ماينفعش نخبط فى بعض كدة

لأ عادي إحنا بهزر

ايوه ياجماعه هوده اللي بيحصل مع الكل

ربنا مايجيب خنااق احنا اخوات ف بعض
وشكرااا لكل الردود الجميله زى صحابها

nice man