لو جيلك عريس ادخلي هنا

ازاي تقابلي العريس اول مرة

هناك قاعدة تقول إن "الانطباع الأول يدوم" يعني الفكرة اللي هياخدها عنك
الشاب اللي جاي ده في أول لقاء هيترتب عليها حاجات كتير أوووي نفس الشيء
بالنسبة ليك الفكرة اللي هتاخديها عنه من أول مرة هيترتب عليها حاجات كتير
أوووي

علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب

طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه
وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش
قال لي كلمة مفيدة أقدر أستفيد بيها

ماتخافيش.. إحنا دلوقتي هنمشي معاكي خطوة خطوة ونقول لك تعملي إيه

لو جيلك عريس ادخلي هنا 1513556685263051484

لو جيلك عريس ادخلي هنا 1513556685263051484

الخطوة الأولى

جهزي نفسك نفسيا ومظهريا

1-

علشان ماتتعبيش نفسك وأعصابك على الفاضي ياريت تشيلي من دماغك فكرة إنك
بضاعة جاي العريس يتفرج عليها لأن دي حاجة مش صح وحطي في دماغك إن ده جاي
يتعرف على البنت اللي ممكن تكون شريكة حياته وإن دي حاجة مش عيب ومفيش
منها أي تقليل من شأنك

2-

حاولي على قد ما تقدري تخلّي أعصابك هادية جدا وتبعدي عن أي مصدر قلق أو
توتر.. علشان التوتر ممكن يبان على وشك واحنا مش عايزين كده احنا عايزين
عروسة زي القمر وياريت كمان قبل الميعاد ده تاخدي دش دافي

3-

بعد كده ادخلي الأوضة عندك وابدأي في اختيار لبسك.. وعلى فكرة النقطة دي
بتحير بنات كتيييير أووووي لأنهم بيحتاورا يلبسوا كلاسيك ولا لبس عادي

بس بيني وبينك ياريت أول مرة دي تلبسي لبسك العادي اللي انتي بتلبسيه وأنت
خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون
قماش مش جينز أو لو كنت بتلبسي جوب وبلوزة البسيهم برضه وده علشان يشوفك
على طبيعتك في اللبس وبلاش موضوع إنك تلبسي بدلة لأن دي هتخلي الحكاية
تبقى رسمي أوووي وممكن تبيّنك أكبر من سنك

واوعي تنسي تختاري الألوان اللي تكون مناسبة عليك وتنور وشك

4-

لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

5-

ياريت في اليوم ده ما تكتريش في المكياج علشان ما تبقيش عاملة زي
البلياتشو.. وخليك بسيطة جدا في مكياجك يعني كفاية أووي إنك تحطي روج
وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي
جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود
طبيعي

6-

خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي

أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده

لو جيلك عريس ادخلي هنا 1513556685263051484

الخطوة التانية

أثناء اللقاء نفسه

1-

بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على
اللي قاعدين.. كفاية قووي إنك تدخلي بابتسامة بسيطة على شفايفك وتسلمي على
كل اللي موجودين وعليه هو كمان.. واقعدي وخليك شاطرة واختاري إنك تقعدي في
الكرسي اللي يكون مواجه له علشان تقدري تشوفيه كويس لأن ده حقك الشرعي
وخليكي واثقة من نفسك وخدي الموضوع ببساطة علشان يعدّي

2-

لو مامته جات معاه ياريت تخلّي بالك منها وبلاش تكشّري في وشها وهي
قاعدة.. خليكي مبتسمة ليها دايما حتى لو قالت حاجة مش عجباك اوعي تردي
عليها رد مش مناسب وكلميها عادي وحاولي تكسبي رضاها وخليكي ذكية وفكري في
كل كلمة قبل ماتقوليها

3-

وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه

4-

لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك

5-

خليكي جريئة ولو وجه لك الكلام ردي عليه بذوق من غير كسوف

*******

لو جيلك عريس ادخلي هنا 1513556685263051484

كمان خدي بالك أوووي

1-

لو سمحت الظروف وقعدتوا مع بعض ياريت تتكلمي معاه في أمور عادية جدا.. زي
مثلا البرامج اللي بتعجبك في التليفزيون أو عن حاجة تكون حصلت قريب وشدت
انتباهك وابعدي عن الكلام في أي مواضيع تكون مسار جدل زي مثلا الكرة
والأهلي والزمالك.. ولو تطور الكلام بينكم لأي مواضيع فيها جدل خليكي ذكية
وبلاش يكون عندك تحيز في الرأي واسمعي منه وابدي رأيك بأسلوب لطيف من غير
ما تحرجي نفسك أو تحرجيه

واوعي في أول كلام بينكم تسأليه أي أسئلة شخصية أو أسئلة محرجة زي مثلا
إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة
اللي من النوع ده ما ينفعش تسأليها في أول مقابلة

2-

لو كان اللقاء في مكان عام زي النادي مثلا أو كافيه أو خلال مناسبة ما
فحاولي تقللي من نظراتك حول الأشخاص الموجودين في المكان وركزي في الشخص
نفسه*******

الخطوة الثالثة

بعد انتهاء اللقاء

بعد ما يمشوا عايزاكي تقعدي مع مامتك وتحكي لها على اللي حصل وتفكري معاها
كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو
بسيطة هتكون بانت قدامك ولو مش قادرة تحكمي كويس ياريت تطلبي لقاء تاني
علشان تقدري تحكمي على أساس صح.. وربنا يوفقك

لو جيلك عريس ادخلي هنا 1513556685263051484

وعقبال كل بنات المنتدى لما يطبقوا النصائح دى عملى

لو جيلك عريس ادخلي هنا 11607848311408363941

اهم حاجة الشاور عشان الريحة
هعهعهعهعهعهعهعهعهعهعهعهعهعهعهعهعه

هههههههههههههه

شكرا للمرور

هههههههههههه

شكرا للنصايح وموضوع جميل تسلم ايدك

وان شاء الله هتطبق Very Happy

موضوع جميل جدا ومثير

lo2lo2a كتب:: هههههههههههه

شكرا للنصايح وموضوع جميل تسلم ايدك

وان شاء الله هتطبق

شكرا للمرور وعاوزين نسمع سمع خير مع اول مغفل اقصد عريس

نانا كتب:: موضوع جميل جدا ومثير

شكرا للمرور الجميل يا نانا

شكرا للمرور وعاوزين نسمع سمع خير مع اول مغفل اقصد عريس

Surprised

مغفل

ههههههههههههههههه

ان شاء الله اكيد طبعا اول واحد هتكون معزوم على المغفل قصدى العريس

فعلا موضوع مهم وعدنا علية قبل كدة وعدنامرحلة الغفلة ونقول دى سنة الحياة وربنا يفرح كل الاخوة و الاخوات في الافضلونصايح جيدة جدااااااااا وشكر يامحمود

طبعا انا كمان اللى هسالك عنه وعن اهله واجيبلك سيرته الذاتيه كلها

dihk

هديل النوبة كتب:: فعلا موضوع مهم وعدنا علية قبل كدة وعدنامرحلة الغفلة ونقول دى سنة الحياة وربنا يفرح كل الاخوة و الاخوات في الافضلونصايح جيدة جدااااااااا وشكر يامحمود

شكرا ليك يا حسنى يا حبى للمرور الجميل

الشكرليك ياحبوب على مجهودك المشكوررررررررررررررر

تؤ تؤ تؤ

والله كتير كدة

مشكور على الموضوع الجميل ده يا حمود باشا

واظن البات كلهم استفادو مع ان البنات بيبقو متدربين

هههههههههههههههههههه

هههههههههههههه

يلا تزود خبراتهم كمان وكمان

هههههههههههههه

شكرا للمرور سيادة الريس

هههههههههههههههههه
عسل اوى يا محمود
شكراا ع المعلومات

شكرا ليكي يا جهاد دا من زوقك

شكرا

التوبيك حلو كتير تسلم ايدك يامحمود عليه بس عادة التوتر مافيش اى حاجه بتضيعوا ابدا ولا شور ولا اى حاجه يعنى الكلام حاجه والفعل حاجه تانيه خاااااااااااااااااااااالص

saviola كتب:: شكرا

عفوا

r_m6104 كتب:: التوبيك حلو كتير تسلم ايدك يامحمود عليه بس عادة التوتر مافيش اى حاجه بتضيعوا ابدا ولا شور ولا اى حاجه يعنى الكلام حاجه والفعل حاجه تانيه خاااااااااااااااااااااالص

لا يا نور حاولى متوديناش فى داهيه

وعلى العموم اتا عاوز دعوة الفرح متنسيش

بجد متشكرة جدااااااااااااااااااااااااااااا ع الموضوع التحفة ده والله يا محمود موضوع جميل ومفيد جداااااااااااااااااااااااااااااااااااااااااااااااااااااااااااااااااااااااااااااااااا

شكرا للمرور يا بلو آيز ومتنسنيش فى دعوة الفرح ان شاء الله

شكرن على الموضوع الجمييييييل دا و مفيد اوى على فكرة و نصايح جامدة

نايس مجهود و تسلم الايادى على الموضوع !!!!

» اختاري رقم يطلعلك عريس ومهنته?????
» عريس مخنوق من نفسه شوفو دعوة فرحه
» ما هو اول حرف في اسمك ؟ لا داعي للقلق, ادخلي الان وتعرفي على المعاني التي يلقيها اول