أمثااااااااال مصرررريه إنما إيييييييه !!!!!!!!! - المشاركة رقم 30 ألف ليا في المنتدي

1- قد الفوله والحس حس الغوله
(المثل ده بيتقال لما يكون واحد مافيهوش إلا لسان وخلاص وما شاء الله ربنا
مديله حونجره تهد جبل وهو أساسن مفيهوش نفس هههه يوضع سره ف أضعف خلقه

2-اللى إفتكرنى ما حقرنى ولو جاب طوبه وزقلنى
(ده بقى بيتقال لما يكون فى ناس مبتشمش ومعندهاش دم ويبقى الواحد مغرقهم
جمايل من ساسهم لراسهم وتلاقيهم ولا هما هنا ولا ف الجمجمه لا واللى يزيد
ويغطى بقى لما يفتكرك يروح بعتلك كلمنى شكرا ههههه يا عم روووووح محدش
يجيلك ف حاجه حلووووه

3-الحاجه فى السوق تقول نينى نينى لغاية ما ييجى الأهبل ويشترينى
(ده بقى بيجسد الحال اللى إحنا عايشينه دلوقتى الا ياخويا الناس مبتنضفش
ولا تلبسش ولا تاكلش إلا ف الأعياد تنزل الشارع قبل العيد بيوم ترش الملح
مينزلش يللا دووووووووونيا

4-جبنا الأقرع يونسنا كشف راسه وخوفنا هههه
(ده بقى زى اللى تسمعه يقولك جبتك يا عبدالمعين تعين لقيتك عاوز تتعان هههه لقيتك عاوز قلم على قفاك هههههههه

5-خد من الزرايب ولا تاخد من القرايب ههههه
(أغلب الناس يقولك انا عمرى ما اجوز بنتى لابن اخويا ابدنننن تقوله ليه
يعم يقولك ده اقرع ونزهى هههه ولا يقولك ده طينته نيه ولا بيعرف حاجه ولا
يقولك آجى اكلمه ف الشقه ولا ف المهر يقولى يخويا مش هنختلف ولا مراته
تقولك ده انا احنا واخدينها بس عشان بتعرف تخبز على ايديها هههه مش حسب
يعنى ولا نسب ولا بتاااااع ههههههههه والله يعم جوااااااز الزرايب احسسسسسن

6-يادى الشيله يادى الحطه رحت على جمل وجيت على قطه
(ده بقى بيتقال لما تخرج الصبح بجنيه وترجع بربع جنيه ههههه زى ما كانوا
بيقولوا زمان رجع بخفى حنين او تيتى تيتى زى ما رحتى زى ماجيتى او مثلا
يعنى تبقى بتذاكر طول السنه والاخر تطلعلك بمادتين ههه بعيد عن السامعين
طبعا وتقول ده الداكاتره ظلمونى هههه ال يعنى الدكتور كان بيقعد يشيش معاك
ع القهوه خخخخخ

7-الخنفسه شافت ولادها ع الحيط قالت يا لولى ملضم ف خيط ههه جامد المثل ده بيعجبنى اوووووى
(ده بقى لما تلاقى واحده قاعده عماله تشكر ف بناتها بقى وعماله تقول وتعيد ودودودودو

8-لو كان القرد بص لحاله ما كان الحب جه على باله ههههههه
(ده بقى بيقولوه للى شايف نفسه شويتين وشايف ان مفيش لا قبله ولا بعد ويمشى يقولك يا ارض اتهدى ما عليكى قدى خخخخخخ

9-وختامه رقصصص بقى
ال إيه اللى متعرفش ترقص تقول الأرض عوجه هههههه والنبى ده انتى اللى عوووووجه
(ده بقى بيتقال للواحده اللى مبتعرفش تعمل حاجه خالص ولما تبوز حاجه تقولك
ده قدرى لا وايه هى السبب ف كل التبويز ده يعنى مثلا لما تزود الرز شوربه
وتعمله عجينه تقولك قدر هههههههه

وفيه مناسبة حلوة وهي المشاركة دي رقم 30 ألف ليا في المنتدي

تحياااااااتى للجمييييييييييييييييييع

مشكور يا محسن باشا على الموضوع الجميل

والف مليون مبروك على ال الفيه 30

وعقبال المليون

الله يبارك فيك يا سيادة الريس وشكرا لمرورك العطر ده وعقبالك كده قريب Very Happy

مشكوووووووووور جدا على الموضوع والف مليون مبرووووووووك على الالفية 30

مبروووووووووووووووووووووك محسووووووووووووون وشوية امثال من الاخر تسلم الايادي

» هل تشاركني الرأي إن المنتدي مالوش طعم من غير روح المنتدي منة؟؟؟؟؟؟؟؟؟؟؟
» ممكن من عباقرة المنتدي
» كرافتات شيك لشباب المنتدي
» تبادل اعلاني مع المنتدي
» مرحبا بأعضاء المنتدي