تخاريف البنج...............!!!!!؟؟(1)

فى البدايه احب اقول انا الموضوع منقول عن واحد صحبى
انا عاوز احكى لكم حكايتى وانا فى المستشفى..

كان يا ما كان فى سالف العصر والزمان.......

لالالا دى بدايه قديمة اوى.!!

طيب فى يوم من الايام وانا جالس فى الظلام دخل

على رجل........

لا برده بدايه مش حلوه خالص..!!

الصراحة انا محتار اكتب منين او ابتدى ازاى ...!!

اصل المبنى هنا فى سكون شديد اوى...

بعد انتهاء وقت الزيارة....

وبعد ان يسدل الليل ستائره السوداء.

السكون يعم المبنى ...لم اسمع اى صوت.!!

ممكن من حين لاخر اسمع صوت نعال احدهم يأتى من بعيد..

ثم يعلو تدريجيا ثم يتلاشى مره اخره..!

او صوت ناموسة وهى تحوم حولى وتدور وانا اتربص بها..

وكأنى انصب لها كمين ..

وأحاول ان اضربها ولكنها تطير بعيدا وتنجو بحياتها..!!!

ويأتى صوت النعال مرة ثانية ويعلو تدريجيا...

ولكنه هذه المرة يقترب...ويقترب.....

انه يقصد غرفتى...

وانا احدق بعينى ناحية الباب قلت.....مين...

ما هذا ...!!!

انه رجل كبير السن ذو لحية بيضاء طويله كثيفة...

يبدو عليه ارهاق الزمن.

قال: السلام عليكم.

قلت : وعليكم السلام.

اى خدمة ...عاوز منى حاجة.

شكرا يا ابنى انا جاى ادردش معاك شويه بس ....

اسليك يا سيدى.

قلت: اتفضل .

وجلس بجوارى على السرير.

قلت: من انت .

قال ...بصوت رنان يتجاوز الاذان بسهولة...

((( انا الواقع. ))))

تعجبت كثيرا..!!

وتمالكت نفسى ونظرت اليه وقلت..!!

انت باين عليك كبير فى السن اوى.

قال: يا بنى الزمن الى عمل فى كده .

وظهرت على وجهه ملامح كئابة غير عادية..!!

حبيت اغير الموضوع..نظرت اليه وقلت.

تحب تلعب معايا شطرنج..!!

بس خد بالك انا مش بتغلب بالساهل..

نظر الى وهو مبتسم ابتسامة خفيفة وقال.

بس انا هلعب بالقوانين بتعاعتى انا ...!!

وانشوف مين الى هيغلب..

تعجبت ولكنى قلت ....موافق.

وأحضرت الشطرنج من جوارى.

وبدأنا اللعب

ايه ده انت بتلعب بطريقه عجيبه..

ده مش من قوانين اللعبه

منا قلتلك القوانين اتغيرت...وده الى بيتلعب بيها الايام دى

استنى بس الملك بيتحرك خطوه واحده بس

قال : يا ابنى ده كان زمان الان بيتحرك زى ماهوه عاوز.

وعمره ابدا ما يكش... ولا يموت.

وانت ليه مش بتحرك الوزير.

ده مش بيتحرك الى بعد سنه.

على طول فى مكانه..

لا بيتحرك ولا بيتغير..

طيب والطابه...

مش بتعيش كتير..!

ليه بس.

الى بيمشى فى خط مستقيم بيموت بسرعه.

انا بسأل وهو يرد واحنا بنلعب.

بصيت كده لقيته موت كل العساكر والطابة والفيل
والوزير والحصان....كله

قلت: انت موت كل جنودى بالملك انت مش بتحرك غير الملك.

قال: هو الملك كل حاجة يعمل الى عاوزه .

يموت ده...يسجن ده...يعزل ده..برحته.. مين يقدر يقول له لا...؟؟

سكت لحظة وطأطأت رأسى الى اسفل..

وحسيت بدوخه فى رأسى....

وقلت: انا تعبان اوى ممكن نكمل فى وقت اخر...!!

شويه كده واكملكم باقى القصة.!

اصل انا حاسس انى البنج لسا مأثر على

فاصل ونواصل

يا جماعة للموضوع تكملة
تابعوا باقى التخاريف

إيه ده كل ده بيحصل من البنج يا ساتر يا رب

ولسه فى كتير بس فين ردود الناس

والله موضوعك جميل يا عصام وفعلاالراجل العجوز عنده حق من الان فى قوة الملك

ههههههههههههههه ما احلى التخريف

موضوع والله جميل
ومستنيين البقيه Very Happy

تخاريف البنج2

بعد ان استرحت قليلا ...!!

عاد الرجل لنكمل الكلام.

قال : ايه اخبارك الان يا رب تكون بخير..!!

الحمد لله احسن شويه.

بس انت كل حاجة عندك متغيره عن الى احنا عارفينها

ما هو ده الواقع يا ابنى

طيب ممكن اسألك شوية اسئلة.

ممكن اتفضل...!!!

ما معنى السياسة..؟؟؟

هاقولك يابنى

عارف لما واحد حرامى ياخد واحد..... بالسياسة.....

فى شارع ضلمة ويحط ( المطوة) فى جنبة....

بالسياسة...

ويسرقة.... بالسياسة.....

ويقوله.... بالسياسة..... عارف لو اتكلمت انا هعمل

فيك ايه

مش عاوز اسمع حسك

ويمشى... بالسياسة.....

يااااااااااه

طيب

فى مصطلحات كتير بقيت اسمع عليها مش عارف

معناه.

ممكن اسألك عليها

اسأل يا سيدى.

( التحديث )

ده السياسات الحكومية الجديدة الى بتخلى المواطن يمشى فى الشارع وهو يتحدث مع نفسة

( التعددية )

دى حرص الحكومة علشان تبقه ضامنة تعدد الفترات الرئاسية للحاكم
علشان يخلية فى الحكم الى ان يعدد الشعب عليه

هههههههههههههههههه

ضحكت كتير ما هو زى ما بيقوله هم يبكى وهم

يضحك

وكملت اسألتى

( قانون الطوارئ )

ده قانون مأليفينه

علشان يعمله الى همه عاوزينه

راجل نايم فى امان الله

يلاقى الباب بيطير

والبيت مليان ناس لبسه اسود

ومعاهم مدافع ورشاشات

وعندما نسأل ما هذا..؟؟

يقولون

قانون الطوارئ.

( سياسة الاعتدال )

دى علشان الحاكم يتعدل فى قعدته على العرش

فى نهاية كل فترة رئاسية

استعدادا لفترة جديدة...!!!

( التضخم )

دى الحالة الى بتصيب الشعب بعد ضربه على قفاه
اكتر من ربع قرن

قلتله خلاص كفاية

مش هسألك تانى

انت قلبت دماغى على الاخر

بس برده فى حاجات كويسة التاريخ ممكن يذكره

طيب انت ايه رأيك فى ( تحرير سيناء )

اه مش دى شبه الجزيرة الى حررها المصرييون بدمائهم

ليمنعوا فيها الاسرائليين بالتجول فيها بالملابس العسكرية

ولتسمح لهم اتفاقية كامب ديفيد بالتجول فيها بالمايوهات..!!

خلااااااااص كفايه يا عم الواقع

انا مش عارف اضحك ولا ابكى.

هم يضحك
وهم يبكى
وهم ياجمل
وهم بورجر
وهمــــــوت من التعب
وهمـــشى انا بقه

استريح شويه وهجيلكم تانى

فاصل ونواصل

نايس تهييس

موضوع جامد تقبل مرورى

هو ده فعلان الواقع

نايس موضوع

» تخاريف الخريف*************