لمحبى صلاح جاهين

ربااعياااااات صلاااح جاهينأنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

************************************************** **

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



*********************************************

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

*******************************************

يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي

**************************************
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي

*****************************************

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

**********************************

أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي

********************************

لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي

**********************************

جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي

*************************************

يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي

**********************************


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

***********************************



أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي

**********************************

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي

******************************************

إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي

*****************************************

الدنيا أوده كبيرة للانتظار
فيها ابن آدم زيّه زي الحمار
الهم واحد...والملل مشترك
ومفيش حمار بيحاول الانتحار
!عجبي

******************************************

بحر الحياه مليان بغرقى الحياه
صَرَخت خش الموج في حلقي ملاه
قارب نجاه!...صَرَخت قالوا مفيش
غير بس هو الحب قارب نجاه
!عجبي

**************************************

إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
!عجبي

***************************************

زحام وأبواق سيارات مزعجة
إللي يطول له رصيف...يبقى نجا
لو كنت جنبي يا حبيبي أنا
مش كنت أشوف إن الحياة مبهجه؟
!عجبي

*************************************

إيديا في جيوبي وقلبي طِرب
سارح في غربة بس مش مِغترِب
وحدي لكين وَنسان وماشي كده
وبابتعد...ما اعرفش...أو باقترِب
!عجبي

*************************************

فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
!عجبي

*************************************


أنا الذي عمري اشتياق في اشتياق
وقطر داخل في محطة فراق
قصدت نبع السم وشربت سم
من كتر شوقي وعشمي في الترياق
!عجبي

****************************************
يتبع

تسلم ايدك على الموضوع الجميل

محسن شاهين كتب:

الله يرحمه رباعياته أخر جمال وشكرا لإحيائك الرباعيات الجميلة دي يا مني

اللهم امييين وميرسى على مرورك

ابو مصطفى كتب:

تسلم ايدك على الموضوع الجميل

ميرسى ليك وتسلم على مروركـ

الفتى الطائش كتب:

موضوع جميل جداااااااا يا ثريا تسلم ايديكي ومنتظرين المتابعه

ميرسى ليك وان شااء الله البااقى يعجبك

الفتى الطائش كتب:

يا سلام عليكي يا ثريا تسلم ايدك

انا برضه بقول انك مبدعه

ميرسى ياجميل ربنا يخليك

وكيل

و بهيه فى المحاكم ، شدت واحد وكيل
عند البوفيه كان واقف ، بيشرب جنزبيل
و الجنزبيل ده أصله ، للصوت مالوش مثيل
مكتوب عليه ف مجلد ، "مرافعات هابيل"
يشرب منه المحامى ، يمسح أجدع زميل
و يفحم النيابه ، و يقصف النخيل 
و بهيه ماشية جنبه ، فى كوريدور طويل
تشرح له و هى تبكى ، و تبلل مناديل
و تقول له : كتير عليا ، يقول لها : قليل
اتنين ريال يا وليه ، مبلغ تافه ضئيل
خدى بالك م الفصاحه ، و من العلم الاصيل
و الاش لما يحصل ، مفعول الجنزبيل
عنها و دخل عالقاضى ، دخلة أبو زيد تقيل
خبط الترابيزه و قال له ، أنا طالب التأجيـــــل 

يا سلام يا مني رجعتينا لموضوع جميل من مواضيعك

محسن شاهين كتب:

يا سلام يا مني رجعتينا لموضوع جميل من مواضيعك

ميرسى يامحسن ويااارب الباقى يعجبكوا 

محسن شاهين كتب:

شكرا ليكي يا مني بس نسيتي أهم حااجة وهي



















عجبي

ههههههههههمش عجبى دى فى الرباعيات بسمش فى الاشعاار ولا ايه؟؟؟

ههههههههههه أها عندك حق فعلا

محسن شاهين كتب:

ههههههههههه أها عندك حق فعلا

هههههههه طب تمام

حلوة القصيدة دي وفيها إشارات تاريخية مميزة يا مني

قصايد جميلة ونايس عليكي يا مني شكلك بتحبي صلاح جاهين

محسن شاهين كتب:

حلوة القصيدة دي وفيها إشارات تاريخية مميزة يا مني

تسلم على مروركبس ليه شويه قصاائد الواحد مش بيفهم منها حاجه

محسن شاهين كتب:

قصايد جميلة ونايس عليكي يا مني شكلك بتحبي صلاح جاهين

اه جداااااااااااوان شااء الله باقى الاشعاار بتاعته تناال اعجاابكوا