بوب كوييز (ادخل برجلك اليمين)

ازيكوا ياجماعه بصوا بقى
الموضوع ده كبير حبتين
وهو عباره عن اسئله
والهدف من الاسئله دى اننا مش نجاوب وخلاص لا
الهدف اننا نعرف بعض بجد
يلا نبدأ بقى
لا بجد

أنا فكرت اعمل موضوع في أسئلهـ شاملهـ من كل حاجهـ
عشان نعرفــــ عن بعض أكتر ,,



طبعا في كذا قسم في الأسئلهـ
اللي حابب يجاوبها كلها براحتو

واللي حابب يجزأهم على مراحل برضو براحتووو
واللي حابب يجاوب على قسم واحد بس مفيش مشاكــــــل
هنزلهمـ على كذا قسمــــ ,, ومستنيهـ ردودكمـ

هبدأ معاكم




**(( القســـــــــــمـ الع ـــــــــــــام ))**

* اسمك وعمرك ؟؟ وايه هو تقديرك المعتاد بالجامعه ؟؟
>>>>>> ( ممتاز ,, جيد جدا ,, جيد ,,,مقبول........الخ )
* نوع جوالك ؟؟؟
* ترتيبك بين العائله ؟؟
* برجك ؟؟ وتاريخ ميلادك ؟؟ مع سنة الميلاد ؟؟؟؟؟
* لون تحبه ولون تكرهه ؟؟
* أكلتك المفضله ؟؟ حلاك المفضل ؟؟ فيلمك المفضل ؟؟
* ايهـ علاقتك مع المطبخ ؟؟
* مغني تحب تسمعيله ؟؟ واكتب اسم أغنيه تحبها له ؟؟
* كتاب تنصح أعضاء منتدي الأفضلـ إنهم يقرؤنه ؟؟
>>>> اسمـــــه ,, واسم المؤلف ....
* مادة تحبها ,,, وماده تكرهها ؟؟
صفه تكرهها بالبنات والشباب ,,,,,, وصفة تحبها ؟؟
* تعرف أحد من المنتدى عندك على الماسنجر ؟؟
{ give me names }

* ازاي علاقتك بالـ english ؟؟

* إيهـ أحلى كلام قلته بحياتك ؟؟؟؟ وأكثر كلام قلته وندمت عليه ؟؟

* اشرح نفسك باختصار لما كنت :
( طالب )
(مراهق )
( ابن )
( عاشق )
( صاحبة شأن أو منصب )

* (( العضو العزيز )) >>>> اوصف نفسك بما لا يقل عن 3 سطور ؟؟؟؟

**(( القســـــــــــــــــمـ الاجتماعي ))**

* لقيت بحياتك شخص يفهمك زي ما انت ؟؟ مين هو الشخص >>> اذا جاوبت بنعم ؟؟


* ايه هو أول حاجه تخطر ببالك أول ما تقوم من النوم ؟؟

* موقف محرج حصللك ؟؟


* مين الشخص اللي تقوله :

(( ما ينفعش الندم ,,, خلاص افترقنا ))

(( انت بحياتي كل شيء ,,, أنا بحياتك من أكون ؟؟ ))

(( لولا الله ثم إنت ما كنتش نجيت بهالدنيا ))

(( للأسف ما عرفتش قيمتي كويس ,,, النهارده هتخسرني ))


(( ما توقعتهاش منك )) !!!!!!!!!!

* أوصف بـ كلمه وحده بس كل من :
(( البحر - الليل - الشعر - الدنيا - الإرهاب- الحب - الإنسانيه الضائعه ))
* هل الخيانه صارت بنظرك شي عادي وطبيعي بهالزمن ؟؟؟
* ايه هو طموحك بالحياه ؟؟؟
>>>> حددلي حاجهـ معينه عايز توصللها بحياتك أو مكانه معينه
و متكتبيليش عايز مستقبل زاهر ومزهريه وورد بقى لا,,, وضح أكثر .,,,
* لو ورثت ثروه هـــــــــــــــــائله مع مين هتتقاسمها ؟؟
>>>>> ولاحظ اني قلت تتقاسمها
بمعنى القسمه على اثنين ولا اكثر
يعني give me only one name
* ما فيش في حياتك بنت جيران او ابن جيران ؟
* هل سبق لك أن شعرت بالملل وأنت تتكلم مع فتاة جميله جدا
والبنات العكس ؟؟؟

* بنظرك >>>> المرأة أم الرجل ,,,
أيهما أصدق في الحب وأوفى ؟؟؟
* تخاف من الموت ؟؟
* لو عينوك ملك على دوله معينه ؟؟
ايه الدوله اللي هتختارها ؟؟؟ و هتغير ايه فيها ؟؟؟
وليـــــــه ؟؟

* ايه هو وضعك العاطفي دووووقتي ((( مش محجوز/هـ - مرتبط/هـ )))

* أكتب مقطع من أغنيه تعتبره حكمه ؟؟
* هديه كنتي تتمناها وجتك ؟؟؟ وهديه تتمني دلوقتي انها تجيك ؟؟
* عمرك ندمتي على شخص سبته ؟؟ أو على علاقة حب أو صداقه فاشله ؟؟

* ايه شعورك من ناحيتي اللحظهـ دي وانت واصل سؤال ( مش عارفه كام )
>>>>>> بجد قولي
ما فيش بينا حاجهـ

ههههههههههههههه

* مقلب عجبك وانعمل فيك ؟؟؟ ومقلب عملته في حد ؟؟؟
* لو يرجع الزمان لورا ,, تغير ايهـ ؟؟
* 5 ورود حمرا لمين تهديها ؟؟؟

* هل حبيبتك أو اللي معجب فيها _ لو في يعني _ معانا هنا بالمنتدى ؟؟؟

* ايه أسوأ يوم ,’, مر في حياتك ؟؟
* ايهـ أمنيتك الوحيــدة اللي كانت صعب تتحقق ؟؟ بس انها لما كانت
على وشك الحصول ,’, اتفركشت ؟؟؟
* أمنيه نفسك تحققها لحد ؟؟؟ حتى ولو كانت مستحيــــــــله ؟؟
* كم مرة حبيت من قلـــــــــــب ؟؟؟
* ايهـ اقصى التضحيات اللي ممكن تعملها ,’, عشان شخص معين ؟؟؟
* لو انك على ( لا قدر الله ) فراش الموت ؟؟؟ مين الشخص الوحيد
اللي هيكون نفسك تشوفه ؟؟؟
* بتعمل ايهـ لما تكون معصبه وواصله معك ؟؟؟
* لو انت كائن حي غير الانسان ( تختار تكون ايهـ ) ؟؟
* لو عندك معجزة زي مثلا الطيران أو الاختفاء ,’, تتمناها تكون ايهـ ؟؟؟


وووووووووو إنتهى القسم التاني
**(( القســــــــــــمـ الأدبــــــــــــــــــــي ))**

* إن كتبت رسالة حب ... كيف تكتبها ,, بعقلك ولا بعاطفتك ؟؟؟ وليــــــــه ؟؟
* ( في أحلامك ) هل تسعىإلى إكمال مالم تستطيع إكماله أنت أو غيرك في الواقع ؟؟
* إذا دخلت مدن الشوق وتعرفت على مشاتل الجموح المسكون بالتحدي ,,
ترى بأي شيء تمتلىء سلال تجربتك ؟؟
* إن خيرت أن تكتب شعرا بأهداب امرأهـ أو بحد السكين ,, أيهما تختار ؟؟
* لكل مرهف حلم مستحيل تحقيقه ,, ما هوية حلمك المستحيل ؟؟
* لمن تقرأ من الشعراء ؟؟
* بمن تأثرت في حياتك عموما وتجاربك ؟؟

* إن كنت شاعر لمن ستكتب :
>>> قصيدة إعجـــاب (( ---------------))
>>> قصيدة رثاء (( ------------- ))
>>> قصيدة عتـــاب (( -----------))

طبعا تكتب اسم شخص و علاقتك فيه

* من كان أكثر تأثيرا في ينابيعك الشعريه : أول تجربة حب ,, أم أول دهشة أمام الحياة ؟؟
* يتأثر التعب مع أكتافنا لحظة أن نواجه المفارق فتئن مفاصل الحنين وتتلوى خاصرة الرضا ,,
فماذا تفعل أنت
أمام الفراق ؟؟

انتهى القسم التالت
**(( قســـــــــم ثريا للحفشتاكالانات ))** (قسسسسسسسسسمى )





* ,,, ايه رأيك في ثريا....ولو قلتلك اني هطلع من المنتدى
هتكتبلي ايه ؟؟( اوعى تقولى غورى فى داهيه)

* ايش الحاجات اللي ناقصاني عشان ابقى اكون كويسهـ ؟؟
* ايه السلبيات للي فيا ؟؟؟

* لو قلتلك اطلب مني طلب اقدر انفذو ,, تطلب ايه ؟؟
* ايهـ السؤال الل نفسك تسألهوني ؟؟
* اش الصفة اللي لو موجوده فيا,’, وانت كنت عارفها ,’, ما كنتش اتعرفت علي ؟؟؟
* صفة تتمنى تشيلها مني وتحطها فيك ؟؟؟ والعكس
تتمني تشيلها منك وتحطها فيا
ايه لصفة الحلوة اللي في ( ثريا) اللي مظهرتلكش الا مع الوقت
وايه الصفه الوحشهـ فيا كمان, ما ظهرتلك الا مع الوقت ؟؟؟
* لو لا قدر الله ,’, جه يوم واتخانقنا ,’, وما كلمناش بعض تاني
ولا حتى عبرنا بعض في المنتدى
اش هيا الحاجهـ اللي هتكون في خاطرك ونفسك توجهالي ؟؟
• ايه رايك في صراحتي ؟؟

انتهي قسمييي =)
يارب استر هههههههههههه
**(( قســـــــــــــــــم المنتدى بتاعنا ))**

* تعبت من الإسئله ولا لأ ؟؟؟ واذا الجواب يس ؟؟ ليــــــه ؟؟؟

>>>>>>>> لا خلص بهزر
يللا جاوبوا آخر حاجهـ مفيش تاني
/
\\
/
\\
/
|
|
|
|
|
7
7
7

* امليء الفراغات : بـ( عضوات & أعضاء )
>>> يعني اسمين لكــــــل فراغ ( مش شرط بنت وولد ممكن بنت وبنت أو ولد وولد >> لكل صفهـ
* شخصية حبوبه ...........
* شخصية اجتماعية ........
* شخصية جذابه ( ( atarctive ............
* شخصية طيوبة ...........
* شخصية حنووونه ...........
* شخصية حكيمة ...........
* شخصية واقعية ...........
* عضو شرس ...............
* شخصية مزاجية ...........
* شخصية تجنن وروعة .....
* شخصية funny .........
* شخصية ذو هيبه .........
* شخصية تعجب الجميع ( بنظرك ) .........
* شخصية عنيدة ............
* شخصية واااثقة ...........
* شخصية ( تحبيها ) ........
* شخصية ما بتعجبكش ردودها بعض الاحياان ......
* شخصية قاسيه ........
* شخصية مغرورة ........
* عضــــو/ة تحسها بجـــد ( شخصية وشموووخ ) ...................

&&&&&&&&

* لو عندك 10 أعـــضاء (تعزهم قووووي ) ( 5 شباب5 بنات )
وراكبين كلكم على مركــــــــــب
ولازم تتخلص منهم كلهــــــــم بحيث انك تكون انت آخــــــــر واحد
>>>> اتخلص منهم على حســـــب الأقـــــل أهميـــــــــة
>>>> مع العلم ان كلهم مهمين ولا مكنتش اخترتهم أصلا
بس البنات لوحدهم
والشباب لوحدهم
اكتب أسماؤهم على حسب اللي هترميه الاول

&&&&&&&&

* ما موقفك إذا :
_ جاك شخص وقالك أحبك ( من المنتدى )
_ لو حد جرحك بكلمة قدام الأعضاء وطلعك غلطان وانت الصـــــــح ؟؟
_ لو حد جادلك جدال عقيـــــــــــم وما عرفتش توصل معاه لحق ولا لباطل ؟؟
_ لو فجأة لقيت رسالة على ايميلك من مجهول ( كاتبلك فيها كل شي عنك ) حتى أعمق اسرارك يعرفها
وانتي اتأكدت انه مش حد تعرفه ,, تعمل ايهـ ؟؟
..
&&&&&&&&&

* لو صفـــــولك كــــــــــــل شباب المنتدى وقالولك اختار 5 تميزهم انت شخصيا ؟؟
مين تختــــــار ... واكتب رأيك فيهم وسبب اختيارك لهم ؟؟



وبس
انا شايفهـ شباشب وقباقييب طايرهـ

حااااااااااااااااااااااااااااااسب


هههههههههه
معلش بجد يا كماعهـ
بحبكم واللهـ ,, اعمل ايه طيب ههههه

ارجو التثبيت
يللاااااااا جاوبوا مستنيهـ ردودكمـ
يلا فين الردود

انا سعيد جدا اني اول واحد ارد علي الموضوع الجااامد بجد بجد جااااامد بمعني الكلمه وبدون نفاق علي فكره....
الاسئله هايله جدا بس كتيييره اوي بس انا هجاوب علي قسم قسم يعني هجزئهم علشان محتاجين وقت وتفكير كتير....
القسم العام
lا* اسمك وعمرك ؟؟ وايه هو تقديرك المعتاد بالجامعه ؟؟

اولا اسمي عمر الشرقاوي وبحب يقولولي الشرقاوي علي طول لاني من الشرقيه فعلا مش مجرد لقب بس...
عمري 19 سنه التقدير جيد ووساعات بتبقي مقبول
* نوع جوالك ؟؟؟
نوع موبايلي 6630 ومسروق حاليا وبحاول اجيب واحد تاني اللي هو n73 music
* ترتيبك بين العائله ؟؟
التاني من فوق
* برجك ؟؟ وتاريخ ميلادك ؟؟ مع سنة الميلاد ؟؟؟؟؟
برجي القوس 1988\11\22
* لون تحبه ولون تكرهه ؟
احب الازرق سماوي واكره الاسود
* مغني تحب تسمعيله ؟؟ واكتب اسم أغنيه تحبها له ؟؟
من القدام شاديه ...علي عش الحب
من الجداد تامر حسني واليسا....كل الاغاني اجمد من بعض
ولنا بقيه ............................................................
وشكرااااااااااااااااااااا علي الموضوع

5-لون أحبه هو علي مستوي الحياة هو الأبيض لكن علي مستوي الكرة هو الأحمر ولون أكرهه هو الرصاصي

الشرقاوي كتب:

انا سعيد جدا اني اول واحد ارد علي الموضوع الجااامد بجد بجد جااااامد بمعني الكلمه وبدون نفاق علي فكره....
الاسئله هايله جدا بس كتيييره اوي بس انا هجاوب علي قسم قسم يعني هجزئهم علشان محتاجين وقت وتفكير كتير....
القسم العام
lا* اسمك وعمرك ؟؟ وايه هو تقديرك المعتاد بالجامعه ؟؟

اولا اسمي عمر الشرقاوي وبحب يقولولي الشرقاوي علي طول لاني من الشرقيه فعلا مش مجرد لقب بس...
عمري 19 سنه التقدير جيد ووساعات بتبقي مقبول
* نوع جوالك ؟؟؟
نوع موبايلي 6630 ومسروق حاليا وبحاول اجيب واحد تاني اللي هو n73 music
* ترتيبك بين العائله ؟؟
التاني من فوق
* برجك ؟؟ وتاريخ ميلادك ؟؟ مع سنة الميلاد ؟؟؟؟؟
برجي القوس 1988\11\22
* لون تحبه ولون تكرهه ؟
احب الازرق سماوي واكره الاسود
* مغني تحب تسمعيله ؟؟ واكتب اسم أغنيه تحبها له ؟؟
من القدام شاديه ...علي عش الحب
من الجداد تامر حسني واليسا....كل الاغاني اجمد من بعض
ولنا بقيه ............................................................
وشكرااااااااااااااااااااا علي الموضوع

ميرسى لردك كتير ياشرقاوى
منتظره باقى الاقسام يلا شد حييييييييييييلك

محسن فوزي كتب:

بسم الله الرحمن الرحيم

أبدا أنا مهرجان الأسئلة ده إللي بيفكرني بالمحكمة

1- اسمي محسن غوزي واسم الشهرة محسن شاهين وتقديري المعتاد في الجامعة هو جيد سبحان الله حتي معظم المواد جيد الظاهر التقدير ده إتعمل علشان أخده أنا

2- نوع موبايلي الدمعة 7610

3- ترتيبي في العائلة الأوسط بين اختين أخت أكبر مني بسنة واخت أصغر مني ب9 سنوات

4- برجي هو الثور وتاريخ ميلادي 14 -5 -1989 ولحسن حظي نانسي عجرم من مواليد 16 -5 -1983

5-لون أحبه هو علي مستوي الحياة هو الأبيض لكن علي مستوي الكرة هو الأحمر ولون أكرهه هو الرصاصي

5- أكلتي المفضلة هي البامية والمكرونة بالباشميل أما حلايا المفضل دايما بأتحلي بالعلم

وفيلمي المفضل هو في العربي المصير علشان بيحكي تاريخ الأندلس وفيلم صلاح الدين الأيوبي وفيلم وا إسلاماه أهي دي الأفلام الجامدة أما في الأجنبي أنا بحب سبارتاكوس ولص بغداد

6- أنا في المطبخ حاجة لازم أعرف أعملها وهي كباية الشاي بلبن علشان دي بتظبتلي دماغي

7- مغني أحب أسمعله من زمان عبدالحليم حافظ وبالذات أغنية أول مرة تحب يا قلبي واغنية من تكون حبيبتي علشان بيعبروا عن نفسي بشكل جامد أما في الحدثاء أكيد عمرو دياب وأنا بأحبله معظم اغانيه وخاصة أغنية سنين إللي في شريط تملي معاك وباعتبرها الأفضل ليه وبعد كده عودوني

8- يظهر بهوى اتعذب واجرى ورى اللى يخلينى اتعب

هو كتاب العظماء مائةأعظمهم محمد لمايكل هارت إللي ترجمه أنيس منصور لإن ده كتاب رائع

9- مادة بأحبها أنا في الثانوي كنت بأحب مادة الفيزياء جدااااااااا وكنت بأكره مادة الإنجليزي

مش بأهضمها

10- صفة بأكرهها في الشباب والبنات هي المنظرة غير كده واحد أو واحدة يعمل نفسه فيها دمه خفيف أما الصفة إللي بأحبها هي العفوية ما فيش أحسن من إن يكون الواحد علي طبيعته

11- الماسنجر بتاعي مخليه للأصدقاء المقربين والعائلة والدكاترة أما الياهو ده عليه تقريبا ربع أعضاء المنتدي الأفضل علشان كده أنا معظم الوقت عامله أوف لاين

12- أنا علاقتي بالإنجليزي أيام الثانوي ليست علي ما يرام أما في الجامعة كويسة وغللي زود كده إني جبت في مادة الإنجليزي السنة إللي فاتت في أولي جامعة جيد جدا فيها وكان ناقصلي درجة عالامتياز ده كمادة أما الإنجليزي كلغة مستخدمة أنا بأستخدمها كتيربطبع إن عندي عالايميل شباب وبنات من دول أوربية وأمريكا

13- أحلي كلام قولته في حياتي هو كلام بيصلح ما بين اتنين وأكتر كلام قولته وندمت عليه ممكن أقول الكلام إللي ما لهوش لزمة

14- طالب يعني طالب علم ده معناها زمان ومن الجذر اللغوي طلب أما أنا كطالب فبنوع بين الجد ية والترفيه

مراهق أنا من النوع إللي ما يحبش يحرم نفسه من حاجة غير كده عايش حياتي بتخطيط يعني للشغل وقته وللحب وقته

ابن أنا ابن أعترف إني بأحب والدتي أكتر من والدي بس أحيانا بأعلن شعار لن أعيش في جلباب أبي

عاشق أنا في العشق متيم لكني أعشق في الخفاء ولا أحسس أحدا بأني أعشق

صاحب شأن او منصب أنا دائما أثق في قدراتي ولا أعرف اليأس أو الاستسلام والصراحة لايقة عليا الحكاية دي

15-اسمي محسن فوزي أعشق الحياة وأنوع بين الجد والهزل ودائما ما أنظم وقتي بينهم

للحب مكان في حياتي ولكنه لا يعرفه إلا أصدقائي المقربون أأخذ مشواري خطوة بخطوة

أجمع بين كثير من الصفات أحب المناقشة دائما لإنها تخرجنا بشيئ مفيد بس كده

كفاية كده دلوقتي

ميرسى لردك يامحسن
وياله ورينا بقى الهمه فى باقى الاقسام
بس ربنا يستر
ومحدش يحدفنى باى حاجه


كتاب أنصح أعضاء منتدي الأفضل (بعد التعديل) يا رب تكوني فاهمة قصدي يا ثريا
اها فاهمه (معلش)

الاسم : اسامة شعيب
العمر : 23 بس شكلي صغير
التقدير : جبت امتراز وبعدين مقبول اة والله بجد
موبيلي : لوقتي لا لاني عطيتو لامي بس بفكر اجيب 6300 لاني شكلو عاجبني
خواتي شقيقي : الاخير ومن الام التانية الوسط
اللون اللي احبة : كل الالوان بس كل لون لية وقتة
اكلتي المفضلة : السمك
المغني : الحقيقة كلو بس عمرو دياب وحماقي وتامر ونانسي بس عمرو لما ازهق اسمع عمرو
الصفة اللي اكرهه : الكذب المؤذي

www كتب:

الاسم : اسامة شعيب
العمر : 23 بس شكلي صغير
التقدير : جبت امتراز وبعدين مقبول اة والله بجد
موبيلي : لوقتي لا لاني عطيتو لامي بس بفكر اجيب 6300 لاني شكلو عاجبني
خواتي شقيقي : الاخير ومن الام التانية الوسط
اللون اللي احبة : كل الالوان بس كل لون لية وقتة
اكلتي المفضلة : السمك
المغني : الحقيقة كلو بس عمرو دياب وحماقي وتامر ونانسي بس عمرو لما ازهق اسمع عمرو
الصفة اللي اكرهه : الكذب المؤذي

اولا ميرسى على ردك
واهلا بيك معانا ياااسامه وياله بقى كمل باقى الاقسام
علشان نعرف الفضايح
هههههههه
وميرسى ليك مره تانيه

Twins4ever كتب:

**(( القســـــــــــــــــمـ العام ))**

* اسمك وعمرك ؟؟ وايه هو تقديرك المعتاد بالجامعه ؟
اسمى .. احمد محمد ..... و تقديرى .. بين مقبول و جيد .. مش ثابته .... يا فاشل يا فاشل
* نوع جوالك ؟؟؟
نوكيا 6630
* ترتيبك بين العائله ؟؟
انا الرابع
* برجك ؟؟ وتاريخ ميلادك ؟؟ مع سنة الميلاد ؟؟؟؟؟
برجى العقرب .. متخفش ...... تاريخ ميلادى 13/11/1988
* لون تحبه ولون تكرهه ؟؟
بحب اللون الاصفر و الاورانج و الاسود و مبكرهش اى لون
* أكلتك المفضله ؟؟ حلاك المفضل ؟؟ فيلمك المفضل ؟؟
التونه ....... بحلى .. الزلابيه و الجاتوه ... فيلمى المفضل The Lord Of The Rings
* ايهـ علاقتك مع المطبخ ؟؟
والله فى الاكل .. فول و بطاطس و بيض و جبنه و حلاوه ... الشرب .. شاى ( اساسى ) و نيسكافيه
* مغني تحب تسمعيله ؟؟ واكتب اسم أغنيه تحبها له ؟؟
انا بحب اسمع لكتير .. بس تامر عاشور ... عاجبنى شريطه اوى .... و الاغنيه ... كلموها عنى
* كتاب تنصح أعضاء منتدي الأفضلـ إنهم يقرؤنه ؟؟
موضوع الكتب ده مش هفيدك .... عشان انا مش مثقف ... او ممكن تقراه ميكى جيب .. حلو
* مادة تحبها ,,, وماده تكرهها ؟؟
بحب المواد العملى ...و بكره النظرى
*صفه تكرهها بالبنات والشباب ,,,,,, وصفة تحبها ؟؟
الشاب اللى يشرب سجاير و البنت اللى تسقط البنطلون او تلبسه اصلا ( انا اصدى اللبس الغير محترم ) ..... و اللى بحبه فيهم .. التجمع .. و الحوار

معلش بس انا عايزه افهم الحته دى هو يعنى كل اللى بيلبسوا بنطلونات مش محترمين ولا انت قصدك ايه بس انا عايزه افهم

* ازاي علاقتك بالـ english ؟
انا الحمد لله حاسس انى كويس فيه ... مختش قرص ولا حاجه .. اصل انا بعمل شات مع اجانب بالنجليش ..و بعرف اتعامل معاهم ..
**(( القســـــــــــــــــمـ الاجتماعي ))**
* لقيت بحياتك شخص يفهمك زي ما انت ؟؟ مين هو الشخص >>> اذا جاوبت بنعم ؟؟
اكيد ... توأمى محمود

ربنا يخليهولك

* ايه هو أول حاجه تخطر ببالك أول ما تقوم من النوم ؟؟
اقعد على الكمبيوتر
* موقف محرج حصللك ؟؟
كذا مره .. لما يكون عندنا ضيوف و انا اتاخرت عشان اسلم عليهم .. مامى تنادينى بصوت عالى عشان اسلم ... و اكيد هما سمهوا
* مين الشخص اللي تقوله :

(( ما ينفعش الندم ,,, خلاص افترقنا ))
مفيش
(( انت بحياتي كل شيء ,,, أنا بحياتك من أكون ؟؟ ))
مفبش
(( لولا الله ثم إنت ما كنتش نجيت بهالدنيا ))
بردوا مفيش
(( للأسف ما عرفتش قيمتي كويس ,,, النهارده هتخسرني ))
مفيش .
* ايه هو طموحك بالحياه ؟؟؟
انى اخلص الجامعه و اشتغل و اتجوز .... و ربنا يهدينى ... و ادخل الجنه فى الاخر ان شاء الله
* لو ورثت ثروه هـــــــــــــــــائله مع مين هتتقاسمها ؟؟
اظبط نفسى بعد كده اهلى
* هل سبق لك أن شعرت بالملل وأنت تتكلم مع فتاة جميله جدا
والبنات العكس ؟؟؟
محصليش الموقف ده قبل كده
* تخاف من الموت ؟؟
اكيد .. اكيد
* ايه هو وضعك العاطفي دووووقتي ((( مش محجوز/هـ - مرتبط/هـ )))
لا والله لسه مرتبطش ولا اتحجزت ولا حجزت
* أكتب مقطع من أغنيه تعتبره حكمه ؟؟
كلنا هنموت نترمى فى التابوت .. ساعتها مش هتفرق كنت فرخه او كتكوت (هههههههههه لا فعلا حكمه )
* هديه كنتي تتمناها وجتك ؟؟؟ وهديه تتمني دلوقتي انها تجيك ؟؟
انى اجيب جهاز تانى و جبت ....... واللى اتمناها ... عربيه
* عمرك ندمتي على شخص سبته ؟؟ أو على علاقة حب أو صداقه فاشله ؟؟
لا
* ايه شعورك من ناحيتي اللحظهـ دي وانت واصل سؤال ( مش عارفه كام )
لا الموضوع طول ...... و اتخنقت شويه
* مقلب عجبك وانعمل فيك ؟؟؟ ومقلب عملته في حد ؟؟؟
انا اتسرق منى المحفظه قبل كده من صحابى ..... و انا اللى عملته ... سرقت من محمود الاشتراك فى المترو
* لو يرجع الزمان لورا ,, تغير ايهـ ؟؟
مذاكرتى اول حاجه عشان اخش اللى انا عايزه ...... و تانى حاجه اغير فى حياتى .. من الناحيه الدينيه
* 5 ورود حمرا لمين تهديها ؟؟؟
لكل اللى عارفهم بجد
* ايه أسوأ يوم ,’, مر في حياتك ؟؟
لما سمعت خطبه عن الموت . حسيت ساعتها انى هموت فى نفس اللحظه
* ايهـ اقصى التضحيات اللي ممكن تعملها ,’, عشان شخص معين ؟؟؟
ابيته عندى ( يارااااااااااااااااااااااجل هى دى اقصى تضحيه ياراجل حرام عليك )
* لو انك على ( لا قدر الله ) فراش الموت ؟؟؟ مين الشخص الوحيد
اللي هيكون نفسك تشوفه ؟؟؟
ناس كتيرررررررررر( لالالالالالالا انا عايزه شخص واحد بس )
* بتعمل ايهـ لما تكون معصبه وواصله معك ؟؟؟
بفضل مكشر و مبكلمش
* لو انت كائن حي غير الانسان ( تختار تكون ايهـ ) ؟؟
ذئب
* لو عندك معجزة زي مثلا الطيران أو الاختفاء ,’, تتمناها تكون ايهـ ؟؟؟
الاختفاء
انا مش هكتب فى الادبى حاجه ...... مش تبعى
**(( قســـــــــم ثريا للحفشتاكالانات ))**
* ,,, ايه رأيك في ثريا....ولو قلتلك اني هطلع من المنتدى
والله هى اللى فى قبلها على لسانها ...... و لو هى مثلا عايزه تتطلع هعرف منها ايه السبب ... و اشوف عندها حق ولا لا ..... و لو اصرت براحتها و بردوا فى داهيه ( ميرسى ربنا يخليك بس اتحايل شويه مش فى داهيه كده على طول )
* ايش الحاجات اللي ناقصاني عشان ابقى اكون كويسهـ ؟؟
التدين شويه ...... و تحاول تحسن من نفسها .... انا مش قصدى انها وحشه .... بس انا مش حاسس فيها الحته دى ..
( بصراحه مش فاهمه ممكن توضح )
* ايه السلبيات للي فيا ؟؟؟
الكلام منك بيطلع مره واحده .... و ممكن متكونيش مفكره قبليها ..... و الاعتذار بالنسبالها صعب
( الاعتذار اه انا عارفه انه عيب فيا بس الكلام بيطلع منى مره واحده علشان زى ماقولت فى الاول ان اللى فى قلبى على لسانى ومش بعرف اخبى حاجه ومينفعش اسكت او اجامل اللى قادامى والصراحه لازم هتزعل )
* لو قلتلك اطلب مني طلب اقدر انفذو ,, تطلب ايه ؟؟
مفيش غير الشيكولاته و اكل و كانز و لبانه
( اوووووووووك امرهم سهل )
* ايهـ السؤال الل نفسك تسألهوني ؟؟
مفيش
* اش الصفة اللي لو موجوده فيا,’, وانت كنت عارفها ,’, ما كنتش اتعرفت علي ؟؟؟
مش واخد بالى
* صفة تتمنى تشيلها مني وتحطها فيك ؟؟؟ والعكس
لا مبتمناش حاجه انا احسن
و نفسى اديكى شويه طول ... بس مينفعش و شويه حنكه منى
(هههههههه انا طووووويله من غير حاجه وحنكه ليه بقى ان شاء الله )
*ايه لصفة الحلوة اللي في ( ثريا) اللي مظهرتلكش الا مع الوقت
وايه الصفه الوحشهـ فيا كمان, ما ظهرتلك الا مع الوقت ؟؟؟
مش واخد بالى ( ياراااااااااجل يععنى مفيش فيا صفه حلوه ولا حتى صفه وحشه قول ماتخفش مش هضربك هههههههه)
* لو لا قدر الله ,’, جه يوم واتخانقنا ,’, وما كلمناش بعض تاني
ولا حتى عبرنا بعض في المنتدى
اش هيا الحاجهـ اللي هتكون في خاطرك ونفسك توجهالي ؟؟
حسب الموقف لو انتى اللى غلطانه ... هبقى نفسى اشتمك و لو انا هقولك انا اسف
• ايه رايك في صراحتي ؟؟
البجاحه كلها
( مااااااااشى بس صدقنى دى مش بجاحه )
**(( قســـــــــــــــــم المنتدى بتاعنا ))**
* امليء الفراغات : بـ( عضوات & أعضاء )
* شخصية حبوبه ........... الادمن و اسلام مازن
* شخصية اجتماعية ........ ثريا و منه و محسن (ميرسى ربنا يخليك )
* شخصية جذابه ( ( atarctive ............ الادمن
* شخصية طيوبة ........... كابو و ثريا و منه و الادمن( ميرسى ميرسى علشان الناس تعرف بس انى على نياتى )* شخصية حنووونه ........... انا
* شخصية حكيمة ........... الادمن شويه و محسن
* شخصية واقعية ........... انا
* عضو شرس ............... سعيد
* شخصية مزاجية ........... انا ...
* شخصية تجنن وروعة ..... اكيد بردوا انا
* شخصية funny ......... والله انا
* شخصية ذو هيبه ......... سبحان الله .. توينز المرادى
* شخصية تعجب الجميع ( بنظرك ) ......... اسلام
* شخصية عنيدة ............ ثريا و محسن ( اناااااااااااااا عنيده ليييييييييييييييه؟؟؟)
* شخصية واااثقة ........... انا و الادمن
* شخصية ( تحبيها ) ........ كل المنتدى
* شخصية ما بتعجبكش ردودها بعض الاحياان ...... محسن
* شخصية قاسيه ........ عصام
* شخصية مغرورة ........ محسن
* عضــــو/ة تحسها بجـــد ( شخصية وشموووخ ) ................... امادو
* لو عندك 10 أعـــضاء (تعزهم قووووي ) ( 5 شباب5 بنات )
وراكبين كلكم على مركــــــــــب
ولازم تتخلص منهم كلهــــــــم بحيث انك تكون انت آخــــــــر واحد
>>>> اتخلص منهم على حســـــب الأقـــــل أهميـــــــــة
>>>> مع العلم ان كلهم مهمين ولا مكنتش اخترتهم أصلا
بس البنات لوحدهم
والشباب لوحدهم
اكتب أسماؤهم على حسب اللي هترميه الاول
البنات ... اكيد ثريا الاول و بعد كده منه ( هههههههههههه على طول كده تبعنى )
الولاد : محسن و بعد كده سعيد و بعد كده باد بوى و بعد كده الادمن و بعد كده اسلام
* ما موقفك إذا :
_ جاك شخص وقالك أحبك ( من المنتدى ) :
هقوله ههههههههههههههههه و ده من ايه
_ لو حد جرحك بكلمة قدام الأعضاء وطلعك غلطان وانت الصـــــــح ؟؟
هرد عليه قدام المنتدى و بكل ثقه و ممكن كمان اقول كلام جارح
_ لو حد جادلك جدال عقيـــــــــــم وما عرفتش توصل معاه لحق ولا لباطل ؟؟
هقوله اكيد NO COMMENT
_ لو فجأة لقيت رسالة على ايميلك من مجهول ( كاتبلك فيها كل شي عنك ) حتى أعمق اسرارك يعرفها
وانتي اتأكدت انه مش حد تعرفه ,, تعمل ايهـ ؟؟
لا لا اكيد يعرفنى مش ممكن عارف عنى كل ده و ميعرفنيش ,,,, و حتى لو معرفوش ... هحاول اعرف مين ده ... و بعد كده اظبته


و شكرا يا ثريا على الموضوع الجامد ده و شويه الفضايح اللى طلعت .... بس اعتقد فى كلام ممكن يكون مش صح

ميرسى ليك يااحمد مع انك سبت اسأله بس معلش هعديها المره دى

* ايهـ اقصى التضحيات اللي ممكن تعملها ,’, عشان شخص معين ؟؟؟
ابيته عند( يارااااااااااااااااااااااجل هى دى اقصى تضحيه ياراجل حرام عليك )

* لو انك على ( لا قدر الله ) فراش الموت ؟؟؟ مين الشخص الوحيد
اللي هيكون نفسك تشوفه ؟؟؟
ناس كتيرررررررررر

لا انا عايزه شخص واااااااااحد وبببببس


* ,,, ايه رأيك في ثريا....ولو قلتلك اني هطلع من المنتدى
والله هى اللى فى قبلها على لسانها ...... و لو هى مثلا عايزه تتطلع هعرف منها ايه السبب ... و اشوف عندها حق ولا لا ..... و لو اصرت براحتها و بردوا فى داه

ميرسى ربنا يخليك
بس ابقى اتحايل شويه يعنى مش على طول كده يلا فى داهيه (ههههههه)

* ايش الحاجات اللي ناقصاني عشان ابقى اكون كويسهـ ؟؟
التدين شويه ...... و تحاول تحسن من نفسها .... انا مش قصدى انها وحشه .... بس انا مش حاسس فيها الحته دى ..

( طب معلش مش فاهمه ممكن توضح شويه )



* ايه السلبيات للي فيا ؟؟؟
الكلام منك بيطلع مره واحده .... و ممكن متكونيش مفكره قبليها ..... و الاعتذار بالنسبالها صعب
( الاعتذار اه انا عارفه انه عيب فيا بس الكلام بيطلع منى مره واحده علشان زى ماقولت فى الاول ان اللى فى قلبى على لسانى ومش بعرف اخبى حاجه ومينفعش اسكت او اجامل اللى قادامى والصراحه لازم هتزعل )

لو قلتلك اطلب مني طلب اقدر انفذو ,, تطلب ايه ؟؟
مفيش غير الشيكولاته و اكل و كانز و لبانه
( اوووووووووك امرهم سهل )



لا مبتمناش حاجه انا احسن
و نفسى اديكى شويه طول ... بس مينفعش و شويه حنكه منى
(هههههههه انا طووووويله من غير حاجه وحنكه ليه بقى ان شاء الله )

*ايه لصفة الحلوة اللي في ( ثريا) اللي مظهرتلكش الا مع الوقت
وايه الصفه الوحشهـ فيا كمان, ما ظهرتلك الا مع الوقت ؟؟؟
مش واخد بالى ( ياراااااااااجل يععنى مفيش فيا صفه حلوه ولا حتى صفه وحشه قول ماتخفش مش هضربك هههههههه)

ايه رايك في صراحتي ؟؟
البجاحه كلها
( مااااااااشى بس صدقنى دى مش بجاحه )

* شخصية اجتماعية ........ ثريا و منه و محسن (ميرسى ربنا يخليك )

* شخصية عنيدة ............ ثريا و محسن ( اناااااااااااااا عنيده ليييييييييييييييه؟؟؟)



البنات ... اكيد ثريا الاول و بعد كده منه ( هههههههههههه على طول كده تبعنى )

عودة والحمد لله مشيت النهاردة بدري

1- أه فعلا لقيت بس بصورة نسبية مش مطلقة والشخص ده صديقي رامي
2-أول ما يخطر ببالي أول ما أقوم من النوم هو التفكير في يوم جديد والسعي إنه يكون يوم جميل

3-أكتر موقف محرج اتعرضتله علي مدار حياتي كلهاوأنا جي أركب المترو

كان معايا واحد صاحبي اسمه رامي ورامي ده ملتحي وصمم إنه يركب المترو علشان يروح معايا

المهم رامي ده بقاله مدة ماركبش المترو وراح أول ما جه المترو ركبناه أنا وهو وكانت المفاجأة

اكتشفنا العربية إللي إحنا فيها عربية الستات غير قبل المحطة إللي نازلين فيها والمهم طول ماإحنا

في المترو عمالين نهزر ونضحك المهم جايين ننزل لقينا مين في استقبالنا عساكر بيرحبوا بينا المهم

أنا فلت منهم بذكائي ورامي عمل نفسه ماشي عادي والحمد لله إن إحنا ما اتضربناش من الستات إللي في العربية

4- مفيش
حبيتي
أستاذي وليد عبد الباقي
مفيش
البحر غدار
الليل وقت الرومانسية
الشعر ما أجمله
الدنيا الأكثر تقلبا
الإرهاب أكرهه
الحب ما أروعه
الإنسانية الضائعة من فعل الإنسان
5-الخيانة فعلا بقت من طبيعة الإنسان وقليل أوي لما تلاقي إنسان مخلص
6-طموحي في الحياة هو النجاح علي كافة المستويات لي ولوطني العزيز
7-نفسي أنفع بلدي بشتي الطرق
8-لو ورثت ثروة هائلة مش هأقسمها مع حد بس لو زادت عن إحتياجاتي سوف أوزعها علي إللي محتاجها بجد
9-لأ لحسن الحظ مافيش في حياتي بنت الجيران
أيوة ودي حصلت معايا بالضبط مع بنتين الصراحة ساعتها إتخنقت جامد بس ما كنتش عايز أبين
-بتشديد الياء- علشان ده مش من طبعي
10-أنا بأقول حسب نوع الرجل أو المرأة لكن من خلال معرفتي بالحياة بأقول المرأة أكثر إخلاصا من الرجل في الحب
11-نعم أخاف من الموت بس أنا بأحب أعيش حياة متوسطة
12- أفضل يعينوني علي مصر دونا عن دول العالم كلهم إللي يعرف قيمة مصر الحقيقية ما يفكرش في غيرها أبدا
13- لا الأولي ولا الثانية
14- مافيش في دماغي دلوقتي حاجة زي دي
15- أن يرزقني الله بصديق بمعني الكلمة والحمد لله ربنا رزقني بالصديق العزيز رامي-
أجمل هية أنتظرها حسنة الدنيا وهي الزوجة المطيعة وبس
16- لا محصلش- برضه ما حصلش
17-الأسئلة بتاعتك كتيرة وبتفكرني بأحلي أيام قضيتها في المحكمة طبعا بأهزر
18- مافيش - مافيش برضه
19- أغير حياتي بشكل معين يعني مثلا بعض التصرفات إللي اكتشفت بعدها إنها خاطئة
20- لكل من أحببني وفضلني علي نفسه ولكل أعضاء منتدي الأفضل بما فيهم مني الشرقاوي
21- لأ حبيبتي مش معانا في المنتدي وأتمني إنها ما تدخلش المنتدي خالص علشان الواسطة والمحسوبية والسلطة إللي فيه ويارب الحدق يفهم بقي
22- أسوأ يوم مر في حياتي هو كذا يوم وكلهم موت أشخاص بأحبهم جدا -الله يرحمهم أجمعين ويسكنهم فسيح جناته
23- دخولي كلية الهندسة كانت قريبة بس قلشت للأسف
24-مافيش في دماغي حاجة زي دي دلوقتي
25- مرة واحدة
26- أقصي تضحية هي التضحية بالروح بس لصديق يستحق كده وبما إن مافيش في الحياة دلوقتي كده إذن الحكاية دي مش هتحصل
27- هيبقي نفسي أشوف أستاذي وليد عبدالباقي علشان أشكره إنه صنع شخصيتي
28- لو حاجة معصبة معايا أحاول لحد ما أتخنق بس أحاول بإخلاص وتركيز وتأني
29-الاختفاء طبعا علشان مافيش أحسن من إن الإنسان يشوف الناس وما حدش يشوفه

والحمد لله انتهي القسم التاني وشكراااااااا يا مني الشرقاوي

ميرسى ليكى يامنه
وياله كملى الباقى انا مستنيه

برجك ؟؟ وتاريخ ميلادك ؟؟ مع سنة الميلاد ؟؟؟؟؟

برج السرطان

20\7\1989

انا اكبر منك بيومييييييييييييييييين بحالهم

MatadoR_MaN كتب:

الموضوع ياثرياااااا فعلا اكتر من روووووعه بجد ..تسلم ايدك ياصاحبه المواضيع المتميزه

داااائماااااااااا ..

الاسأله كتير فعلا بس هابتدي زي الكل بالقسم العام والباقي بعدين


**(( القســـــــــــمـ الع ـــــــــــــام ))**


* اسمك وعمرك ؟؟ وايه هو تقديرك المعتاد بالجامعه ؟؟

اسمي احمد سعيد وماشي ف الـ19 وتقديري المعتاد ف المعهد غالبا ...الخ

>>>>>> ( ممتاز ,, جيد جدا ,, جيد ,,,مقبول........الخ )
* نوع جوالك ؟؟؟

Nokia 5700

* ترتيبك بين العائله ؟؟

انا الكبير وبعد كده اخويا اصغر مني بسنه كريم

* برجك ؟؟ وتاريخ ميلادك ؟؟ مع سنة الميلاد ؟؟؟؟؟

برج العذراء وتاريخ ميلادي 17\9\1989

* لون تحبه ولون تكرهه ؟؟

بحب اللون الاسود جدا ومبكرهش اي لون سعادتك

* أكلتك المفضله ؟؟ حلاك المفضل ؟؟ فيلمك المفضل ؟؟

الفته __ (عسل وطحينه ) __ Spider Man All Parts

* ايهـ علاقتك مع المطبخ ؟؟

يعني تمام ممكن اعمل الفطار الي هوا فول وبيض وجبنه وكده

* مغني تحب تسمعيله ؟؟ واكتب اسم أغنيه تحبها له ؟؟

عمرو طبعا حبيب قلبي اكيد ____ صدقني خلاص

* كتاب تنصح أعضاء منتدي الأفضلـ إنهم يقرؤنه ؟؟
>>>> اسمـــــه ,, واسم المؤلف ....

لا مفيش .. بس ممكن زي ماقال توينز يقضيها ميكي جيب

* مادة تحبها ,,, وماده تكرهها ؟؟

علي فكره انا عكس الي ف المنتدي تقريبا لان بحب الانجليزي جدا وبكره المحاسبه جدا

صفه تكرهها بالبنات والشباب ,,,,,, وصفة تحبها ؟؟

في البنت الي تتنك عليا ملهاش غير الشتيمه ..والولاد الي بيسقطوا البطلونات لحد ركبهم

اكيد الصفه هيا ان الولاد والبنات يبقوا متجمعين اكيد مع بعض ف حوارات وكده ف حدود

الادب يعني بس ممكن نقضيها 5 قله ادب برضه مايمنعش

* تعرف أحد من المنتدى عندك على الماسنجر ؟؟

اها معوض وكاابو ومحمد ومحسن وروح المنتدي كله منااايا

{ give me names }

* ازاي علاقتك بالـ english ؟؟

مش اكتر من انا بعشق الانجليزي كدااااااا

* إيهـ أحلى كلام قلته بحياتك ؟؟؟؟ وأكثر كلام قلته وندمت عليه ؟؟

كتير بس مش فاكر للاتنين عشان مش بعمل اهتمام لاي حاجه

* اشرح نفسك باختصار لما كنت :

( طالب ) لا الحقيقه انا لسه طالب

(مراهق ) برضه لسه

( ابن ) عادي زي اي ابن

( عاشق ) كنت مدلوق وف الاخر اتقلبت عليا بس ادينا بنعلم

( صاحبة شأن أو منصب ) يسمع من بقك ربنااااا

* (( العضو العزيز )) >>>> اوصف نفسك بما لا يقل عن 3 سطور ؟؟؟؟

انسان طبيعي جدا بحب صحاااااااابي جدا جدا جدا ومش بحب ازعلهم ف اي حاجه وتقريبا

لما يحصل مني كده ببقي مضاااايق جدا ومش طايق نفسي او الي حوليا ..لانهم اهم حاجه

في حيااااااااتي بأمانه من غيرهم الحياه ولا تسووووووووووووووا....!

ميرسى ليك يااحمد كتيييييييير
انت مقولتش تقديرك ايه
وعلى فكره انا بحب البرج ده اوووووى ( العذراء)

Admin كتب:

انا هبدا بالاسئلة العامة الاول؟؟

* اسمك وعمرك ؟؟ وايه هو تقديرك المعتاد بالجامعه ؟؟

الاسم : احمد

عمري :18 سنة

تقديري : عادي

>>>>>> ( ممتاز ,, جيد جدا ,, جيد ,,,مقبول........الخ )
* نوع جوالك ؟؟؟

7610
* ترتيبك بين العائله ؟؟

الصغر خالص اخر العنقود
* برجك ؟؟ وتاريخ ميلادك ؟؟ مع سنة الميلاد ؟؟؟؟؟

الدلو

تاريخ ميلادي 9-2-1990
* لون تحبه ولون تكرهه ؟؟

الاحمر والبني و لون اكرهوا البتناجني بحس انوا فلاحيني
* أكلتك المفضله ؟؟ حلاك المفضل ؟؟ فيلمك المفضل ؟؟

البيتزا

التورتا

الفلم : مطب صناعي
* ايهـ علاقتك مع المطبخ ؟؟

البطاطس اموت انا
* مغني تحب تسمعيله ؟؟ واكتب اسم أغنيه تحبها له ؟؟

تامر وعمرو وخالد وساموزين وفضل و طبعا wIsIn yandel

بموت في اغنية قربي ليا بتاعت ساموزين

واغنية صدقني خلاص بتاعت عمرو

واغنية احلي من الكلام بتاعت مي كساب

* كتاب تنصح أعضاء منتدي الأفضلـ إنهم يقرؤنه ؟؟

كيف تتعامل مع الحياة

>>>> اسمـــــه ,, واسم المؤلف ....
* مادة تحبها ,,, وماده تكرهها ؟؟

رياضة موووووووت اموت انا فيها

العلوم والكمياء بالذات

صفه تكرهها بالبنات والشباب ,,,,,, وصفة تحبها ؟؟

الصفة اللي بكرها الحورات اللي بتحصل واللي بحبها ان احنا كلنا نبقي اصحاب بجد ونخاف علي بعض
* تعرف أحد من المنتدى عندك على الماسنجر ؟؟

كابوا وسعيد و تونز واسلام وعصام ومحسن ومنة ومحمد وناس تانية كتير
{ give me names }

* ازاي علاقتك بالـ english ؟؟
بحبوا اوي الانجليزي
* إيهـ أحلى كلام قلته بحياتك ؟؟؟؟ وأكثر كلام قلته وندمت عليه ؟؟
ازاي يعني هنفتكر ؟؟
* اشرح نفسك باختصار لما كنت :
( طالب ) :اة لسة
(مراهق ) : شوية وشوية
( ابن ) : جد معاهم اوي
( عاشق ) :اة بموت فيها وربنا واي بنت غيرها متعجبنيش ك حب
( صاحبة شأن أو منصب ) :يعني شوية بس المنصب لا

* (( العضو العزيز )) >>>> اوصف نفسك بما لا يقل عن 3 سطور ؟؟؟؟

غلبان جدا وطيب جدا وفي حالي بالنسبة للي يخصني انا وبحب امي اوي

ويارب يخليها ليا هي وعمتي وستي يارب وبحب اخواتي جدا جدا لان

هما حياتي كلها هما واصحابي القدام وبتوع الجامعة

ميرسى يااحمد على ردك
بس ياله بقى ورينا باقى الفضايح

الردود قصدى

Admin كتب:

**(( القســـــــــــــــــمـ الاجتماعي ))**

* لقيت بحياتك شخص يفهمك زي ما انت ؟؟ مين هو الشخص >>> اذا جاوبت بنعم ؟؟
اة , كابو وواحدة صحبتي تانية وبعض من اصحابي

* ايه هو أول حاجه تخطر ببالك أول ما تقوم من النوم ؟؟
بصراحة لما بقوم علي طول مش ببقيشايف حاجة لازم اقعد شوية الاول وبعد كدة ازهب الي wc

* موقف محرج حصللك ؟؟
كان في واحدة زميلتنا محجبة قبل كدة فشالت الحجاب فا انا شوفتها قولتلها اية دة انتي شلتي الحجاب ورحت ماشي علي طوله هههههههههههههه حسيت انها هتقولي انت مالك


* مين الشخص اللي تقوله :

(( ما ينفعش الندم ,,, خلاص افترقنا ))
اي حد مينفع نشوفوا تاني

(( انت بحياتي كل شيء ,,, أنا بحياتك من أكون ؟؟ ))
امي

(( لولا الله ثم إنت ما كنتش نجيت بهالدنيا ))
امي

(( للأسف ما عرفتش قيمتي كويس ,,, النهارده هتخسرني ))
بعض اصحابي

(( ما توقعتهاش منك )) !!!!!!!!!!
صديق عزيز عليا نكر عليا سر كنت ممكن اخسر حد تاني عشان موضوع تافة

* أوصف بـ كلمه وحده بس كل من :
(( البحر - الليل - الشعر - الدنيا - الإرهاب- الحب - الإنسانيه الضائعه ))+
البحر :الراحة
اليل: الوحدة
الشعر:كلامات تعبر عني
الدنيا : غدارة
الارهاب: مخطئون
الحب:اجمل احساس للانسان
الإنسانيه الضائعه : ملوش مكان



* هل الخيانه صارت بنظرك شي عادي وطبيعي بهالزمن ؟؟؟
اة عادي ما لو الواحد اتعرف علي بنت ممكن يتعرف علي نت من خلال الايمل علي عشرة من غير ما هي تعرف ودة اللي بيحصل يبقي الخيانة انتشرت

* ايه هو طموحك بالحياه ؟؟؟
اني اشتغل في شركة كمبيوتر كبيرة اوي برة مصر او جوها مش هتفرق بس يكون احسن لو برة

>>>> حددلي حاجهـ معينه عايز توصللها بحياتك أو مكانه معينه
و متكتبيليش عايز مستقبل زاهر ومزهريه وورد بقى لا,,, وضح أكثر .,,,
it manager

* لو ورثت ثروه هـــــــــــــــــائله مع مين هتتقاسمها ؟
>>>>> ولاحظ اني قلت تتقاسمها
بمعنى القسمه على اثنين ولا اكثر
اهلي يعني الاسرة بتاعتي

يعني give me only one name

* ما فيش في حياتك بنت جيران او ابن جيران ؟
هههههههههه لا مفيش

* هل سبق لك أن شعرت بالملل وأنت تتكلم مع فتاة جميله جدا
والبنات العكس ؟؟؟
ممكن تحصل لو شخصيتها زي الزفت بصي الواحد يف مصر بيبص الاول ل الشكل وبعد كدة الشخصية

* بنظرك >>>> المرأة أم الرجل ,,,
أيهما أصدق في الحب وأوفى ؟؟؟
مفيش حد اصدق انما بيتوقف من راجل ل راجل ومن مراة ل مراة

* تخاف من الموت ؟؟
بصراحة سعات اة وسعات ببقي عايز اموت استغفر الله بس الموت علينا حق والواحد يخاف يموت وهو علي معصية ربنا يستور بقي

* لو عينوك ملك على دوله معينه ؟؟
الامارات

ايه الدوله اللي هتختارها ؟؟؟ و هتغير ايه فيها ؟؟؟
وليـــــــه ؟؟
مصر , عشان اللي بيحصل فيها

* ايه هو وضعك العاطفي دووووقتي ((( مش محجوز/هـ - مرتبط/هـ )))
محجوز بحبي ل انسانة وخلاص

* أكتب مقطع من أغنيه تعتبره حكمه ؟؟
رايح بالك وانسي اللي نسيك عيش ليك لياليك

* هديه كنتي تتمناها وجتك ؟؟؟ وهديه تتمني دلوقتي انها تجيك ؟؟
كتاب وجة , اتمني اني يجي شغل

* عمرك ندمتي على شخص سبته ؟؟ أو على علاقة حب أو صداقه فاشله ؟؟
لا . اي حاجة انا سبتها بمزاجي مبتهمنيش خالص

* ايه شعورك من ناحيتي اللحظهـ دي وانت واصل سؤال ( مش عارفه كام )
>>>>>> بجد قولي
ما فيش بينا حاجهـ

عادي الطعم الحقيقي لحاجة السقعة هههههههههههههههههههه

* مقلب عجبك وانعمل فيك ؟؟؟ ومقلب عملته في حد ؟؟؟
مقلب فيها مش فاكر والله ,مقلب بتاع احمد جمال في المدرسة دة انا كان فكري عالي فية اوي

* لو يرجع الزمان لورا ,, تغير ايهـ ؟؟
الكلية و الاحطاء اللي في حياتي

* 5 ورود حمرا لمين تهديها ؟؟؟
منة وسعيد وتونز واسلام و انتي

* هل حبيبتك أو اللي معجب فيها _ لو في يعني _ معانا هنا بالمنتدى ؟؟؟
لا
* ايه أسوأ يوم ,’, مر في حياتك ؟؟
يوم نتيجة ثانوية عامة اول سنة

* ايهـ أمنيتك الوحيــدة اللي كانت صعب تتحقق ؟؟ بس انها لما كانت
على وشك الحصول ,’, اتفركشت ؟؟؟
مش فاكر

* أمنيه نفسك تحققها لحد ؟؟؟ حتى ولو كانت مستحيــــــــله ؟؟
اني اكون اجمد واحد في الكمبيوتر في مصر واعرف كل حاجة

* كم مرة حبيت من قلـــــــــــب ؟؟؟
مرة واحدة

* ايهـ اقصى التضحيات اللي ممكن تعملها ,’, عشان شخص معين ؟؟؟
اي حاجة بس مش علي حساب مصلحتي بدرجة كبيرة

* لو انك على ( لا قدر الله ) فراش الموت ؟؟؟ مين الشخص الوحيد
اللي هيكون نفسك تشوفه ؟؟؟
امي وعمتي

* بتعمل ايهـ لما تكون معصبه وواصله معك ؟؟؟
الاغلبية بسمع قران واصلي ركعتين كدة وانام بعد كدة

* لو انت كائن حي غير الانسان ( تختار تكون ايهـ ) ؟؟
لا مفيش

* لو عندك معجزة زي مثلا الطيران أو الاختفاء ,’, تتمناها تكون ايهـ ؟؟؟
اختفاء

ميرسى ليك يااحمد
اهى هانت اهى والاسئله قربت تخلص