أنواع الأولاد على الإنترنت..

ردا على موضوع إسلام (سمسم) الجميل
حبيت أجيب الموضوع ده
أنواع الأولاد على الإنترنت
محدش أحسن من حد Laughing

انا هاكتب الموضوع دا واجرى علي الله وربنا يستر علي العموم انا هاكتبة واستخبى في مكان ماحدش يلاقيني فيه Very Happy

المرحلة الأولى : ( إللي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم
لقسمين :
1- يا اما متحمس وحط ف دماغه موضوع النت وعايز يتعلم

2- يا اما سمع من صحابه عن النت والبنات وجاي يجرب حظه

المرحلة الثانية: ( الي بيقعد على النت بس مش كتير)
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:

1- يا اما يبقى لحوح ويفضل يطلب نفس الطلب وصباح الملل

2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحلة التالته : ( الي قاعد على النت ليل نهار)

ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف
وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة
جنان كفايه الي الواحد فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو
قلتيله ثواني هيقولك ليه رايحة فين؟ متتاخريش ... ايه ده انتي لسه
مجيتيش ؟؟؟

5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

يا ريت كل واحد يدخل بصراحة يقول هو مين فى دول Very Happy

موضوووع رائع يا منه بجد والله حلو بس انا ليا عندك كلمه

العين بالعين والسن بالسن

هتكسرى هنكسر هتحرقى هنحرق

ههههههههههههههههههههههههههههههههههههههههههههه

ايه الكلام الفارغ ده ولا كلمه بتنطق ع الولاد هوا في زي الولاد في طعامتهم في حنيتهم

في كلامهم في رومانسيتهم بابتاعه بابا اوبح

انا ولا واحد من العالم الي انتي واصفاهم دول اكيد ...خير الامور الوسط بس

ناااااااااايس مجهوووووووووووووووود بس يامنااااااااااايا

ههههههههههههههههههههههههههههه

شكرا على الرد يا اسلام Very Happy

وورينا هاتعمل اية احنا قدها وقدود lol!

بصراحة اية اللي بيتفال دة دة ظلم Sad

مش كل الاولاد كدة Embarassed

انتى بتتحدينى يا منه(بش) ماشى يا منه انا وراكى والزمن طووووووووويل

ههههههههههههههههههه Laughing

وانا ورااااااااااااااااااااااااااااك يا اسلام (سمسم)
وورينى اللى عندك Very Happy

بصى يا منه انا ولا واحد من دول ، انا ليه فى كل واحد شويه

يعنى مش بعد على الكمبيوتر كتيير بس بردو مش قليل
و كمان بهزر و دمى خفيف بس مش لدرجه العبط و المجاملات
الحمد لله انا Espcial Smile

طبعا يا حوده هو انت فى زيك فى البلد اتنين ده انت لو فى منك اتنين كانت البلد تقدمت طبعا

أنا كلامي مش هيختلف عن الشباب إللي قالوا أنا مش واحد منهم والكلام ده غلط في غلط Evil or Very Mad

طبعا دة كان شئ متوقع رد الفعل دة من الولاد

كلة يقولى الكلام دة غلط Very Happy

لكن الموضوع التانى عجبكواااااااا قووووووووووى Evil or Very Mad

» مناقشة موضوع(هل تعترف بالصداقة عبر الإنترنت؟)
» سؤال مهم......ماذا فقدت في حياتك بعد دخولك عالم الإنترنت
» أنواع البنات
» أنواع الرجال
» أنواع الدموع