نكت حلووووووووووووووووووووه

واحد داسته عربية سيات ............ مات من الضحك

واحده قاعده مع جوزها قاعده رومانسيه بتقوله: قولى حاجه تحسسنى بالامان وانا معاك قال لها:قسم البوليس

مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا

غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟

اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت

واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و

واحد راح يخطب ، فردوا أهل البنت وقالوا له: و الله البنت بتدرس ... فقال مش مشكلة برجع بعد نص ساعة

مره واحد باكستاني قابل واحد باكستالت

سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح

في بخيل ماتت امه ، قالوا له إدي 100 جنيه للست اللي غسلت امك ، قال لهم لييييييييييييييييييييه ، هيه غاسله مرسيدس

مره واحد تاه فى الصحراء وكان جعان جدا وعطشان اوى وبعدين لقى مصباح علاء الدين فخرج له خادم المصباح وقال له انت لك عندى طلبين ايه الطلب الاول قال له هات طبق كشرى وبعد ما خلصه قال له العفريت تطلب ايه تانى قال له هات كماله

مرة واحد بخيل ابوة مات عايط علية بعين واحدة

مرة واحدة ست قالت لإبنها :خد الفلوس دى وروح هاتلى دواء يصغرنى عشرين سنة فراح الولد يحيب لها الدواء ورجعا إداها الدواء .. و راح المدرسة....... رجع الولد لقى والدته صغرة عشرين سنة قال لها: إنت صغرتى قوى يا ماما ، بس إيه العيل اللى فى إيدك دة قالت له:إسكت يا واد مش أبوك شرب العلبة كلها

واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟

واحد مبسوط شوية بيكلم نفسه .. أنا مش عارف مواعد واحدة الساعة اثنين ولا مواعد اثنين الساعة واحد

مره واحد عازم ناس اصحابه و قدم لهم مانجه فالناس قالوا له مش عيب تجيب لنا مانجه بايته ،، قالهم يعنى هي بايته عند حد غريب

مرة واحد كسلان بيقول لصاحبه الكسلان :-لقيت شغل ؟ فقال صديقه هتشتغل فين ؟ قال له هشتغل في المطبعة قال له وهتعمل إيه في المطبعة فقال له سوف أقعد على الورق عشان ميطيرش

فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم

واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك

واحد بيقول لزميله إعراب صرصار ايه؟؟؟؟؟؟؟؟ قاله: مرفوع على الحيطه مضروب بالجزمه

اتنين مساطيل قاعدين يحششوا ...فمرت جنازة فواحد بيقول للتاني هي جنازة مين دي يا مدحت؟ فرد علية دي جنازة عمّ محروس فقال الاولانى الله يرحمه ، وتاني يوم وهما قاعدين في نفس المكان مرت جنازة فنفس الشخص سال هي جنازة مين دي يا مدحت ؟ فرد عليه دي جنازة عمّ محروس فقال الله برحمه ، وتالت يوم وهما قاعدين في نفس المكان مرت جنازة فنفس الشخص سال هي جنازة مين دى ؟ قاله دي جنازة عمّ محروس فقاله: هي الدنيا ملطشة معاه كدة لية

واحد عصبي اتجوز واحده عصبيه, يوم الولاده... الولد بيقول للدكتور وسع إنت .. ابعد ...أنا هأنزل لوحدي..

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى و رجع بعد ساعتين لقى اخوه بيعيط وبيقوله القطه ماتت قاله مش قولتلك لو غسلتها هاتموت قاله ماماتتش و انا بغسلها ماتت و انا بعصرها.....................

ثلاثة قاعدين بيحششوا طب عليهم البوليس الاول جري والثاني طلع فوق السطح والثالث استخبه في البوكس .

اتنين حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

مرة واحد بلع بشكير ريقه نشف

واحد عنيد دخل في رجله مسمار.... قاله وحياة أبوك ماأنت طالع

الصحاف : إنزال تمثال الرئيس في بغداد كان بغرض الصبغ و أعمال الصيانه المعتاده.

بنت رجعت البيت متأخرة . أمها : إتأخرتي ليه ؟. البنت : أصل كان فيه واحد بيعاكسني . أمها : طيب وده يأخرك في ليه ؟. البنت : أصله كان ماشي على مهله

واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

ليه الخباز مش بيلبس الساعة وهو بيخبز؟ علشان الدقيق ما يعاكسش الدقيقة

مـرة واحـد طـلـع عليــة الــفــجــر قــــــــــــــــــتــــــــــــــــلـــــــــــــ ة

مره واحد ماشي بعربيته لقى يافطه مكتوب فيها خفف 15كيلو ... فخفف الــ 15كيلو ، مشي شوية لقي يافطه مكتوب عليها خفف 7كيلو .. فخفف7كيلو ، مشى تانى لقي يافطه مكتوب عليها خفف2كيلو ... فخفف2كيلو فخفف2كيلو بعد كدة لقي يافطه مكتوب عليها مرحبا بك في خفف

اثنين في السجن محكوم عليهم اعدام ... واحد منهم حسود جدا .. في يوم الاعدام يسألوا الاول عن امنيته الاخيرة .. قال : اشوف امي . سألوا الحسود عن امنيته الاخيرة .. قال : صاحبي مايشوف امه

نمله راكبه جمل وبتصررررررررخ ياترى ليه بتصرررررررررخ ليه ؟؟؟؟؟؟؟؟؟؟؟؟ ............علشان شبشبهاااااااااا وقع

مرة أسد شاف وحدة سودانية قالتلة : الله يخليك لا تكلني قالها : لا... أنا ممنوع من أكل المشويات

واحد غبي أوي اوي راح السينما لقى يافطة على الباب مكتوب عليها ممنوع الدخول لأقل من 18 راح ورجع معاه 17واحد

مرة واحد بلديات سافر اليابان كل كلامة اصبح يابانى فتعب، بعت لبلاديتة وقاله انا تعبان تعالى ، فـراحلة المستشفى جلس بجوارة ، كل شوية التعبان يقول له ايكوهاية وكل شوية على كدة .. فمات الراجل ... فبلاديتة بيياخد العزاء بتاعة قابل واحد بلاديتة قال لة المرحوم قبل مايموت وصانى على ابنة فقال لة ابنه اسمه اية قالة ايكوهاية ... قال الكلمة دة معناها قوم من على خرطوم الاكسجين

ليه بلدياتنا بيربي شنبه ؟؟؟؟؟؟ علشان الدبانه تمسح رجليها قبل ما تدخل

قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك

مـا هو الشئ المشترك في الحفرة والاتوبيس والكمبيوتر: الكمبيوتر حـاسب الى والحفرة حـاسب تقع والاتوبيس حـاسب يا اسطى

مسطول قاعد قدام زريبة البقر بتاعته .. شاف البقر عمال بيشرب بيرة قال يلهوي البقر بتشرب بيرة ، فراح قاله الثور الكبير علشان مفيش حشيش

اتنين صيادين فى الغابة، واحد وقع على الارض واتخبطت راسه واغمى عليه، صاحبه اتخض فاتصل بالنجدة وقال للموظف الحقنى صاحبى مات اعمل ايه؟ الموظف قاله اهدأ بس وتأكد الأول انه مات فعلا، فبعد فترة هدوء الموظف سمع صوت ضرب نار والصياد بيقوله "خلاص اتأكدت انه مات ، اعمل ايه دلوقت؟"

واحدبلديات دخل محل جزم قال: والنبى عايزين دزمة بنى البياع: اتفضل البلديات: بكام الدزمة دى البياع : ب200 جنيه البديات : وااه ما تخفضها شويه خلينا نشترى الفردة التانية

واحد خلصت مدة رخصة عربيته قال لوالده : رخصتى خلصت رد الاب : من كتر لفك فى الشوارع. ....

بلديات حب يغش فى الشطرنج ابتدى يقرص الزهر

هههههههههههههههههههه
هههههههههههههههههههههه
ههههههههههههههههههههههه
ههههههههههههههههههههههههههه
نكت جااااااااااااااااااااااااامدة مووووووووووووووووووووووت
يا اسلااااام يا جااااااااااااااامد

lol!

شكرا يا منه ياللى رافعه معنوياتى فى السما وحلوه اوى كلمه اسلام يا جااامد

اعتقد انا كده بقيت اخو حماااده يا جاااااااامد

وهسمى نفسى سمسم عزووو

ههههههههههههههههههههههههههههه

هههههههههههههههههههههههههه

ههههههههههههههههههه

Very Happy

تسلم علي النكت الجميله Very Happy

بجد ما بطلتش ضحك

نكت جامدة يا سمسم عزو إيه الجمال ده Very Happy

موضوع جامد يا اسلام ........ بس فيه نكت كتير متكرره ...... و انا الصراحه متضحكتش كتير Mad

... مشكور على المجهود

ههههههههههههههههههههههههههههههههههههه
هههههههههههههههههههههههههههه

ناااااااااااايس نكت ياسمسم ..بس فيهااا استظراف وتأليف كتير

شكرا يا جماعه على الردود الحلوه ودى واكيد طبعا يا توينز انت وسعيد يهمنى رايكوا جداااااا