يوميات مشرف اتجنن((متجدد يوميا))

دى يوم فى حياه مشرف..بس الحمد لله مش فى منتدانااااااااااااا

اول ما قام من النوم لقى الموبايل بتاعه بيرن فلقى الادمن بتاع المنتدى بيتصل بيه

المشرف:اصطبحنا واصبح الملك لله ......صباح الخير يا فندم

الادمن:
خير هييجى منين الخير ياسى زفت انت سايب قسمك ونايم الله يخرب بيت اللى
شار عليا الشورة السودة دى انى امسكك مشرف انت متنفعش حتى تبقى عضو موقوف

المشرف : ليه بس يا فندم دا انا حتى مغسلتش وشى ودخلت على طول ع المنتدى

الادمن : عموما ادخل شوف قسمك ودا اخر انذار ليك

وانتهت
المكالمه والمشرف طبعا مضايق وبيقول انا ايه بس ياربى اللى دبسنى التدبيسه
السودة دى ماكنت عضو وميه ميه المهم دخل على الرسايل الخاصه بتاعته بقى
لقى الرسايل دى

:الرسالة الأولى

السلام عليكم
...ازيك مشرفنا .. بقولك أنا اضفت موضوع بس معرفش شكله نزل ثلاث مرات
بالغلط أحذف أي واحد فيهم .. اللي يعجبك أنت بس احذف

:الرسالة الثانية

مرحب
مشرفنا ..... بقلك شوف : في عضو قاعدلي كل موضوع يرد عليا ويهيني قدام
الأعضاء ... لو ماسكتوش هعمل حاجه محصلتش.. ... واقلبلكم المنتدى .. وقد
اعذر من بنجر

: الرسالة الثالثة

.... ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس

: الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<<

: الرسالة الخامسة

هاي
عمري ... يارب تكون مبسوط .. بصراحة شخصيتك عاجباني ولك هيببة في المنتدى
بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي
مواضيعي
وانا مال اهلى انا محدش بيثبتلك مواضيعك متتحرقى انتى والمنتدى) دا رده طبعا

:الرسالة السادسة

..ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي
... عجيبة والله

:الرسالة السابعة

... مساك زي الفل يا سوبر ستار المنتدى
بصراحة
انا مكسوف منك عايز أطلب طلب بسيط ... يعني انا عايز اعرف ازاي المشرف
بيتعامل مع المواضيع و ايه الطريقة يعني بالعربي الفصيح .. عايز الباسوورد
بتاعتك اذا تكرمت (ماهو دا اللى ناقص)

: الرسالة الثامنة

يا
اخي انت زودتها ... شايف نفسك علينا وكل مانكلمك ما تديناش وش .. ياخي
الاشراف مش يعني بقيت ملك ... اختشي على دمك بقى .. قال مشرف قاال ... انت
أصلاً خدام عندنا يعني تخدمنا .. اقولك : روح هاتلي واحد شاااي
<<<<<<< صحيح الى ميعرفش يقول عدس

:الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

:الرسالة العاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة
... المنتدى ... وشكرا

:الرساله الحادى عشر

لو
سمحت علشان خاطري يا سعاده الباشا فى بنت موجوده على المنتدى ياريت تبقى تبعتلى
ايميلها على ايميلى وليك الحلاوة طبعا ( ليه يعنى قالولك عليا فتحها عالم
سمسم بوزع ايميلات )

بعدها اكيد المشرف اتجنن رسمىىىىى

هههههههههههههههههههه ............ مشكله يا سمسم والله ............مشكورررررررر بجد Smile

........... بس عندنا مفيش اى عضو يقدر يتنفس Smile

هههههههههههههههههههههههه
ههههههههههههههههههههههههه
ههههههههههههههههههههههههههه

نايس موضوع يا اسلام والله

جاااااااااااااااامد جدااااااااااااااااااا زيك
يا اسلام يا جااااااااااااامد lol!

شكرا يا جماعه على الردود الحلوه دى واللى رافعه معنوياتى فى السما والحمد لله ان الموضوع عجبكم

وطبعا محدش يقدر يتنفس يا احمد ده يتقتل على طول

ههههههههههههههههههههههههههههههههه
هههههههههههههههههههههههه
ههههههههههههه

تااااااااااايس بجد موضوع ياسمسم ياعسل

تسلم ايدك ياولا يامشرف

موضوع جامد يا جماعة وماتخافوش الأمن مستتب في المنتدي بتاعنا والنظام فيه

المنتدي ده فيه مشرفين عسل _وعلي فكرة كلامي مش تريقة_ والحمد لله إن مش عندنا مشرفين من النوع ده

طبعا يا محسن احنا عندنا مشرفين على اعلى مستوى

إحنا المشرفين بتوعنا محترفين في أحسن المنتديات العالمية وواخدين خبرة جامدة

وعلي مستوي عالمي

ههههههههههههههههههههههههههه
ههههههههههههههههههههههههه
والله العظيم تمام اوى وع الله مفيش مشرف يتجنن لوحده.... Very Happy

موضوع رائع جدا تسلم الايادى

موضوع جميل وما اجمل العوده للزكريات

الحلقه التانيه

اسباى : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدك معايا يا أحمد علشان نفتح الساعة داخلة على سبعة والنهار شقشق

احمد : سمى انت وادخل ياسباى....أنا عايز أنام شوية

اسباى: ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى هنحذف منه وإيه اللى هنحرقه بجاز

أحمد : أهو سى السيد وضى ونهال وسمسم جم أهم...خليهم يبتدوا معاك على ما احلق دقنى واتشطف

اسباى: على فكرة ياجماعة الواد سيد ده زهقنى من عيشتى... أنا مش ملاحق عليه....ده تشوفولكم صرفه معاه

أحمد: أنا رأيى إن سيد ده نعامله معاملة فاقد الأهلية

سيد : اسباى مش فاهم هوه بيقول إيه...الدور والباقى على ضـى وتاليا ونهال وسمسم و ...مثقفين زيادة عن النسب المسموح بيها فى أى منتدى....كلام فى الدين شوية والسياسة شوية والإرهاب شوية وابن لادن شوية والاثار شويه والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم فجأة نقلوا عالموسيقى والفن التجريدى والالعاب الكتابيه علشان ننسى الكلام التقيل

اسباى: أنا شايف إن أخطر الموجودين على الإطلاق ضـــى .....عامله ركن للسلطة فى باب المطبخ وسببت لى مشاكل فى البيت مع المدام

أحمد: وسع ياجدع أبو حميد وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة مربيين دقونهم وكل واحد فيهم عامل فيها شيخ الإسلام وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ماحد منا يشوفوه يروح لازقه إنذار لحد ما يزهق من عيشته ويخلع لوحده

اسباى : إحنا معاك يابو حميد.....لازم نقف لهم وقفة رجالة...قتل السياح حرام وجوازعتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى سينا

نهال: أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

سمسم: عفارم يا يانهال...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى

ضــى : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

سيد : يا ضـــى معلش مع إحترامى فى كام واحد جايين جداد هنا محتاجين شوية ترصيص وظبط زوايا

برجاء انتظار باقى الحلقات

اشطات عليك يا وحيد تسلم الايادى

تسلم يا حوده على المرور

والشكر الاول يرجع لمازن

صاحب الموضوع

ميزو: ياجماعة أنا عايزكم تفتحوا عينيكم وتراقبوا الناس كويس.....الفترة دى حرجة وحساسة فى تاريخ المواطنة.... وعايزكم كمان تخزقوا عينين أى واحد يقول على المكان ده (منتدى)...المكان ده إسمه .......................
دلوقتى تقدروا تتفضلوا على مكاتبكم جتكوا الغم ...........

اسباى هامسا فى أذن أحمد : إيه العبارة...مال البيج بوس كارف علينا كده ليه ....اللى يسمعه يفتكر إننا بنعبى فى فلوس من ورا الشغلانة دى .... أنا الشغلانة دى لولا إنها عاملالى بريستيج ولا كنت قبلتها .... إنت عارف إنى كان نفسى من زمان أبقى مشرف إن شالله حتى على دورة ميه

احمد: عارف يا اسباى أنا زيك بالظبط ...إنت عارف إنى كان نفسى أدخل كلية الشرطة عشان تبقى فى إيدى سلطة بس مجموعى فى الثانوية العامة طلع كبير غصب عنى فاضطريت أدخل كلية الهندسة وبعدين كمان مكنتش حتقبل فى الشرطة عشان عندى تقوس فى الساقين

شيماء : ممكن نبطل رغى شوية ونشتغل شويتين....الجدع اللى كاتب موضوع إيه الفايدة من ورا المنتدى ده عايزين نحول أوراقه لفضيلة المفتى

سيد : هوه المفتى فاضى لنا يا شوشو
المفتى بيحضر من دلوقتى علشان هلال شهر ذى الحجة....إنتى عارفه إن فيه فرق يوم بينا وبين السعودية.....إحنا نصفى الجدع ده من سكات...فى العزومة الجاية فى المول يكون احمد وسباى راكبين موتوسيكل ومعاهم سمسم ....وأول ما يشوفوه داخل المول يصفوه ويهربوا

تالبا: وأنا عليا هجيب لكم صورته.....هخترق جهاز الكمبيوتر بتاعه وأدعبس فيه على صورة له يكون مخزنها على الجهاز

نهال: أنا ضد التصفية الجسدية....إحنا نعمل معاه زى ما عملوا مع صدام حسين ..... يعنى وهوه رايح على المول نخطفه فى عربية ونطلع بيه عالطريق الصحراوى ياخد اللى فيه النصيب ولا من شاف ولا من درى

ضــى : تعالوا بسرعة....الحقونى.....شوفتوا الموضوع ده

يجتمع المشرفون حول ضــى فى فزع متسائلين (موضوع إيه ؟؟)

ضــى : ده موضوع مكتوب فى صفحة الحوادث فى أخبار اليوم مش هنا فى المنتدى

نهال : ممكن تتكلمى علطول ... أقصر الطرق إلى الحقيقة هى الطريق المستقيم

ضـى : قصدك أقصر الطرق إلى السجن

ينتزع اسباى الجريدة بقرف من يد ضــى قائلا : يختى إنطقى إحنا ناقصينك

يقرأ اسباى المكتوب فى الجريدة بصوت مرتفع: مقتل عاملة نظافه بالمول....مسلحان يطلقان النار عليها ويلوزان بالفرار على موتوسيكل....النيابة تعد بفك غموض الجريمة خلال ساعات

تاليا : يعنى بدل ما نصفى الجدع بتاع إيه فايدة الكتابة فى المنتدى قتلنا الولية الغلبانة دى

أحمد : إنتى يعنى بقيتى عاميه البصر والبصيرة كمان.....إنت مش قلتى هتخترقى الجهاز بتاعه وتجيبى صورته ؟؟؟....الصورة اللى إنتى إديتهانى دى أنا واسباى نسخة منها كانت صورة الست دى....

تاليا: شئ غريب فعلا دى شبهه تمام
بس إيه اللى جاب صورتها على الجهاز بتاعه....لازم ألاقى حل للغز ده

ميزو : لغز إيه وهباب إيه....الله يخيبكم....ده أنا لو معين أرنوب بدالكم كان عمل شغل أنضف من كده....إنتم إيه مشرفين ولا متفرجين

سيد : ياجماعة تاليا مالهاش فى إختراق الأجهزة .... هى بتحب تهول شويه لكن معندهاش فكره... أنا رأيى نجند لنهال وسمسم وضى مقابل مكافأة شهرية ..... خبرتهم كويسة فى المسائل دى

احمد : بلاش سمسم ...لو خدت لها جوز اقلام فى القسم هتعترف علينا كلنا

اسباى : لا حول ولا قوة إلا بالله.....ده أنا عملت فيها رامبو وأول ما شفت الوليه داخلة المول غنيت نشيد الولاء بتاع المنتدى وركعت على ركبى فى وضع الإستنفار وفضيت الرشاش فيها وبعد مالخزنة فضيت قلت لأحمد غطينى على ما أحط الخزنة التانية

نهال: بالمناسبة إيه نشيد الولاء ده يا اسباى

اسباى : (ماما زمانها جايه...جايه بعد شويه...جايبه لعب وحاجات)

روعه يا وحيد حلقات جامده كيك

تسلم يا باشا على مرورك

واستمتع بالحلقات

الحلقه الرابعه

ميزو : أنا كنت عايز أناقش معاكم فكرة كده

اسباى : خير اللهم اجعله خير

ميزو : هى قواعد الكتابة فى المنتدى حاليا كام صفحة

نهال : 25 صفحة تحتوى على 3000 بند

ميزو : أنا عايزكم تخلوها 100 صفحة تحتوى على ما لا يقل عن 50000 بند ...لو عرفتم تخلوها أكتر من كده يبقى أحسن

أحمد : مش كتير كده يا عم ... ده اللى مسجل جديد على ما يقراها تكون سنانه وقعت

سيد : ما هوه ده المطلوب ياعم ... مش عايزين حد يقراها ... وصلت الفكرة يازغللة

اسباى : فكرة بمليون جنيه ... الكبير كبير صحيح

تاليا : ما تفهمونا إيه العبارة ياخوانا

سمسم : يعنى اللى هيسجل جديد لازم يوقع إنه قرا قواعد الكتابة فى المنتدى ووافق عليها ... تمام

تاليا : تمام

سمسم : طبعا لما يلاقى 100 صفحة تحتوى على خمسين ألف بند هيروح موقع من غير ما يقرا حاجة...تمام

تاليا :لأ مش تمام .... مش فاهمه حاجه

سمسم : هو انتى ديما كده يا تاليا خلاص سلميلى بقى عالمترو....أى حد يكتب حاجة ما تعجبناش نروح لازقينه إنذار ونقول له إجرى يلا روح إقرا قواعد المنتدى قبل ما تكتب داهية فيك وفى أيامك السوده

أحمد : طب إفرض عضو غتيت ورخم قرا القواعد كلها قبل ما يوقع

اسباى : من لم يمت بالسيف مات بغيره .... مين يعادينا ... هيه هيه

سيد بيقول لأحمد: نبه على جميع المشرفين إن فى إجتماع هام الساعة 3 فى قسم المشرفين ....الإجتماع مغلق وسرى للغاية

أحمد : بخصوص إيه

سيد : أنا عن نفسى معرفش يظهر إنه توب سيكرت .. ميزو حويط اوى ....مش عايز حد من الأعضاء يشم خبرعن الإجتماع

أحمد : رقبتى ياريس

فى منتدى المشرفين الساعه 3 بدأ اجتماع مغلق وسرى للغاية بحضور جميع المشرفين

ميزو : طبعا مستغربين أنا جمعتكم ليه النهارده ... الموضوع باختصار إن فيه معلومات وصلت للقيادة السياسية إن المنتدى فيه عدد كبير من الأعضاء بيكتبوا ضد الحكومة وضد الريس نفسه وتوريث الحكم...وصلتنى معلومات مؤكدة إن مبارك قرر يقوم بزيارة للمنتدى والتجول فيه بنفسه لمعرفة مدى صحة المعلومات دى...لازم نلم نفسنا بسرعة ونستعد للزيارة اللى غالبا حتكون الأسبوع اللى جاى

سيد : إحنا جاهزين يابوص ... لازم نبتدى نلم كل المواضيع اللى بتتكلم عن الريس ونحذفها

نهال : تمام ونخلى المواضيع اللى بتقول كلام كويس عنه

شيمــاء: مفيش مواضيع كويسة عنه غير الموضوع بتاع جرجاوى (نعم وألف نعم يامبارك)

ميزو : مين جرجاوى ده

شيماء : ده بيبيع جرجير....قصدى عضو جديد وله ولاء شديد لمبارك

ميزو : عظيم كلموه يكتب كام موضوع زى ده ووفروله كل الإمكانيات اللى هيحتاجها

نهال : إمكانيات زى إيه يعنى

ميزو : مساطر برايات اساتيك اقلام....كل حاجه

اسباى : عايزين نستعد للموضوع ده بكل جدية ياجماعة....زيارة الريس لمزيكا تو داى شئ مش بسيط خصوصا فى الظروف الدولية الحالية....متنسوش إن مصر دلوقتى بلد نووية يعنى الأنظار عليها والسد العالى لو إنضرب الميه كلها هتروح على توشكى والناس هتستخبى فى مترو الأنفاق

ميزو : مالك يا اسباى إنت عيان

شيمـاء : لازم ياجماعة نحضر قصيدة نلقيها عند وصول السيد الرئيس

نهال : فكرة هايلة....فى مين شعراء عندنا

اسباى : سعودى المصرى....ياسلام...أعجوبة....ده لو قلت له صباح الخير يروح هفك قصيدة ستين بيت وما يخلصكش من إيده غير إنك تقول أنا جدع

يمانى : أظن عيب أوى يا سباى أبقى قاعد جنبك وتدور على شاعر يكتب القصيدة.....أنا ليا حق عرب عندك....وحياة طنط تاليا مهنسهالك

اسباى : بس إنت يا يمانى يعنى ولا مؤاخذة ما بتحبش الكاكى...واللى جاى ده كاكى واللى جابه كاكى واللى جاب اللى جابه كاكى

يمانى : معلش ياعم الضرورات تبيح المحظورات....قل لى إيه رأيك فى الحتة دى

يابلدنا يامهلبية

ياحلوة يامستوية

ومبارك خلاكى آية

حسنك مالوش نهاية

ميزو : معلش يا يمانى...اتفضل إنت روح إستريح شوية...فى مين تانى شعراء عندنا

سيد : فيه إسماعيل يس فى الأسطول... قصدى سين ...دى شاعره جامده جدا...أنا مبفهمش هى بيقول إيه بس هايله

نهال : أنا موافقه على سين لإلقاء قصيدة الترحيب بالريس....ندخل على النقطة اللى بعدها فى جدول الأعمال.....تنظيم موكب الريس

أحمد : أنا رأيى إن موكب الريس يدخل من باب السياسة الداخلية وموكب شوزان قصدى سوزان وجمال من باب الأسرة والطفل وأحمد نظيف من باب المطبخ

تاليا : مش هنرش المنتدى يابوص

ميزو : إيه المناسبة

تاليا : مش جايز الريس يكون فى جيوبه جراد وأول مايدخل ينطرهم علينا

ميزو : إنتى مين يابنتى ...إنتى بقالك كتير معانا هنا

سمسم : فعلا الإحتياط واجب...أول ماييجى ندلق عليه جردل فنيك

ميزو بيتكلم مع سيد : أول ما الزيارة دى تتم على خير الطقم ده كله لازم يتغير

سيد : هنجيب مين بس يابوص

ميزو: أى حد إن شالله المخبول اسلام

نهال : بمناسبة اسلام ... ده هنسيبه كده والريس جاى ؟؟؟....أنا رأيى إننا نطرده مؤقتا لحد ما الزيارة تخلص وبعدين نرده بدل ما يعملنا قلق

ميزو : ونرده ليه....مشيه خالص

سمسم : مالوش لزوم نعمل طرد أو ندى إنذارات اليومين دول.... بالنسبة لاسلام هوه كان كاتب قصة مؤرفة أنا حذفتها...رجعوهاله خلوه يتلهى فيها لحد ما الزيارة تنتهى وبعدها إرموه هو وقصته فى الشارع

مش عايز حد يزعـــل

يوميات مشرف اتجنن((متجدد يوميا)) Biggrin

يوميات مشرف اتجنن((متجدد يوميا)) Biggrin

» نشرة أخبار المنتدي -موضوع هام لجميع الأعضاء يرجو متابعته يوميا ( متجدد يوميا )
» نشرة أخبار المنتدي -موضوع هام لجميع الأعضاء يرجو متابعته يوميا ( متجدد يوميا )
» يوميات شباب روش طحن (( متجدد & متميز & حصري ))
» اضحك مع يوميات موظف 142 دليل
» قصة صعيدى مع بنات استايل((متجدد يوميا تابعونا هتضحكو جامد وعلى ضمانتى))