حماااااااااااااااااااااااتى (ربنا يخليها)

تبقى قاعد في امان الله مع مراتك وقاعدين تهرجوا تقولها بحبك يا توته وتقولك وانا ..... وفجأه يدق الباب

هو : خير الله اما يجعله خير من اللي جاي لنا الساعه ديه
هي: مش عارفه قوم افتح يا حبيبي
هو : ربنا يستر
ويروح يفتح الباب وللاسف ربنا ما استجبش لدعوته يلاقي في وشه حماته
هو: ( في سره اعوذ بالله من الشيطان الرجيم ) حماتي
حماته : ايوه امال عفريتها جاي يطل عليك ايه كل ده علشان تفتحوا الباب انت وقعت على ودنك ولا ايه
هو: في سرك ( يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه خدها يا كريم )
حماته : سرحان في ايه بقى يا راجل يا ناقص اكلمك في التليفون وافولك تعالى بتخانق مع المعلم عكوة الجزار تقوم متجييش
هو : طب ما انا افتكرت ان ولادك اكيد هناك يا حماتي
حماته : ليه هو انا مستغنيه عنهم
هو : يعنى ايه مستغنيه عنى انا وبعدين ده راجل مفترى اخر مرة كان اتخانق مع جاركو اسماعيل الله يرحمه وفضل معلقه في المحل تلات ايام
حماته : انت لو اتهببت مت هالاقي بدالك ميت عريس لبنتي اللي اتعمت لما خدتك واقولها يا بنتي بصيله تقولي بحبه ياماما يابنتي بصي كويس تقولي بحبه اقولها دققي في ملامحه تقولي الموكوسه مالها ياماما اجيبلها صورة قرد وقولها بصي للصورة وبصي له ايه يفرقهم ترد عليا تقولي بحبه ياماما وادي النتيجه اتجوزتك وعملت عمليه ليزر في عنيها ورجعت تشوف كويس ولما فاقت شافتك اتخضت واصرت ان الدكتور يرجعلها نظرها زي ما كان .
هو : كتر خيرك يا حماتي ( في سره يارب مش عايز غير الدعوه ديه وبس خدها خليها تبلع لسانها اكيد هتتسم )
حماته: بنتي حبيبتي معلش نسيت اسلم عليكي اما لاقيت الموكوس في وشي
هي : نورتي يا ماما يا حبيبتي عامله ايه
حماته : كويسه بس الراجل اللي اتعميتي واتجوزتيه رفعلي الضغط
هو : معلش يا حماتي معلش
حماته : وبعدين ايه اللي انت لابسه ده شورت وفانله امال فين الكاب انت فاكر نفسم شغال في سيرك ولا كنت بتسليها وبتعملها فقرة المشي على الحبل طب هو انا غريبه اعملنا عجين الفلاحه ادخل غير واتحشم ، وبعدين جيب لي حاجه اشربها يا عديم الذوق يالا .
هو يدخل المطبخ ويعملها شاي ويبص لعلبة سم الفيران ويقول اخلص منها واخلص نفسي بعدين يرجع ويقول حرام هاروح من ربنا فين
يرد على نفسه ويقول اكيد ربنا هيسامحني لأ لأ اعوذ بالله من الشيطان بلاش ) ويخرج
حمانه : كل ده علشان كوباية شاي موكوس ومدهول يا حظك يا بنتي وتدوق الشاي ايه ده الشاي طعهمه زفت ادخل اعملي واحده عدله يالا
هو : من عنيا يا حماتي (وهو يبتسم مش خسارة فيها العلبه كلها)

نكتة جامدة موت يا سمسم وابقي سلملي علي المعلم عكوة الجزار وحماته وياريت تكتر من نكت

الحموات Very Happy

شكرا يا محسن يا برنس ومن عنيا الاتنين يا برنس انت تأمر

ههههههههههههههههههه
ايه المعامله ده
شكرا علي
الموضوع يااسلام Very Happy

العفو يا عمر وشكرا على الرد

ههههههههههههههههههههههه
ههههههههههههههههههههههههه
موضوع تحفة يا اسلام Laughing

دانا اماا ابقى حماة هاعمل انيل من كدة ان شاء الله Laughing

هههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
موضوع رائع يا سمسم ....... و يا رب متكونش حماتى كده Smile

شكرا ليكوا يا جماعه على الردود الحلوه دى

» نكت بايخه جدا ربنا يستر
» كلنا شوقا للجنه ... فلا تحرمنا منها يا ربنا الكريم
» لا مش معقول هو فيه حلاوه كده محسن 35 الف مشاركه ربنا يزيد ويبارك
» كتير مننا بل كلنا لو سالته بتحب ربنا يقول ......طبعا
» حسن صقر: الرياضة المصرية تعيش عصرها الذهبى تحت رعاية الرئيس مبارك ((ربنا يخليهولنا