تعمل إيه لو قابلت الرخم ده وعمل معاك كده ... يا خرابى

مساء الخير جميعا

ممكن كلنا نتعرض لمواقف بايخة فى الشغل فى الشارع فى الجامعة
وبنقابل ناس بارده كتير جدا...

لكن بالبرود بتاع الراجل ده عمرى ماشوفت ..

لو انت اللى اتعمل فيك كده ممكن تعمل فيه ايه .. مش عارف .

نشوف كده ..

مرة واحد ماشى فى الشارع فقابل واحد تانى شكله مش على بعضه ومستعجل أوى وبيقول:

لو سمحت من فضلك قلعنى الجاكتة

فالأولانى قال له:نعم ؟

فالتانى قال: قلعنى الجاكتة بسرعة

حاضر....حاضر وراح مقلعه الجاكتة

لو سمحت بقه قلعنى الكرافتة

ايه؟

الكرافتة.....الكرافتة بسرعة

حاضر حاضر وراح مقلعه الكرافتة وهو مستغرب اوى من الراجل الغريب ده:ها ياسيدى أى خدمة تانية

آه .معلش فكلى زراير القميص

لااااا دانت زّودتها أوى ..كده تاخد برد يقلب بنزلة شعبية حادة تاخد أجلك

من فضلك فكها ....بسرعة أرجوك

افففففففف... وأدى زراير القميص خلاص فكتها... دا كان إيه القرف ده ، ها أى أوامر تانية؟

أيوه قلعنى بقه القميص .. استحملنى معلشى ..

ياسيدى عيب مايصحش كده، دا احنا فى الشارع خللى عندك دم .....
أرجوك أرجوك بسرعة.....مفيش وقت .. مش قادر

دى وقعت ايه المهببة دى، أنا كان ايه اللى جابنى من الشارع ده... وادى القميص..هااااا..ايه تانى

ارسملى على ظهرى خطوط بالطول وخطوط بالعرض

حسبى الله ونعم الوكيل...انت مجنون ياراجل أنت؟؟؟؟

من فضلك....أرجوك انت مش حاسس بيا ..

رسمتلك زفت بالطول وزفت بالعرض

رقملى بقه المربعات للى اتكونت على ظهرى بالارقام من 1 الى 40

ياصبر أيوووووووووب .. بقه أنت معطلنى كل ده علشان تلعبنى سيجا على قفاك؟؟؟

بسرعة لوسمحت....ارجوك رقمهم ....من فضلك مش قادر

أدينى رقمتهم

لو سمحت بقى أهرشلى فى المربع رقم 33

هههههههههههههههههههههههه

امانه عليك لو انت مكان الراجل ده كنت عملت فيه إيه ..

ههههههههههههههههههههههههههههههه هههههههههههههههههههههههه هههههههههههههههههههههههههههههههههههههههههههههه

نايس موضوع وانا لو مكانوا مش هعمل كل دة

رد جميل يا أدمن أمال ها تعمل إيه ؟؟؟؟؟؟؟؟؟؟ Very Happy

هههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه

جااااااااااامده يامحسن ياروش

العفوووو يا سعده وحلو الروش دي Very Happy

موضوع جميل أتيت لكم به من التراث لتقرؤه فهنيئا لكم بقرائته

وعلي فكرة الموضوع ده ليه ذكري خاصة ليا مع معوض

موضوع جميل بس ايه ذكرته اوعى تكون انت اللى هرشتله

هههههههههه لأ نفس الفترة بس الحمد لله جت خير

» عملاق برامج تحرير الملفات الصوتية وتقطيعها وعمل النغمات(حصرياً)
» لو معاك مسدس هتقتل مين
» قول بصراحه هاتعمل ايه لو معاك ربع جنيه
» تعمل ايه لو راكبه جنبك فى العربيه ست زى دى
» معاك واحد رخم على الشبكه بيقطع النت