ح تقبل ح احبك ح ترفض ح لبك

اخيرااااااا رجعنا لاحلي منتدي واجمل اعضاء بعد طوول امتحانات وتعب اعصاب يلا بقي عقبال النتيجه انشاء الله وبالنجاح لاجمل شباب شباب كليه التجاره جامعه القاهره واداب القاهره...
واتمني ان الموضوع السياسي ده يعجبكوا يا جماعه واشوف الردود الجميله.....

ياشعبي ياحبيبي ياروحي يابيبي يا حاطك في جيبي يابن الحلال..ياشعبي ياشاطر ياجابر الخواطر ياساكن المقابر وصابر وعال ....ياواكل سمومك يابايع هدومك ي******مل همومك وشايل جبال..ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال ...احبك مكبر دماغك مخدر ممشي امورك كده باتكال ...واحب اللي شايف وعارف وعارف وخايف وبالع لسانه واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محااال واحبك تسافر وتبعد تهاجر وتبعت فلوسك دولار او ريال ............
واحبك تطبل تهلل تهبل عشان ماتش كوره وفيلم ومقال ...واحبك تايد تعضد تمجد توافق تنافق وتلحس نعال لكن لو تفكر تخطط تقرر تشغلي مخك وتفتح جدال وتبدا مشاكل وتعمل مشاكل وتنكش مسائل وتسال سؤال وعايز تنولر وعايز تطور وتعملي روحك مفرد رجال ...ساعتها هجيبك لايمكن هسيبك وراح تبقي عبره وتصبح مثال حبهدل جنابك واذل اللي جابك وهيكون عذابك ده فوق الاحتمال وامرمط سعادتك واهزا سيادتك واخلي كرامتك في حاله هزال وتلبس قضيه وتصبح رزيه وباقي حياتك تعيش في انعزال
ح تقبل ح احبك ح ترفض ح لبك ح تطله ح تنزل ح جيبلك جماال

ملحوظه:بحب الحزب الوطني والريس حسني وجمال