موضوع مهم لكل أعضاء المنتدي بخصوص الإشراف- يرجو الدخول من جميع الأعضاء قديمهم وحديثهم

بسم الله الرحمن الحيم

أحب في بداية كلامي أشكر الأعضاء الحالين علي مجهوداتهم الكبيرة إللي بيقدموها لمنتدانا الأفضل

ندخل بقي عالموضوع أنا شايف يا جماعة إن تقريبا معظم إللي ماسكين الإشراف دلوقتي ما يستاهلوهوش

وواخدينه كألقاب بس من غير شغل في المنتدي وطبعا الإشراف يعني الاشراف العام وإشراف المنتديات وأنا

أحب أبلغ الأعضاء دول إن فيه حركة تغيير هنقوم بيها نحن إدارة المنتدي علي أول الشهر إن ما دخلوش واشتغلوا

والحركة دي هنشيل فيها مشرفين ما يستاهلوش ياخدوا الإشراف ونعين بدلا منهم ناس شغالين تمام لنطبق مقولة

لكل مجتهد نصيب وعلشان نبين برضه إنه مافيش محسوبية ولا وسايط في المنتدي تحت ريادة الأدمن بتاعنا أحمد

عبدالمعوض

يعني المنتدي هيتظبط صح ونقول إن الإشراف ليس حكرا علي أحد من الأعضاء مهما كان

ونبين برضه إن الشغل فيه هو إللي يحكم وبرضه فيه مشرفين بيدخلوا ويشاركوا ماشي

علي عيني وعلي راسي بس ما عملوش حاجة أو إضافة تذكر للمنتديات إللي ماسكين إشراف فيها

وإن شاء الله بعد لما نقوم بالحكاية دي هنفكر نعمل منتديات جديدة علشان المنتدي يبقي تمام

واحتمال منتديات تتقفل واحتمال تاني منتديات تدمج مع منتديات أخري يعني توقعوا مفاجأت في المرحلة المقبلة

وإن شاء الله هنعلن المشرفين الجداد وإللي اتشالوا من مكانهم هنا في الموضوع ده

وفي موضوع نشرة أخبار المنتدي إلللي موجود ملصق في منتدي أخبار الأعضاء

وأنا راعيت في موضوعي ده عدم ذكر أسماء وأي حد عنده سؤال أو استفسار بخصوص الإشراف يقوله

وشكرااااااااااا

السلام عليكم

سبحان الله معرفش يامحسن كل ما باجى افكر فى حاجه الاقيك نفذتها والله بجد وانا نفسى نعمل منتدى الرياضه واللى يكون فيه الاهلى والزمالك

وشكرا

كلام جميل يا محسن انا اويدك
لاكن عندى اقتراح يريت تقراه فى منتدى الاقتر******ت
ويكون الاختيار بالتصويت وعدد المشاركات

انا معاكوا فى الموضوع ده وانا فعلا مكنتش بدخل لظروف غصب عنى وكمان كنت مسافر ومش موجود...وعشان محدش يقول انا دخلت عشان خايف ان الاشراف يتشال منى ولا حاجه انا بقالى كذا يوم بدخل قبل الموضوع ميتكتب اصلا وانا ميفرقش مع****** سواء كنت مشرف او لا... لان اللى بيشتغل فى المنتدى ميهموش سواء كان مشرف ولا عضو ولا اى حاجه... واتمنى يكون قصدى اتفهم والرساله وصلت

الف حمدالله على السلامه ياسمسم وحشتنا والله واحنا عارفينك يااسلام ومش انت اللى تزعل على اشراف ولا غيره ربنا يخليك لينا ياحبيبى

شكرا يا ميدو على الكلام الحلو ده وانتوا والله وحشتونى اكتر ومن بكره هتزهقوا منى تانى

أهلا بيك يا إسلام ووحشتنا والله والمنتدي نور بيك والكلام طبعا مش عليك وأنا طبعا براعي

ظروف الناس إللي بتشتغل زيك والناس إللي الكمبيوتر بتاعها بايظ بس الناس إللي هيتشال منها

الإشراف دول بيستهبلوا يعني ماعندهمش ظروف ولا حاجة وعلي فكرة يا ميدو منتدي الأهلي

والزمالك موجودين بس يا جماعة نخلص من حكاية الإشراف دي وبعد كده أبقي أعمل

موضوع لاقتراح منتديات جديدة في منتدي الاقتر******ت والشكاوي وأهلا بيك يا إسلام

مرة تانية وبأقولك إنت مش من الناس إللي هيتشال منها الإشراف ده إنت حتة أحسن تاني

عضو في المنتدي كله وأنا دارس كل حاجة كويس وعارف إللي مخططله وشكراااا موضوع مهم لكل أعضاء المنتدي بخصوص الإشراف- يرجو الدخول من جميع الأعضاء قديمهم وحديثهم Icon_biggrin

حمد على السلامة يااااااا اسلام يااا سمسم

موضوع جميل ياا محسن واللهى انت الماايسترووو

وانا معاااكم بكل ماااا هو جديد حتى يرق الافضل الى الافضل

اهلا بعودتك ياسلام ومنور المنتدى

وربنا يوفقك يا محسن

محسن شاهين حبيب الملايين

مموضوع جميل يا محسن يا كبير

» استفتاء حول عمل المنتدي الشبابي-يرجو الدخول من جميع الأعضاء
» ادخل وقول أسماء المنتديات السبعة الجديدة - يرجو الدخول من جميع أعضاء المنتدي ومحبيه
» ادخل واقترح اسم للمنتدي الجديد -يرجو الدخول من جميع الأعضاء
» الرتب التي يتم الحصول عليها في منتدي الأفضل - يرجو الدخول من جميع الأعضاء
» استفتاء حول عمل منتدي الأعضاء_يرجو الدخول من كل أعضاء المنتدي