بصراحه مش لاقيه عنوان

السلام عليكم ورحمة الله

انا لاحظت حاجه غريبه اوي

العضو مننا ينزل موضوع للنقاش في 
القسم العام او قسم تاني


يناقش في قضيه معينه وعايز اراء الاعضاء ويشاركوه رأيه 


ويختم الموضوع بسؤال علشان اللي نظره ضعيف ولا حاجة 
ولا اللي بيقرا وخلاص السؤال يوقفه 
ويفهم ان مطلوب منه ابداء رأيه 


ويبقي الموضوع لو منقول ماشاء الله الردود بتاعته 
في منتدي تاني بالعشر صفحات
والناس بتشارك وتبدي اراءها 









اعضاءنا بقي





العضو مننا اللي يدخل يتفرج علي الموضوع 
ويجري وكأن حد بيراقبه 
ولو شافه بيقرا الموضوع هايمسكه يضربه 

( مش عارف خايفين من ايه ) 


ولو حد رد للأسف يزود الطينة بله 


و يرد علي الموضوع


بمرسي 



ونايس توبيك


ويسلم مجهودك يا فلان 


(ميرسي علي ايه هو قدملك طبق بنبونى 
ولا عزمك علي الغدا 
ولا بيقولك تعالي اتعشى معايا تقوله ميرسي ) 

ويموت الموضوع لما يكون اقصاه 5او6ردود


وثانكس 


ومعظم الردود تبقي رد صاحب الموضوع شكرا لمروركم وردكم 


فين تمردكم 


وابداء ارائكم ووجهات نظركم 


فين كل دة 


وفين التعبير عن الذات 

ولا احنا جيل هايف وتافهه زي ما بيقول علينا الجيل السابق 


اللي احنا بنقول عليه جيل دقه قديمه 






حد يجاوبني 





فين تمردنا فين احنا وذاتنا 



ولا فعلا احنا معندناش اراء ولا بنعرف نعبر عن نفسنا 
وكل اللي يهمنا نبقى كوول





لو موضوع للنقاش انصحك 
ماتدخلش ترد بميرسي وثانكس وشكرا او بلهجة تانية 
غير لما تقول انا هنا ورأي كذا



واعترض واوافقك 




لو ماقولناش ارأنا هنا في المنتديات اللي بتتعمل محدش 
هايسمعنا ولا يحس بينا 
ولا هانعرف نقول ارأنا وهانقولها فين 



اما لو فعلا معندناش اراء ولا تعبير عن الرأي فأنا اعتذر لكم




واقولكم ياخسارة 




وسوري مضطر ارفع القبعه للجيل السابق 




جيل الدقة القديمة المعقد زي ما بيقولوا




واقوله فعلا عندك حق احنا جيل تقليدي وهايف 
ومعندناش اراء ولا بنعرف نتناقش في اي موضوع 




للعلم بالشئ الموضوع كان معمول في منتدى مصري من زمان 
او شبيه بيه والردود ممكن كانت بتوصل لاكتر من 5صفحات على نفس الرد



وانا مش عايز منتدانا يهتم بمواضيع ومواضيع لاء







وكالعادة مستني ردودكم اللي هي 





مشكور



الله يعطيك العافية




اه فعلا عندك حق




لو سمحتوا اللي هيدخل يكتب كدا يبقى ميردش احسن



معلش يا جماعة اعذروني




وياريت يعني نصحى شوية 
ماشي..؟؟




اعذروني

وشكرا للقراءة

ان لم افهم شئ

ممكن يكون الكلام باالفصحة لكي افهم لاني لست مصريا

maghod ra2e34

mashkooooooooooor

                     ان اللى يدخا يقرأ موضوع يقول رأيه بصراحه ميخفش حتى لو الموضوع مش عجبه ) ياdjamel

ميرسى


مشكور


مجهود رائع ياسيرة


هههههههههههههههههههههههههههههههههههههههه


اصل كل واحد هنا مش بيكون تقديرة كويس فى مواضيع فى المناقشات مش تستاهل انها تنحط

بتتعمل كدة مرة واحدة باعشرين موضوع ومن غير ردود

وكمان اية لو انرد عليها هانقول شكرا برضو

وبالنسبة للجيل

قوليلهم الجيل دة هو الى اخترع الروشنة

هههههههههههههههههههههههههههههههة

ولا اقولك قوليلهم بى كوووووووووووووووووووووووووووووول

اما عن الدقة القديمة فهما ناس عظماء الصراحة

ومش اسمهم دقة قديمة اسمهم دقة كل العصور