لغة الشباب بتوع اليومين دول

انا النهاردة جايب حاجة تجنن اقرا الموضوع من اوله لاخره وهتشوف اذا كان ميه ميه ولا لا

حول اللغة السرية للشباب تعالوا (( نرمى ودانا فى حجرهم )) ونشوف بيقولوا اية ؟؟؟؟؟

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو حتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))

ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب هوى ومتخرتق )) !!!

وأكثر مصطلحات متداولة هذة الايام
(( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( فوكك )) سيبك من الموضوع دة !!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( إحنا اللى بنقلوظ القلاووظ بصباع الموز )) يعنى احنا نقدر نعمل كل حاجة !!
(( شوليطى . موليطى )) يعنى مش معايا فلووس .. مفلس !!

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف !!

وفى الختام أقولكم ممكن حد (( يباصى )) يرسل أحدث مصطلح شبية فى نفس الموضوع عشان انا (( أتخنقت )) وعايز (( أريح الاناناى )

يااااااااااااعم قول ياااارب
النااس تعبانة وبتعيت من الغلو

موضوع جميل منك ياااااااااا محمود

شكرا لمرورك الجميل ده

الشكر الله ما تقولشى كدة

يا عم اقول زى ما انا عيز ومتبقاش تس تس

ياااااه

لقد زهلت

ازهق بعيد عنى

زهلت وليس زهقت
فى مدارس محو اميه دلوقتى تقدر تكمل فيا التعليم

بجد بعد الصيدلة ممكن

كل شئ جايز فى الزمن الاسود ده

يا جدع عيبانا شارب اية

ههههههههههههههههه

تسلم ايدك يا محمود

المنطبق عليا 100_100

(( جايب جاز والشراب هوى ومتخرتق )) !!!

بس من الاخر تسسسسسسسسسسسسسسلم صوابع ايدك

تسلملى بردودك الحلوه دى
وميرسى لمرورك

ماشى يا عم محمود

على الكلام الحلو ده

ومنك ناخد مصطلحات

اتفضل يا اشرف خد اللى انت عايزه

وشكرا لردك اللى منور الموضوع ده

ههههههههههه مية مية ده بلطريقة دي تتظبط العملية

موضوع اخر حاجه
وبجد انت حد كويس
ودماغك ف الاستنجالينا يا بيج استرايس بووووس!!!
حبت كلمات من القاموس
بس بجد كلمات ومصطلحات لذيذه منك
بس اول مسطلحين منى مبحبهومش خااااالص
يعنى ايه اخر حاجه مانقول جاامد وكد
وايه حد كويس اللى بتخنق لما اسمعها
فلان حد كويس
كلمه رخمه
وشكرا ع مواضيعك رغم انى قريتوا متأخر اووووووى

اوك ياعم محمود
ياكوووووووول انت
ياجامد

nice man

» مواصفات الشباب
» ازاى تخلى الشباب يحترموكى ؟؟يهمنى يقراه الشباب والبنات
» اشاعه منتشره اليومين دول
» مستقبلنا الوردى لكل الشباب
» الشباب والبمبي