بين الشباب والبنات .. ادخل اسأل .. ادخلى اسألى

تذكير بمساهمة فاتح الموضوع :

سالخير شبابنا

معايا موضوع حيوى بين الشباب والبنات

الفكرة كلها ان ولد يسأل سؤال للبنات

والبنت اللى ترد تسأل سؤال للولاد

وهكذا يمشى الموضوع

ونشوف وجهة نظر كل واحد فى اسئلة غيره

بس يا ريت تكون الاسئلة فى حدود الاحترام

وانا ببدء

ايه شعور البنات لو واحد عاكسها وايه رد فعلها ؟

اوك

بس هما مش معانا اصلا

انا عارف ان هما عندهم رهبه من الموضوع ده give_rose

بصراحة كدة يعني لو هي فرحانة تبقي مش محترمة اصلا وما تستاهلش حبي دة انا كنت بحبها واكيد هاسيبها يعني

طيب هسال انا السؤال بدل ميزو

لو انت بتحب ازاى تتاكد من حبها ليك

محدش عايز يجاوب ليه؟؟

انا بنت مش كل حاجة بلعنف كدةهى كل حاجة عندكم هى العنف لية كدة فى حاجة اسمة حب حقيقى

ههههههههههههههههه
السؤال انت عاوز تتاكد من حب حبيبتك ليك ؟
اجاوبك ياحموده
عاوز تعرف حبيبتك بتحبك ولا لا
اكيد هيبان من نظرتها وكمان من افعالها
اذا هى كانت بتحبك هتخاف عليك وهتحاول تخليك دايما الاحسن وهتخاف على مصلحتك وراحتك
يعنى مش كل شويه تقولك انا جالى عريس وعوزاك تيجى تكلمنى ومعرفش ايه والكلام الفاشل بتاع البنات الفاشله او الصغيره
وكمان حبها هيبان من نظراه عنيها ومن كلامها ليك وافعالها يعنى مثلا ميجلهاش عريس حلو ولا حاجه تقولك مع الف سلامه والقلب دعيلك
ولا تقولك انت متستهلنيش وتستاهل احسن منى
ولا تقولك اهلى غصبوا عليه لان مفيش بنت اهلها بيغصبوا عليها

اسأل انا
ياترى لو الولد انجرح من حبيبته وسبته مثلا بيبقى شعوره ايه وياترى بينساها على طول ولا مبيقدرش اصلا وحياته بتبقى عامله ازاى؟

الله عليكى يا ميما والله انتىة ملكيش حل رد روعه مفيش اجمل من كده

بالنسبه للسؤال بتاعك
هو طبعا الموضوع نسبى يختلف من شخص لاخر يعنى فى واحد يقعد زعلان عليها عمره كله وبتبقى حياته حاجه صعبه وحالته تصعب على الكافر

وفى واحد يقولك هى اللى سابتنى يعنى طظ فيها والمركب اللى تودى ومزعلشى على اى شئ راح لا انا انتبه لحياتى

اعتقد انى تقريبا جاوبت والله اعلم

طيب سؤالى
ليه الحب الاول احلى حب فى الدنيا حتى ولو كان مصيره الفشل؟؟؟؟

ايه يا شباب مفيش تفاعل مع الموضوع ليه؟؟؟؟؟؟؟

ولا مفيش حد عارف يجاوب!!!!!!!!!

هرد عليك ودى مجرد وجهة نظر
الحب الاول اجمل حب لانه بيبقى اول دقه حب للقلب واول شعور صادق بيحسه الانسان بالحب اتجاه شخص معين واول كلمه( بحبك)بيسمعها واول مره يحس انه مسؤل من او عن حد بيخاف عليه ويرعاه عشان كده مبيتنسيش وبيبقى اجمل حب وبتحس انه عامل زى اول طفل ليك شوف بئا غلاوه الابن حتى لو جبت بعده تانى وده مجرد تشبيه لانه بشبه المشاعر اللى بنحسها بالطفل البكر واول فرحه وحتى لو محصلش نصيب يوم ما بنفتكره بيبقى اجمل ذكره مرت على بالك وفكرك
وعشان كده الولد بيتمنى يكون اول حب فى حياه البنت
وشكرا ليك ياحموده وياريت اكون قدرت اجاوبك

السؤال:
ليه اغلب الحب الاول فى حياه الناس بينتهى بالحزن والبعد؟

لان الاعتقاد السائد ان الحب شى والجواز او الارتباط شئ اخر مع ان هذا خطأ كبير
ويجب الاحتراس منه لان الحب احساس وتضحيه ولاسف ارتيط الفكر السائد بما نراه فى الاعلام
من ان النهايه الحتميه هى خيانه الفتاه لحبيب االقلب {او العكس طبعا} وتبكى الفتاه وتاخذ على نفسها عهد بان تكون افضل منه
والام تقلها هايجلها احسن منه هايجيلك سيد سيدو
وربنا يجمع كل حبيبين على خير فى عش الزوجيه السعيد

ازى اعرف انى بحبها؟

اختبر نفسك لما تكون قريب منها شوف فرحتك عامله ازاى اكيد لو بتحبها هتكون فى قمة السعاده ولما هى تتاخر عنك فى بتكون فى قمة الحيره والحزن ومبتكونشى طايق نفسك ولا اللى حواليك

انما لو مفيش حاجه يبقى اكيد مش بتحبها

ده رايي المتواضع

ليه دايما بيدور شك من الشاب لمن يحبها؟؟؟؟؟؟؟؟

اولا احب اجاوب على سؤال البوسطجى بوجه نظرى بعد اذن الفتى الطائش طبعا

عاوز تعرف ازاى بتحبها
لما تلاقى جواك مشاعر جميله اتجاها خوف عليه وحنيتك عليها ورقتك ومشاعرك الجياشه واحساسك العالى بيها وكمان لما تلاقى الحياه من غيرها ضياع وانت ضايع من غيرها وحبك ليها واحساسك بيها كل يوم فى زياده لان الحب الصادق بيبقى دايما فى زياده
لما تكون بتعرف تسامحها على اى خطأ وكمان تعلمها طبعاك وتتعلم طبعها لما تكون نفسك ربنا يوفقك وتحاول تعمل كل حاجه عشان ربنا يجمعكوا على خير لان دايما الحبيب بيتمنى يقضى بقيت حياته مع اللى بيحبها

اما السؤال التانى
الولد مبيشكش فى البنت غير لما بيكون عديم الثقه فيها او عديم الثقه فى نفسه
وكمان بيكون فى نفسه حاسس انه مملاش عين حبيبته لانه لو معتبر نفسه راجل وواثق من نفسه ومن اختياره استحاله يشك فيها هو يغير بس يشك لا لان اختيارك وثقتك بنفسك استحاله يتجمعوا مع الشك ابدا
ويارب اكون قدرت اجاوب اجابه اقرب للصواب

سؤالى:
ليه الولد بيحس ان حبيبته دى ملك ليه زيها زى التى شرت بتاعه ؟

دى مساله نسبيه تختلف من شخص لاخر يعنى مش كله بيفكر التفكير المريض ده

سوءال لابناء جنسى
اعمل ايه لو فيه بنت بمووووووووووووووت فيها ولما بحاول الفت نظرها بتلبس النضارة؟
فاهمينى؟
المشكلة ان معظم شباب المعهد بيتشحتفو عليها
لانها فى غاية الاحترام والادب حد يجاوبنى بسرعة قبل الاجازة متخلص

أنا رأيي تخليك إنت الشجاع فيهم وروح صارحها

اين السؤال؟؟؟

محسن هو اللى فوت السؤال

فين محسن حد يندهله

ايه اكتر حاجه بتعجب البنت فى الولد؟؟

ههههههههههههه

يعني لو معرفهوش اكيد مش شخصيته ماانا معرفوش بقي
بس في حاجات تانيه مثلا شعره وطريقة كلامه مع اصحابه ولو اصحابه كتير دي حاجه بتشد البنت اوي

ليه الجرح بييجي من الحبيب كده مره واحده

لان ممكن انه ما كان فى حب من الاساس بل كان حاجه للحب فقط وليس الحبالحقيقى

الذى يبقى دائما
ليه البنت بيبقى عندها الحاجه لانها تخلى اكتر من شاب يتعلق بيها ويحبها بالرغم من انها ممكن تكون بتحب واحد بعينه؟

علشان تحس بذاتها
ليه الشاب بيقدر ينسي كل حاجة فى لحظة واحدة والبنت مش بتقدر تنسي اى حاجة مهما حصل ؟

لان الحب جزء من حياه الولد وليس حياته كلها كما انه فى موضوع الحب هذا بيفكر بعقلانيه اكتر منها عاطفيا علشان كده ممكن ينسى حبه بسهوله
والعكس تماما بالنسبه للبنت فالحب يمثل للبنت حياتها كلها كما انها عاطفيه جدا فيما يتعلق بالحب
ولذلك صعب جدا على بنت انها تنسى حبها مهما حاولتى تبررى لها الاسباب
ليه البنت كل تفكيرها عاطفى فى معظم الاموربالرغم انه هناك امور يجب عدم التفكير بها بعاطفيه

انا معاك ياموحه
بس انا عايز اقولك برده ان مش كل حاجه مجرد انى عايز انساها بنساها
الحب بالذات ممكن انساه لو محبتش بجد
ولكن ان حبيت بجد
فعمى ماهنساه وهتلاقى عليك اوقات تحن للحب الاول
او تفتكر ذكريات منه
فى النهايه انا ممكن انسى الحب ده بس ده بيتوقف على حجم حبى للانسان ده
هل كل حاجه تضيع بسهوله كده؟؟؟وشكرا على النعاون
الموضوع ده جميل لانه بيعرفنا ببعض اكتر ويارب اكون وصلتلكوا قصدى

نتابع السؤال بقى بتاع موحه

منتظرين الردود

» هذا الفرق بين الشباب والبنات في سحب الفلوس من الصراف ...
» الفرق بين الشباب والبنات فى كل حاجة
» الفرق بين عزايم الشباب والبنات..
» العلاقات الهاتفيه بين الشباب والبنات
» شوفوا الفرق بين طفوله الشباب والبنات