فكره جاااااااااااااااااامداااااااااااااااااااااااااه

الفكره دى عجبتنى اوى لانها هتعرفنا كلنا اكتر على بعض وبرده هتكون حلوه بما اننا

اسره واحده وكلنا اخوات بنات وولاد
ايه رئيكم نتعرف على بعض اكتر من خلال اهدفنا يعنى

كل واحد وواحد هتتكلم او يتكلم بصدق ويقول هو اهدافه ايه فى الحياه وحياته عامله ازاى
وبيتمنى يحقق ايه عشان يبقى سعيد فى حياته وكمان ايه الحاجه اللى بتخليه بيشعر بالسعاده
وكمان هيقول ايه اكتر حاجه بتسعده وحققها او نفسه يحققها
ولو عند اى حد فينا مشكله يطرحها على باقى اعضاء المنتدى ونحاول نحلهاله

هاااااااااااااااااااااااا يارب تتفاعلوا مع الموضوع ويعجبكوا

وهبتدى بيا

انا بنت عاديه جدا بس مسمينى ام الافكار لانى عقلانيه جدا ادامهم بس فى الحقيقه رومانسيه موووووووووت
دايما بحب ابان انى شخصيه قويه وعمرى ما ضعفت ولا حد شاف دموعى
عنيده جدا وبحب انفذ اللى فى دماغى واتحمل مسؤليته
كنت بحب دراستى اوى

وعلى فكره حب الجامعه جميل جدا وقصص الحب بتنجح فيها مبتفشلش زى ما انتوا فاكرين
لان انا وخطيبى حبينا بعض فى الجامعه وكنت حافز ليه وهو كان حافز ليه ونجحنا مع بعض
وربنا يكرمنا ودلوقتى بنبتدى نجهز عش الزوجيه وربنا يجمعنا على خير والحمد لله بقالنا سنه كامله مع بعض والحمد لله كانت صافيه وخاليه من المشاكل كلها كانت غيره بس مع الوقت الحب كبر اكتر
واهدافى
ربنا يوفقنا انا وخطيبى ,ويجعلنى الزوجه الصالحه لى ويجعله الزوج الصالح
وكمان احقق نفسى فى مجال شغلى
وان ربنا يرزقنا بالذريه الصالحه

وشكرا
ويارب باقى الاعضاء تشارك ويجاوبوا بصراحه

موضوع غاية في الجمال يا ميما بس مش هاقدر أشارك فيه للأسف الشديد دلوقتي

لإني هنجت عالأخر Crying or Very sad

ولو رديت مش هاطلع كل إللي عايزه

يادوبك هاحسب نتيجة مسابقة المعلومات العامة وأنام

وإن شاء الله اليوم عالعصر كده هأشارك فيه وشكراااااااااااااا لكي يا ميما Very Happy

شكرا ليك يامحسن وهستنى ردك ومشاركتك
تصبح على خير واحلام سعيده

خلاص ابدا انا

اسمى احمد شاب عدى عندى 25 سنه طموحى جامد وده لانى اشتغلت فى البريد وفكرت انى اكمل كليه تجاره تقريبا قرفانى جدا لانى بجد مش عارف اظبط بين المذاكره والدراسه والشغل وخصوصا انى مساكك شغل جامد فى المكتب وصعب جدا انى اغيب او اخد اجازات بسهوله

وبالطريقه دى تقريبا اطريت انى ادخل امتحانات والله ما شفت الدكتور اللى بيدرسها
واهى ماشيه وخلاص ياريت تقولولى اعمل ايه اكمل اولا
وخصوصا انى اكتشفت ان الموهل مش هايفدنى فى حاجه فى الشغل خصوصا مع الوسايط وكمان انى والحمد لله اخدت الدرجه الثالثه اللى كان هايدها الموهل وبعدين انا انتساب يعنى السنه تصرف عليا وانا لا احضر حوالى 2000 فقط الفان جنيه مصرى لا غير
وبعدين انا داخل على جواز وعايز كل مليم
دى مشكله واحد حد يدلنى
شكلى بوظت الموضوع لان ى خرجت عن الموضوع الاصلى
شكرا لسعه صدر حضراتكم فى قرائه مشكله عبيطه

نورت الموضوع يابوسطجى

وكمان ده واجب اعضاء المنتدى يحلوا مشاكل بعض هو احنا اخوات بجد ولا هزار
ثانيا :بالنسبه لمشكلتك
انت اصلا من الاول دخلت كليه تجاره ليه ؟اكيد عشان تحسن مستواك الثقافى وغير كده كمان عشان تفيد شغلك وبما ان المؤهل منفعكش بحاجه لو اخدته وانت مشغول بين شغلك ودراستك اكيد شغلك اهم
وكمان المفروض اقولك تكمل لان العلم فى حد ذاته افاده ليك بس مدام وقتك مسمحش وشغلك صعب زى ما بتقول فممكن تثقف نفسك فى اوقات فراغك وتسيب الكليه مدام ملهاش وقت
وبما انك اخدت نفسه درجه المؤهل يبقى توفر فعلا كل مليم لجوازك لان مفيش احسن من الاستقرار وتكوين اسره وبيت
لان ده اساس الحياه
انا عارفه ان كتير هيقولك دراستك اهم والمفروض اقولك كده بس انا بحب اتكلم بواقعيه لان الواقعيه هى اللى تفيد
واقولك عشان تبقى مطمن اكتر
انت ممكن تصلى صلاه استخاره وتدعى انك ترتاح للافضل من الاختيارين وربنا عمره ما هيغزلك وهدلك على الصواب بس ميهمش انها تجيلك فى رؤيه كفايه تحس براحه قلبيه اتجاه القرار اللى هتخده
وشكرا لمرورك يابوسطجى وياريت اكون قدرت اساعد فى حل مشكلتك ونورت الموضوع

بسم الله الرحمن الرحيم

اسمي محسن فوزي واسم الشهرة محسن شاهين وأهدافي في الحياة كتيرة جداااااااااااااااااااا

وده نابع لإني شخصية طموحة أكره اليأس في الحياة والفشل ولا أعرف المستحيل

وطالب في كلية الأداب جامعة القاهرة قسم اللغة العربية وأدابها وبحب القراءة جدااااااااااااااا

وبأعتبرها عصب حياتي بأموت في حاجة اسمها التحدي وده بيسببلي مشاكل أحيانا مع الناس

وبيتهموني بسبب كده بتهمة الغرور وأحب أعامل الناس حسب ثقافتهم

وأحب إن الناس ينقدوني بس نقد بناء ومش نقد هدام بأكره حزب أعداء النجاح وحزب المقصرين

وأتمني أن أسجن بتهمة القتل وهي قتل اليأس والفشل والمستحيل في قلوب الناس

وزي ما قال نابليون بونابرت ( لا مستحيل تحت الشمس )

أرغب في الانتهاء من الدراسة الجامعية - مع إنها لذيذة ومش هاتتعوض - ومن ثم بعدها

تحضير الماجيستير وبعدها الدكتوراه لإني بأحب دراستي جدااااااااااا

غير كده بأحب أصحابي جدااااااا بس للأسف مش بنتقابل كتير بس كده

وشكرااااااااااااا ليكي يا ميما علي الموضوع الجميل ده

شخصيه حلوه جدا فعلا يامحسن واحلى ما فيها انها شخصيه طموحه

وربنا يوفقك وتحقق اللى بتتمناه
ونسمع اسمك دكتور فى كليه الاداب ان شاالله
شكرا لتفاعلك مع الموضوع

ان شاء الله
المهم انا قلت كلام غريب تيجى نتكلم حلو
انا احمد {ايه ياعم ما انت قلت قبل كده هى شغلانه انا احمد انا احمد عرفنا خلاص}
المهم
بجد اوقات بحس انى لازم اتغير ليه معرفش؟
حاسس انى بعمل حاجات مش كويسه او بعملها غلط او بعملها مش صح ولازم اغيرها
حاسس ان حياتى ملخبطه مش طبيعيه لازم تتغير للافضل طبعا على ريي تامر
كل ما اقول انا هابدء اعيش حياتى بمبدأ ارجع تانى وارجع فى اللى انا ناويه
لانى بحس انى صح
انا بحس انا بحس انا بحس هو فيش غيرك بيحس ايه الاحساس اللى مش طبيعى
ايه العبط ده
انا مالى كده
الموضوع ده بيطلق لى العنان انى اتكلم بحب الفضفضه زمان كنت بكتب كل حاجه فى اجنده لكن اكتشفت انها بتقرى من وراي اتجننت وقررت انى اتجنن اكتر واكتب هنا فى المنتدى عشان الكل يقرء ايه الهبل اللى انا بقولو ده
بجد انا عملت موضوع زيه من زمان ومخدشى اقبال كان اسمه حلاااااااااال المشاكل فى منتدى المنوعات هاتلاقوه فى الصفحه التانيه او الثالثه كمااااااان
ممكن اقعد اتكلم كده بالساعات بس اللى ليه نفس يسمع
يقلى انا مش هاقولو اى حاجه خالص
لانى بجد ممكن اكتب لكن مش هاتكلم مع حد
تعرفو ليه
انا مش عارف
هو فيه ايه
ومين الاهبل اللى بيتكلم ده
انا
ايوه انت
بجد انا هابقى صديق دايم للموضوع ده بالذات
ويارب ما حد يدخل على الموضوع
ابعتها ولا لا
ابعتها ولا
لا
ابعتها
ولا
لا
محدش قالى ابعتها ولا لا
مصيبه واحد يسالنى ايه هو اللى ابعتها ولا لا
قصدى على المساهمه دى
خلاص احسن حاجه انى مبعتهاش احسن
الاعضاء يقولو البوسطجى اتجنن

قول يا بوسطجي مش مشكلة الحكاية دي تتعمل في 10 موضوعات أهم حاجة مشاكلنا تتحل Very Happy

بسم الله الرحمن الرحيم

:أانا اسمي يســـري طالب في معهد تعاون (القصر العيني) ...

::انا حيــــاتى كلها متوقفة ع حالتى النفسيه لو كنت مرتاح نفسيا اقدر اعمل اى حاجة في الدنيا مهما ان كانت

ودة نابع من السعادة وهى مركز التفكير والحركة عندى يعنى لو انا سعيد اى حلم هحققه ،،

عيبي التسرع ومش بعرف اخد القرار بعد تفكير ،،وبواجه مشاكل كتير بسبب تسرعي ..

انا عنيد وبحب اوصل اللى فى دماغى للى بيكلمنى حتى لو كنت غلطان مش بحب اعترف بغلطى قدام حد -نفسي عزيزة-

اكتر حاجة بحبها في حياتى الصداقة ولما بيكون ليا صحاب ببقي مخلص اوى ليهم ودة في حد ذاته عيب وميزة ....

اكتر حاجة مش بحبها في حياتى الخبث واللؤم مهما يكون الانسان اللى نابع منه الصفات دى مش بعرف اتعامل معاه تانى....

اتمنى انى اكون محاسب كبير في احدى شركات البترول وربنا يوفقنى واقدر احقق هدفي ............

بالتوفيق يا يسرى
بجد
انت رائع فى اسلوبك فى سرد الحكايه

شكرا ليك يايسرى وبشكرك على ردك على الموضوع واهتمامك بى
وشكرا ليك يامحسن على ردك وتعاونك معانا فى الموضوع
اما انت يابوسطجى شكل عندك حياتك ملخبطه اوى ومتشتت فى افكارك وده باين من اسلوبك
وكمان يشرفنا ان الموضوع عجبك اوى كده وناويت تبقى صديق دائم فيه
بس ياريت لما نقولك رأى ترد وتقول تعليقك عليه ومتتجاهلش الرد لو سمحت اذا حبيت اننا نرد على اى حاجه انت بتطرحها
وشكرا ليك لتعاونك

موضوع جميل جدااااا يااا جماعة بارك الله فيكم

وجعلة الله فى ميزان حسانتكم

انا اسمى احمد عندى 16 سنة هكملهم فى 21 اكتوبر انا انسان رومانسى بس فى فترة من حياتى كرهت البنات فيها علشان كنت بحس انهم كدابين بس ده غلط منى علشان انا كنت بكلم امتر من بنت فى وقت وواحد انا محبتش غير مرة واحدة فى حياتى بس اتخدعت فى اللى حبتها ودلوقت انا كل تركيزى فى مذاكرتى ومش ممانع احب بس انا ناوى قبل ما احب اتاكد من اللى هحبها كدابة ولا صادقة وانا كنت محتاج اقول الكلام ده لحد وشكرا للعضوة ميما وانتى اسمك الحقيقى ايه

انا اشرف من الفيوم

زهقان من كل حياتى ومخنوق من الحياه

طموح مفيش . امل مفيش.حب للحياه مفيش

عايش بدون هدف فشلت لحد الان فى كل حاجه

اصدقاء مختفى منهم.بنات مفيش ومش عايز

وفعلا مفيش حاجه تستاهل
كنت بسمع زمان مثال بقول انسى الدنيا تنساك ومش عارف انا نسيت الدنيا وهى مش راضيه تنسانى ليه

حاليا منتدى الافضل هو الحاجه الحلوه اللى بتهون عليا

ارسل ارقى تحيه وسلام واحترام الى كل اعضاء ومشرفون ومدير الافضل

تحيااتى لكم

بس خلاص

ينفع كده ياأشرف فى حد يزهق من الدنيا مهما ان كان

الدنيا ياأشرف مليانه حاجات حلوه كتير جدا
مثلا فيها والدتك ووالدك واهلك وقريبك
فى مستقبلك اللى لازم تخططله صح عشان تنجح فيه
لازم تبقى طموح وذكى وتستغل الظروف الوحشه وتحولها لقوه بتستمدها عشان تبقى احسن وافضل
حاول دايما تتمنى انك تكون حاجه الناس كلها تقدرها وتعملك حساب
افرض حبك واحترامك من خلال افعالك
حاول انك تصادق وتحب الناس عشان الناس تحبك
قرب من كل الناس عشان تقدر تتأقلم معاهم
حاول انك تحب الدنيا عشان تحبك
يعنى متنسهاش وتقول هتنساك
لان دى حياه منقدرش ننساه طول ما انت عايش وبتتنفس وبتحلم وبتصحى من نومك
ياأشرف كل شئ بيجى بأوانه الحب والحبيب ليهم اوان بيجوا فيه وبتحس ان الدنيا كلها بقت ملك اديك
وفيه وقت بتقدر تحقق نفسك وتبقى انسان مسؤل ووقتها هتحب الدنيا
لان كل شئ هيتغير حواليك
حاول يااشرف تقرب من ربنا وتؤدى كل فروضه
لان فى حاجه اكبر لازم تعيش علشانها
وهى ارضاء ربك وانك تؤدى كل فروضه عشان ربنا يرضى عنك ويكرمك وكمان يخليك فى الاخره تنعم بالجنه
ياريت ياأشرف اقدر اكون خففت عنك
وشكرا ليك ياأشرف ولمشاركتك بالموضوع ومستنيه ردك على كلامى

انا عمر شاب عمري 20 سنه باحب التهريج والهزار زي عيني طموح جدا بس احيانا بأياس

احيانا باشعر ان طموحي اكبر من انه يتحقق في الحقيقه لذلك باحلم بيه في خيالي واحلامي

بادرس بالتجاره ومش بارادتي بمجموعي وبمقدار طموحي الشديد ده احيانا باوصل لمرحله

ياس رهيبه جدا كانها اهداف وتحطمت رغم انها لم تتخطي مرحله الاحلام وذلك بمجرد الخروج

للواقع وتامله من فساد ومحسوبيات وفساد وشباب زي الرز وبمؤهلات بدون قيمه تذكر

بحب اصدقائي جدا وان كانو اصدقاء شات او منتدي باكون في قمه الحزن ((بصراحه شديده))

لو في يوم صديق من منتدي اختفي مثلا بدون اي انذار فجاه لاحس ولاخبر

هل هيكون مجرد اسم((nick name)) وصوره شخصيه وخلاص واختفي من الوجود

بمجرد خروجه من المنتدي ((ممكن حد يقول الحقوا الشخص الرومانسي او الحساس ده ))

بجد يا جماعه ازاي ان يوم قعدنا هرجنا مع بعض في الالعاب طلعنا اشاعات علي بعض لعبنا

العاب السجن و..و..و الخ

وفجاه خلاص انسي كله راح خلاص احساس ما بيبقاش حلو بجد

لذلك قررت اني ما اتفاعلش مع الاعضاء بصوره كبيره ((بعكس طبيعتي في حب التهريج))

في المستقبل وده ممكن يكون سبب في عدم تواجدي في كل المنتديات بصوره كبيره

والردود لاتتعدي كونها ((شكرااا لمجهودك ))

واخيرااا اشكرك علي موضوعك ميما هو بمثابه متنفس ممكن الواحد يقدر يتكلم فيه يعني كان نفسي اتكلم كده من زمان

وباتمني لك التوفيق مع خطيبك وحياه زوجيه سعيده قريب باذن الله

اولا بشكرك ياشرقاوى على مشاركتك الجميل
وكمان على ثقتك بموضوعنا المتواضع
ثانيا
اكيد ياشرقاوى ان الانسان لازم يكون عنده طموح واحلام
نفسه يحققها عشان يعيش حياته ويثبت ذاته ونفسه
واكيد انك فى اول حياتك بتشوف ان طموحاتك اكبر منك وانا بتحس باليأس
لتحققها وان طموحاتك اكبر منك وده كله غلط
عارف ليه
خلى عندك ايمان بربنا وثقه فى وفى نفسك
انك تقدر تحقق كل اللى بتتمناه وانك تقدر
تثبت نفسك وتحقق ذاتك
ولانك داخلت كليه التجاره ليس حبا بها
ورغما عنك
عادى وكبر دماغك وامشى بمبدأ
(حب ما تعمل حتى تعمل ما تحب)
وعادى جدا ومتحطش فى دماغك موضوع الوسايط
لانك كده هتعقد نفسك وسلم امرك لربنا
واللى بيحبه ربنا بيحبب فى خلقه
واكيد لو انت بتعمل اللى عليك وبتأدى فروضك والحمد لله
ومبتنساش اللى عليك
ربنا اكيد هيكرمك ويرزقك من وسع
غير كده هتحقق نفسك وذاتك وطموحاتك واحلامك هتكبر معاك
وهتبقى اقوى
لانك بمجرد ما تخلص حياه الدراسه وتمسك شهادتك بأيدك هتحس ان
كل اللى كنت بتفكر فيه مجرد تفاهات
وطموحاتك هتبقى اكبر واحسن وهترسم الطريق وتخطط ازاى تحققها
وربنا يوفقك وتحقق كل اللى بتتمناه

ثالثا حبك للاعضاء وخوفك بالتاثر بيهم ده امر طبيعى
اولا لان الانسان الرومانسى بطبيعته انه
يتعلق اوى بالاشخاص ويزعل اوى لما يفارقوا
وكمان انت اكيد حبيت الاعضاء من ردودهم
ومواضعهم واراءهم
واكيد هتزعل لما تلاقى عضوا اختفى فجأه
واكيد زى ما انت حبيت الاعضاء
اكيد احنا كمان حبناك وبنعرفك من ردودك ومواضيعك واراءك
وطبعا زى ما اجددنا كانوا بيقولوا (القلوب عند بعضها)
واعرف ان ربنا مبيديش لحد الفرح على طول ولا الزعل والحزن على طول
لان دوام الحال من المحال وكمان
ربنا ليه حكمه فى تغير حالا الانسان انه
يعرف طعم الحزن فلما ربنا يعطيه اللى يفرحه يحس بقمته ويحمد ربنا
واللى بيعرف طعم الفرحه ربنا بيعطيه الحزن عشان يعرف النعمه اللى كان فيها
ويحمد ربه فى السراء والضراء

شكرا ليك ياشرقاوى على ردك الجميل
ويارب اكون قدرت اوصلك اللى عاوزه اقوله

انا ليندا محمد علي

في يوم من الايام كنت بحب الحياه اوي وكانت كلمتي المعتاده هي اني بحب الحياه

كنت فاكره اني هستريح لما اكبر واكون مسئوله عن نفسي لكن بالعكس دي حاجه بجد وحشه اوي يا ريتني ما كبرت كده
كنت فاكره اني هستريح لما ادخل الكليه وكده يعني بس بجد قبل كده كان احسن طموحي محدود ف الدراسه علشان انا بس نفسي انجح

لكن طموحي ف حياتي الخاصه هو اني ارتبط بالانسان اللي بحبه بجد حب صادق
وده هو اكبر هدف في حياتي او تقريبا الهدف اللي حاسه اني عايشه بس علشانه

واكتر حاجه خايفه منها هي بكره لكل يوم

[size=29]انا محمود عمرى 21 سنهانا حاصل على بكالوريوس علوم وتربيه جامعه المنصوره

قسم رياضيات وده عمره ما كان حلمى انا كان حلمى انى ادخل كليه هندسه وده متحققش على درجتين فقط
وكان ده مسببلى مشاكل فى الكليه واستمر معى الياس ده لمده سنتين فعلا دمروا تقديرى بس الحمد لله لحقت نفسى فى اخر سنتين واجتهدت فعلا وعلشان كده ربنا وفقنى فى السنتين الاخيرتين وحصلت فيهم على تقدير جيد جداوهما الى رفعوا تقديرى
وعن احلامى
فانا فعلا احلامى كبيره جدا واحب انى اكون اولا شخصيه محترمه فى المجتمع
وانى اساعد كل تلميذ واوصله لهدفه الى بيتمنى انه يوصل له&وكمان نفسى انى اى صديق لى مايكون فى اى مشكله
واسعد لحظات حياتى فعلا انا قضيتها ايام الجامعه بس الانسان ما بيعرف قيمه الشئ الا بعد ما ينتهى منه وكمان sizeبكون سعيد جدا لما بلعب كره القدم انا واصدقائى وبتكون هى فعلا اسعد لحظات حياتى
اما عن شخصيتى فانا رومانسى جدا وبحب معظم الوقت انى اكون مع نفسى بقيم الى انا عملته بيومى
وشكرا ليكى على الموضوع المتميز ده

شكرااااااااااا

ياااااااااااااااااااااااااااااه على جمال الموضوع ده يا جماعه الموضوع ده من اجمل موضوعات المنتدى اتمنى من الجميع قرائته من البدايه للنهايه
ويااااااااااااااااااااااه كم اتمنى عوده كل الاعضاء اللى رادو على الموضوع
ذكرياااااااااااااااااااااااااااااااااااااات

نايس مجهود و تسلم الايادى على الموضوع !!!!