للمخطوبات فقط........... المخطوبات فقط !!!

آنستي العزيزة .. لو ربنا فك عقدتك .. وانخطبتي


فإليك نصائحي حتى تأخذي بخطيبك من مركب الخطوبة إلى مثواه الأخير

( قصدي قفص الزوجية السعيد )


أجمل ما في الخطوبة العزومات الرومانسية


على أحلى محلات أكل في البلد.. واللي عمرك مانتي شايفه بابها بعد الزواج


نصائحي لك عند أي عزومة مع خطيبك .. تبقى رقَّيقه




أول حاجة لازم تعرفي إن الشوكة والسكينة بنمسكوا من إيديهم من الطرف

يعني مش من النص ولا من البوز زي الخنجر ولا من فوق طبعًااا


الخبز

أوعي تفضحينا وتقطعيه بسنانك


ولا الرغيف نصين بأيدك وكل نص لقمة وتحشري

حشر .. الخبز بيتقطع بالسكينة في الصحن

وبعدين تاخدي لقمة.. لقمة.. بالعافية.. قال يعني نفسك مسدودة

اضغطي على أعصابك جدااا وبعدين لما تروَّحي البيت

إبقي استفردي بالمطبخ زي مابدك


الـشـوربـة


أبوس كعب رجلك قضية الشوربة هذي مهمة جدًاااا

الشوربة بتنشرب من غير صوت خالص


ومن غير ماتقعدي تنفخي فيها.. زي اللي بينفخ في الفحم عالشيشة


الشرب بالمعلقه وبدون صوت.. سخنة مولعة متنيلة بنيلة برضو بدون صوت

.. وتسيبي نص الصحن على الأقل.. مش تلهطيها لآخر نقطة


الرز


طبعاً .. بيتاكل بالشوكة

عبي الرز بالشوكة.. وكأنك بتبوسيه مش بتاكليه

وانسيلي أكل جد جدك لما بغرف ايده بالصينية وبطلع نصها معاه


المكرونة


برضو بالشوكة.. بتلفي المكرونة على طرف الشوكة.. لحد ما تخلص وبعدين تأكلى من غير صوت .. مش تشفطي المكرونة عود عود




السمك

مشكلة انا عارف


شوفي يا بنتي بتفصلي اللحم عن الشوك..كيف..؟؟

تقطعي اللحم من النص.. بالطول وبعدين تفردي اللحم ع الجانبين ولما تخلصي
ناحية.. متقلبيش السمكة.. لأ شيلي السلسلة بالشوكة والسكينة وارميها جنب
الصحن وكملي أكل النص التاني عادي

وبدل الفيلم الهندي هدا.. نصيحة.. بلاه السمك خالص مع خطيبك

قولي مابحبوش السمك وخلصي نفسك ولما تتجوزى ابقى كلى السمك زى ما انتى عايزه ان شاء الله تكلى جوزك معاه



الـجـمـبـري


أول ما صحن الجمبري ينزل عالطاولة .. ارميلك نظرة قرف واحتقار شديدين.. قال يعني زهقانة من كتر أكل الجمبري فى بيت بابا ويا ريت لو اسمع التنهيدة اتنهدي بأعلى صوتك وقولي .. برضو .. جمبري تاني ..؟؟؟


وتروحي قاطعة راس الجمبريياية بالشوكة
أنا فى عرضك إنسي المصمصة هلقيت




الـبطـاطـس (البطاطا)


سواء مسلوقة أو محمرة أو حتى نية


أوعي تفغصيها وتدبيها في الرز ...لأ..لآ...لآ...


بالشوكة و حبة حبة .. وأنا عارف إنه إلك خاطر تعيطي من كتر ما البطاطا صعبانة عليكي



الـفـاكـهة


لو الفاكهة فيها بزر طلعيه من تمك بالراحة وحطيه في إيدك وهي مسكرة وبعدين في الطفاية ( المتكة ) اللي على طرف الطاولة..
بلاش ياعيني نظام التفتفة للبزر .. إنسي الكلام هدا هلقيت أبوس رجلك



ولما تخلصي أكل تحطي إيدك على بطنك


اللي عصافيرها بتنأجي بربنا من العينات اللي أكلتيها وتقولي له


مش ممكن أنا عمري ما اتفجعت كدة .. أنا حقعد أسبوع من غير أكل


وبعدين تمسكيلك حبة كلنس من العلبة اللي دايمًا موجودة جنب الطفاية وتبوسيها
قال يعني بتمسحي تمك




وبعدين تستأذني منه لدخول التواليت

ولما تخشي التواليت طلعي من الشنطة حبتين الجالكسي أو سندوتشات الفول

وبالهنا والشفااااااااااااا


ههههههههههههههههههههههههههه

منتظر الردود

للامانه منقووووووووووول

هههههههههههههههههه

علي رايك يا فتي

شكرا للمرور انت وناري

ويا ريت محدش يزعل مني

ده كله مجرد هزار مش اكتر

شكرا لردك

اهم حاجه الزعل لا