من السُنه اننا نفرح...
و من السٌنه اننا نعيد...
و من السُنه نفتكر الاقل حظا و نساعدهم يفرحوا..
و اللى مش قادرين نوصلهم..ندعيلهم ربنا يبعتلهم القريب اللى يفرحهم..
الاسلام جعل لنا عيدين بس!! الفطر و الاضحى...مش عايزين نضيع السُنه دى و بعدين نجرى على اعياد تانيه ما تخصناش نفرح بيها!!!!!!!
يعنى نرتب زياره..اقارب ..اصحاب..نعمل كحك او نشتريه..نجيب حاجه جديده نعيد بيها..حتى لو شراب جديد..حنحس بالعيد!!و نقول لنفسنا ::احنا حنتبسط انهارده...بالعافيه كده
تفكير ايجابى ننزل نصلى العيد..لمة المسلمين و التكبير و التعييد على بعض بتفرح اوى..اوى
و اساسى اساسى..نفتح التليفزيون على قنوات مصر...هى مش حلوه بس فى العيد عندهم شوية حاجات قديمه بقالها عشرميت سنه بتتذاع تخللى الكنبه تعيد!!!
صفاء ابو السعود بقى من تلاتين سنه و ..العيد فرحه..هيه هيه هيه...و اجمل فرحه...يا سلام!!
و حاجات من دى كتير..من افلام اسماعيل ياسين بقى و اييييه!!
و بعدين الانتخه فى البيت مع الشاى و الكحك متعه فى حد ذاتها...و نكلم كل الناس اللى نعرفها نعيد عليها..حتى اللى دمها تقيل على قلبنا..حنحس احساس حلو بعدها...شوووور!!
انا بقى مبسوطه من دلوقتى..
انا ملاحظه ان مقالى كله علامات تعجب!!!هى هى هى هى..
العيد عندنا فى مصر يوم الأربعاء باذن الله لكن فيه سبع دول عربية العيد عندهم كان اليوم...وان اليوم بعيد بلوجيا معاكو كلكوا...
كل عيد و انتو بخير و سعاده و حب..
الرئيسية 
الافضل 
أحدث الصور 
التسجيل 
دخول 
موضوع: العيد فرحة ....ياسلام 
الثلاثاء سبتمبر 30, 2008 9:15 pm
