عادات غريبه فى الافراح

بيب بيب بيب بيب .. واوا واوا .. آييييييييييييييييييييييييييييييييية








طااااااااااااااااااااااااااااااخ





ماتتخضوش دى كانت زفة عروسة ماشية
فى الشارع اتختمت بتخميس عربية بآفترا شوية ودة ادى لتخبيط العربيات كلها فى بعضها





بس المهم ان عربية العريس والعروسة
سليمة ومافيش اى اصابات .. كل يوم دوشة كدة طول النهار وطول الليلة لية الزفة
متبقاش زفة غير لما العربيات يمشو ورة بعض وبيب بيب وتوت توت وشباب العيلة يخرجوو
من الششبابيك ويرقصو





تضامنا مع المظاهره بتاعت الزفة
والبنات متقدرش تطلع فبتحاول تخرج كل راسها من العربية علشان العربية الى جنبيها
ولى بيبقى فيها الواد حماده المسمسم جارهم ولا تامر ابن طنط فلة ابن خالتها يشوفها
يمكن يحس على دمة وتتخرم عنية ويلاحظ التسريحة والمكياج ... نرجع لموضعنا بقى





هناك فى امريكا لما بيكون اتنين
هيتجوزو الناس بتستقبلهم وعربية العروسة والعريس بس الى بتيجى ومحدش راكب فيها





وعلى سبيل المزاح والتهريج بنلاقى
لما العريس والعروسة مروحين بيبقو كاتبين من ورة على العربية just marriage





او معلقين شوية بلالين بخيط
ويودعوهم وهما بيسقفوو





لكن عندنا بقى نلاقى ان عربية
العريس والعروسة من كتر الى فيها مش بنعرف ازا كان دى عربية العروسة والعريس ولا
عربية بتزفهم الاقى ياعينى العريس جنبية بنت خالت العروسة واختها وصحبتها والعروسة
ومن ادام


خالت العروسة وابنها لولو الصغير
وان يشاء القدر فى ليلة زى دى يعد يعيط ويفتح بقة ويصرخ ووعايز الشخليلة!!





وللاسف العريس ياحبة امة بيحاول
جاهد يستنشق شوية هوا والعروسة بتبقى مكبوسة تحتيهم دة غير كل مطب والتانى الى
بيخليهم زى حتت البوفتيك بالبقسماط ....





يعنى انا عايز اعرف حاجه هو
العربيات لو ممشيتش بسرعه وفضلت تترقص يمين وشمال ويقفو المرور مش هتكتمل فرحة
العرسان ولا مش هيعرفو يتجوزوا





حاجات كتير بتحصل فى الافراح
مفيهاش اى نوع من الابتكار او التحضر مثلا لبس العريس والعروسة لية لازم العريس
يلبس بدلة وtie وفيها اية لو لبس شورت وتى
شيرت وجينز مثلا والحياة تبقى بسيطة وسلسلة





سيبك من اللبس... فكرة الفرح
نفسها انهم يعزمو امة محمد علشان يجيو يتفرجو عليهم وهما اعدين فى الكوشة زى
العصافير ووشهم احمر على الوان الطيف وكل الناس فى الفرح بيبحلقو عليهم ولى بيعدو
يتنحو من اول لبسهم لطريقة ضحكهم ولو العريس بص لعروستة واعد يوشوشها ويضحكو مع
بعض يقولو الحقو دى العروسة مش بتختشى ولا العريس محترم ولو اعد العريس ساكت
والعروسة هادية يقولو دى العروسة وخداه غصب عنهااا والعريس مكلضم وامة جبراه عليها





ويبقى وقعتو سودة بقى لو واحدة
موزة حلوة طلعت على البيست ورقصت رقصة والكل استبحلل عينة وجالة انواع فى السحالل
والعريس انشك فى عينة وضحك وسقفلها ياويلة ويا سواد ليلة لو الليلة دى عددت على
خير ويمكن تنتهى بيه عند بيت مامتة كمان





طبعا هى العروسة ملهاش لازمة فى
الليلة دى ولا اية اية الهبل دة .. !!!





والله انا بقترح بدل مايعملو
الفرح فى القاعات الكبيرة دى ياخدولهم كازينو او فندق ويعزمو ناس قليلة بقدر
المستطاع او اصحابهم ويقضوها بقى بدل الهيلة والهوليلة ولا اغرب حاجه بشوفها ليلة
الحنة الناس بتنزل الشارع ويجيلو دى جى





وهاتك يارقص والبنات بترقص
والرجالة بترقص والعواجيز بترقص والناس تفتح شبابكها من فوق وترقص والبت تقول
لامها ماما انا هنزل فرح حسنية دى صحبتى من كى جى تقولها اتلمى يابت واترزعى من
الشباك اتفرجى ونتى ساكتة تقولها لاء هنزل دة واجب وجميلة لصحبتى وحبيبتى الكفائة





مامتها بكل تعقل وهدوء... صحبتك
وحبيبتك مين يابنت ...... توت الرقابة





وحياة ..... لطين عيشتك السعادى !
الرقابة برضة





وتقف ياحبة عينها البنية تأزز لب
من البلكونة وتعدل شعرها على وعسى يشوفها اخو العريس الواد توتو المهطول





وتنتهى الحنة لاما يحصل كرسى فى
الكلوب وتتقلب بخناقة لاما ام العريس تجيب شعر ام العروسة او غالبا تجيب شعر
العروسة نفسها





لاما العريس عينة تزيغ ويبص لصحبت
العروسة الى لسة راجعه من كولالالمبور على الفرح على طول علشان تجامل صحبتها





وفى كل الاحوال تنتهى الحنة فى
ظروف غامضة !!





نرجع بقى للفرررح والحركات الارعه
الى بشوفهها فية زى حاجه بتجبلى شلل





اما العريس والعروسة يجو يقطعو
التورتة ودى بتبقى فى كل الافراح ومع كل العرسان يجى يقطعو التورتة حتة صغيرة فى
الشوكة علشان ياكلوها هما الاتنين والاقى العريس يبص ببراءة والعروسة اتكسفت ووشها
احمر ولا كأنهم مش عارفين اية الى يحصل وغالبا بيبقو مدربين على المشهد دة اكتر
حاجه فى افرح وبيبقو عندهم معلومات من كل الافراح الى حضروها على مر السنين يعنى
بلاش الحركات الارعه دى لانها خلاص انكشف وبقت مفقوسة ياريت يدورو على حجات عدلة
بقه يفجأو الناس بيها بدل الشلل الى بيجيلى فى الافراح دورو على حركة جديدة





وكمان حاجه كمان بتشلنى الاقى بعد
انتهاء الفرح العريس والعروسة مروحين بقى لعش الزوجية الاقى نص الفرح ركب عربيتهم
وريحين يوصلو العريس والعروسة وبكدة بتحصل الازمة تانى ويهيصو ويخبطو فى بعضيهم
على سبيل المزاح يعنى وبيب بيب بيب اواواوا ويشغلو الاغانى الى بتجيب الشلل الرعاش
واحتمال كبير ان العريس بيصاب بالرعاش وهو فى العربية من كتر الزنقة الى بيوجهه
وهو راكب كأنة راكب مكروباص 104 الى بيروح موقف احمد حلمى


دة غير الاغانى الى بتفقع المرارة
وكل حاجه انتا عايزها وبيستلزو وهما مولعين احط واحقر انواع الاغانى علشان يحسو
بنوع من الفرح الى بتخش قلوبهم وتطلع من صوابع رجليهم وشعورهم بالنشوة





سيبك من التوصيلة اهو برضو اهلهم
وعايزين يطمنو عليهم ويوصلهم ويفرحو بيهم كأنهم مفرحوش بيهم ومأعدوش معاهم فى
الفرح اربع سعات ما علينا





انا هحكلكم موقف حصل تحت بتنا
وكان موقف لطيف اوى انا ال اية الله مجعلو خير صحيت على رزع وخبط ويجى تلتاشر
عربية داخلة شارعنا وبيب بيب بيب اوعا اوعا





وحبة من الحشتكنات دى قولت اكيد
لاما العمارة الى فى وشينا ولعت لاما زفة عروسة وكانت الساعه تلاتة بليل


قولت ومالو اتفرج من البلكونة
وياريتنى مدخلت





ابص الاقى العريس نزل من العربية
ووقف من صحابة وام العروسة وخالات العروسة اتجمعو ووقفو بيتخانقو وتقريبا كلامهم
كلو على ام العريس وازاى اخدت التورته من البوفية





ولو بصينا على النحية الشمال
هنلاقى ام العريس وعمات العريس وقفين بيتخانقو وبرضو بيتكلمو عن ام العروسة
البايخة الولية الى معندهاش دم واخدت اللحوم وسندوتشات الفراخ والباتون سالية من
البوفية ولية ندلة بصحيح ..!!





وعلى الجانب الاخر من الشارع
نلاقى عربية العروسة اتفتحت كل ابوابها وهجوم البنات الحلوين المقطقطين الى جايين
يزفو العروسة يمكن اصحاب العريس ينطسو فى نظرهم ويبصلهم اعدين معاها وهاتك ياتقريص
فى ركبتها واديها واحتمال كمان مناخيرها





والعروسة بقى فاتحة بقها من كتر
الفرحة ياحبة عنيها





وانا كدة كمان بختصرلكو كم من
الدقايق الى عدت ساعه وبيتشاورو وفجأة العريس دخل مدخل العمارة بتعتنا وطالع ونسى
حاجه بسيطة وهية العروسة





لاحول ولا قوة الا بالله ...راح
فتح العربية ومسك ايديها وحاول يسلك فستنها من بين العربيات ووقفو بقى ادام بوابة
العمارة





انا اتفجئت لية وقفوو؟...





اتارى بقى انهم عملو تجمعات اصحاب
العروسة على ضفة واصحاب العريس على ضفة وهاتك ياتسقيف


ورقص واغانى ولولولولولوولولوللى





وفيها بتاع نص ساعه من كده لغايه
لما ابو العريس حس فجأة ال يعنى الاحترام ظهر وقال للعريس يالا يابنى خد عروستك
واطلع





طبعا ام والعروسة وام العريس طلعو
معاهم ومفيش مانع من خالات العروسة وخلات العريس


وطبعن مش طالعين حسن نية ولا حاجه
لا دول طالعين يصفو حساب الاكل والتورت والبوفية والازى منة فى بيت العريس الساعه 4
الفجر وليلة الدخلة





ومن تحت فى الشارع اسمع هتاف
الشباب بفرحة وروشنة





انـزل يااحمد انزل يا احمـد انـزل








قولولى بقى انا مجنون ولا بهرتل
ولا بهيس وخلاص ولا ليا حق














اكيد طبعاااااا الموضوع ملطووووش

هههههههههههههههههههه

وعلي فكره

انت مجنون و بتهرتل
و بتهيس وكمان ليك حق