ودائما ما يبقى الحب الاول

موضوع يبان انه قديم والعالم كله اتكلم فيه
بس من وجهة نظرى مهم جداااااااااا
مين فينا ينسى حبه الاولانى
وتبقى مصيبه لو من طرف واحد والتانى مش حاسس
او حاسس وعامل نفسه اهبل يبقى منظرك مش ولابد
وبالنسبه للحب كمصطلح بيتكون من معادله صعبه
بس لما تتحقق الطرفين يعيشوا اجمل حياه
ايه بقى المعادله؟
واحد لما يكون فيه انسان بيحب انسان زيه اكيد
والتانى مش حاسس زى ما قلت تبقى رخمه قوى
تانى اشكال المعادله لما انت تكون بتتحب
معاك انها حاجه جميله
بس لو انت مطنش او مش رايح للتانى بمشاعرك
تبقى برضه رخمه
والشكل الجميل اللى كلنا بيحلم بيه
لما تحب والتانى حاسس وبيحبك
تبقى احلى واجمل حياه
ودور الحب الاول ف حياتنا مهم جدا
لانه هو اللى بيعرفنا يعنى ايه حب
وعن طريقه اول مرة يدق القلب فينا
عكس اى حب مثلا الاخير ليك
اه بيبقى جميل بس مش بجمال الاول خالص
لان الاولانى انت مبتكنش عارف يعنى ايه حب وبالتالى مفيش كنترول ع مشاعرك
وتسيب نفسك يا معلم
اما الحب اللى بعد كدة
بتكون عرفت طعمه وحاسس بايه وهنا بتتدخل وبتعمل عملية تحجيم لمشاعرك
اما انا مقدرش انسى حبى الاولانى
لانه جه فى فترة منكم هيقول انى اهبل وكنت صغير
بس حب الطفوله بيكون نقى
وبرىء
ومفيهوش خداع
اما الكلمه اللى نفسنا كلنا نسمعها
طبعا كلمة حبيبى
وطبعا برضه سمعناها مليون مرة
بس من بابا وماما وتيته واونكل والخ
اما لما تيجى من حد تانى زى بنت رقيقه او ولد لذيذ
تبقى جبرت يا معلم
ومش ناقصك حاجه غير الوظيفه والشقه
الللى هما موضوع وموال تانى
مش وقته
وف النهاية ان شاء الله الاهلى يكسب 3
اميييييين

موضوع حلو

تسلم ايديك

مش قولتلك عسل والله
موضوع حلو اوي وخصوصا اني بعيش دلوقتي حبي الاولاني

شكرا ع ردودكم الجميله
بس فيه حاجه يا استار مانشيستر هو الافضل ع اسم منتدانا!!!

شكرا يا موووحا يا جميل
بس اسمك ايه بقى؟؟
عشان يحصلى الشرف

محمود وموضوعاته روعة

nice man