قواعد المرور السبعه فى مصر

قواعـــــد المـــــــرور

القاعدة الأولى
لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع
ملحوظة : ابعد عن سكة العربيات المخرشمة بيسوقوا بنظرية ضربوا الأعور على عينه
*******
القاعده الثانية
قاعدة البوز بيز
Booze Base
اللي يدخل ببوز عربيته الأول للتقاطع هو صاحب أولوية المرور
احرص على أن تكون صاحب أول بوز
ملحوظة: لا تطبق الـ
Booze Base
مع أي لوري أو أتوبيس حرصاً على بوزك لا مؤاخذة
*******
القاعدة الثالثة
اعتمد على العساكر.. مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري.. أو يفضل أن تستعمل البوز بيز
( راجع القاعدة الثانية )
*******
القاعدة الرابعة
إحترس من ثلاث أنواع من السائقيين بيسوقوا وكأنهم مش ممكن يموتوا
1.
العيال الروشين الي بيلعبوا
Computer Games
و فاكريين إن ممكن يكسبوا
Life
زيادة لو ساقوا أسرع
2.
موتوسيكلات توصيل الطلبات
3.
سواقين الميكروباص
ملحوظة : إوعى تحاول تثبت لحد منهم إن فكرته غلط.... فاهمني؟
*******
القاعدة الخامسة
الكناسين لازم يحلّلوا اللقمة الي بياكلوها ، حاول تنفّعهم و ترمي أي حاجة من الشباك
*******
القاعدة السادسة
اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف.. انت
حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟
عرّض قفاك و سيبه يتفلق
*******
القاعدة السابعة
الإشارات تكشف نواياك للأعداء ، أياك أن تستخدمها

يخرب بيتك انت دايما مهيس

يابنى حرام عليك هتودينا فى داهيه

شكرا على الموضوع يا حوده

شكرا للمرور يا عسل

ههههههههههههههههههههه

يابني سكر والله

خصوصا كلمه ((حرصا علي بوزك))

فكرتني بالزعيم في المسرحيه

((كل واحد يخلي باله من لغلوغه هع هع )) ههههههههه

شكراا للموضوع يا عسل انت

شكرا للمرور يا احلى عمور فى الدنيا

» قواعد السعادة السبع
» ازمه المرور الجديده فى مصر
» قواعد جديدة صارمة لمكافحة المنشطات في ألمانيا
» كيف تسير الأمور بقانون المرور؟
» السلام عليكم ورحمة الله وبركاته ارجو المرور