المحكمة (شبه كرسي الاعتراف )

ايه اكتر موقف محرج اتعرض له؟

[/size][/size]

-1 عرفنا بنفسك يا محسن ؟؟

2-اية اللي نفسك فية تعملوا واية اللي معرفتش تعملوا ولية مش عارف تعملوا

3- اية الحاجة اللي انت زعلت منهاا اووووي اووووووي

4- يومك عامل ازاي

5- اية اكتر بنت اعجبيت بيها في حياتك وكانت فين يعني (في الجامعة والا الثانوية والا الاعدادي)

6- انت شايف نفسك انا انت فضولي والا لا يا جميل

متزعلش من الاسئلة دية اسئلة عادية ويارب اسالك تاني لو عرفت ادخل زي الوقت
تحياتي

بسم الله الرحمن الرحيم فلنفتتح المطحنة بإجابة سؤال الجميل إللي ما أعرفش اسمه

أكتر موقف محرج اتعرضتله علي مدار حياتي كلها كان تقريبا من أسبوعين وأنا جي أركب المترو

كان معايا واحد صاحبي اسمه رامي ورامي ده ملتحي وصمم إنه يركب المترو علشان يروح معايا

المهم رامي ده بقاله مدة ماركبش المترو وراح أول ما جه المترو ركبناه أنا وهو وكانت المفاجأة

اكتشفنا العربية إللي إحنا فيها عربية الستات غير قبل المحطة إللي نازلين فيها والمهم طول ماإحنا

في المترو عمالين نهزر ونضحك المهم جايين ننزل لقينا مين في استقبالنا عساكر بيرحبوا بينا المهم

أنا فلت منهم بذكائي ورامي عمل نفسه ماشي عادي والحمد لله إن إحنا ما اتضربناش من الستات إللي في العربية

إجابة أسئلة معوض

1 -اسمي محسن فوزي داخل في ال19 سنة طالب في الفرقة الثانية كلية الأداب قسم اللغة العربية جامعة القاهرة

2-إللي نفسي أعمله وأحققه هو النجاح الدائم والمتواصل علي مدار حياتي علي اختلاف المجالات

يعني أي مجال أدخل فيه لازم أنجح فيه أما إللي ماعرفتش أعمله هو عدم دخولي كلية الهندسة إللي

كان نفسي أدخلها وماعرفتش أعمله وأعترف إن ده كان بسبب تقصير مني (ورب ضارة نافعة ) وأنا سعيد بالكلية إللي أنا فيها (كلية الأداب)

3-الحاجة إللي بزعل منها أوي هي لما أشوف الظلم بينتشر جوه مصر لأن نفسي أشوف مصر أفضل دولة في العالم ومن كده بحاول من نفسي إني أصنع أمجادها

4-يومي بابدأه بالصلاة وأذكار الصباح وبعد كده أذهب للجامعة وأقضي فيها وقتا لذيذا وبعد
الجامعة أرجع البيت ده اليوم العادي لكن ممكن تدخل عليه حاجات يعني مثلا ممكن أزور واحد صاحبي ممكن يكون فيه ماتش كورة كده يعني

5 -نبتدي بقي الأسئلة الجامدة أنا أكتر بنت أعجبت بيها كانت في مرحلة الثانوي و الجامعة

والصراحة أنا شايف فيها فتاة أحلامي بس بحاول أكون واقعي شوية

6- السؤال ده من الأسئلة اللذيذة إللي بحبها وهو أنا فعلا شايف نفسي فضولي ماحبش حاجة تتعرض قدامي بصورة موجزة أو ملخصة لازم أعرف التفاصيل والحاجة دي أنا شايف فيها ميزة مش عيب بس أحيانا أقع في الكثير من المشاكل بسبب الفضول ده بس أنا فضولي في مجال الدراسة فقط

وأتمني

وشكرا ليك يا معوض علي أسئلتك الظريفة دي

الحمد لله عدت علي خير بس بعدما نفدت ما قدرتش أمسك نفسي من الضحك

السلام عليكم يا محسن ابتدى انا بسؤال ظريف كده وحلو



انا شايف انك على طول على المنتدى اعتقد 24 ساعه متواصل هو انت فاضى ولا موركش غيره ولا ايه؟؟؟ ودايما اوف لاين ليه مش عارف؟؟؟

وعليكم السلام ورحمة الله وبركاته سؤالك يا إسلام سؤال كنت حاطه ضمن التوقعات المرئية

إللي هاتسئل فيها بس الصراحة كنت متوقعه من سعيد والإجابة دي هي الإجابة النموذجية ليه

أنا دايما بأحب أقسم وقتي مابين الترفيه والجدية بس مع الكمبيوتر بأعمل الاتنين الترفيه في

الموقع أما الجدية فببحث عن إللي بنأخده في المواد ومعلومات عنها غير كده لازم أعرف

إللي بيدور حوليا في الدنيا من ناحية الأخبار وده بيخدم علي ده يعني الجديد وإللي شايفه جميل

بأحطه في المنتدي علشان كده عدد مشاركاتي كبير جدا ولو أي موضوع جديد دخل

المنتدي لازم أرد عليه مرتين تلاتة لأن أنا مأرضاش موضوع ليا يتحط مالقيش فيه غير

ردود قليلة وعلي فكرة أنا بدخل المكتبة كتير في الجامعة وبرضه يعني مابين الهزار والجدية

واليوم فيه 24 ساعة يعني طويل وينفع نعمل فيه كل حاجة

أما موضوع الايميل فأا معظم وقتي بأعمله أوف لاين لإن عليه إيميل دكتور عندنا في الكلية فماينفعش أعمله أونلاين علشان هيبقي لازم أكلم الدكتور

الصراحة ما أعرفش إزاي

إجابة علي أسئلة الأخ بلاك ليست

1 -هدفي في الحياة إني أكون شخصية قدوة لغيري من الناس وده بيتحقق عن طريق النجاح وأنا بأتوقع لمستقبلي النجاح إن شاء الله طالما أنا بأسعي لتحقيق طموحي بجدية وأنا فعلا حاسس إنه حايحصل طالما عندي الارادة والتحدي بس الصراحة مش عارف إيه لزمة السؤال بتاع الجرايد ده ماعلينا

2 -أكتر وقت ممكن أبكي فيه ساعة لما أتحدي شخص وأخسر في التحدي بأكون ساعتها جوايا حزن رهيب وأكون فعلا قصرت في التحدي ده وماكنتش قده وساعة لما ألاقي الظلم انتشر علي الأرض وأكتر وقت بأغلط وماأعترفش بغلطتي عندما يكون أمامي شخص إذا اعترفت بغلطي وخطأي أمامه شمت وفرح لما بدر مني من أخطاء فعندها لا يكن أن أعترف بخطأي لكن بيني وبين نفسي أعترف بالخطأ

3-لو أنا عايش في قصة حب هتعامل مع الطرف الأخر معاملة رزينة متوسطة بين العاطفة والعقل يعني مثلا ما أبينلهوش إني خلاص دايب في رموش عينيه مع إني جوه نفسي كده وطبعا
أحسسه إني بحبه حب كبير بس من غير الشغل إللي بنشوفه اليومين دول ولو قاعد معاه طابعا هقوله كلام رومانسي صعب أظهره لأنه مش موجود قدامي ومن هنا لابد من وجود التجربة الشخصية حيث لابد من وجود الحبيب قدامي في نفس اللحظة لأفوح بأروع الكلمات التي وجدت بضم الواو

4 -طبعا لازم أبني مستقبلي وأرسمها بالورقة والقلم طبعا لازم أستغني عن الحاجات الرفاهية المنتشرة في حياتنا ولازم أبني نفسي صح ولازم أدخر من المال لأستطيع أن أتزوج من الكد والكفاح

5-لو فشلت قصة الحب _وربنا مايجيب فشل_ طبعا في أول الوقت هكون زعلان جدا ومتضايق وممكن ساعتها أصور قتيل بس مع الوقت هشغل عقلي وأعرف إن ده قدر من عند ربنا وما أقدرش أغيره بس بيني وبين نفسي هيكون فيا حزن رهيب هيزول عبر الوقت وطبعا بعدها هيبقي الحب صعب بس أنا ماأنكرتش إن هيبقي فيه حب

6-مواصفات شريكة حياتي التدين والأخلاق وتكون نشيطة تكره الكسل وتكون رومانسية ومتفائلة دائما وأن تكون بئرا عميقا للأسرار وطبعا تكون ست بيت شاطرة

وشكرا وبلاش كلمة لو دي علشان بأتخنق منها

لأ أسئلته كلها عقيمة أنا كنت بحسبه هيسأل أسئلة محرجة بس الأسئلة دي عادية جدا بس أنا صعبان

عليا صباعي من كتر الكتابة وجعني ده بيجيب أسئلة زي أسئلة التعبير إللي كانت بتجيلنا في الثانوي

يعني أسئلة ملهاش لزمة

انا بقى يا محسن مش هسالك كتير عشان انا معرفكش اصلا ...... المهم
انت ليه عايش فى دور سعد زغلول كده , و ليه بردو زى ما الادمن قال فضولى دى حاجه و حاجه تانيه يترد بطرقه رخمه بتخلينى الصراحه عايز اضربك , و ليه انت لو عندك معلومات بتتباهى بيها و ده بشكل غير مباشر .... مثلا ممكن تقولى انا اعرف اكتر منك .. و طلعت الثالث على الجامعه ... وكده ........... ليه بقى

أه السؤال ده تخليص حق المهم أنا هجوبك بكل سلاسة الأمل والطموح إللي جو****** هو إللي

محسسني بكده وأنا علي فكرة واخد الرابع علي الجامعة مش التالت الحق يتقال برضه وأنا

علي فكرة عامل إنجازات غير ده بكتير وبعد كده ده إسلوبي في الكلام عاجبك عاجبك مش

عاجبك.................. كمل إنت الباقي بقي وبعد كده أنا ما بتباهاش بحاجة غلط أنا بأتباهي

بالعلم فاهم يعني إيه العلم ويبقي أحسن لو ماسألتش خالص وده علشان ما أتعصبش لأني بحب أكون

كووووول وعلي فكرة سعد زغلول إللي إنت بتقول عليه ده بالرغم من إنجازاته كان من أهم

الأسباب في خروج نساء المسلمين عن الروح الدينية عندما نزع النقاب من زوجته صفية

زغلول لكن قول عايش دور أحمد عرابي أو مصطفي كامل أو جمال عبدالناصر

وعلي فكرة يا توينز أنا مايهمنيش إنك تعرفني كفاية عليا إللي يعرفوني

يللا يا جماعة أي حد عايز يسأل أي أسئلة يتفضل أنا فاضي النهاردة لكن بكرة صعب

بص يا سعيد بالنسبة للحكاية دي بحكم خبرتي بالحياة أستطيع التمييز بين أشخاص أعداء للنجاح

والأشخاص إللي عايزين أبقي قدوتهم فعلا والباشا من النوع الأول وفعلا أنا بأيدك إن ردي ماسخ

بس هو إللي خلاني أقول كده وهو إللي ابتدي وزي ما إنت عارف العين بالعين والسن بالسن

والبادي أظلم وهقولك حاجة تانية إحنا أخدنا في مادة علم النفس السنة الماضية والمادة دي علي

فكرة أخدت فيها امتياز حاجة بتقولك من سمات المبدع الفخر بإنجازاته ودي حقيقة في علم النفس

أما بالنسبة لعيوبي فهي إني كتير بأحرج أشخاص ليهم فضل كبير عليا وهم الدكاترة بتوعي وده

لسبب إني بحب أناقشهم كتير وبرضه من أهم عيوبي إن عيني مابتنامش غير لما أعمل إللي ور******

وده بيسبب إزعاج لناس كتير ولو عايز عيوب تانية مستعد أقولك عيوب كتيرة جدا من نوعية

العيوب إللي فاتت

أولا أهلا بيكي يا منة وإنتي وحشتينا أكتر ووحشتنا مواضيعك إللي دايما المشرف يثبتها من جديتها

وأهميتها وعليكي مسئولية عالية إنك تعوضينا عن غيابك بالموضوعات الجميلة بتاعتك

وماتخافيش عليا أنا قدها وقدوووود وأقدر أسد فيها ده أولا ثانيا بعد الفاصل

الحب بالنسبة ليا بيمثل جانب مهم من حياتي وأنا باعتبر الحب كالماء والهواء يعني أنا باتنفس حب

(شوفتي بلاغة الكلام) والحب بالنسبة ليا بيمثل 70 في المائة ودي نسبة بأعتبرها كبيرة لأن من

مفاتيح النجاح الاستقرار العاطفي والنفسي وأنا عن نفسي ماخنتش قبل كده لأن محسن إللي يعرفه

صح ويعرف شخصيته كويس لا يمكن يقول عليه كده وأنا ماحدش خانني قبل كده ودي حقيقة مش غرور

علشان الناس إللي بيصطادوا في الماء العكر وبيدوروا علي عيوبي وأنا منتظر باقي الأسئلة