المحكمة (شبه كرسي الاعتراف )

نقطة ضعفي إني بخاف من الفشل في كل حاجة علشان كده بأسعي إني أتجح في أي مجال أدخله

اجمل حاجة في الدنيا بالنسبة ليك اية واوحش حاجة في الدنيا هي اية

اية اجمل فترة في حياتك واوحشها

انت بتحب الانسان العاقل والا الانسان زو المشاعر اكتر انت رايك اية في اكلام دة

1-أجمل حاجة في حياتي الحرية ودي لا تقدر بتمن يعني أي حاجة أنا عايزها بعملها حتي حرية الرأي
وأوحش حاجة في الدنيا الكسل ده شئ مضر جدا بالصحة ده أخطر من السجاير شوفوا أنا مثلا

الناس بتقول عليا ببات في المنتدي وكده وكلامهم صحيح ورغم كده بروح الجامعة كل يوم وما

بفوتش ولا يوم غير في أضيق الحدود أوي يعني لما أكون ميت مثلا وأيضا تلاقيني بأخد الجامعة

رايح جاي بتاع 3 او 4 مرات في اليوم وده مثال للنشاط والتفوق

2- أجمل فترة في حياتي هي إللي قضيتها من أول الثانوية لحد دلوقتي وخاصة السنة الماضية

الصراحة أحسن سنة عيشتها في حياتي لإني حققت فيها كل إللي أنا عايزه وقليل لما تلاقي كده

3-الصراحة أنا معتدل بين الطرفين لإن بنحتاج العقل في أوقات وبنحتاج المشاعر في أوقات وأنا عن نفسي دماغي عبارة عن كوكتيل من العقل والمشاعر

بس تلاقيني بكره الشخصية إللي كل كلامها هزار أو معظمه وممكن يكون الهزار لذيذ في أوقات

معينة يعني أنا ما بكرهوش كره بحت

وشكرا ليك يا معوض علي نشاطك الرائع بس يا ريت تبقي دائما كده

شكرا يا محسن على الكلام الحلو اللى انت قولته فى الرد بتاع اسئله ثريا ودلوقتى


تسمحلى اسالك واحرجك واكسفك

1- انت جبت كام فى ثانويه عامه؟
2- هل انت كان نفسك تدخل كليه اداب ولا المجموع هو اللى غصبك على كده؟
3- ايه هو تقديرك فى سنه اولى ؟

والان مع السوال الاكثر احراااااااااجا ولازم تجاوب بصراحه والسوال هو

هل انت تحب والدك اكثر ام والدتك؟ ولماذا؟ وياريت متقولش الاتنين لان اى حد بيحب الاتنين بس فى واحد منهم بيبقى اكتر شويه.... كفااااايه كده وياريت متزعلش يا محسن تقبل تحياتى

العفووو يا سمسم _مع الاعتذار لسعيد_ بس علي فكرة أسئلتك دي مركزة وأكيد سحس قعد معاك قاعدة وقالك إني كنت مخبي مجموعي في الثانوية ومحدش كان يعرف الحقيقة لكن دلوقتي مافيش لزمة أخبي وهأقولك الحقيقة
1- أنا جبت في تانية ثانوي 89 في المائة وكنت علمي والمجموع ده غرني إني أكمل علمي بس الظاهر ماكنتش عامل حساب رياضة 2 كويس بس الفيزياء جبت فيها درجة حلوة أعتبرها إنجاز لأن مافيش حد بيجيبها وهي 46 ونصف إللي نزيلني رياضة 2 والمهم جبت في الأخر86 في المائة وده المجموع الكلي
2- بيني وبينك أنا ال86 في المائة كانت تدخلني كلية دار العلوم أو التجارة ومادخلتش دار العلوم علشان أختي فيها والتجارة أكرها جدااااااااااااا علشان دي كلية الشعب ومن الكليات المليونية
بس فضلت أدخل كلية الأداب قسم اللغة العربية وأنا قررت كده من قبل ماأعرف مجموعي في سنة تالتة حتي والدي كان عايزني أدخل دار العلوم وكتبها في الرغبات رحت خدتها تحدي وقلتله مش رايحها بس ده تحدي مفيد مش زي التحديات التانيةوفي الأخر جبت ورقي من دار العلوم إلي كلية الأداب
3-الصراحة تقديري في السنة الأولي أنا مش عايز أقوله في المنتدي بس بما إننا في المحكمة لازم أقوله هو جيد مرتفع وجبت المركز الثامن علي الدفعة بس دي حقيقة والله العظيم علشان القيل والقال
4- السؤال ده الظاهر إنك قعدت مع عصام
أنا أميل لوالدتي أكتر لإنها دائما تنصحني بنصائح مفيدة لأن والدي عنده شغل في مصنع الحديد والصلب وشايفه مش فاضي حتي في البيت فوالدتي هي إللي بحكيلها أسراري وده مايمنعش إني بحب والدي

ايه اكتر سؤال نفسك تسالهلشخص و مين الشخص ده ؟

و ليه بتحرج منها ؟

ايه اكتر حاجة تحرج منها ؟وليه بتحرج منها؟

لما تكون متضايق ايه ابر انفعال ممكن تعمله؟وايه اكتر حاجه تضايقك؟

النادي الأهلي ده أحسن نادي في بلدك وإجابة علي أسئلتك

1- صعب ده يحقق وأنا ماشي مع والدتي مش هأعمل حاجة زي دي بس إذا حصلت أرد الصاع صاعين بس مش بالشتيمة أرد بالقلم وده ساعتها هيكون ردي دول لو كانوا بنات صايعين أما لو كانوا بنات كويسين وحصل منهم كده مش هأعملهم حاجة وأسيبهم وأمشي زأقولهم كلمتين في جنابهم
2- هأختار أبقي رئيس جمهورية طبعا لإن برئاسة الجمهورية أقدر أحقق الكتير منهم المليار دولار بس هتبقي مهمتي ساعتها صعبة لإرضاء الشعب لكن لو اخترت مليون دولار الفلوس بتروح وتيجي

3- أكتر حاجة بتضايقني في حياتي إن حد ينتصر ويفوز عليا وده بيؤدي للفشل علشان كده تلاقيني بأستميت في معاركي ودايما تلاقيني بأفوزولو حد انتصر عليا أعتبرها انتصار في جولة وأقوله المعركة ما خلصتش والشاطر من يضحك أخيرا

وأسئلتك ما جرحتنيش بس السؤال الأول مش واقعي أوي

1- أكتر سؤال نفسي أسأله دلوقتي لواحد لقبه الجميل عن اسمه
2- أكتر حاجة بأتحرج منها إن حد يسألني سؤال صعب في المعلومات العامة مثلا وده مجالي حرفنتي وما أعرفش أجاوب عليه علشان ككده تلاقيني موسوعة معلومات عامة
3- إذا إتضايقت جامد ممكن أضرب إللي قدامي لو ولد أما لو بنت فطبعا صعب يحصل
وأكتر حاجة بتضايقني هي أكتر حاجة بأتحرج منها

ايه شعورك لما تحس ان الناس مخنوقه منك؟

أنا ما يهمنيش رأي الناس فيا إلا أصحابي المقربين فقط أما بقيت الناس يقولوا إللي هم عايزينوا

يا محسن انا سمعت من اشخاص كده ان انت كلامك (من غير زعل)كله كدب بخصوص موضوع البنت اللى كانت فى زهره السلام معانا واللى ابوها مسافر ليبيا وقالنا ان مفيش اى علاقه بينك وبينها اما السؤال هو

1- لو الموضوع ده غلط يا محسن ممكن تصصح المعلومه وتشرحلنا هيا مين وتفكرنا بيها؟؟
2- لو الموضوع ده صح وانت كدبت علينا ليه عملت كده؟؟
3-ايه اكتر حاجه بتحبها فى الدنيا؟
4-انا يا محسن شايفك بتتدخل على المنتدى رغم انك مكنتش موافق فى الاول تدخل المحكمه عشان انت مشغول جدا

ارجو يا محسن تقبل الاسئله ومتزعلش وتخلى عندك روح رياضيه

1- هقولك حاجة يا إسلام أنا ما بحبش أكدب كتير غير في الضرورة القصوي ومش أي ضرورة قصوي كمان وقليل لما تلاقي كده بس فعلا الموضوع ده حصل والله العظيم حصل ولو مش مصدقني برضه لو تفتكر كريم صبحي أو عمرو مصطفي بتوع زهرة السلام إبقي اسألهم ولو شفتهم إبقي سلملي عليهم جدااا علشان بقالي كتير ما شوفتهمش وهقولكم معلومة تانية هي في كلية التجارة معاكم وأنا شوفتها النهاردة صدفة وأختها في كلية الأداب معايا وخلاص يا جماعة أنا عن نفسي سيت الموضوع ده وافتكرته مع أسئلتكم وبعد كده أنا مش عارف الموضوع ده شاغلكم كده ليه وبعد كده أنا مش هاستفيد حاجة لما أكدب عليكم والموضوع ده صحيح 100في ال100

3- أكتر حاجة أحبها في حياتي النجاح والتوفيق لإني بأشعر بثمرة مجهودي تتحقق أمام عيني
4- أنا فعلا كنت مشغول جدا ولو تلاحظوا إني الاسبوع إللي فات أوائل الأسبوع ده ماحططش موضوعات كتيرة علي غير العادة كنت بأرد بس وده بسبب التحدي بيني وبين الدكتور وغير كده قولت لمنة مش هأرد علي موضوعاتك كتير علشان مشغول
والحمد لله انتصرت علي الدكتور ببركات الزمخشري طبعا دون الخوض للتفاصيل والدكتور أعلنها رسميا في المحاضرة دون الخوض في التفاصيل أنا دلوقتي فضيت عن الأول وهأرجع أغرق المنتدي موضوعات زي الأول وأنا كنت بأحاول ما أقصرش في دوري داخل المنتدي

وشكرااااااااا

اولا يا محسن انا بقولك ان فعلا موضوع بالنت دية اليل كانت في زهر السلام دية كانت اعجاب وبس انما موضوع البنت اللي بيتكلم عنها عصام دية في الجامعة معنا ياريت توضحلنا لية انت كدبت علينا ومتقولش مش كدبت لان انا بعرف الحقيقة من اشخاص يعرفوك
طبعا يا محسن في اسالة كتير انا سألتهالك وانا منفض انت بترد صح والا غلط وبتعرف تطلع منها انما المرة دية انا مش هتنازل علي السوال دة البنت اللي في زهرة السلام دية اسمها اية وتبقي مين لازم تقول انت في المحكمة ولما اكون انا في المحكمة ومجوبش علي اي سوال يا سيدي ابقي اتكلم بس لازم تقول اسمها لان انت لازم تجاوب علي جميع الاسئلة ولو اسمها غلط يا محسن هعرف ومش هجاوب علي نصف اسئلتك او اللي مش هتعجبني من اللي انت هتسألهالي تحياتي
وغير كدة ليا سوال تاني انت طلب من عصام انوا يشيل السوال اللي سألوا عن البنت بتاع الهدية صح والا لا ؟ ولية ؟
معلومة : جاوب بصراحة
اعتقد ان هو دة الظبط الحقيقي

يا معوض والله دي الحقيقة بعينها خلاص يا جماعة يا ريتني ما جيبت سيرة الموضوع من أصله أنا

ما جدبتش مش عارف عايزين تعرفوا اسمها ليه وبعد كده يا معوض أنا ما بجيش من الحاجات دي

لإن الموضوع ده ما يعرفهوش غير اثنين غيري بس حتي والدتي إللي بأحكيلها تقريبا كل أسراري

ما تعرفه وبعد كده الموضوع ده ممكن يجيب عليا مشاكل لا ليها أول ولا أخر لكن حكاية البنت

إللي بحبها في الجامعة دي أصحابي المقربين بس هما إللي يعرفوها

وحتي لو عرفتم وعرضت عليهم مائة جنيه مش هتعوصل معاهم لحاجة

وما أعتقدش إنكم تعرفوا حد منهم وبعد كده البنت إللي في زهرة السلام دي كانت بتحبني وأنا

رفضتها يعني أنا حتي ولا كنت معجب بيها من أصله وأيوة أنا فعلا طلبت من عصام يشيل السؤال

ده علشان إنتوا دلوقتي تقريبا بقيتوا تعرفوا عني حاجات كتيرة بس اسمها صعب ده أنا سهلتها

لأسهل درجة وعلي فكرة أنا لما شوفتها النهاردة شوفتها في كلية التجارة وحتي لو عرفتوها ممكن

تكون دلوقتي ما بتحبنيش وحبت حد غيري الحكاية دي بقالها بتاع 6 سنين يا معوض وبعد كده أنا

ما كدبتش في الإجابات خالص ولما تقول كلام قوله بمثال يا معوض علشان مش فاهم قصدك علي

إيه بالظبط

وعلي فكرة أنا ما اتخلقش إللي يظبتني

وبعد كده اظبط كلامك شوية لحسن احتاجت مترجم لحد ما قدرت أترجمه وأفك طلاسمه

[/size][/center]

hالمفروضيا منة يعمل زي المثل إللي من ابتكار العبد لله إللي بيقول كل شيئ بالخناق إلا الكلام بالاتفاق

نو كومنت الكداب بيروح النار وانت تكدب ليل ونهار

بقولك يا معوض ده عبارة عن موقف ضعف ليك لإنك ما بتجيبش الحاجة بدليلها أنا لما أتكلم أتكلم

بدليل قولتلك هاتلي مثال ما جيبتش يبقي خلاص ما تقولش كداب بقي مش كلام بيتقال وخلاص هو

علشان فشلت في معرفة اسمها يبقي خلاص تقول إللي إنت عايزه صدقني أنا نفسي ساعة لما

حصلتلي الحكاية دي ما فكرتش فيها كتير وخديتلها بتاع إسبوعين وخلصت مش عارف شاغلة بالك

ليه؟؟؟؟؟؟؟؟؟؟؟؟؟؟