المحكمة (شبه كرسي الاعتراف )

تذكير بمساهمة فاتح الموضوع :

السلام عليكم ورحمة الله وبركاته

اولا يا جماعة دية لعبة جميلة جدا جدا جدا
ثانيا هنعمل تصويت بين الاتنين علي إللي يقعد في المحكمة ونسأله أسئلة أي سؤال وأي حد عايز يسأل يسأل

وإللي هيقعد في المحكمة دية المدة بتاعة إللي هيتسأل لية وهو هيجاوب عليها حوالي 7 أيام بحيث يتعصر أسئلة
وبعد كده نختار اتنين كمان ونصوت بينهم والاكتر هيقعد علي الكرسي وهكذا

ومدة التصويت يا جماعة حوالي 4 أيام I love you

وهيقف لوحدوا

اتمني إن الفكرة دية تكون جميلة وحلوة ولعبة مسلية

lol!

واضح يا منه انك بتعرفى تخلعى من السؤال كويس اوى وعشان كده انا بسالك تانى

1- اكتر هوايه بتحبيها ايه؟ وليه؟
2- اكتر اكله بتحبيها ايه؟ واكتر فاكهه ايه؟ واكتر لون ايه؟
3- لو حبيبك مثلا زملكاوى اوى هتعملى ايه معاه؟
4- تفتكرى ليه معوض وسعيد بيسالوكى كتير كده؟
5- توينز سالك سوال وانتى هربتى منه..... ليه هربتى من اجابه السوال رغم انه سوال عادى والاجابه ممكن تكون اه او لا يعنى ليه مجاوبتيش ب اه او لا؟
6- انتى شايفه انك راضيه عن نفسك فى حياتك ولا لا؟
7- عملتى ايه لمصر حتى الان؟
8- تتوقعى ايه فى النتيجه بتاعه امتحاناتك؟
9- ايه رايك فى المنتدى بصراااحه؟
10- بناء على ايه اخترى الانتيم بتاعك او صاحبتك يعنى؟ اذكرى الصفات

هااااي يامنه طبعا فاكراااني ..هاخلص تااااري هنا....تسمحيلي

ميرسي اوي ع القنبله وعلي باقه الشوك بجد جمايلك كترت عشان كده جايبلك كام سؤال ف السريع والمره ده لو متجوبوش زي مانا عايز اوعدك انك ماهتقومي من ع الكرسي ابدااااااا

1- سؤال توينز واجابه صريحه (انتى فعلا فى واحد بتحبيه و لا لا و لو فيه هو عارف ولا لا و لو فيه و هو عارف ان شاء الله هيتقدملك ولا لا...؟

2- لو جيبتي ف 3 مواد (ض ج ) ايه شعورك بعدها وهاتعملي ايـه ..؟ (لاقدر الله يعني)

3- ايه شعورك لو فعلا معوض زود المده بتاعتك (عن قريب يعني)..ايه رد فعلك..؟

4- الي اي درجه انتي صريحه ...؟ ممكن صراحتك ديه توديكي ورا الشمس ولا لا..؟

5- بيقولوا ساعات الكدب بينفع ..واكيد اي انسان بيكدب ف الدنيا ..بس انتي في رأيك واختبار
لشخصك بتكدبي بنسبه قد ايه ..وهل الكدب فعلا ممكن ينقذ الانسان ..؟ اجابه موجزه

6- هل يوجد ف حياتك يامنه شحص معين لاتتمني وجوده ف حياتك ..؟

7- مين من الاعضاء الي.....

بتحبيه وبترتاحي ليه ( انا عايز شخص واحد مش اجابتك تبقي كلهم )

بتتمني انه مسجلش ف المنتدي

بتحسي انه رايق وواخد الحياه ببساطه

بتعجبك مواضيعه

بتتمني تقتليه وتخنقيه وترتاحي منه

اعتدمتي عليه وكسقك

تمنيتي انه يستمر ف المنتدي علي طول

تمنيتي انه يستمر ف المنتدي علي طووول

8 - احيانا الناس بتميل الي ميولهم وهوايتهم ايه هيا بقي ميولك وهواياتك..؟ لو فيـــه ليه ..
ولو مفيش برضه ليه ..؟

9 هل تختلف شخصيه منه ع النت عن حياتها العاديه ....؟

10 - اسم الدلع ليكي الي بيقولهولك بابي ومامي وصحباتك...؟

11- ايه الي بتقوليه من جواكي وانت بتجوابي ع الاسثله ....؟

كفايه كده .......!

تقبل الــــــــ flower

ديه منـــــــــــي

عيب عليك على فكرة انا عمرى ما خلعت من اى سؤال خالص

1- اكتر هوايه بتحبيها ايه؟ وليه؟

اكتر هواية بحبها انى اقعد على النت لانة بيسلى الوقت جدا وبيضيعة وبلاقى علية كل حاجة انا عايزاها يعنى

2- اكتر اكله بتحبيها ايه؟ واكتر فاكهه ايه؟ واكتر لون ايه؟

اكتر اكلة مكرونة باشميل
اكتر فاكهة موز
اكتر لون بمبى فاتح

3- لو حبيبك مثلا زملكاوى اوى هتعملى ايه معاه؟

يغور مش عايزاة

4- تفتكرى ليه معوض وسعيد بيسالوكى كتير كده؟

عشان هما مستفزين

5- توينز سالك سوال وانتى هربتى منه..... ليه هربتى من اجابه السوال رغم انه سوال عادى والاجابه ممكن تكون اه او لا يعنى ليه مجاوبتيش ب اه او لا؟

لا انا مهربتش ولا حاجة عيب عليك
وهاجاوب ان شاء الله المرة اللى جاية

6- انتى شايفه انك راضيه عن نفسك فى حياتك ولا لا؟

انا جاوبتة قبل كدة

7- عملتى ايه لمصر حتى الان؟

عملتلها كل خير
كفاية انى عايشة فيها

8- تتوقعى ايه فى النتيجه بتاعه امتحاناتك؟

بص نتيجة التيرم دة بصراحة انا مرعوبة منها خصوصا انها اتاخرت جدا عن معادها يعنى تقريبا الدرجات كلها واقعة وقاعدين يرفعوا بقى ربنا يستر
بس اتوقع انى هاعدى التيرم دة ان شاء الله يعنى الخوف بقى بجد من التيرم اللى جاى هاموت منه المواد شكلها يخض وكل شوية بتزيد وحاجة يعنى فظيعة بصراحة خايفة من التيرم دة جدا وحاسة انة مش هايعدى على خير

9- ايه رايك فى المنتدى بصراااحه؟

نايس جداااااااااااااااااااااا طبعا
حد يقدر يقول غير كدة
بجد واالهى المنتدى هايل وحلو قوى وان شاء الله يجى اعضاء جداد بدل مااحنا بس االى بنتكلم مع نفسنا كدة فية

10- بناء على ايه اخترى الانتيم بتاعك او صاحبتك يعنى؟ اذكرى الصفات

هى مش صفات معينة بنقيها يعنى
هما حد برتاح فى الكلام معاهم وشخصيتهم قريبة منى جدا وفاهمينى وفاهماهم واقدر انى اعتمد عليهم لو حصلى حاجة او وقعت فى مشكلة يعنى بس

*مش هقدر اقول اكتر من كدة غير اختاري شخصين غير اللي موجودين واللي انا كاتب ااساميهم وطلع عيب او حاجة انتي شايفها ان هي لازم تتغير فية ولازم يكونوا شخصين وقولي رايك في عيوبهم وانصحيهم نصحية عدلة ؟

مش شايفة انة فية عيب فى حد

نــــــــــــــــــــــايس رد بس علي واحد غيري بس انا شايف ان في عيوب هنا بقي ياريت تختاري شخصين بدل لما انا اخترهم بنفسي وياريت تقوللي اخترهم بنفسك

*محلوظة انا اليوم مش هحط اسالة لاني عايز انام وانتي في كرسي اعتراف يعني المفروض تجاوبي علي جميع الاسئلة حتة لو اية ياريت سوال تونز يتجاوب وانا مليش دعوة
وفعلا يا منة بدون اي زعل المدة هتزيد زي ما انتي اتسالتي اسالة مش عجابكي غيرك حصلوا كدة وهيحصلوا كدة ولو محدش جاوب اي سوال هنزودلوا المدة يعني مش مستقصدينك أفهمتي ام لا

رسالة خاصة لسعيد بجد بجد نو كومنت ظبط ادء والله يبني اية الاسئلة دية بجد جامد طول عمرك

انا رجعت تانى اهو ......... و بطالب بحل السؤال ...... و لو متجاوبش ....... تاخد بلوك على طول يا ادمن Laughing

و اليكم بعض الاسئله
1. ايه وجهه نظرك فى الاغانى ؟ و لو انتى بتسمعيها . مخنوقه منها .. و لا لسه بتحبى تسمعيها ؟ و فى نيه فى دماغك انك تبطليها ؟
2. بالنسبه للقرأن ساعات بتحبى تسمعيه ولا مبتسنعيهوش خالص ولا قليل ؟
3. ايه رايك فى الافلام اللى اغلبها هابطه الفتره دى .... انا اصدى هابطه ... بعنى من غير موضوع واغلبها قليل الادب ؟
4. ايه وجهه نظرك فى اللى بيحصل فى الجامعه ..... بين الولاد و البنات ..... انا اصدى الحاجات الاوفر ...... ؟
5. ليكى اخوات ... و لو ليكى ... اسميهم ايه ...... و سنهم .......... و فى اى مرحله من الدراسه ؟
6. ازاى تعرفى اللى قدامك ده رخم ...... ظريف ........ تافه ....... بدون شخصيه ...... هادى ........ عاقل ؟
كفايه كده ............... و لو فى اسئله انتى جاوبتيها قبل كده اكتبى اجابتها عشان بكسل ادور
تقبلى اسئلتى ....... جاوبى على السؤال القديم tongue

نفسك توصلى لحد فين فى الدراسة ؟

انى اخلص الاربع سنين بتوع الكلية وخلاص
يبقى كتر خيرى يعنى
بس هما يخلصوا الاول

مبسوطة فى الكلية بتاعتك ؟ و لو مش مبسوطة قولى ليه ؟

مبسوطة انبساط مش قادرة اقولك يعنى Laughing

اية بقى يعنى اللى هايبسطنى قولى حاجة عدلة فيها تخلينى مبسوطة فيها
دى المواد صعبة والحاجات مش مفهومة ولا ليها مستقبل ولا شغل ولا اى حاجة

ازاى بتحددى اذا كان الشخص ده ينفع صديق او لا ؟

اولا اذا كان ممكن انى ائتمنة على اى سر من اسرارى
ولو لقيتة واقف جمبى فى كل حاجة تخصنى وبيخاف عليا وعلى مصلحتى وصريح معايا ومش منافق وواقف جمبى فى ازماتى ومشاكلى بس

ايه اكبر مقلب اتعمل فيكى من واحده صاحبتك اوى غير التأخير و الكلام ده انا عاوز موقف بجد ؟

عيال اصحابى بعتهم وانا فى الكلية كنت عايزة كارت شحن وكان ورايا محاضرة اديتهم فلوس عشان يجيبوة على ما اخلص جابوا الكارت وقسموة بينهم هما

ايه رأيك فى الاسئلة النهارده ؟

زى الفل Very Happy

هاااااااى يا سعيد طبعا فاكراك هو انت تتنسى Evil or Very Mad

وعقبال ما يجى اليوم اللى اخلص تارى منك انت كمان Twisted Evil

وبعدين متقولش جمايل يا راجل دى اقل حاجة ممكن انى اقدمهالك على الاسئلة السريعة اللى انت بتسالها دى
ومنى ليك قنيلة bom

وباقة شوك غير االى كانوا قبل كدة Very Happy

1- سؤال توينز واجابه صريحه (انتى فعلا فى واحد بتحبيه و لا لا و لو فيه هو عارف ولا لا و لو فيه و هو عارف ان شاء الله هيتقدملك ولا لا...؟

واجابة السؤال اللى مضايقكوا كلكوا دة
لا مفيش حد بحبة
ومحدش يعلق تانى علية لانى مش هاقول اجابة تانية غير كدة Very Happy

2- لو جيبتي ف 3 مواد (ض ج ) ايه شعورك بعدها وهاتعملي ايـه ..؟ (لاقدر الله يعني)

اتصدق انى انت فقرى بجد يعنى
انا قاعدة على اعصابى ومستنية النتيجة وانت تيجى تقولى تجيبى فى 3 مواد مش مادتين حتى اجيب فيهم
( ض ج )
واكيد شعورى ساعتها لو حصل دة بعد الشر يعنى شعور مهبب بطين يعنى ومش هاعمل حاجة يعنى مفيش حاجة هاتغير النتيجة الزفت دى
وشكرا على التوقعات الجامدة دى Smile

3- ايه شعورك لو فعلا معوض زود المده بتاعتك (عن قريب يعني)..ايه رد فعلك..؟

رد فعلى بجد انى مش هاجاوب على اى حاجة هاتتسال تانى
كفاية بقى وسيبونى فى حالى

4- الي اي درجه انتي صريحه ...؟ ممكن صراحتك ديه توديكي ورا الشمس ولا لا..؟

ماهى مش كل حاجة تتقال بصراحة يعنى
وانا بصراحة مش صريحة قوى فى كل حاجة
لان ممكن الصراحة تودى ورا الشمس فعلا

5- بيقولوا ساعات الكدب بينفع ..واكيد اي انسان بيكدب ف الدنيا ..بس انتي في رأيك واختبارلشخصك بتكدبي بنسبه قد ايه ..وهل الكدب فعلا ممكن ينقذ الانسان ..؟ اجابه موجزه

هو الكدب اساسا مهما تكدب هاتتكشف برضة كدبتك فى الاخر بس كلنا بنكدب دى حاجة معروفة وممكن الكدب ينقذ فعلا فى مواقف معينة اى حد فينا بيتعرض ليها
بس الكدب على طول عمال على بطال دة انا مش بحبة
وانا بكدب حوالى بنسبة 20او 30% مثلا

6- هل يوجد ف حياتك يا منه شحص معين لاتتمني وجوده ف حياتك ..؟

اة فية

7- مين من الاعضاء الي.....

بتحبيه وبترتاحي ليه ( انا عايز شخص واحد مش اجابتك تبقي كلهم )

ثريا Very Happy

بتتمني انه مسجلش ف المنتدي

الاعضاء اللى هما بيدخلوا يسجلوا دول وخلاص ولا بيشاروكوا فى اى موضوع ولا بيضيفوا اى حاجة للمنتدى اتمنى ميسجلوش احسن

بتحسي انه رايق وواخد الحياه ببساطه

معوض

بتعجبك مواضيعه

اسلام لانى بحب النكت جداااااااااااااااااا وهو بيجيب مواضيع كتيرة كلها نكت

بتتمني تقتليه وتخنقيه وترتاحي منه

انت يا سعيد Very Happy

لحد اما اخلص المحكمة بس

اعتدمتي عليه وكسقك

لا بصراحة مفيش لحد دلوقتى يعنى

تمنيتي انه يستمر ف المنتدي علي طول

محسن لانة قايم بشغل جامد فى المندى بجد

تمنيتي انه يستمر ف المنتدي علي طووول

ثريا البنت الوحيدة اللى موجودة معايا
وكلكوا اكيد طبعا

8 - احيانا الناس بتميل الي ميولهم وهوايتهم ايه هيا بقي ميولك وهواياتك..؟ لو فيـــه ليه ..
ولو مفيش برضه ليه ..؟

ميولى وهوياتى النت
وجاوبت لية بحبة قبل كدة

9 هل تختلف شخصيه منه ع النت عن حياتها العاديه ....؟

لا خالص هى هى

10 - اسم الدلع ليكي الي بيقولهولك بابي ومامي وصحباتك...؟

منون , منايا , منونة
اكتر حاجة يعنى

11- ايه الي بتقوليه من جواكي وانت بتجوابي ع الاسثله ....؟

حسبى الله ونعم الوكيل فيك يا سعيد
ويارب اخلص من اسئلتك دى بقى Twisted Evil

اهلا بيك تانى يا توينز Very Happy

وانا خلاص حليت السؤال فعلا الرد اللى فات Very Happy

واياك الاقى تعليق علية تانى او اى اسئلة فى الموضوع دة بجد Evil or Very Mad

وشكرا جدا على البلوك اللى انت عايز الادمن يديهولى Embarassed

1. ايه وجهه نظرك فى الاغانى ؟ و لو انتى بتسمعيها . مخنوقه منها .. و لا لسه بتحبى تسمعيها ؟ و فى نيه فى دماغك انك تبطليها ؟

مش كل الاغانى وحشة ومش كلها حلوة برضة
انا بسمع اغانى اة ومش مخنوقة منها ولا حاجة لانى مش بسمع حاجة مش عاجبانى بسمع اغانى انا بحبها
انا بصراحة نفسى ابطل اسمع اغانى بس مش عارفة وبعدين انا برضة مش بسمع اغانى على طول وعلى قد ما اقدر يعنى بحاول انى اققلها

2. بالنسبه للقرأن ساعات بتحبى تسمعيه ولا مبتسنعيهوش خالص ولا قليل ؟

اة طبعا بحب اسمعة لانى بيهدى جدا
والحمد لله بسمعة الصبح وقبل اما انام لان ماما مشغلاة على طول فى البيت

3. ايه رايك فى الافلام اللى اغلبها هابطه الفتره دى .... انا اصدى هابطه ... بعنى من غير موضوع واغلبها قليل الادب ؟

انا بكرة الافلام دى جدااااااااااااااااااا وبحتقر قوووووووووووى اللى بيدخلوها او يشوفوها بجد
مش عارفة بيدخلوها لية يعنى واية اللى هما بيستفيدوة لما يتفرجوا عليها وعمرى ما فكرت بجد انى ادخل افلام ملهاش قصة او هبلة او قليلة الادب بس بشوف الافلام العادية يعنى ليها قصة او بتضحك بس

4. ايه وجهه نظرك فى اللى بيحصل فى الجامعه ..... بين الولاد و البنات ..... انا اصدى الحاجات الاوفر ...... ؟

كلها بقى بجد تسلية وتضييع وقت
فية حاجات فى العلاقات دى بتنجح وتستمر
بس الاغلب لا كلة بيسلى نفسة الكام سنة وخلاص

5. ليكى اخوات ... و لو ليكى ... اسميهم ايه ...... و سنهم .......... و فى اى مرحله من الدراسه ؟

اة ليا محمد وسارة
محمد فى سنة اولى اعدادى وعندة 12 سنة
وسارة فى تالتة ثانوى وعندها 17 سنة

6. ازاى تعرفى اللى قدامك ده رخم ...... ظريف ........ تافه ....... بدون شخصيه ...... هادى ........ عاقل ؟

اولا بيبان علية اي كان حد من اللى انت قولت عليهم
بيبان من شكلة وطريقة كلامة وطريقة تفكيرة لما يعرض راى قدامى فى اى حاجة
يعنى مثلا لو حد رخم هايقول حاجات رذلة زية لو ملوش شخصية هاتحس انة عبيط وملوش اى راى فى اى حاجة ولوتافة برضة ولوهادى هتلاقية ملوش حس مش بيتكلم كتير مش بياخد على حد بسرعة كدة
ولو عاقل هاتحس انة فاهم كل حاجة وعقلة اكبر من سنة
مش بطريقة تخنق يعنى بس تحسة عاقل وراسى كدة وعارف هو بيعمل اية
وانا بحب الشخصيات دى جدا وبتجذبنى قوى

وانا جاوبت على كل حاجة مفيش حاجة منهم اتسالت قبل كدة
والسؤال القديم حليتة برضة Very Happy

كتير كتير جمايلك يامنايا يارب اقدر اردهملك الحاجه الضعف ..براءه انهارده من الاسئله

ومعادك معايا يوم الجمعه قبل ماتقومي (حسب مزاج معوض اذا كان عايز يقومك ولا لا)

وياااااااااااااارب حبيبك الي تقعي فيه يبقي زملكااااااااااااااااااوي

عشان يبقي خد بتاري وبتار جميع الزملكاااويه

تقبلي تحيااتي

طبعا انا بقالي يومين مش بسال خالص وانا عارف اني مقصر سوري اصل كنت بعمل حبة حاجات كدة ورايا وخلاص فضيت ناوووووووووو
الاسئلة بقي لذيذة كيك Smile

1-اصعب جرح كان اية سببة؟ Sad

2-لو حسيتى بحب حد ليكى وانتى مش بتحبية هتقوليلة ولا هتسبية؟ Wink

3-كم مرة بكيتي بسبب الحب ؟

4-الأحلام .. كم مرة زارك حبيبك في حلمك؟؟ Razz

5-لو حبيتى حد واعجبتى بية هل ممكن تروحى وتصارحية بكل اللى عندك...؟؟ Suspect

6-اكتر موقف بااااايخ حصلك مع حد انتى بتحبية Very Happy

7- ممكن تسمحي حبيب خانك؟ pale

8- اتخدعتي قبل كدة واتظلمتي؟ affraid

كفايا عليكي دول بس انا هسال سوال واحد اخير بس يوم الجمعة وتاكدي ان السوال هيكون سهل جدا جدا وهتلاقية الجمعة بالذات اوكي وشكرا

ولا مقصر ولا حاجة ياريت كنت تفضل مقصر كدة على طول Very Happy

وان شاء الله تيجى مليون حاجة تانية تشغلك على بال ما اقوم انا واخلص
Twisted Evil

1-اصعب جرح كان اية سببة؟ Sad

اصعب جرح كان من حد بحبة لانة سابنى كذا مرة وكل مرة كان بيتحجج بحجج فارغة وملهاش لازمة عشان يطلع فى الاخر انة الملاك البرئ وان الظروف هى السبب

2-لو حسيتى بحب حد ليكى وانتى مش بتحبية هتقوليلة ولا هتسبية؟ Wink

لو هو جة يقولى واعترفلى فعلا بحبة
لو مش بحبة هاقولة طبعا هاسيبة لية يعنى
ولو حتى مقليش وحاسة انة فية حاجة من ناحيتة هاحاول اقلل علاقتى بية عشان يفهم انة مفيش حاجة من ناحيتى لية

3-كم مرة بكيتي بسبب الحب ؟

كتير

4-الأحلام .. كم مرة زارك حبيبك في حلمك؟؟ Razz

على طول طبعا معايا فى احلامى اكيد
هاحلم بيك انت يعنى Very Happy

5-لو حبيتى حد واعجبتى بية هل ممكن تروحى وتصارحية بكل اللى عندك...؟؟ Suspect

اة ممكن اروح واقولة بس مش فى وشة كدة
يعنى لو فية حاجة هاحاول ابينلة فى الاول انى معجبة بية واحاول اقرب منه دة لو حسيت منة حاجة هو كمان غير كدة مش هارمى نفسى على حد

6-اكتر موقف بااااايخ حصلك مع حد انتى بتحبية Very Happy

انة سابنى عشان واحدة تانية
ويارتها كانت تستاهل حتى انة يسيبنى عشانها
هو دة بصراحة ابوخ حاجة حصلت
غير كدة كلة بايخ برضة Very Happy

7-ممكن تسمحي حبيب خانك؟ pale

على حسب هو بالنسبالى اية يعنى لو لسة بحبة هاسامحة طبعا
بس لو حسيت انة فعلا ندمان على خيانتة ليا وحاسس بغلطة ناحيتى
وقبل كل دة لو كنت متاكدة انة لسة بيحبنى بجد
غير كدة مش هاينفع انى اسامحة او ارجعلة تانى

8- اتخدعتي قبل كدة واتظلمتي؟ affraid

اة

بجد جاوبت بصراحة على قد ما اقدر اهو عشان اخلص بس واللهى من الرخامة بتاعتكوا Very Happy

وياريت تكون ارتحت كدة

وياريت السؤال يكون ظريف وسهل فعلا
لانة لو اللى قلت علية وحياتك عندى ما هاجاوب
ومش عايزة اقوم من الكرسى خلينى علية ومش هاقول حاجة برضة
Very Happy

انا مش هسال النهارده عشان معنديش اسئله تانى حاجه السوال اللى انا سالته ده .......... شد انتباهنا عشان انتى مردتيش تردى عليه علطول ............ و فى الاخر الاجابه (( لا )) و انا مش مقتنع ........ عشان لو كانت كده ......... كنت هتقوليها من الاول ......... صح ولا ايه ؟ يا منايا

انا مش هسال النهارده عشان معنديش اسئله تانى حاجه السوال اللى انا سالته ده .......... شد انتباهنا عشان انتى مردتيش تردى عليه علطول ............ و فى الاخر الاجابه (( لا )) و انا مش مقتنع ........ عشان لو كانت كده ......... كنت هتقوليها من الاول ......... صح ولا ايه ؟ يا منايا
_________________
اولا ميرسى ليك جدا يا توينز لانك مش هتسال النهاردة
ثانيا الاجابة حاول تقتنع بيها لانها بجد
انا بس كنت برخم عليكوا Very Happy

وانا لو بحب حد هاقول يعنى هاخبى عليكوا لية Question

انا مش هسال النهارده عشان معنديش اسئله تانى حاجه السوال اللى انا سالته ده .......... شد انتباهنا عشان انتى مردتيش تردى عليه علطول ............ و فى الاخر الاجابه (( لا )) و انا مش مقتنع ........ عشان لو كانت كده ......... كنت هتقوليها من الاول ......... صح ولا ايه ؟ يا منايا
_________________________
احب اهدي اغنية منايا ونقول
منايا حبيبي تحب وادني منايا منايا حبيبي تحب وادني مناايا وياريتك تعرف اية وادني منايا Smile

هههههههههههههههههههههههههههههههههههههههه
هههههههههههههههههههههههههههههههههههه

احساسك عالي اوي يامعوض

فعلا يامنه حاجه غريبه ان الكل مش عايز يسألك انهارده وشكلك هاططحني اخر يوم ...!

يللا يا جماعة إللي عايز يسأل علشان بكرة أخر يوم علشان أقول الحكم ده إذا الأيام ما زاديتش Very Happy

ميرسى جدااااااااااااااا يا معوض على الاهداء Very Happy

احرجتنى بصراحة Embarassed

واحسن حاجة بجد ان محدش سال اى سؤال النهاردة Laughing

الحمد لله

بس انا عارفة ان نيتكوا سودا بكرة confused

ربنا يستر بقى ويهديكوا عليا

بما ان النهارده اخر يوم يا منه احب اوجهلك كام سوال كده على السخااااان

1- انتى سعيده فى حياتك ولا لا؟
2- مواصفات فارس احلامك ايه؟
3- ايه رايك فى الزواج المبكر؟
4- ايه رأيك فى المنتدى حاليا؟
5- ايه اكتر المواضيع اللى عجبتك حتى الان؟ وليه؟ اذكرى على الاقل 5 مواضيع....
6- فى ناس وقت الفرح تبكى وناس تفرح انتى من انه نوع فيهم؟
7- ازاى تعرفى ان اللى بتحبيه فعلا بيحبك وصادق فى كلامه؟وبلاش تقولى الاحساس
8- هل تقتنعى بالحب قبل الجواز ولا الحب بعد الجواز؟ وليه؟
9- ايه رأيك فى التكنولوجيا الحديثه؟ومن وجهه نظرك ايه المزايا والعيوب؟
10- هل توافقى على زواج الاقارب؟ مع التعليل؟ عنى لو اه اه ليه ولو لا لا ليه؟

كفايه كده يا منه ومبروك الافراج مقدما وانتى فعلا كنتى قدها وقدود وانا سالتك عشان بكره مش موجود ومكنتش هلحق اسال تاااااااانى الوداااااااااااااع ياا منه (بش)

1- انتى سعيده فى حياتك ولا لا؟

بصراحة مش بنسبة كبيرة قوى يعنى
هو انا بحاول انى ابقى سعيدة ومخليش حاجة تضايقنى
بس برضة مهما بعمل اى حاجة
لازم برضة حاجة هاتيجى وتضايق وانساها وتيجى حاجة تانية والحياة ماشية يعنى Cool

2- مواصفات فارس احلامك ايه؟

يكون جذاب ووسيم وطويل دة بالنسبة للشكل
والمضمون يكون بيحبنى وبيموت فيا طبعا ويوفرلى حياة حلوة ومستقبلة يكون كويس
وكشخصية نفسى يكون دمة خفيف ومحترم جدا ومتدين قوى وعاقل بس
دى الحاجات الاساسية يعنى I love you

3- ايه رايك فى الزواج المبكر؟

فى رايى انة مش كويس وانا مش معترفة بية
لانة لسة بيكون الطرفين او حد فيهم مش فاهم الحياة لسة كويس او بدرجة كافية ومحدش فيهم عندة خبرة فى اى حاجة فى الدنيا عامة Evil or Very Mad

4- ايه رأيك فى المنتدى حاليا؟

عايزين نغير اسمة نخلية منتدى الاموات Sleep

ولا حد بقى بيدخل ولا بيهتم بالمواضيع ولا الردود ولا اى حاجة خالص يااما كلنا نبقى موجودين فية على طول وكل حد يكتب مواضيع جديدة ونلاقى ردود عليها ياما نتكلم على الايميلات احسن بقى Evil or Very Mad

5- ايه اكتر المواضيع اللى عجبتك حتى الان؟ وليه؟ اذكرى على الاقل 5 مواضيع....

اكتر موضوع المحكمة دة على الرغم من انى مطحونة فية دلوقتى لكن موضوع بجد جامد عشان كل واحد فينا هايبقى عارف التانى بيفكر ازاى وبيحب اية
وبعدة موضوع لعبة السجن برضة حلو قوى
ولعبة الصور برضة فكرتها عاجبانى قوى عشان كدة حططها
ومواضيع النكت كلها جامدة موووووووت اكيد Laughing

ومنتدي المنوعات برضة مواضيعة كلها بتعجبنى Laughing

6- فى ناس وقت الفرح تبكى وناس تفرح انتى من انه نوع فيهم؟

لا مش بابكى بفرح
Laughing

7- ازاى تعرفى ان اللى بتحبيه فعلا بيحبك وصادق فى كلامه؟وبلاش تقولى الاحساس

طيب ماهو فعلا اول حاجة الاحساس ويجى بعدها طريقتة فى تعاملة معايا واهتمامة بيا وخوفة عليا وعلى مصلحتى وانة بيفكر فيا ويخاف عليا اكتر من نفسة كدة يعنى وانة برضة بيتمنى انة فى الاخر يرتبط بيا ويجى يتقدملى مفيش اصدق من كدة يعنى خلاص I love you

8- هل تقتنعى بالحب قبل الجواز ولا الحب بعد الجواز؟ وليه؟

الحب قبل الجواز طبعا
مش باعترف خالص بالحب بعد الجواز لانة مش هايبقى حب هايبقى مجرد تعود بس او حد انت لازم تحبة لانك خلاص مرتبط بية وهاتكمل معاة حياتك
هو طبعا محدش بيتجوز حد من غير ما يكون حتى فية اعجاب بس هايكون بس مجرد تقبل للطرف التانى مش حب يتبنى على اساسة حياة جديدة المحكمة (شبه كرسي الاعتراف ) - صفحة 14 Herz

المحكمة (شبه كرسي الاعتراف ) - صفحة 14 Herz

9- ايه رأيك فى التكنولوجيا الحديثه؟ومن وجهه نظرك ايه المزايا والعيوب؟

هى وفرت وقت ومجهود على كل حد فينا بدرجة كبيرة جدا وبرضة مفيدة جدا ومريحة
وكلها مزايا طبعا يمكن اكتر حاجة ممكن تكون عيب فيها انها بتخلينا نكسل اننا نعمل اى حاجة
او ان اى حد بقى بيستسهل لانة مفيش مجهود ممكن يبذلة عشان يوصل للى هو عايزة

10- هل توافقى على زواج الاقارب؟ مع التعليل؟ عنى لو اه اه ليه ولو لا لا ليه؟

انا مش معترضة على المبدا اولا
لكن لو جواز غصب لمجرد انهم اهل ارفضة طبعا
لكن لو اتنين بيحبوا بعض ومرتبطين خلاص يتجوزوا
لكن غير كدة لا موافقش علية

والله يبارك فيك يا اسلام

وكان نفسى تحضر لحظة براءتى بكرة (دة لو خرجونى ومرخموش يعنى)
و الوداااااااااااااع يا اسلام (سمسم) المحكمة (شبه كرسي الاعتراف ) - صفحة 14 Lol

المحكمة (شبه كرسي الاعتراف ) - صفحة 14 Lol

اولا ان شاء الله هتخرجي واليوم اخر يوم ان شاء الله بس جوابي عدل عشان اليوم يعدي علي خير ان شاء الله وانا مش هطول عليكي وهسالك سوالين وغير اللي قولتهولك قبل كدة

اية هي اكبر مشكلة في حياتك ؟؟؟؟؟ ولية حسة انها مشكلة ؟؟؟ وهتتحل والا لا ؟؟؟ من وجة نظرك انها مشكلة حياتك هل بقي بالنسبة لاخرين هيفا ام فعلا مشكلة حياتك ؟

السوال التاني
انتي رايك اية وبكل صراحة جدا جدا جدا في المشكلة دية المتكررة؟

في طرف كان بيحب الطرف التاني اووووووي وفي لحظة انتهت العلاقة نقدر نقول لاي سبب سواء الظروف اقوي منهم سواء في ضغط كبير علي اي طرف قدت الي انتهئ العلاقة دية وبعد كدة تلاقي الطرف اللي انجرح اووووووي منهم ابتدي يضيع بجد بعد لما كان لاقي نفسوا واتغير
والطرف دة ابتدي يوهم دية ويوهم دية وعاش حياتوا غلط وانهار ومش عارف يرجع زي الاول

انتي رايك اية في المشكلة اللي ممكن تحصل مع اي شب او بنت وفعلا اعرف امثلة كتير اووووي عن قصص حب وبعد كدة اي من الطرفين ابتدي يتوة وينهار
وضحي وجة نظرك في الموضوع دة

هااااااي يامنه ... الف الف الف مبروك البرائه مقدما ...انهارده اخر يوم ف الطحن وترتاحي

بس احيك علي صبرك وتحملك لكميه الاسأله الي كنتي بتتسأليها رغم انها معظمها كان مختصر

بس كويس اصلا انك جاوبتي Cool

وهسألك ف الختام 3 اسأله بس ...!

1- في رأيك ايه هوا لون النسيان بالنسبه ليكي...؟

2- لو بتحب شخص او انسان معين ودام الحب الي بينكوا ده اكتر من سنه لدرجه انك

قولتيله اعتبرني(عجيبنه واعملها زي ماانت عايز) من شده حبك ليه ..وفجأه اكتشفتي ان

الانسان ده كان بتسلي بيكي وانك بالنسباله كنت بمثابه (شماعه) بيعلق عليها كدبه ونفاقه ..

تقتكري ايه شعورك ساعتها مع تخيلك للموقف انك كنت بالعامي ( مدلوقه عليه )..وتفتكري

ممكن تنسيه بسهوله ..وهل هاتغري فكرتك عن ان (الدنيا لسه بخير) ياريت تقولي لينا بجد

ايه رد فعلك ساعتها بصررااحه...؟

3- وجهي رساله توعيه للعالم العربي تحت شعار (الا رسول الله...)..؟

بس كده والف مبروووك البراءه مقدما مره تاااانيه .....!

اه بقى مش معنا طويلللللللللللللللللللللل Laughing

......... ههههههههههههههه ...
مبروك يا منه الافراج بكره ان شاء الله ..... و امته يجى عليكى الدور تانى ......
و اليكم البيان التانى .......
1. بالنسبالك ... حاسه ان الموت ممكن يجيلك فى اى لحظه ؟ و لو كده و حاسه بيه ... بتعملى كل حاجه صح ,, عشان حسن الخاتمه ؟
2. بتحسى ساعات ان الحياه ملهاش لازمه و نفسك تموتى عشان انتى مخنوقه منها ؟
3. انتى لما تتجوزنى ان شاء الله .... هتشتغلى .. ولا هتركنى فى البيت Smile

.... ولا حسب ما المحروس يقول Smile

؟
4. لو انتى مدايقه من حد معين ... لو شفتيه .... بتسليمى عليه عادى .... و بيبان عليكى انك مضايقه منه .... ولا بتمشيها عادى ؟
5. ابه رايك لو فضيلتى فى المحكمه و نديكة فلوس Smile

؟
6. كل حياتك على الكمبيوتر ..... شات و مواقع .......و لا ليكى فى حاجه تانيه ؟
7. كان فى واحد بتحبيه قبل كده ...... و لو كان فيه هو كان عارف ....... وهو لو كان عارف ... كان عارف انك بتحبيه ........ و سيبتيه ليه ؟
8. ايه رايك فى الاسئله دى ........... اى كلام صح Smile

و مبروووووووووووووووووك عليكم و علينا

اولا ميرسى جدا ليك يا معوض على انك هاتتعطف وهاخرج النهاردة ان شاء الله bounce

وهحاول اجاوب عدل عشان اخلص من المطحنة دى بقى Twisted Evil

ثانيا شكراااااااااااا جدااااااااااااا لانك مسالتش السؤال اللى قلت علية Embarassed

بس من الواضح انك سالت اللى انيل منه Cool

جميل عمرى ما هنسهولك وتتردلك ان شاء الله لما تنزل مكانى Very Happy

نيجى للاسئلة بقى: Very Happy

اية هي اكبر مشكلة في حياتك ؟؟؟؟؟ ولية حسة انها مشكلة ؟؟؟ وهتتحل والا لا ؟؟؟ من وجة نظرك انها مشكلة حياتك هل بقي بالنسبة لاخرين هيفا ام فعلا مشكلة حياتك ؟

اكبر مشكلة فى حياتى انى ارتبط بحد مكنش المفروض ارتبط بيه
الموضوع طبعا خلص خلاص بقالة فترة بس هى دى كانت اكبر مشكلة غير كدة مفيش حاجة كلها مشاكل صغيرة وبتتحل فى ساعتها يعنى او مشاكل مع اصحابى وبتخلص فى ساعتها برضة
وحاسة انها مشكلة لانها حطننى فى مشاكل تانية برضة عمرها ما كانت هاتحصل لو الحد دة مكنش ظهر فى حياتى هى فترة الارتباط دى مطولتش كمان يعنى من الاول مكنش ليها لازمة انها تحصل
وهى اة خلاص محلولة طبعا لانة مفيش اى جديد هايحصل فيها وكل حاجة بتتنسى يعنى محدش بتقف حياتة على حد
لو حد شايفها هايفة يبقى اكيد عندة مشكلة اكبر منها مثلا ظروفة المادية او مشاكل فى عيلتة كدة يعنى
لكن متهيالى كل حد بقابلة فى اصحابى بتبقى مشاكلة فى الحب والارتباط وكل الكلام دة
و اصلا فى الاخر كل دة لعب عيال وتتضيع وقت يمكن عشان الفراغ اللى احنا كلنا عايشين فية ومحدش لاقى حاجة يعملها فهو دة اللى كلة بيفكر فية لكن لما نكبر شوية كل واحد هيلاقى مليون حاجة يفكر فيها غير الهبل دة كلة وهيلاقى فى الاخر حد يستاهلة بجد ويرتبط بية طول العمر وهاينسى كل الى كان فية دة خالص Very Happy

انتي رايك اية وبكل صراحة جدا جدا جدا في المشكلة دية المتكررة؟

رايى ان كل واحد ينسى كل دة ويركز فى حاجة تنفعة احسن بدل ما هايقعد يضايق نفسة على الفاضى لوحدة
وموضوع ان الواحد ينسى كل حاجة دة مش سهل على اى حد لازم يكون عندة ارادة وعزيمة وياخد قرار انة هايخرج البنى ادم دة من حياتة خلاص ومش كلام بس واللهى ممكن اكون مش عارفة اعمل كدة ماشى بس مع الوقت كل واحد بينسى ويتعود على اللى هو فية
فهى مشكلة وقت مش اكتر Laughing

في طرف كان بيحب الطرف التاني اووووووي وفي لحظة انتهت العلاقة نقدر نقول لاي سبب سواء الظروف اقوي منهم سواء في ضغط كبير علي اي طرف ادت الي انتهاء العلاقة دية وبعد كدة تلاقي الطرف اللي انجرح اووووووي منهم ابتدي يضيع بجد بعد لما كان لاقي نفسوا واتغير والطرف دة ابتدي يوهم دية ويوهم دية وعاش حياتوا غلط وانهار ومش عارف يرجع زي الاول
انتي رايك اية في المشكلة اللي ممكن تحصل مع اي شب او بنت وفعلا اعرف امثلة كتير اووووي عن قصص حب وبعد كدة اي من الطرفين ابتدي يتوة وينهار
وضحي وجة نظرك في الموضوع دة؟

هو طبعا الموضوع دة زى مانت قلت انة بقى بيتكرر كتير جدا.واى اتنين بيحبوا بعض لازم هايسيبوا بعض فى الاخر،مش كلة بس المعظم يعنى وبتنتهى العلاقة دى سواء للظروف او ان طرف زهق من التانى ومبقاش قادر يكمل معاة او انها_ودة فى رايى_ بتبقى انانية من الطرف اللى بيسيب الطرف التانى لانة لما بيسيب اللى بيحبة مش بيفكر فى حاجة غير فى نفسة وخلاص ومش مهم عندة بقى التانى دة يموت يولع مش مهم هو عندة نفسة الاهم وخلاص
وبالنسبة للطرف التانى بقى هو لو حصلة اللى بتقول علية دة انة يتوة ويضيع ويرجع للاوحش بعد ما كان اتغير كل دة ومهما حصلة مش بيفرق مع الى سابة خالص وتلاقية اصلا عايش حياتة ولا همة اى حد وبقول للطرف دة بقى انة يحاول ينسى لانة محدش هاينفعة لو حصلة حاجة او اتغير للاوحش هو طبعا النسيان دة صعب جدا بس فى الاخر هاينسى وهايقابل حد تانى ان شاء الله هايعوضة عن كل اللى حصلة قبل كدة وهايحب تانى وهايتحب برضة لان الدنيا مش بتقف على حد لا عادى بتستمر طبعا الكلام اللى بقولة دة مش كلة هايقدر انة يعملة لان لما الواحد بيكون فى المشكلة غير حد بيتكلم وبيدى نصايح وخلاص لكن لما نخرج من المشكلة بجد هتلاقى ان الكلام دة هو فعلا الصح ودة االى لازم يتعمل انة لازم ينسى ويعيش حياتة زى ماالتانى هو كمان مش حاطط حاجة فى دماغة وعايش الدنيا برضة وتحاول تفتكرلة كل حاجة وحشة عملها فيك عشان تحاول انك تكرهة هو طبعا مهمه اى حد عمل كدة مش هايقدر يكرة حد كان فى يوم بالنسبالة كل حاجة فى حياتة بس انا بقول كدة عشان يحاول انة ينساة او حبة لية يقل ويفكر كمان ان اللى سابة دة هو مش دماغة اصلا فعلى اية هايفكر فى حد مش بيفكر فية يجيب كل دة فى تفكيرة ويحاول ينساة وربنا فى يوم هايعوضة ان شاء الله باللى احسن منة مليون مرة لان اللى اتساب دة بيكون حد مظلوم ملوش ذنب فى اللى حصلة Very Happy

يللا يا منة حلي بقية الأسئلة علشان القاضي محسن شاهين هيصدر الحكم الساعة 12 بليل Twisted Evil

هاااااااااى يا سعيد والله يبارك فيك Very Happy

والحمد لله فعلا انة اخر يوم bounce

وكل اللى انا جاوبت علية دة وبرضة مختصرة واللهى انت مفترى دانا خلاص بجد قولت كل حاجة
واحمد ربنا فعلا بقى انى جاوبت اصلا Twisted Evil

1- في رأيك ايه هوا لون النسيان بالنسبه ليكي...؟

انا بصراحة مش فاهمة السؤال دة Very Happy

يعنى اية لون النسيان دة اصلا هو لية لون يعنى Question

2- لو بتحب شخص او انسان معين ودام الحب الي بينكوا ده اكتر من سنه لدرجه انك
قولتيله اعتبرني(عجينه واعملها زي ماانت عايز) من شده حبك ليه ..وفجأه اكتشفتي ان
الانسان ده كان بتسلي بيكي وانك بالنسباله كنت بمثابه (شماعه) بيعلق عليها كدبه ونفاقه ..
تقتكري ايه شعورك ساعتها مع تخيلك للموقف انك كنت بالعامي ( مدلوقه عليه )..وتفتكري
ممكن تنسيه بسهوله ..وهل هاتغري فكرتك عن ان (الدنيا لسه بخير) ياريت تقولي لينا بجد
ايه رد فعلك ساعتها بصررااحه...؟

اكيد مش هاقدر انساة بسهولة طبعا النسيان دى مش حاجة سهلة مش هادوس على زرار الاقى نفسى نسيت كل حاجة اكيد هاخد فترة كبيرة طبعا على ما اقدر انساة وانسى الى هو عملة معايا.

ولا مش هاتتغير فكرة ان الدنيا لسة بخير بالنسبالى دة موقف واحد مع شخص واحد مش هاقدر احكم على الدنيا كلها انها خلاص خلص الخير اللى فيها عشان واحد عمل معايا كدة واللى خلقة خلق مليون واحد زية واحسن منه كمان واكيد هاقابل حد هاينسينى كل دة ويكون بيحبنى بجد وقادر انة يحافظ عليا واكيد هاكون بحبة برضة

ورد فعلى فى ساعتها بجد لما اكتشف انى كان بيخدعنى وبيتسلى اكيد طبعا هابقى مصدومة فية وهافكر هو لية عمل معايا كدة وهاحس بظلم كبير قوى ان حد قدر يخدعنى وانا صدقتة واكيد هابقى محتقراة جدا وهايبقى صغير فى نظرى جدا واكيد برضة هاقطع علاقتى بية

3- وجهي رساله توعيه للعالم العربي تحت شعار (الا رسول الله...)..؟

بقولهم ياريت يقفوا ايد واحدة وكفاية الشعارات اللى هما عاملين يعملوها دى وياخدوا موقف بجد مرة واحدة فى حياتهم لانة كدة خلاص اللى ربنا ينتقم منهم دول مفيش حاجة خلاص معملوهاش فهايفضلوا مستنين لحد امتى مش عارفة يعنى
وحسبى الله ونعم الوكيل فى كل اللى بيسئ لينا ولدينا وطول ما كلنا واقفين كدة ومش عاملين حاجة ليهم هايعملوا فينا الى اكتر من كدة

والله يبارك فيك مرة تانية Very Happy

وبجد هاتوحشنى اسئلتك الرخمة دى جدااااااااا
مش عارفة هاعيش ازاى من غيرها Mad

» كرسي الجبلاية.. يهتز زاهر عاد لانتخابات الرئاسة.. والمنافسة من درويش وخليل وشاكر
» صور البشير علي هدايا للمتظاهرين ضد المحكمة
» إريتريا ..تتحدي المحكمة الجنائية الدولية
» المحكمة الجنائية الدولية تكيل أزمتي غزة ودارفور بمكيالين
» المحكمة تستمع إلى متهم من زعماء الخمير الحمر