المحكمة (شبه كرسي الاعتراف )

هههههههههههههههههههههههه ..
لازم طويل عشان انا طويلة
ومش هامشى جمب واحد قصير هابقى مكسوفة وانا ماشية معاة

والله يبارك فيك يا توينز
ودور تانى اية هى مرة وخلاص
احنا نقول عقبالك انت لما تنزل بقى ان شاء الله


1. بالنسبالك ... حاسه ان الموت ممكن يجيلك فى اى لحظه ؟ و لو كده و حاسه بيه ... بتعملى كل حاجه صح ,, عشان حسن الخاتمه ؟

اة طبعا اكيد الموت هايجى فى اى لحظة
واكيد برضة مش بعمل كل حاجة صح
هوعلى قد ما بقدر بحاول طبعا
بس مهما اعمل اكيد كل واحد فينا بيغلط غصب عنه محدش بيحب انة يغلط
بس دى طبيعة لازم هانغلط برضة
وربنا يحسن ختامنا جميعا امييييييييين

2. بتحسى ساعات ان الحياه ملهاش لازمه و نفسك تموتى عشان انتى مخنوقه منها ؟

اة فية اوقات كتيرة بحس ان الحياة ملهاش لازمة لانى مش بعمل فيها حاجة جادة قوى كل حاجة ضحك وهزار وخلاص مش كسل منى او انى متاخرة فى حاجة بس مفيش حاجة تتعمل صح
حتى لو ابتديت فى حاجة ممكن مقدرش اكمل
وهو انا مخنوقة اة بس مش لدرجة انى نفسى اموت اكيد فية حاجات كويسة كتير فى الحياة الواحد يستحق انة يعيش عشانها وبرضة الواحد مش مستعد للموت عشان يتمناة

3. انتى لما تتجوزنى ان شاء الله .... هتشتغلى .. ولا هتركنى فى البيت .... ولا حسب ما المحروس يقول ؟

لا محروس مين محروس على نفسة مش عليا انا اللى انا عايزاة هاعملة طبعا
لو حسيت ان الشغل دة هايحققلى حاجة كويسة فى حياتى اكيد هاشتغل
او لو حسيت بفراغ كبير فى حياتى هابقى محتاجة للشغل برضة
لكن لو حسيت انى بالشغل دة مقصرة فى حاجة فى بيتى اكيد مش هاشتغل وهاركن فى البيت اشوف بيتى احسن وولادى

4. لو انتى مدايقه من حد معين ... لو شفتيه .... بتسليمى عليه عادى .... و بيبان عليكى انك مضايقه منه .... ولا بتمشيها عادى ؟

اانا بصراحة بيبان عليا جدا لو كنت مضايقة من حد مش بعرف ادارى يعنى
هو طبعا هاسلم السلام لله يعنى بس مش هاخد وادى معاة فى الكلام هاسلم وامشى

5. ابه رايك لو فضيلتى فى المحكمه و نديكة فلوس ؟

على حسب شوفوا هاتدونى كام
افكر واقولكوا

6. كل حياتك على الكمبيوتر ..... شات و مواقع .......و لا ليكى فى حاجه تانيه ؟

اولا انا مش من هواة الشات ومش بكلم علية حد معرفوش
هما اصحابى اللى انا عارفاهم بس بدخل اسلم عليهم ولو فية حاجة مهمة نتكلم فيها خلاص لانى مش بحب اكلم حد مش شايفاة
غير كدة بحب ادخل على المواقع اة انزل حاجات جديدة واشوف اخر الاخبار كدة يعنى
وانا مليش فى حاجة تانية غير كدة لانى مش لاقية حاجة تانية تتعمل
غير المذاكرة طبعا بس دة بيبقى اخر يومين قبل الامتحانات

7. كان فى واحد بتحبيه قبل كده ...... و لو كان فيه هو كان عارف ....... وهو لو كان عارف ... كان عارف انك بتحبيه ........ و سيبتيه ليه ؟

اة كان فية قبل كدة
وهو اكيد كان عارف هاحبة مع نفسى يعنى وهو اللى حبنى فى الاول
وكان عارف بعد كدة انى حبيتة
وموضوع سيبنا بعض لية اصلة افتكر فجاة ان ظروفة مش هاتسمح اننا نكمل مع بعض






عيب عليك طبعا
الاسئلة دى مش اى كلام

و الله يبارك فيك وعليك

هوا بما ان تقريبا معوض شال الليله كلها .. فحضر نقسك بقي ياجميييييييييل عشان الطحن

الي هايحصل .. هاقولك كلمتين اتنين ( هاتموتي ياسوسو ).

بسم الله الرحمن الرحيم

علي بركة الله فتحت الجلسة كل واحد يسن السكينة والمقص