المحكمة (شبه كرسي الاعتراف )

تذكير بمساهمة فاتح الموضوع :

السلام عليكم ورحمة الله وبركاته

اولا يا جماعة دية لعبة جميلة جدا جدا جدا
ثانيا هنعمل تصويت بين الاتنين علي إللي يقعد في المحكمة ونسأله أسئلة أي سؤال وأي حد عايز يسأل يسأل

وإللي هيقعد في المحكمة دية المدة بتاعة إللي هيتسأل لية وهو هيجاوب عليها حوالي 7 أيام بحيث يتعصر أسئلة
وبعد كده نختار اتنين كمان ونصوت بينهم والاكتر هيقعد علي الكرسي وهكذا

ومدة التصويت يا جماعة حوالي 4 أيام I love you

وهيقف لوحدوا

اتمني إن الفكرة دية تكون جميلة وحلوة ولعبة مسلية

lol!

1- معوض انت لو مخنوق من حد معين ف المنتدي هاتعبر عن خنقتك ليه ازاي..؟
مش هعبروا علي الخنقة انما هطردوا من المنتدي علي طول لان انا مش بحب حد يخنق عليا انا وهو نفعد في مكان واحد لئما انا اللي هخرج ومش هدخل تاني

2- مين الاشخاص الي بتتمني وجودهم ف المنتدي علي طول .. وهاتزعل لو سابوا المنتدي.؟
والله كل المنتدي بدون نقاش بالبيشركوا باستمرار والجامعة الميتين

3- كان في سؤال بيلح علي جميع الاعضاء تقريبا كلهم بيسألوا هوا مكان السيرفر فين ..؟
في اليوز بتاعي بجد

4- مين الي ف دماغك الي في رأيك يستحق لقب المشرف بجد ومين الي هاتحذف منه لقب الاشراف...؟ بصرراااحه تااامه ..؟
بص اللي يستحق لقب المشرفين هما محسن وبدون نقاش وبعد كدة تلاتة وراة بدون اي نقاش اسلام ومنة واحمد سعيد واللي المفروض يتشال منهم الاشراف بص هو كان في الاتنين اللي في دماغي بعيدا عن الصدافة اوكي هما تونز بس بقي بيدخل وشغال 10 علي العشرة وبقي زي الفل وبقي مهتم زي زمان بالمنتدي وبعد كدة حسين بيدخل علي النت وبشوفوا وبيكسل يدخل المنتدي بس مراعي ان عندوا ظروف في حياتوا واكيد لما بيدخل علي نت بيتكلم كلمتين ويخرج بس عن قرب الله اعلم هيحصل اية بس يارب الظروف دية تعدي علي خير

وانا اخترت الشخصين دول لان هما المفروض اكتر شخصين يألجوا علي المنتدي

5- تهدي لمين العبارات ديه ( من الاشخاص الي ف المنتدي ).........

بحبك وبموت فيك : جميع الاشخاص

قالي الوداع وانا قوله ايـــــه : محدش والله ومش عارف اختار مين

صعباااان عليا : منة لما كانت في المحكمة عشان كانت مطحونة

لو سبت السايت مش هايبقي ليه لازمه..!
والله كل المنتدي وكل اعضاؤة
6- وجهه نصيحه للاعضااااء عموما ....؟
ياريت نهتم بالمنتدي جامد ونشارك بصفة فعالة

اسالة سهلة اكيد

قشطة عليك يا سعيد أنا الأسئلة دي فيه منها كنت عايز أسألهاله بس إللي سبق أكل النبق

وعلي العموم أنا مش ناوي أسأل كتير لمعوض علشان بس الحركة الأخيرة إلليكنت مستنيها

من أول ما دخلت الموقع

بس نستفتح الأسئلة بكام سؤال كده

1- مين أكتر واحد من الأعضاء بتحس إنه صديقك أوي طبعا مش في المنتدي لا بره المنتدي
وما تقولش كلهم؟

2-فكرة المنتدي جت إزاي؟ ومين صاحبها ؟والقصة بتاعة إنشاء المنتدي؟ يا ريت السؤال ده بالتفصيل الممل علشان الموضوع ده يهمني أوي

3-عايز أعرف إيه هو مجال عملك في المنتدي قصدي علي شغل السيرفر إيه إللي بتعمله في بالضبط؟ برضه بالتفصيل الممل

4- لما جيت الجامعة شوفت ليك أصحاب مقربين زي أمادوا يا تري ليه مش بيشاركوا في المنتدي ويا ريت تقول بصراحة؟

ودي أسئلة سهلة كده في الأول بس للمعرفة فقط ليس إلا وما تنساش إسكندرية

وتحياتي إليك

بنصبح ونمسى على كل الاعضاء الموجودين هنا وبالذات معوض اللى وقع ومحدش سم عليه

وانا هكتفى بكام سؤال كده تسخين لبعد كده

1- انت يا معوض ايه رأيك بصراحه فى المنتدى؟
2- ايه اهم المزايا والعيوب في المنتدى؟
3- حبيت كام مره؟
4- اتجرحت كام مره فى حبك؟
5- ايه رأيك فى الحب فى مرحله المراهقه؟

كفايه كده يا معوض يا جميل ونتلقى بعد الفاصل

بسم الله الرحمن الرحيم ....... ازيك يا ادمن و ازى كل اعضاء المنتدى

بدايه و قبل اى حاجه ........ لو الادمن عايز يشيل منى الاشراف انا موافق اوك ... عشان انا فعلا ممكن اكون مستحقوش دلوقتى .... و انا خدته فى الاول عشان مكنش فى حد غيرى انا و كابو .. و انا مش هزعل ... عشان اكون براحتى و عشان المشرف لازم يكون متواجد بصفه شبه دائمه ..... بس انا موعدكش ... و بكل صراحه حكايه المشرف فى المنتيات التانيه .. بتفرق ... عشان المواضيع كتير و كده ... بس هنا اقل .... بس عادى يا ادمن لو عايز تشيلوه من عليا اوك عادى ... و انا مش هزعل عشان دى مش حاجه تزعل .... عشان متفضلش تطلب منى ادخل و كده ....

تانى حاجه ...الاسئله........

1. انت ليه ساعات لما تتخنق وتكون مخنوق من حاجه بتخنق على اللى معاك .... ممكن يبان عليك بس تكون عادى و تحاول تفك ؟

2. انت ليه فى بعض الحاجات بتقولها و مبتعملهاش ؟

3. ايه وجهه نظرك فى الجامعه و الشباب و البنات و كل الجامعه عموما ؟

4. لسه ساعات كتير بتحب تفرض رايك على اللى معاك ..... و تتدايق لو معملوش كده ؟

5. ليه لما انا بالذات لما بهزر معاك ... بتضايق ... و بيبان عليك ؟

و اسف للاطاله

السلام عليكم ورحمه الله

انا هشترك وانا الاخير والحمد لله ربنا بيقول وختامه مسك الحمد لله لحد دلوقتى انا الاخير
واللعبه جميله اوى

نايس اجابات يامعوووض ...بس اجابتك ف السؤال بتاع السيرفر مش منطقيه بس هاعدي عشان

ده شغل مديرين

زخد كاااااام سؤال زي اخواتهم الي فوق برضه سهلين ...!

1_ انت شايف نفسك حساس وممكن حد يجرحك بسرعه .. طب لو اتجرحت هتعامل الشخص ده ازااااي بعد كده .. وهايبقي ايه موقفك معااااه ..؟

2- كان في اجابه انت جاوبتها قبل كده ف لعبه وقلت انك روش مع صحابك وكده بس انت
ف الحقيقه مش كده ..طب ممكن نعرف ليه ..وايه الي مضايقك ..؟

3- مين من الاعصاء الي بتعتبروا خليفتك ف غيابك ..؟

4- ايه هوا لونك المفضل .. بتشجع مين .. وايه هيا اكلتك المفضله ..؟

5- لو حد قالك كلمه مش كويسه قدام حبيبتك ( وهيا فكراك انك رامبو ) هايبقي رد
فعلك ايـــــــه..هاتتكسف ولا لا ..؟ اجابه صريحه

6- اه رأيك في كل من ....

معوض

كااابو

محمد

سعيد

اسلام

منه

محسن

عصام

توينز

بقيه الاعضاء

7- بتفكر في ايه وانت بتجاوب ع الاسأله ......؟

بس كده

تقبل تحياااااتي

معوض مش قادرة اقولك مبسوطة بجد قد اية انك شرفت فى المطحنة دى Very Happy

عشان تحس شوية باللى كنتوا عاملينة فيا Mad

مع انى مضايقة جدااااااا انى دخلت متاخرة مكنتش فاكرة ان الاسئلة هاتبدا بدرى كدة بس الحمد لله لحقت اهو
وصدقنى مش هارحمك ان شاء الله هاهريك اسئلة ومش اى اسئلة ان شاء الله هاحاول اجيب اسئلة تضايقك يعنى ربنا يعينى بقى Smile

ونبتدى اسئلة سهلة كدة عشان انت لسة يا حرام فى الاول بس بعد كدة مفيش رحمة Evil or Very Mad

1_مين اكتر حد بتحبة فى الدنيا
غيرى طبعا Very Happy

؟؟؟؟؟

2_اية اكتر حاجة بتحبها فى حياتك ولية؟؟

3_هل فشلت فى قصه حب ولا لا ؟؟؟

4_ ممكن نعرف عيوبك ايه ؟؟؟

5_اية اكتر واصعب موقف في حياتك اتحطيط فية ؟؟؟

6_ماهى اكلتك المفضله ؟

7- ايه هى هواياتك؟

8 _ ايه هى الامنيه اللى انت اتمنيتها ولسه مااتحققتش ؟

9_ايه اكتر قسم عاجبك هنا فى المنتدى؟

10_هل تشعر بالرضا؟

واخر سؤال بقى اتضايقت من اسئلتى
اكيد لا Very Happy

شكراااااااااااااااااااا
وان شاء الله نلتقى فى اسئلة اخرى Laughing

ياريت يا استاذ معوض تنظم وقتك عشان تلحق ترد على الاسئلة الى احنا بنكتبها عشان قدامك يوم واحد بس للرد Very Happy

واحنا كمان عندنا اسئلة كتيييييييييييييييييييييييييييييييييييييييييييييييييييييييييير جداااااااااااااااااااا لازم تتسال فياريت تنجز بقى وتحل اللى فاتوا Very Happy

هل تحب رايس بلادنا

- مين أكتر واحد من الأعضاء بتحس إنه صديقك أوي طبعا مش في المنتدي لا بره المنتدي
وما تقولش كلهم؟
مدام واحد يبقي احمد حسين
2-فكرة المنتدي جت إزاي؟ ومين صاحبها ؟والقصة بتاعة إنشاء المنتدي؟ يا ريت السؤال ده بالتفصيل الممل علشان الموضوع ده يهمني أوي
فكرة المنتدي انه انا كنت عايز اعمل موقع للفلاش لان انا بحب البرنامج دة جدا وبعد كدة اتشورت مع اصحابي ومعرفتش اخد اي فكرة واي راي منهم عدل بعد كدة انا لقيت سرفر بالحظ فاضي رفعت علية المنتدي كلوا وخلاص
3-عايز أعرف إيه هو مجال عملك في المنتدي قصدي علي شغل السيرفر إيه إللي بتعمله في بالضبط؟ برضه بالتفصيل الممل
بص يا محسن علي السرفر بنشط الاعضاء وبعين رتبهم و بعمل منتديات جديدة وبعمل صلحياتها و وبحط لغات html كتير وفي حاجات تانية بس دول اهمهم ومهعاهم حاجة مهمة زي التصميم بتاع المنتدي
4- لما جيت الجامعة شوفت ليك أصحاب مقربين زي أمادوا يا تري ليه مش بيشاركوا في المنتدي ويا ريت تقول بصراحة؟
بص امادوا معندوش كمبيوتر و الجمل معندوش نت واللي بيعرف يدخل يشارك بيدخل

واسكندرية هرفعها بس النت يتعدل عندي بس كدة

1- انت يا معوض ايه رأيك بصراحه فى المنتدى؟
والله المنتدي قرب ناس كتير من بعضها وبنعرف ناس كتير ويارب نفضل كل الناس اخوات في المنتدي كلهم
2- ايه اهم المزايا والعيوب في المنتدى؟
المزايا ان احنا كلنا اخوات في بعض ودي بجد
العيوب ان في ناس كتير مسجلة لكن مش بتشارك معنا اهنا في المنتدي
3- حبيت كام مره؟
حبيبت بجد مرة واحدة
4- اتجرحت كام مره فى حبك؟
متجرحتش والله خالص انما الظروف هي اللي جرحتني
5- ايه رأيك فى الحب فى مرحله المراهقه؟
والله انا بحس انوا لطيف بس اكيد او معظموا مش بينجح لان الواحد بيفكر بعواطفة اكتر من عقلوا انما بعد كدة هيفكر بعقلوا اكتر

اسئلة تونز

1. انت ليه ساعات لما تتخنق وتكون مخنوق من حاجه بتخنق على اللى معاك .... ممكن يبان عليك بس تكون عادى و تحاول تفك ؟
انا عمري ما بخنق علي اللي معايا مهما كان اليل فيا والله بس لما اللي قدامي بيخنقني بخنق علية وانا لما بكون مخنهوق والله عمري ما ابين غير لما اتخنق من الناس اللي بتخنق عليا زي اللي حصل يوم الاربعاء
2. انت ليه فى بعض الحاجات بتقولها و مبتعملهاش ؟ لان انا بحسبها وبحس انها مينفعش تتعمل بس ببق عايز اعملها بس فعلا في بعضها

3. ايه وجهه نظرك فى الجامعه و الشباب و البنات و كل الجامعه عموما ؟
الجامعة حلوة في بعض حاجات ووحشة في بعض الحاجات حلوة والشباب بعضهم بيعيشوا الدور هما والبنات
4. لسه ساعات كتير بتحب تفرض رايك على اللى معاك ..... و تتدايق لو معملوش كده ؟
والله مش بفرض راي والا اي حاجة لان انا بشوف ان الراي دة صح وبحس ان اللي معايا بيخنقوا عليا وبالذات في الجامعة مش بتدايق لو محصلش والا اي حاجة ما في بعض المواقف انتوا اللي بتمشوا رايكوا ولو في راي صح والله ما بقول حاجة وبيمشوا كلمكوا
5. ليه لما انا بالذات لما بهزر معاك ... بتضايق ... و بيبان عليك ؟
والله العظيم يا احمد انا عمري ما بتدايق منك خالص وبحبك جدا جدا جدا جدا والله العظيم وياريت تهزر معايا الا هزار الايد عشان انا بخنق منوا

وحتة الاشراف دية اتكلم فيهعا بعدين عشان انا في سيبر

مش هسئل الا سؤال واحد سغنطوت اوى بس تجوبو بكل صراحه قدام الناس الحاوه دى كلها السؤال ايه نقطه ضعفك ؟

متنساش بكل صرررررررررررررررررررراحه

1_ انت شايف نفسك حساس وممكن حد يجرحك بسرعه .. طب لو اتجرحت هتعامل الشخص ده ازااااي بعد كده .. وهايبقي ايه موقفك معااااه ..؟
اة اكيد بس لو انا بحبوا , حسب نوع الجرح لو كبير او صغير وممكن اسمحوا , لو قصدوا يجرحني مش هتعامل معاة تاني انما لو غصب عنوا وانا بحبوا هسمحوا لان مهما كانت دي كانت حبيبتي في يوم من الايام
2- كان في اجابه انت جاوبتها قبل كده ف لعبه وقلت انك روش مع صحابك وكده بس انت
ف الحقيقه مش كده ..طب ممكن نعرف ليه ..وايه الي مضايقك ..؟
بص يا سعيد انا في الشكل الظاهري والمعاملات العادية انا بكون بهيس وبهزر لان انا بحس ان الموضيع كلها تافهة والناس بتاقولي ان انت بتهزر كتير وكدة ومش بتكلم جد مع اني مش بشوفهم بيتكلموا جد وبيعيشوا الدور وخلاص انما في الموضيع الجد بتكلم جد اوووووووي ومش بحب ادخل الهزار خالص والناس اللي بتقول كدة دية متعرفنيش كويس
اللي مضيقني الناس دية ان انا عارف ان انا ممكن اكون جد اكتر منهم انما انا بحب الهزار في واقتوا والجد في وقتوا انما مش كلوا جد ومش كلوا هزار بردوا
3- مين من الاعصاء الي بتعتبروا خليفتك ف غيابك ..؟
سعيد
4- هوا لونك المفضل .. بتشجع مين .. وايه هيا اكلتك المفضله ..؟
لوني المفضل الاحمر والبنبة والبني والابيض وبشجع تشلسي اكلتي المفضلة البنية

5 لو حد قالك كلمه مش كويسه قدام حبيبتك ( وهيا فكراك انك رامبو ) هايبقي رد
فعلك ايـــــــه..هاتتكسف ولا لا ..؟ اجابه صريحه
مش عارف رد فعلي هيكون اية واكيد هتكسف

6- اه رأيك في كل من ....

معوض : منوطي جدا

كااابو: اخوايا التؤام

محمد : اخوايا

سعيد : اخوايا

اسلام : صديق عزير من زمان

منه : بعزها جدا جدا جدا جدا وزي اخوتي

محسن : بحترموا جدا جدا جدا

عصام : بتخنق منوا علي النت انما في الحقيقي شخص وانسان عزيز عليا

توينز : بحبوا والله موت وميعرفش غلوتوا عندي قد اية مهما اللي بيطلع مني قداموا بس وربنا بحبوا جدا

بقيه الاعضاء
اخواتي واصحابي ومن الشارع ومن المنطقة ومن الجامعة

7- بتفكر في ايه وانت بتجاوب ع الاسأله ......؟
بفكر في الوقت بتاع السيبر والنت في البيت هيتصلح اليوم وافضا ليكوا

بس كده

1_مين اكتر حد بتحبة فى الدنيا
غيرى طبعا Very Happy

؟؟؟؟؟
ماما واخواتي واصحابي وحبيبتي
2_اية اكتر حاجة بتحبها فى حياتك ولية؟؟
الكمبيوتر والفلاش وتصميم المواقع عشان حاسس ان اانا هكون حاجة في المجال دة ان شاء الله
3_هل فشلت فى قصه حب ولا لا ؟؟؟
اة
4_ ممكن نعرف عيوبك ايه ؟؟؟
اني راغي وبهزر شوية قدام ناس جد مع انهم بيتكلموا في موضيع في قمة الهيفا وبيقلولي اني مش بتكلم جد دة ابرز العيوب

5_اية اكتر واصعب موقف في حياتك اتحطيط فية ؟؟؟
يوم وفاة والدي
6_ماهى اكلتك المفضله ؟
الجتوة
7- ايه هى هواياتك؟
الكمبيوتر والكورة والسباحة
8 _ ايه هى الامنيه اللى انت اتمنيتها ولسه مااتحققتش ؟
اني اشتغل في الوقت دة وفي الكمبيوتر وترجع البنت اللي حبيتها تاني الجامعة عشان والله كنت هخطبها من كتر ادبها
9_ايه اكتر قسم عاجبك هنا فى المنتدى؟
هو قسم الراحة Laughing

لا بجد هو قسم المنتدي العام والمناقشات والحب والرومانسية برضوا
10_هل تشعر بالرضا؟
احيانا اة وغالبا لا لان انا بعمل حاجات ساعات بندم اني عملتها
واخر سؤال بقى اتضايقت من اسئلتى
اكيد لا Very Happy

شكراااااااااااااااااااا
وان شاء الله نلتقى فى اسئلة اخرى Laughing

نقطه ضعفك ؟
نقطة ضعفي هي اي حاجة تمس مشاعري وتجرحني من جوايا انما مش هبين خالص بس مع نفسي بكون بدمع من جوايا

هل تحب رايس بلادنا ؟
هو انا معرفوش عشان احبوا والا لا
لان انا مش بحب السياسة خالص وانسان في حالوا مش بيحب يوجع دماغوا

معلش يا جماعة جوبت متاخر عشان في مشكلة في النت عندي في البيت وان شاء الله هتتحل اليوم

الف مبروك يا منة علي النجاح

هااااااااااااي معوض عامل ايه

كام سؤال كده على الماشي مع انى عارف بس علشان دى اللعبة

الانسانة اللى حيتها دى لسه بتحبها و لا لا ؟ و لو بتحبها تفتكر انها سهل ترجعلك ؟

و لو رجعتلك حتاخد خطوة معاها و لا حتقف تغنى ظلموه ؟

حسيت انك قصرت فى حق نفسك اما سبتها تضيع منك ؟

لو شفتها بعد كده ايه اول حاجة حتقولهالها غير ازيك و الكلام ده ؟

تفتكر انك المفروض تنساها ؟

اذكر عيب فى كل من ..................

كااابو

سعيد

محسن

عصام

توينز

اسلام

منه

و اخيرا معوض

ايه رايك فى الاسئلة ؟

ازيك يا معوض مره تانيه ........ و مشكور بجد على الكلام اللى انت قولته عليا ....
اوجهلك بقى شويه اسئله .....
1. ايه رايك فى الجواز التقليدى ...... و جواز عن حب ........ و ايه رايك فى حب شباب الثانوى و الجامعات ..... و ياريت توجه نصيحه تفيد الاطفال دول Smile

؟
2. ايه رايك فى الافراح اللى بتتعمل فى الشارع و الاغانى الشعبى الواطيه .. ما عادا ( جو جو Smile

) .... ؟
3. انت شايف انهى افضل كتب الكتاب فى المسجد ولا فى النادى وكده بغض النظر عن الحاله الماديه ... نفترض انها عاليه ؟
4. انت ليه بردو بتعلق على بعض الحاجات اللى مثلا احنا بنعملها .. وبتقول عليها حاجات عيالى .... مع ان احنا ممكن نعملها عشان نهزر و كده .. مع اننا على العكس ممكن نقلبها .. يعنى ولا نهزر ولا حاجه ؟
5. ليه بردوا ساعات بتعلق على حاجات انت ساعات بتتعرضلها و بتقول زى مابنقول بس يكون الموقف مختلف ... على سبيل المثال .. عشان اكيد هتقولى مش فاهم ... ( سبانيش - عصفوره ) ... ؟
6. انت بتحب تروح السينيما كتير ... ولو الفلم هابط و انت عارف بتروحوا .. و ايه نوع الافلام اللى انت بتروحها ؟
7. بتبقى حاطط الموت قدامك فى بعض اللحظات ... يتحس انه قريب منك .. عشان كده بتحاول متعملش غلط ؟
7. انت على كلامك فى الاجابات اللى فاتت .... بتقول انك بتاخد الجد جد و دى مش حقيقه .... انت ممكن تكون بتاخد بعضه جد و بعضه لا ... او بتخلط الجد بالهزار .. طب ليه ؟ و مفيش حاجه اسمها مواضيع تافه .. لو تافه متكلمش فييها اصلا ؟
8. ايه سبب نزولك الاساسى للجامعه ..... وهل بتكون مبسوط ولا مخنوق .... ولو انت عايز تقعد فى البيت ايه اللى بينزلك ؟
9. بتختار صديقك او صديقنك على اساس ايه ... ايه اللى بيخليك تعرف هو هيمشى معاك ولا لا ؟
10. وجه لكل واحد من الاعضاء حاجه انت عايز تقولهالو ...
اسلام
منه
سعيد
كابو
محسن
باد
توينز
عصام
جوست
الشرقاوى
احزان
ثريا
و معلش يا جميل طولنا عليك ..... بس انا ارحم من غيرى و شكل فترتك هتعدى باساله قليله

المحكمة (شبه كرسي الاعتراف ) - صفحة 16 Ecouteiloveyou

الانسانة اللى حيتها دى لسه بتحبها و لا لا ؟ و لو بتحبها تفتكر انها سهل ترجعلك ؟
اة لسة وحاسس اني عمري ما هلاقي غيرها والله اعلم
، معتقدش لان ظروفها اكبر منها لان اعتقد انها هتجوز جواز تقليدي

و لو رجعتلك حتاخد خطوة معاها و لا حتقف تغنى ظلموه ؟
اكيد بس لو خلصت جامعة وربنا عندي استعداد اخطبها لان هي غير معظم البنات اللي عرفتهم

حسيت انك قصرت فى حق نفسك اما سبتها تضيع منك ؟
مش عارف بس انا حاسس ان اللي حصل دة نصيب لان انا كل لما اعوز كنت اقولها حاجة احس ان انا هتحمل مسئولية هتكون اكبر مني واكبر من سني وحرام اظلمها معايا

لو شفتها بعد كده ايه اول حاجة حتقولهالها غير ازيك و الكلام ده ؟
هقولها واحشتني اووووووووووي ونفسي كنتي تبقي معايا واوعي تبعدي عني لان انتي اجدع بنت شفتها في حياتي

تفتكر انك المفروض تنساها ؟
اعتقد اة واللي اقنعني بالراي دة احمد سعيد وهو افضل راي سمعتوا في موضوعي ، لان هي عندها مشاكل اكبر من سني واكبر من اني اقدر احلهالها مع اني كنت هحاول والله بس مش عارف حاسس ان الهم هيكون كبير عليا

اذكر عيب فى كل من ..................

كااابو : غريب في بعض الاحيان مع انها ممكن تكون وجة نظر بالنسبة لية

سعيد : ساعات من غير قصدوا ممكن يرمي كلمة لواحد احنا منعرفوش تديقوا بس هو بيقولها من غير قصدوا

محسن : معرفوش اوووووووووي بس مبيعرفش يفرق بين الجد والهزار بس برضوا مش في كل الحالات

عصام : عيبوا انوا يأس من الحياة ومن مصر

توينز : الاختلاف في الراي معاة بتقلب بخناقة Smile

اسلام : ساعات بيشد في الكلام مع ان الكلام دة حاجة تفة زي اغاني الراب Smile

منه : ساعات لما الواحد بيتكلم معاها جد بتضحك وهو بيتكلم جد ودة مينفعش Very Happy

و اخيرا معوض : لو حد خنقني ولو لدرجة ممكن اتخانق معاة واشد معاة

ايه رايك فى الاسئلة ؟

1. ايه رايك فى الجواز التقليدى ممكن يكون جواز ناجح لو ليهم نصيب مع بعض ولو تأقلموا مع بعض و جواز عن حب قد يكون فاشل لان الحب حاجة والجواز حاجة الحب بتبص للمشاعر انما الجواز بتبص للي انت عايش تعيش حياة مستقرة وسعيدة
و ايه رايك فى حب شباب الثانوى و الجامعات هي فترة مرهقة يعني الانسان بيبص للمشاعر بس ودة بيأدي ان معظم العلاقات دية بتكون فاشلة او تنتهي بالفشل و ياريت توجه نصيحه تفيد الاطفال دول Smile

؟

ياريت اللي بيبص بمشاعروا بس يحسبها بعقلوا كمان عشان ميرجعش يندم بعد كدة لان لو الانسان فكر بعقلوا عمروا ما هيندم انما لو فكر بمشاعروا وفي الفترة دية هيرجع يندم جامد

2. ايه رايك فى الافراح اللى بتتعمل فى الشارع و الاغانى الشعبى الواطيه .. ما عادا ( جو جو Smile

) .... ؟
هههههههههههههههههههههههههههههههههه مش بحبها بصراحة ومش بحب جو الظيطة عشان بزهق الا لو انا مجبر او حابب اني اقعد مع الناس اللي موجودة دية
جو جوجوجوجوججوههههههههههههههههههههههههههه

3. انت شايف انهى افضل كتب الكتاب فى المسجد ولا فى النادى وكده بغض النظر عن الحاله الماديه ... نفترض انها عاليه ؟
اعتقد ان دية ثقافة دينية اللي بتكون في المسجد وفي المكتبة يوجد العديد من الثقافات سواء الدينية او العلوم وغيرها
واعتقد ان حسب انت شخصيتك عايز تقراء في اية وانهي اللي هينفعك انما حتة احسن او افضل معتقدش انها ممكن تتحد
لان انت ممكن تستفيد في مكان اي منهم عن الاخر بس المهم الشخص اللي داخل يقراء الكتاب

4. انت ليه بردو بتعلق على بعض الحاجات اللى مثلا احنا بنعملها .. وبتقول عليها حاجات عيالى .... مع ان احنا ممكن نعملها عشان نهزر و كده .. مع اننا على العكس ممكن نقلبها .. يعنى ولا نهزر ولا حاجه ؟
يعني هزار الطوب مش هزار بوابين هههههههههههههههههههههه في حد بيهزر مع حد بالطوب انا اصلا مش بحب هزار الايد هحب هزار الطوب طب ازاي

5. ليه بردوا ساعات بتعلق على حاجات انت ساعات بتتعرضلها و بتقول زى مابنقول بس يكون الموقف مختلف ... على سبيل المثال .. عشان اكيد هتقولى مش فاهم ... ( سبانيش - عصفوره ) ... ؟
انا مبعترضش ان الواحد ممكن يعجب بحد يا احمد انما اعتراضي علي البص عليهم بالدرجة اللي بتحصل في المدرج دة انتوا ناقص تقوللهم احنا بنبص عليكوا Very Happy

6. انت بتحب تروح السينيما كتير ... ولو الفلم هابط و انت عارف بتروحوا .. و ايه نوع الافلام اللى انت بتروحها ؟
ههههههههههههه انا بروح السينما عشان اتجمع مع اصحابي مش عشان الفلم عشان انا بحب امشي مع اصحابي من كتر الضحك
نوع الافلام الافلام الرومانسية او التشويق
7. بتبقى حاطط الموت قدامك فى بعض اللحظات ... يتحس انه قريب منك .. عشان كده بتحاول متعملش غلط ؟
اكيد وببقي خايف جدا اني اعمل حاجة غلط واموت بعدها

7. انت على كلامك فى الاجابات اللى فاتت .... بتقول انك بتاخد الجد جد و دى مش حقيقه .... انت ممكن تكون بتاخد بعضه جد و بعضه لا ... او بتخلط الجد بالهزار .. طب ليه ؟ و مفيش حاجه اسمها مواضيع تافه .. لو تافه متكلمش فييها اصلا ؟
Very Happy

سؤال ضيقني بس انت يا تونز متعرفنيش في الجد كويس لان انت مبتكلمش معايا غير في الجامعة او النت وانا في الجامعة عمري ما شوفت موضوع جد ولو في ياريت تقولي وفي النت بدخل عشان اسلي وقتي
وياريت تذكرلي موقف امتة خت الموضيع الجد نصها هزار ونصها جد عشان انا مش واخد بالي scratch

وتاكد يا تونز ان انت مهما تقعد معايا من وقت عمرك ما هتعرف شخصيتي خالص لان اللي يعرفها اشخاص بتوع زمان زي حسين و سعيد ومحمد و احمد محمود معتقدش ان حد عرفني بجد غير دول
عشان دول عرفوني من مواقف كنا بنعشها مع بعض

8. ايه سبب نزولك الاساسى للجامعه ..... وهل بتكون مبسوط ولا مخنوق .... ولو انت عايز تقعد فى البيت ايه اللى بينزلك ؟
نزولي الجامعة اني احضر بعض المحاضرات واهيس شوية ، مخنوق حاليا ، قاعدة جامدة مع بتوع زمان الشلة يعني

9. بتختار صديقك او صديقنك على اساس ايه ... ايه اللى بيخليك تعرف هو هيمشى معاك ولا لا ؟
انا بسبها علي الله ولو واحد عارف انوا بيتخنق مني او بتخنق منوا بشد منوا علي طول وببعد عنوا ومش بقعد معاة

10. وجه لكل واحد من الاعضاء حاجه انت عايز تقولهالو ...
اسلام : والله يبني انت بجد انسان جدع اوووي

منه : غلبانة اووووي بس خلاصي درستك الاول واي حاجة تانية بعد كدة نفسك فيها هتجي لوحدها وسيبيها علي الله

سعيد : اخويا والله يا سعيد وانت انسان طيب اووووووووي

كابو : ربنا يسعدك يا احمد

محسن : شد حيلك عشان عايز اشوفك معيد

باد : انا بعزك اووووووووي ونفسي ترجع كويس تاني ونفسي اعرف اية اللي مزعلك مع اني عارفوا بس نفسي ترجع كويس

توينز : ربنا يوفقك وانت حططني في دماغك بقالك فترة

عصام : ان شاء الله هتكون حاجة هنا في بلدك عشان تشيل فكرة السفر دية

جوست : سلملي علي سامح
الشرقاوى : شد حيلك في المنتدي
احزان : شدوا حلكوا في المنتدي معنا
ثريا : فين مواضيعك الجميلة
و معلش يا جميل طولنا عليك ..... بس انا ارحم من غيرى و شكل فترتك هتعدى باساله قليله
اكيد

اهوا انا بدخل عشان محدش يقعد يقولي ان انت بتتاخر في الرد علي الاسئلة واللي عايز يسال يتفضل وانا هجاوب بكرة

على فكره فى ميس بوينت فى الموضوع ........ السؤال بتاع كتب الكتاب انا اصدى الجواز يعنى ...... مش الكتب ........ حصل خير ........ و انا والله مش حاطك فى دماغى ولا حاجه ........ انت والله بجد يا معوض بجد حبيبى بجد بحبك و الله بس انت بردوا مش عارفنى لما بحب حد .. اى لف يو بيبى

المحكمة (شبه كرسي الاعتراف ) - صفحة 16 X37

المحكمة (شبه كرسي الاعتراف ) - صفحة 16 X37

احييك يامعوض علي اجاباتك وصراحتك ف الكلام ..تسلملنا يارب ..وعايز اقول الف مبروووك

الفوز انهارده للاهلي علي الزمالك ( والي كانت حاجه طبعا متوقعه ) ..وهسألك سؤال بس

تجاوبني عليه بكل صرااااااااااحه ...؟

افترض انك زملكااااااااااوي وشايف فريقك بيتعمل فيه كده..وبقي خلاص

تقريبا انتهي رد فعلك هايبقي ايـــــــــــه.....؟

بس كده

تقبل تحياااااااااااااااااااااتي

» كرسي الجبلاية.. يهتز زاهر عاد لانتخابات الرئاسة.. والمنافسة من درويش وخليل وشاكر
» صور البشير علي هدايا للمتظاهرين ضد المحكمة
» إريتريا ..تتحدي المحكمة الجنائية الدولية
» المحكمة الجنائية الدولية تكيل أزمتي غزة ودارفور بمكيالين
» المحكمة تستمع إلى متهم من زعماء الخمير الحمر