المحكمة (شبه كرسي الاعتراف )

اية يا جماعة الاسئلة هتبدا لاسلام امتى؟؟؟؟؟؟

ان شاء الله يا جماعة اسلام علي الكرسي من يوم الاحد الان الساعة 12 الي يوم الاحد القادم الساعة 12

والله يكون في عونك يا اسلام

ومش هسالك اليوم عشان مش فايق انما بكرة ان شاء الله مش هسيبك

ونرجوا منكم سرعة الاجابة و الاجابة الصريحة وعدم التهرب من بعض الاسالة حتي لا تزيد المدة

ازيك يا جبيبى يا اسلام ... عامل ايه ربنا يصبرك يا بنى ....
نسال بقى
الحمد لله يا حبى ... يارب يصبرنى يارب
1. ايه رايك فى الحياه اللى انت عايش فيها ؟
طبعا مش عجباااانى
2. انت راضى عن نفسك ولا لا ... و لو مش راضى مش راضى ليه و لو راضى راضى ليه ؟
راضى الى حد ما بس فى حبه حاجات لازم اغيرها بس مش عارف
3. ايه رايك فى الجواز التقليدى و الجواز عن حب و انهى افضل فى وجهه نظرك ؟
طبعا الجواز عن حب افضل
4. ايه رايك فى جواز الاقارب ... و مع انه بيقولوا عليه غلط و ممكن تحصل حاجات مش كويسه فيه ,,, بس انت بتعمله ؟
لا طبعا عادى يعنى بل بالعكس انافى رايى انه افضل من انى اتجوز حد غريب على الاقل اتجوز واحده اعرفها وبعدين موضوع المشاكل دى ممكن تحصل مع الغريب برضه
5. ايه العيوب اللى انت شايفها فى شباب الجامعه ( ولاد / بنات ) و كمان فى عامه الشباب ؟
الولاد عايشين الدور شويه والبنات مش عاجبنى اللبس بتاعهم وبرضه شايفين نفسهم اوى
6. انت عايز تكون ايه فى المجتمع ان شاء الله فى المستقبل .. و فعلا ممكن تحققه ولا امانى ؟
عايز اكون مؤثر فى المجتمع يعنى يكون ليا دور ... لا طبعا كلها امانى
7. ليه انت جواك عادات و تقاليد مصريه و انت شايف ان فى حاجات منها ملهاش لزمه ... بس بردوا بتعملها ؟
هو كده يا احمد انا اتربيت على كده وعمرى مهعرف اغيرها
8. ليه انت شخصيه عنيده شويه ... و ليه شخصيه مش متسامحه بدروا شويه ؟
شخصيه عنيده لانى مش بحب اكون صاحب حق وحد يقاوحنى فيه .... وشخصيه مش متسامحه لا والله انا متسامح وكذا موقف حصل واتسامحت فيه بس فى حاجات مستحيل الواحد انه يسامح فيها مش انا بس
9. بتخاف من الموت ولا احيانا و احيانا ... و بتخاف منه ليه ؟
طبعا بخااف من الموت.... وبخاف منه لانه حاجه غريبه ومجهوله محدش عارف عنها حاجه
10. اختار 8 من المنتدى و اديهم القاب حسب رؤيتك ليهم
توينز: الشخص الجااد
ثريا:الشخصيه الطويبه
محسن : الغلبان
معوض:الدم الخفيف
منه: المرحه
سعده: الزملكاوى
ابو تريكه: العاقل
11. ايه اللى بيضايقك اوى و ايه اللى بيفرحك ؟
اللى بيضايقنى الرخامه.. واللى بيفرحنى لما اشوف حد فرحان
12. لو حد معين كسفك و قدام ناس ... ايه رد فعلك ساعتها .. ؟
عادى بس كما تدين تدان
13. لو حد بيرمى عليك كلام مش فيك ( بيتبلى عليك ) ... هتضايق ولا هتعمل ايه ساعتها ؟
اعتقد ان ساعتها مش هتكلم معاه ولا هرد عليه
14. ايه الحاجه اللى نفسك توصلها .. و مش قادر .. و ايه الحاجه اللى بتتمنى متجيلكش ؟
نفسى اوصلها انى ابقى غنى...واللى بتمنى متجيش ايه حاجه شر لى
15. ايه رايك فى دار السلام و هل فعلا بتقول زى بقيت الناس انها منطقه زباله وكده ؟
الصراحه انا بحبها اوى ونفسى اعيش هنا طول عمرى
خلاص كده يا جميل .... معلش طولنا عليك .... لزوم الدش
اه انت طولت عليا اوى وياريت بلاش تسال تانى

3. ايه رايك فى الجواز التقليدى و الجواز عن حب و انهى افضل فى وجهه نظرك ؟
طبعا الجواز عن حب افضل


؟؟

سوالي بقي بيجي في النص ههههههه المهم خد دة

لية يعني الجواز عن حب افضل ، ما انت لما هتتجوز تلقيدي هتعرفها في الخطوبة وهتحبها برضوا انما عن الحب ممكن تكون لفت مع مية غيرك صح والا هتقولي الوقت طب ما ممكن تكون لفت مع مية غيري في الجواز التلقيلدي هقولك اة ممكن بس لما حد يحط ايدوا علي حاجة رسمية بينسي كل حاجة وينسي اللي فات مش زي الحب انت تحب الحب التاني ولسة قلبك شوية مع الحب الاول وغير كدة اللي هيجبلك البنت دية هيكون عارف عنها كل حاجة لان مثلا لو ولدتك هي اللي هتجبها هتكون عرفة كل حاجة عنها وعن اخلاقها وكدة لان هي مش هتجوز واحدة غير واحدة هي متاكدة منها ؟؟

معلش طولت عليك بس بفهمك ياريت تقولي وجهت نظرك

وبجد الله يكون في عونك من ثريا دية كاتبة مليون سوال

أهلا بيك يا إسلام أنا ما أعرفكش أوي بس محسن كلمني عنك وقاللي إنك أفضل أصحابه في المنتدي

وياريت تجاوب عالأسئلة دي

1 ماذا ستكتب لنا لتعبر عن حياتك التي عشتها الى الان في كلمات قليله ؟
2 من يسكن قلبك؟
3((مستحيل انساك)) لمن تقولها ؟
4ما هو اقتراحك الذي تتمنى ان يحدث في هذا المنتدى ولم يحدث الى الان ؟
5حكمة تؤمن بها جدا؟؟

اهلا ياااسلام
اهلا بيكى
انا مدخلتتش اسالك امبارح
وجايه اسأل بقى النهارده
وتجاوب احسن لك على كل الاسئله ومتقوليش دول كتير
والحوارات دى فاااااااااااااهم ولا لا
فاهم بس خليكى فاكره كما تدين تدان
يلا بقى نبدا كده كام سؤال
وجاوب ياريت من غير نرفزه ومن غير ماتتعصب عليا
كفايه رغى ونبدا بقى الاسئله

- * ماهو اظرف موقف مر بحياتك ؟
كتير والله تقريبا كل يوم فى مواقف بس مش متذكر
* ما هو اسوأ موقف مر بحياتك ؟
اسوأ موقف اللى فيه دلوقتى وهو المحكمه او فى المواقف المحرجه
* ايه هو هدفك فى الحياه ؟
انى اخلص دراستى واشتغل وبعدين اتنيل اتجوز وبعدين اتنيل واخلف
* ايه هى الامنيه اللى انت اتمنيتها ولسه مااتحققتش ؟
جاوبت عليه قبل كده (ابقى غنى)
* ايه هى اخر هديه اهدت لك ؟
ازازه برفن
* ايه هى الايجابيات والسلبيات الموجوده فى المنتدى من وجهه نظرك؟
ايجابيات المنتدى انه بيلم شمل كل الاعضاء ويقربوا من بعض اكتر
وسلبياته ان 10 اعضاء بالكتير شغاالين والباقى متفرجين
* ايه رأيك فى ( الصداقه - الانانيه - المصلحه - المال)؟
الصداقه : حاجه جميله جدا ولا تعوض
الانانيه : بكرهها
المصلحه: كل الناس بقت كده
المال: زينه الحياه الدنيا
* ايه اكتر درس اتعلمته فى حياتك؟
مش اى حد اثق فيه
* اذا فقدت اعصابك ماذا تفعل؟
احسن حاجه اقعد لوحدى
* متى انذرفت دموعك غصب عنك؟
لما احس بالظلم وانى ماخدتش حقى
* ماهى التجربه اللى بتتمنى تكرارها؟
الثانويه العامه

* كيف تتصرف مع انسان تجد فيه عيوبا فاضحه وهو لا يشعر وتخشى اذا وجهت له نقدا ان تجرحه بقسوه؟
هعرفه بطريق غير مباشر لكن لو صاحبى هقوله فى وشه على طول
* ماذا يعنى لك:-
الصفاء - الامل - الوفاء - الاخلاص - الحب؟
(بس اوصف كل كلمه بكلمه واحده او عباره صغيره مش موضوع تعبير يعنى)
الصفاء: حاجه جميله اوى
الامل: لسه موجود
الوفاء: بقى نادر
الاخلاص: اعظم حاجه فى الوجود
الحب: اختفى من الوجود

* همسه بأذن عضو ...... ماهو العضو وماهى الهمسه التى ستهمس بها فى اذنه؟
محسن: بقوله ربنا يهديك يا محسن وموضوع الى حصل هيخلى ناس كتير تزعل منك ويفقدهم
* موقف مر بك وتمنيت ان تنشق الارض وتبلعك .ماهو ؟
مفيش
* من كاتم اسرارك؟
نفسى
* ياترى بعد 10-15 سنه نفسك تبقى ايه ومين ومع مين؟؟
نفسى ابقى ناجح فى شغلى وطبعا مع زوجتى
* ايه اكتر حاجه بتجذبك فى الشخص اللى ادامك؟
احترام المواعيد وشخصيته
* ايه اكتر موقف عملته فى حياتك وكنت انت غلطان فييييه اووووووى ولسه ندمان عليه لحد دلوقتى ومش ممكن تنساه؟؟؟؟؟
انى ضحكت على واحده قبل كده وخدعتها
* لو اديولك فرصه تعيد شريط حياتك من الاول تانى ياترى تحب تغير ايه ؟؟؟
اغير كل حياتى وبالذات مستقبلى
بماذا تقر وتعترف امامنا الان ؟
انى اتخنقت منك يا ثريا ولما اشوفك هوريكى
هل تعترف بشىء اسمه الصداقه بين الرجل والمرأه؟
طبعا بس فى حدود معينه
هل تكره شخص بشده فى حياتك؟
ممكن اكره اه لكن مش بشده وبنسى بعد كده
حكمه تؤمن بها جدا؟
كما تدين تدان
هل انت من لديهم رغبه حب التملك واذا ملكت هذا الشىء اصابك الملل منه؟
لالالالالالالالالالالا
اذا اكتشفت ان صداقتك مع شخص قريب منك جدا واسرارك كلها معه وبتثق فيه واكتشفت ان الصداقه دى مزيفه ؟ هتعمل ايه ( وما تقوليش انا بختار اصدقائى بعنايه والحوار ده ماانت ممكن تختار مره غلط)؟
طبعا هقطع علاقتى بيه
سر لاول مره هتقوله ما هو ؟
انى بجاوب بصراحه وانى مخنووق منك اووووووووووووووى
- لا اسمع ا ارى لا اتكلم ؟ متى تطبق هذه المقوله فى حياتك العمليه؟
اطبقها عندما ارى احد يتكلم على احد
لشخص التى تتمنى ان ترى دمعته ؟
مفيش والله
دلوقتى بقى تختار اسم عضو للى هقوله ده:-(تقول عضو وااااحد بس )
عضو تتمنى قربه..........
الشرقاوى واحزان
عضو يزعلك رحيله فى المنتدى
كل الاعضاء
عضو مبدع فى المنتدى
محسن
عضو تقتدى به
مفيش
عضو خفيف على قلبك
كل الاعضاء
عضو اسلوبه حلو
فى المواضيع عصام ومنه وتوينزومعوض وانتى طبعا ومحسن احيانا
عضو بقى توجه له رساله ؟ وايه هى الرساله؟
محسن: اقوله ربنا يسامحك ومكنتش اتوقع منه اللى قاله ده
عضو تديله ورده وعضو تهدى له القنبله ؟
الورده لتوينز والقنبله ليكى انتى طبعا

قول عيب فى كل من الاعضاء التاليه ونصيحه لكل واحد فيه علشان يغير العيب االلى فيه ده

توينز
عصبى جدا فى كثير من المواقف

محسن
بيحب نفسه شويه ومغرور حبتين

معوض
ساعات بيزعل الناس منه من غير ميدرى

منه
انا مش عارف منه اوى بس ممكن تكون طيبه زياده عن اللزوم

سعيد
شديد التعصب للزمالك رغم ان النادى اللى بيشجعه تعبان

انا
بتدبى الكلام بطريقه تخلى اللى قدامك يقتلك

كابو
لو مسك اللى قدامه رخامه هيخليه يكره نفسه

حسين
حسين هو كابو (ربنا يشفى)

باد بوى
التدخين

بس وكفايه كده علشان مايحصلكش حاجه
وليا عوده ان شاء الله
علشان اكمل الاسئله
لســــــــــــــــــــه بدرى
انا عن نفسى مشش هيحصلى حاجه ان ان شاء الله بس يا ويلك منى يا ثريا

ايه رايك فى الجواز التقليدى و الجواز عن حب و انهى افضل فى وجهه نظرك ؟
طبعا الجواز عن حب افضل


؟؟

سوالي بقي بيجي في النص ههههههه المهم خد دة

لية يعني الجواز عن حب افضل ، ما انت لما هتتجوز تلقيدي هتعرفها في الخطوبة وهتحبها برضوا انما عن الحب ممكن تكون لفت مع مية غيرك صح والا هتقولي الوقت طب ما ممكن تكون لفت مع مية غيري في الجواز التلقيلدي هقولك اة ممكن بس لما حد يحط ايدوا علي حاجة رسمية بينسي كل حاجة وينسي اللي فات مش زي الحب انت تحب الحب التاني ولسة قلبك شوية مع الحب الاول وغير كدة اللي هيجبلك البنت دية هيكون عارف عنها كل حاجة لان مثلا لو ولدتك هي اللي هتجبها هتكون عرفة كل حاجة عنها وعن اخلاقها وكدة لان هي مش هتجوز واحدة غير واحدة هي متاكدة منها ؟؟

معلش طولت عليك بس بفهمك ياريت تقولي وجهت نظرك

وبجد الله يكون في عونك من ثريا دية كاتبة مليون سوال

انا عن نفسى يا احمد بفضل الجواز عن حب لان لما اكون بحبها من قبل الزواج ده بيكون افضل واحسن فى التعامل معاها بعد الزواج كمان لكن لما ارتبط بواحده لسه هتعرف عليها فى الخطوبه واعتقد ان فى الخطوبه بيبقى الولد والبنت بيحاول كل منهم ارضاء الطرف الاخر وبيظهروا احسن ما عندهم

طب ما يا اسلام في الحب انت مش هتشوف اللي انت بتحبوا غير في النحية العاطفية فقط انما في الخطوبة هتبان حاجات كتير وازاي هترضي الطرف الاخر بيبان يا حبي في بعض الامور والمشاكل اللي هتحصل بينهم وبين الاسرة

ياريت توضح رايك يا اسلام

أهلا بيك يا إسلام أنا ما أعرفكش أوي بس محسن كلمني عنك وقاللي إنك أفضل أصحابه في المنتدي
اهلا بيكى يا ملك ومحسن ده حبيبى

وياريت تجاوب عالأسئلة دي
حاضر من عنيا

1 ماذا ستكتب لنا لتعبر عن حياتك التي عشتها الى الان في كلمات قليله ؟
انى انسان مرح بحب الهزار وبكره الكأبه وحياتى كلها افراح واحزان زى اى انسان وطبعا مش راضى عن حاجات كتير فى حياتى
2 من يسكن قلبك؟
حبيبتى
3((مستحيل انساك)) لمن تقولها ؟
حبيبى برضه
4ما هو اقتراحك الذي تتمنى ان يحدث في هذا المنتدى ولم يحدث الى الان ؟
مفيش

5حكمة تؤمن بها جدا؟؟

ازيك يا سمسم عامل اية ؟؟؟؟؟؟؟؟؟؟
الحمد لله يا منه
ربنا معاك يا بنى فى المطحنة دى والله
ادعيلى يا منه
بس انا مش هاسال كتير عشان اردلك الجميل زى مانت مسالتنيش اسئلة كتير
خد الكام سؤال دوووووول بقى
شكرا يا منه

1_احساسك اية دلوقتى وانت قاعد على كرسى المحكمة ؟ وناوى تجاوب بصراحة ولا لا؟
عادى يا منه هعمل ايه يعنى ادينى بجاوب.... والصراحه بجاوب بصراحه

2_اية الاسئلة اللى مش عايزها تتسالك؟؟؟؟(بصراحة)
كل صحابى عارفينه واستحاله هقول عليه عشان محدش يعرفه


3_ اية اجمل مكان زرته او اجمل بلد زرتها ؟؟
لحد دلوقتى فى جنينه اسمها الازبكيه فى وسط البلد... وبلد تقريبا اسيوط

4_ مين من الاعضاء الاقرب لك .. ومين العضو اللي تفتقده ..؟؟
كلهم قريبين ليا بس اكتر واحد توينز طبعا

5_ عضو تعجبك مواضيعه .. وعضو ما تعجبك مواضيعه وردوده << جاوب بصرااحه؟؟
محسن وانتى وثريا وتوينز احيانا ....واللى مش بيعجبنى ردوده عصام

6_ (( النادي المفضل .. والاعب المفضل .. والمطرب المفضل .. والمطربه المفضله ))

الاهلى ...ابو تريكه طبعا.... عمرو دياب طبعا... مفيش
.7_ موقف طريف تعرضت له ؟؟
قبل كده واقف فى الجامعه وفى واحد واقف بعيد شبه واحد صاحبى اوى بالظبط روحت ناده وقولت يا احمد راح بص افتكرته هو روحت رايح عليه لقيته مش هو (سبحان الله يخلق من الشبه ستين)

8_ما رايك بامتنا العربيه بالفتره الاخيره هل هي للاسوء ام للاحسن؟
طبعا للاسوأ هيا دى عايزه كلام

9_من هي شخصيتك المثاليه من المشهورين او من حياتك العامه؟
مفيييييييييييييييييييييش

10- اية هى حكمتك في الحياه ..؟؟؟؟؟؟
يا جماعه كله سالنى السوال ده والله جاوبته كذا مره
(يا ابن ادم افعل كما شئت كما تدين تداان)

دول حبة اسئلة كدة
على ما افكر فى شوية غيرهم بقى
فكرى براحتك يا منه على اقل من مهلك
خدى راحت على الاخر

طب ما يا اسلام في الحب انت مش هتشوف اللي انت بتحبوا غير في النحية العاطفية فقط انما في الخطوبة هتبان حاجات كتير وازاي هترضي الطرف الاخر بيبان يا حبي في بعض الامور والمشاكل اللي هتحصل بينهم وبين الاسرة

ياريت توضح رايك يا اسلام


لا يا احمد انا مش معاك فى انى مش هشوف غير النواحى العاطفيه لما واحد بيحب واحده وحب صادق كل واحد بيشوف عيوب التانى ومميزاته وبيعرف عنه كل حاجه وبعد كده بيعيشوا مع بعض فى قصه حب جميله وحياه هادئه وبيعيشوا فى تبات ونبات وبيخلفوا صبيان وبناااات

اما لو فى الخطوبه ممكن تبقى فتره الخطوبه قصيره او هو مش بيشوف خطيبته كتير مثلا يبقى ازاى يا معوض هيعرفوا بعض
من وجهه نظرى ان الجواز عن حب بيبقى افضل من الجواز التقليدى مش معنى كده ان الجواز التقليدى وحش او مش حلو لكن الطرفين بياخدوا وقت عقبال ميفهموا بعض
اتمنى انك تكون عرفت وجهه نظرى وتكون ارتحت يا ادمن

اهلا ياااسلام
اهلا بيكى
اخبارك ايه دلوقتى على الكرسى المريح ده
الحمد لله مستريح
انا جايه اسأل طبعا كالعاده كام سؤال فى السريع
لا متساليش
ونبدا
اخر مرة حاسبتك نفسك فيها وكام مرة كنت بتحاسبها وتلاقى نفسك غلطان؟
تقريبا من كام يوم.... كتير طبعا


اصعب ايام حياتك كانت امتى ولية وكنت حاسس وقتها باية؟
ايام الثانويه العامه...كده عان كلها فتره مذاكره وخنقه...كنت حاسس انى فى السجن

الحب ولا الصداقه ؟؟ تختار انهى
على حسب الصديق والحبيب ايهما افضل

لو انت في أمس الحاجه لشخص معاك ,, ووحيد ,, مين الشخص اللي تتمنى تشوفهـ ؟؟
اكيد والدى والدتى


لو كنت مريت بتجربة حب ونجحت في فترة الجامعه ,, وشاء ربنا انها تنتهي بجواز ,, هل يا ترى كنت لسه هتلتزم بفكرة ان علاقات الجامعه مش بتعيش ؟؟
لاطبعا بتختلف من شخص لاخر ممكن يكون فى شخص واخد الموضوع جد وواحد تانى واخد الموضوع تسليه


ايه اكتر 3 حاجات : ( بتضايقك / تفرحك ) ؟؟ انا قلت الحاجات اللى بضايقنى قبل كده .... و الحاجات اللى عمرك تخيلت نفسك ترتبط بوحده كنت تعرفها عالنت ؟؟ و لو لأ ( ليه ) ؟؟
اللى بيضايقنى لما اشوف انسان غلبان مش عارف ياخد حقه ...وانسان يرخم عليا اوى ...وانسان يشهد زور
اللى بيفرحنى لما اشوف واحد رجعله حقه... اى حد من صحابى فرحاان... ولما اساعد حد ويدعيلى
اه تخيلت كتير اوووووووووووى

شيء حدث بحياتك غير مجرى حياتك ؟؟ -
مفيش بس لما اشوف الموت بعينى اكيد هيغير مجرى حياتى او لما اشوف حد من اقاربى مات

هل تهتم بماضي الطرف الاخر؟
مش كله فى حاجات وحاجات


يا ترى اية لحاجة الى ممكن ترضى لنفسك تعملها وما تقبلش ان اخواتك البنات يعملوها؟
اولا معنديش اخوات بنااااااااات....ولو عندى انى اهزر مع صحابى فى الشارع براحتى


كلمة تتمنى سماعها كل يوم ؟؟
بموووت فييك


امتى بتحس انك كاره نفسك ومش طايق حد؟
م عارف الصراحه هيا بتبقى حاله نفسيه


امتى بتبكبى بحرقة وامتى بتحبس دموعك عن الناس؟
ببكى بحرقه لما احس بظلم ومعرفش اخد حقى....وبحبس دموعى لما اكون مش لوحدى

هل انتا انسان غيور؟
انى اغير من حد صاحبى او كده مش فى كله ... او اغير على زوجتى انت سوالك اغير من ولا على ...بتفرق فى المعنى


هل انت انسان مغرور؟
لالالالالالالالالا

ايه البرنامج اليومى العادى الى هو التقليدى؟؟
اصحى من النوم يا اما اروح الجامعه او اقعد على النت وبعد كده اتغدى واقعد تانى وبعد كده انام
ايه الى بتعمله على النت؟؟
بدخل على المنتدى
ايه اكتر حاجه مفتقدها فى الدنيا؟
الحب
قولنا موقف محرج حصلك فى حياتك العاديه؟
قولت قبل كده مش حكايه هيا


اناا لو قلت لك ليك خمس امنيات هيتحققوا حتى لو كانوا من المستحيلات هتتطلب ايه؟
ان ربنا يكون راضى عنى وادخل الجنه واعيش حياه مستقره وابقى غنى ويبقى عندى ولد وبنت


مين العضو اللى موجود هناا فى المنتدى و انت بتتمنى انه يطرد حتى و لو اسبوع ؟؟؟؟( قول قول ماتتكسفش وعارف لو قلتلى مفيش هتضرب )؟
لا مفيش والله
لو اتخرجت و ملاقيتش شغل و بمعنى اصح لازم تشتغل علشان تاكل هل هترضى انك تشتغل زبال ؟؟ههههههههه
عادى وماله هيا مش شغلانه شريفه وباكل منها عيش ؟؟؟؟ بس مش زبال يعنى


انت بتحب تقعد على قهاوى و لالا
يعنى مش دايما
و لو لا ايه رايك فى اللى بيقعدوا على قهاوى
انا بقعد عليها
و لو اه ايه رايك فى نفسك كداا و انت بتقعد على القهوه
ايه اللى فيها يعنى مش عيب ولا حرام ... يبقى خلاص


اول مرة تحب كانت ازاي وكان ايه مشاعيرك و كنت ازاي بتتصرف؟
كان فى اولى اعدادى ... مشاعرى كانت عاديه ... وبتصرف بغباء شويه لانى كنت اول مره اتعامل مع واحده


لو واحد في المنتدي غلس عليك تتصرف معاه ازاي؟
ولا حاجه بس مسيره فى يوم حد هيغلس عليه

امتى احتقرت نفسك ,؟؟
لما بعمل حاجه حرراااام

لو رجع بيك الزمن مين من الناس اللى انت اتعرفت عليهم من الشات مكونتش هاتتعرف عليه ؟؟؟
مفييييييييييييييييييييش

هل فى موضوع قريته فى المنتدى استفزك ؟ ولو اه ايه هو الموضوع ده؟
لالالالالالالالالالالالالالالالالالالالالالالالا

دخلت تجاره حبا فيها والا التنسيق رماك عليها ؟ ولو التنسيق هو اللى رماك عليها كنت تحب تدخل ايه؟؟
لا طبعا التنسيق اللى رمانى عليها... نفسى ادخل شرطه


امتي قولت اخر مرة يا ريت
من حوالى اسبوعين
امتي قولت اخر مرة عندك حق
مش فاكر
امتي قولت اخر مرة اسف
امباارح
امتي قولت اخر مرة استحاله تاني
من كام يوم
امتي قولت اخر مرة انسي خلاص
من اسبوعين برضه
امتي قولت اخر مرة مش هعمل كه تاني
امباااارح
امتي تكون اناني
فى الحق
امتي تكون مبسوط
فى الفرح اكيد
امتي تكون زعلان
فى الحزن اكيد برضه
امتي تستفز اللي قدامك
لما يبدا هو بالاستفزاز
امتي تكون عايز تقتل اللي قدامك
لما يرخم عليا اوى
امتي تكره اللي قدامك
برضه زى اللى فاتت
امتي تبعد عن أي حد
لمااحس انه مش طايقنى

امتي تقول قرار نهائي بدون مناقشه
فى المواضيع اللى مفيهاش نقاااااااااااااااش

وكفايه عليك كده النهارده
ولا والنبى تكملى
ونكمل بكره
او النهارده بالليل
مش هنكمل كملى لوحدك بقى