مسجات شعــــــــــــــريه

السلام عليكم
اعضاء هذا الصرح المميز
نقدم لكم اليوم مسجات شعرية اتمنى تنال اعجابكم

*******************************
لاتلمس الجرح خل الجرح وأسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم مسجون بيديني..

*************************************
أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..

************************************

الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني!

**********************************
من يقول اني بنسيانك نويت
وإن تناسيتك يذكرني التعب
مستحيل أنساك لوحتى قويت
وإن قويت أنساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب ومالقيت
وان لقيت العيب يعجبني عجب!

********************************
المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها
***********************************

حقيقه صفحتىبيضا
ولاعمرىجرحت انسان
اساير وقتي القاسىبظلم وغيظ عدواني
ولا أذكر شكيت الحال لأي انسان مهما كان
أخفىقصة الحرمان عن القاصي وعن الدانى
أجامل وابتسم للناس وانا كلىشقىوأحزان
اقاوم دمعي ولكن عيوني حيل تفضحني

*************************************
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام!
************************************

إن غبت عني تظلم الداروالحي
وإن غاب غيرك ماعسرني غيابه
أنابدونك زهرة مالهاري بين الهشيم
وتستغيث بسحابة
مصفرة الأوراق مقطوعة الفي
يبكي لهاسيح القصيم وجباله
النارتكوي ضامري بالغلا كي
الفكر مشتت وفاقدصوابه

*******************************
تزعل علي وانا الذي منك زعلان~
وارضيك لوحقي عليك اشتكيلك
احيان اجي ضدك واجي بصفك احيان~
تطيح من عيني وقلبي يشيلك
ان غبت عنك ردني الشوق ولهان~
وان غبت عني ما ادور بديلك~

*************************************

خيط الأمــــل يبقى أمــــــــــل لو كان خيط العنكبوت
واللي عرف درب الــــغلا ماكـــل شيئ يزعلـــــــه
إن كان يحيك الــــــــــــوله فأنا على وصلك أموت
لعيون باكر يومنا شوق ومحـــــــاذير وولـــــــــه

******************************************

إبي أعرف بقلبك وش مكاني~
وأبي أسمع احبك لو دقايق~
تكلمي ياحياتي بس ثواني~
وزيل الشك من قلبي حقيقه~
تكلمي وابعدي الهوجاس عني~
وبعلا صوتك رددي الحقيقه~
ترى يازين ماجاني كفاني~
عذاب الصمت من يقدر يطيقه

**************************************

كم من حبيب عن حبيبه تخلى..
هذا نسى حبه وهذا مفارق..
ولا انت حبك بالضماير تولاّ..
وأخذ على قلبي عهود ووثايق..
وأستبشر الخاطر بحبك وهلاّ..
بشرى السجين بيوم فك الغلايق..
سوالف من سمعها مايملاّ.
ينسى العنا والهم لو كان ضايق..

*******************************

ترمي الكلام
تظن قلبي
بيجهلك..
اصعب كلام،،
اللي جروحه "ماتـــــــــــروح"
دايم افكر كيف "اوصـــــــــــــلك"
وانت تفكر كيف تهديني "الجــــروح"

*****************************

أشره عليك وتحسب أني مجافيك
وأغيب عنك وتحسب أنه تغلي
مهوجفا ياصاحبي يوم ماجيك
مالي بغيرك يابعد كل من لي
لاوالذي سواك محد يساويك
غلاك ماخلى لغيرك محلي
أن غبت بالوجدان روحي تناديك
وأن جيتني كل المشاعرتهلي

****************************************

لاتشتري من حاولويخسرونك
ولاتخسرالي فكر
بيوم يشريك
مافيه اجمل من صديق
يصونك
ولافيه اقسامن قريب
يعاديك
اكبر خطانسيان من
يذكرونك
اجمل امل حب جديد
يناديك
اكبر قهر لاصار ناس
يبونك
وانته تبيهم بس حظك
لعب فيك
**************************************

مايصير انساك لا مايصير
وفي خفوقي لك محبة
واحترام
قبلك الدنيا مثل حلم صغير
وعقبك الدنيا غرام في
غرام
انت مثل النور في عين الضرير
لا لمحتك مابقى حولي
ظلام
فيك عمري فيك روحي والمصير
فيك كل ايام عمري والسلام

******************************

حبــك اللي تدعـــي هو حب ذاتك
ومن يحب الذات مايخلص لغيره
غرنــي فيــك ظـــاهـــر صفاتــك
غــلطــتي ياللأسف كانت كبيـره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره

*********************
حاولت ..
في قلبي وأنا أقول أبنساك
وأعيش ..
دنيا في حياتي جديدة
أثر ..
الغلا ماتعجبه غير دنياك
والقلب..
غيرك ماسكن في وريده
اشتقت ..
لعيونك وصوتك ونجواك
واشتقت ..
لضروفك ولو هي عنبدة

لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق

دام الأماني ماتجي لي على كيف..
ليه أجرح نظرتك بانكساري.
الصبر ظالم والزمن سطوته سيف
ولاباقي عمر يشيل انتظاري..!

تعرف
وش العذاب
على أصوله..؟
العذاب
انك تحب
انسان مايعرف
غلاتك؟؟
العذاب انك
تحب انسان
يتجاهل حدودك!!
العذاب انك
تعذب كل
قلب يشوف
قلبك..!
العذاب تعيش
بعالمك
من دون حب!!
العذاب يموت
قلبك ولا احد
يعرف بموته..!

ناد الحبيب الي توده وتغليه..
مادمت حي ودام عينك تشوفه..
لوصد يشفع له حلو ماضيه
وحقه عليك إنك تقدر ظروفه..
بإختـــــصــار
شخص عطاني وده أبد
مانيب ناسيه..
ومن شرى ودي..
أنا دايم الدوم شاريه

--------------------