قصيدة قديم وعجوز ،،،،،،، وأرجو المساهمة

[size=24][

قديم وعجوز

راجل قديم وعجوز
دايما جيبه متروس
تراب ووساخه وبقايا فلوس
متعرفش حظه فقر ولا منحوس

كفوفه فجيوبه بردان
وبطنه تصرخ..جعاااان
متشوفله لئمه يا شبعان
..........
أظاهر الكل تعبان
فاللى يقوله كلمه حنان
واللى يعمل فيها نعسان
ويتأثر ويعمل ميتان
ويبدأ شغل الجين والجان

جرى ايه يا بلد
مشايفلهاش ولد
جدع ولا يهمه جلد

أصحوا بقى يانايمين
الخلق مش طايقين
مش فايقين
مش عاوزين
واضح....
كلكم مساكين

طب نتكلم بقى فالموضوع الجارح
بتاع العجوز القديم الفالح
اللى لقى فجيوبه فكة امبارح
ولحسن حظه بتاع الفول سارح

متعمله ياريس شقتين
وبصلى فلحظتين
هياكل هنا ولا فين

وقبل ما ياكل سما الله
فقير..ده بس من براه
وغنى باٍيمان الله من جواه

فمشى يترىء ويضحك عالبشرية
لقمه هنية متكفيش سحليه
انا نفسى فلحمه مشويه
ده انا نسيت طعم الملوخيه
طب ربع عيشه هنيه

يا جماعه الكلام ده مش حقيقه
ده حته حوار
وفبقية الهزار
لف لف غار ودار
ورجع ينام جنب الصرصار
عالرصيف بيته المجبر المحتار
ينام ولا يسهر يتفرج عالأخبار!!

محمد عبدة
/size]

ههههههههههههههههههههه

الله عليك وعلي ذوقك الي يقتح النفس (فول - ملوخيه - عدس - بصل- وشقتيييييين)

والختام بالنوم جنب الصرصار بجد ياشاعر ...كل مااقرأ قصايدك من حلاوتها لازم احتااار..

واعذرني لو بقلدك منا عارف الي يجي جنبك يبقي بيلعب بالنااااار..!

تقبل خالص تحيااااتي لشعرك ياشاعر المنتدي.

قصيدة جميلة بس إللي فاتت أحسن منها

شكرا محمد

ارجو المزيد

ونحو الافضل دائما

ميرسي يامحمد للطرح ده وفعلا ممتاز يصلح كقصة وكمان كنثر ننتظر الجديد منك

» قصيدة ياحسرة ،،،،،،،،،،،، وأرجو المتابعة
» كيف تكتب قصيدة؟؟؟؟
» قصيدة الحلوف
» لا أحد يستجوب قصيدة
» قصيدة الامل