كم واحد فينا يقدر يعمل زي الطفلة دى؟! صورة للعبرة يا محبط

السلام عليكم

كم واحد فينا يقدر يعمل زي الطفلة دى؟! صورة للعبرة يا محبط 2502099075_27ea895741_o

الصورة دى شوفتها واستوقفتنى كتير

الأول بصيتلها عن طفولة ممكن تكون مشردة

أو ان الحاجه ممكن تخلى طفلة تتذل ( بالنسبة لسنها ده ) وتقعد القعده اللى قاعداها دى

لكن بعد كده فكرت فى حاجه تانيه

فى الشباب العاطل واللى مش لاقى شغل ... الشباب اللى اهله صرفو عليه وفى الاخر مش عايز يشتغل غير شغلانه تريجه يقعد مرتاح وخلاص ...

فى الشباب اللى اتعلم ومعاه شهادة (
اينعم مفيش شهادة تسوى فى البلد دى ) وبيضع علمه فى الكلام الفاضى ومش
مدور على شغل ولا غيره ... بالنهار نايم وبالليل يا على القهوة مع اصحابه
يا فاتح النت وخلاص على كده
ويقول انا بدور على شغل مناسب ...

كم واحد فينا يقدر يعمل زي الطفلة دى؟! صورة للعبرة يا محبط 2502099075_27ea895741_o

طيب الطفلة دى فى سنها ده بتشتغل وتتعلم قاعده على الارض وفى اديها كراسة وقلم وبتذاكر اللى بتتعلمه
وقدامها حاجات تبيعها علشان تقدر تجيب تمن الكراسة والقلم وتقدر تاكل وتعيش

لكن هنا بنقول امتى نخلص من التعليم
وقرفه ( فعلا تعليم واطى ويقرف ويعل ) ولما نخلص نقول بقى هنشتغل والاحلام
الورديه تملانا ونقول هنشتغل وهنعمل ونرجع نصطدم بالواقع ان بلدنا مفيهاش
شغل ونكون متأكدين جداااا ان محدش بيشتغل بشهادته وبرده بنقول وظيفة
مناسبة ..

طيب الوظيفة المناسبة دى مناسبة لايه بالظبط؟

التعليم الواطى اللى نسيناه بقعدتنا على القهاوى ولا اللف مع اصحابنا ولا الشات على النت والجري ورا البنات

ولا وظيفة مناسبة للامكانيات
والقدرات ... طيب مين اللى هيقدرك؟ ولا اللى هيقدرك ده هييجى لحد بيتكو
يقول عندكو حد امكانياتو كذا وكذا؟!

صاحب الشغل مش بيقدر حد الا لو شاف امكانياته على ارض الواقع .. يعنى تدخل مكان وتشتغل وتثبت نفسك

محدش لاقى اللى يقدره سواء فى
التعليم ولا الامكانيات.... طيب بحكم تجاربى فى الشغل ... مفيش اي شغل فى
الحياة مش بتستفيد منه ومش بتتعلم منه حتى لو كانت امكانياتك وقدراتك اعلى
منه بمراحل ... برده فى وجه استفادة ... وابسط وجه استفادة لو كلامى مش
مقنع ... هو انك هتضيف خبرة عمل فى السيرة الذاتية بتاعتك C.V وهتفرق معاك
ان اللى هيشوف انك اشتغلت حاجه هيقدر من خلالها يقول ان لك امكانيات
وقدرات ....

دعوة للعمل المتاح حتى تأتى الفرصة المناسبة التى ينتظرها الجميع

اشتغل اللى موجود قدامك وشوف ودور على غيره احسن منه لحد ما توصل

ابدأ السلم من اوله ومتحاولش انك تنط لفوق علطول

اللى بيحاول ينط .... تخيل معايا
المنظر لو سمحت ... واحد واقف على الأرض وقدامه سلم وعايز بنط على اعلى
درجه فيه ... مش هيقدر ينط وهو واقف فى مكانه ... هـــــــــــيــــــرجــــــع ورا على اد ما يقدر وبعدين هـــــــــــيجـــرى لقدام علشان ينط فوق ... ويمكن لما ينط مينطش صح ويقع يتكسر يبقى ما نابه الا انه رجع وانكسر

وفى حل تانى ... انك تطلع على السلم درجة درجة لحد ما توصل أخره وفى الحالة دى مش محتاج ترجع ورا وصعب انك تنكسر

كم واحد فينا يقدر يعمل زي الطفلة دى؟! صورة للعبرة يا محبط 2502099075_27ea895741_o

اخيرا عندى فضول اعرف الطفلة دى
هتوصل لحد فين لأنها بدأت تطلع على السلم من وهي طفلة مش لما كبرت وبقت فى
سن الشباب واخدت خبرة الناس الكبار قبل ما يكتسبها الكبار نفسهم

فى امان الله

أه ده فعلا واقعنا الأليم ودي مثال للبقية الناس وبتفكرني بواحدة بتبيع حاجات

وأنا رايح الجامعة بأشوفها كل يوم ماسكة كتاب وبتقرأ فيه علي الأرض

وربنا يصلح أحوال الناس إن شاء الله Very Happy

شكرا للمرور يا محسن وردك الجميل

يا حمود يا حبيبى

انا عاوز اقولك ان الشباب نفسها تعمل حاجات كتيره لكن ماباليد حيله

واذا كان الشباب بيقعد على القهوه والنت يبقى لازم يكون فيه ناس موجوده عشان توعيهم

وتعرفهم طريق الصح وموضوعك ده اول خطوه على الطريق الصح

شكرا يا حمود على الموضوع الجميل

شكرا لمرور الجميل ده يا وحيد وبجد ردك هايل

ربنا يوفقنا كلنا يارب

اصبت كبد الحقيقة فهذه ماساة شعب اصبح هذا الشعب بلا هدف ولا امل انتظر هذا الشعب طويلا التغير الذى يحدث ولكنهم نسوا حديث الرسول صلى الله عليه وسلم(ان الله لايغير مابقوم حتى يغيروا ما بانفسهم) صدقت يااشرف الخلق يارسول الله اتمنى منك يامحمود اضافة منتدى عن هذة الاحوال احوال اليأس

ههههههههههه

شكرا للمرور يا محمدى والرد الجامد ده

بس لو المنتدى اللى بنقوله دا اتعمل محدش هيدخله لانه هيحبطهم

ههههههههههههه

شكرا للمرور مره تانيه يا عسل

» صورة واحد امتحناتى
» انا عضوة جديدة وعاوزة اتعرف على اصحاب كتيييير علشان فى مواضيع مهمة عند كل واحد فينا محتاجة المشاركة فى الراى
» صورة للرئيس مبارك داخل بيته -صورة نادرة
» قصة جميلة للعبرة
» سؤال لمن يقدر ان يجاوب ............ !