أخبار فنيه غنائية لن تقرأها الا فى عام2012

أخبار النجوم

أخبار فنية غنائية لن تقرأها الا فى 2012 !

ما الذى يحدث فى عالم الغناء فى مصر والوطن العربى ؟
ايه كل المطربيـ دول اللى عماليــ يغنوا علينا أنا بتحدى أى انسان لو يقدر
يقوللى بالظبط عدد المطربيـ اللى ظهروا على الساحه الغنائيه فى السنوات
السته الاخيرة .

خير اللهم اجعله خير قال ايه ان احنا بقينا فى سنة 2012 وأنا معايا جريده فنيه بتاريخ
2012/12/12 وقرأت أخبار أقرب الى الخيال ولكن أنا لا استبعد حدوثها على أرض الواقع
وأنا لا أعلم هل كان هذا حلم وهلوسة وتخريف ولا فعلاً دى رؤية وعقلى تخطى حجاب الزمن
أثناء نومى وده انذار للمستقبل الأسود اللى مستنى الأغنية .... أترك هذا الزمن فهو وحده
الذى سيجيب عن هذا السؤال وليس 2012 عنا ببعيد .

والأن اترككم مع اخبار فنية غنائية لن تقرأوها الا فى عام 2012 :

- مفاجأة العام الكبرى دويتو غنائى بين هانى شاكر ومريام فارس فى أغنية أسمها
( حبيبة بابا ) .
- أعلى مبيعات حتى الأن 27 نسخة شريط للمطربه الصاعدة بسرعة الصاروخ هى فعلا صاروخ نونيا الشريط اسمه ( مستنياك فى الشقة )
ويقول مطلع هذه الأغنية الرائعة : مستنياك فى الشقة يا عمرى أوعى تتأخر
عليا مفيش حد أنا قاعده لوحدى تعالى بقى نتسلى شوية ، ونأسف لعدم
استطاعتنا نشر باقى كلمات الاغنية حياءاً من القارىء الكريم .

- أنجح كليب للمطربة تيتى عن أغنيتها ( يا نهار أسود جوزى رجع ) وجائزة خاصة لفكرة الكليب المبتكرة والتى تدور أغلب أحداثها فى غرفة النوم .

- اعتزال عمرو دياب وهجرته الى أمريكا واعتزال محمد منير وهجرته الى
المانيا واعتزال هشام عباس وهجرته الى السودان أما عامر منيب فقرر الهجرة
الى الكاميرون .

- أصاله تصاب بانهيار عصبى لأن شريطها الأخير لم يبيع سوى ثلاث نسخ ( وكمان فيهم اتنين مضروبين )
- تامر حسنى وحماقى وعدويه ولؤى وهيثم شاكر يؤكدون أن الموجة الجديدة لن
تستمر وأن الفن الأصيل سيبقى وأنهم سينتجون لأنفسهم الألبومات القادمه بعد
تخلى شركات الانتاج عنهم .

- جائزة المليون جنية من شركة تراث الفن للمواطن المصرى الوحيد الذى ماذال يحتفظ بشريط كاسيت لايهاب توفيق .

- شيرين وأمال ماهر وأنغام وفضل شاكر ونوال الزغبى ومحمد محيى وجنات يصابون بحالة اكتئاب حاد ويفكرون جدياً فى الاعتزال .

- الدوله تمنح شهادات تقدير لكل من روبى وهيفاء ونجلا وبوسى سمير ومروى
وماريا لاصرارهم على مواصلة تقديم فن راقى بعيدا عن السوقيه والعرى
والابتذال .

- مصطفى قمر يتفرغ للتمثيل ويستعد لبطولة فيلم كارتون جديد بعنوان ( هارى بوتر فى مرسى مطروح )
- الاعلان عن رحله الى متحف الفن الفرعونى لمشاهدة البقية المتبقية من بقايا أعمال الرواد القدامى جداً ( على الحجار _ محمد الحلو _ كاظم الساهر _ مدحت صالح _ ماجدة الرومى _ لطيفة _ سميرة سعيد )
- سعد الصغير فى تصريح خطير جدا ً ( لن أرد على ريكو واترك الجمهور يحكم بيننا ) وكان ريكو صرح بأنه الأحق بلقب نجم الاغنية العربية .

- جاد شويرى بعد عودته من اسرائيل يؤكد ان حفله الاخير فى تل ابيب كان من أنجح حفلاته وأنه بصدد ألبوما باللغة العبرية .

- مصطفى كامل يؤكد انتهائه من التحضير لألبومه الجديد الذى سيصدر بعد أسبوعين بعنوان ( يوم القيامة )

- القبض على مواطن مختل عقليا وهو فى حالة ذهول شديد وبكاء مستمر ولا يوجد على لسانه سوى جملة ( والله كان فيه مطرب اسمه عبد الحليم ومطربه اسمها أم كلثوم فينك يا عندليب فينك يا كوكب الشرق ) يا عينى الراجل بيخرف ولقد تم ايداعه مستشفى الامراضالعقلية المتطورة والتى توجد فى شارع نانسى عجرم فى ميدان اليسا !!

= عارفين عملت ايه أول ما صحيت من الكابوس ده جريت
بسرعه ولميت شرايط على الحجار ومنير ومدحت والحلو وعمرو دياب وشرين وامال
وسميرة واصاله وسميرة ومحيى وخبيتهم تحت السرير ما هو محدش ضامن ايه اللى
ممكن يحصل بكره !!

تفتكروا يا جماعه الحاجات دى ممكن تحصل بجد ولو حصلت فعلا يا ترى مين هيكون السبب !!!!!!!!

تم التعديل بسبب
العنوان غير لائق مع الموضوع

سلملي علي نونيا

منورنا يا محسن باشا بتسلم عليك

علي العموم الموضوع فعلا حلو اوي اوي بس عمر ما ده يحصل ابدا ابدا
عارف ليه لان احنا بقينا في سنه 2008 ولسه كتييييييييييير مننا عاشقييييييييييين ام كلثوم
وعبد الحليم وبنرتاح لما نسمع الحان الموجي وعبد الوهاب
لو كنا بنسمع مطربين تانيين فالمطربين القدام بجد هما الفن هما اللي بياثرو فينا بجد
مهما كنت بحب تامر حسني او حماقي او او اي حد مش فارقه لكن الاصل برجع لام كلثوم و عبدالحليم

منور بوجودك يا فينوس بس عدد الناس إللي بيحبوهم قليل يا فينوس

يوصل ان شاء الله يا محسون بس هى بس تصدر اول اغنيه ليها وانا هسلملك عليها

بس دول التراث وعمرهم ميتنسو وانا من الناس العاشق ليهم

أكيد

بالعكس يا محسون عارف واحنا ف المصيف كنا ف كافيتريا اوبن اير يعني ع المكشوف كله سامع
الاغاني روحنا احنا الشباب طلبنا اغنيه لام كلثوم عشان كانت طاله معانا طرب ورومانسيه لما الراجل شغلها كل الشباب والكبار والاطفال كانو بيرددو وكنا مستمخين ع الاخر

(يا سلام ع الدنيا وحلاوتها ف عين العشاق) يااااااااااااه هطير وانا بسمعها

أنا عن نفسي بأقضيها أغاني لتامر حسني في المصيف

تسلم الايادى اللى كتبت

بس على ماعتقد ان فيه مثل قديم بيقول

(مين فاتا قديمه تاه)

يعنى احنا لو نسينا ام كلثوم وعبد الحليم وعبد الوهاب

هنفتكر ايه تانى

وعلى فكره عمرنا ماهيكون لينا ماضى

وانسى ياعمر

هنفتكر محمود الليثى ومحمود الحسينى واشرف وهبه واعملى دماغ تمام ومش بانجو ولا برشام

ههههههههههههههههههههههههههههههههههههههههههههههه

اشطه عليك يا وحيد يا عسل شكؤا للمرور والرد الجامد ده

ههههههههههه كول بس يا محمود الحجات دى حصلت بالفعل بس بص بصه سريعه على الف اليوم تلاقى فعلاً الحجار والحلو والناس الحلوين دول راحو فى شربه ويسكى والله خسارة رغم انهم كانو ساطعين وتبص تلاقى مغنين كانو اساساً شغالين فى بيت ......سيبك المهم ان الواحد ينفض للكلام الفاضى ده ويسمع الاصايل من اغانى الزمن الجميل

اشطات عليك يا محمد2 رد جامد

شكرا للمرور

اشطات وعسلات ابيضات ههههههههههه

تسلم الايادى يا نجم

مقاتل الظلام كتب:: اشطات وعسلات ابيضات ههههههههههه

شكرا للمرور الجميل

ابو مصطفى كتب:: تسلم الايادى يا نجم

شكرا للمرور الجميل

موضوع جميل يا حووووووووووووووت

وفعلا الكلام ده غريب بس ممكن يكون صحيح
لان بجد الناس بتنحاز ناحيه ما هو جديد
مش مهم الجوده او الحلاوه
بس فى ناس بتحن للقديم
والدليل اغانى عبد الحليم وام كلثوم
وحتى الجداد انا بموت فى اغانى عمرو وفواد وايهاب ومحيى
فى بدايتهم يعنى من عشر سنسن
بجد الانسان عمرو ما هاينسى القديم

أها الزمن بيتطور

انت بس اللى مكنتش مغطى نفسك كويس

وتسلم ايديك يا مان

وخلى بالك من غطاك تانى

» قصه لا بد ان تقرأها لوحدك
» فندق الفور سيزون بقطر, تحفه فنيه
» الكره الاسيويه والعربيه (اخبار متجدده باستمرار)
» أخبار من الملاعب العالمية
» أخبار من الملاعب العالمية