حوار الرئيس وأبناءه

هاي يا جماعة في أول موضوع ليا في المنتدي الوليد (الضحك والفرفشة) أقدم لكم نكتة رائعة وهي نكتة سياسية طحن

إليكم النكتة
التفتت الأسرة حول فراش الزعيم وهو يلفظ أنفاسه
الأخيرة .... قال الزعيم بصوت ضعيف
ولكنه حازم فى نفس الوقت
حسنى: كلكم موجودين
سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين
حسنى: طب إسمعوا اللى حقوله كويس
جمال: سامعينك يابابا ... إتكلم
حسنى: مصر دى كنز ياولاد ... إمكسوا فيها بإيديكم وسنانكم ... بنسرق فيها
بقالنا سنين وسنين ولسه بتدينا
علاء: هيا دى البركة اللى بيقولوا عليها يابابا
حسنى: أيوه يابنى ..... ربنا يبارك لكم ولعيالكم فيها ... ودلوقتى إسمعونى
علاء: إنته على الهوى يابابا ... إتكلم
حسنى: أنا مش مديون لحد ياولاد ... يعنى أى واحد يصيع عليكم ويقول لكم أبوكم كان مستلف منى فلوس تفوا فى وشه على طول
علاء: إطمن يابابا .... حرامى على حرامى ما يلعبش
حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض .......فلوس متلتلة متتعدش ..... مش حقول لكم حافظوا عليها وبس ... لآلآلآلا زودوها كمان وكمان لجل ما روحى ترتاح وأنا فى تربتى
جمال: هيا الفلوس اللى إنته عملتها يابابا دى بتسميها فلوس .... شفنى أنا وعلاء حنعمل إيه .... ولا صحيح حتشوفنا إزاى .... عموماً ما تقلقش
حسنى: ودلوقتى إسمعوا وصيتى ..... الحكم لأولاد مبارك ......... لازم أول ما جمال يحلف اليمين تغيروا إسم مصر وترجعوه زى ما كان زمان أيام الملك فاروق والملكة نازلى (المملكة المصرية
جمال: مفهوم يابابا ... خش فى اللى بعده
حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً
علاء: مفهوم برده ... اللى بعده .... ياساتر ده إنته ملل
سوزان: عيب ياعلاء لما تكلم أبوك كده
علاء: بهزر ياماما
حسنى: الهرم لأم العيال ... ليكى ياسوزان
بعد ما خدمتينى بتفانى وإخلاص طول السنين دى
سوزان: هرم ! .... هيا دى آخرة صبرى ! ...... وده يسوى كام ده
علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
سوزان: مش حرضى باأقل من التلات أهرامات وأبو الهول
حسنى: مش خسارة فيكى ياغالية .... أثار النوبة لعلاء .... والأقصر لجمال .........
ودلوقتى نيجى للميه .... الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى
سوزان: إنته أكيد مخبول ... مليار ونص دولار صدقة جارية على روحك
جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا
علاء وهو يمسك بالألة الحاسبة: ممكن نطلع لحد ألف جنيه ياجمال ... السيولة تسمح
حسنى: أوعوا تفرطوا فى حبيب العادلى من بعدى ياولاد .... حبيب قلبه ميت وإيده طرشه ....... وهوه ده اللى ينفع مع الغجر اللى هنا
جمال: بس ما بيعجبنيش شنبه يابابا
حسنى: إنته مالك ومال أم شنبه ...... إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً
حسنى: الشيخ طنطاوى ياولاد راجل بركة ..... يمين يمين شمال شمال ......... أوعوا تفرطوا فيه ..... بس ما تخلوهوش يصلى عليا لأني بصراحة مش متأكد إن كان ربنا حيقبل منه ولا لأ
علاء: ولا يهمك يابابا .... حخلى أنكل كمال الشاذلى يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يابابا ..... أنكل كمال مش حافظ الفاتحة
حسنى: المشير طنطاوى ياولاد ...... مش حوصيكم عليه ..... الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها ....... هاتوا المخرج الإيطالى ده اللى إسمه مكافيللى يصورها
علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا
حسنى: عايز أحلى مدفع يشيل النعش ياولاد
جمال: مدفع رشاش
سوزان: الهزار مش فى الحاجات دى ياجمال
جمال: آسف ياماما
حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى
حسنى: لأ كلها براغيت ياعلاء .... وإسم شرم الشيخ كمان أشيك بكتير .

ماتخافش عليا بس لو إتخدت وصيتك العيال

وماتنساش امهم علشان انا ناوي استخبي في كن لمدة 100 سنة

لأ أنا هسيبها متعلقة كده بس ربنا يستر ما ترفعش عليا قضية خلع

أي خدعة يا سعيد

ههههههههههههههههههههههههههههههههههههه
هههههههههههههههههههههههههههههه
نايس موضوع يا محسن وربنا يستر عليك بقى

شكرااااا يا منة ويا إسلام هقوم أكبر محامي في المحروسة

هههههههههههههه بجد يا محسن جميل والله انا ضحكت من قلبي
بس الصراحه انا قلقان عليك جدا جدا وربنا يستر

سيبك يا عمر خلينا نضحك شوية

2بصراحه كل مقرئلك حاجه بيزداد حبى فيك ولا اتمنى ان يكون اخر موضوع

وما تخفش هحاول اجى ازورك لو ماخدتش اعدام ان شاء الله

بعيد عن الضحك بالضبط اتوقع حدوث هذا سيورث الملك من الملك حسنى الى الملك جمال ثم علاء

شكرا يا ميدو علي ثقتك الشديدة دي في موضوعاتي وده مش من قليل ده من تشجيعكم ليا وردودكم العظيمة وأنا ما خدتش المشرف العام علي المنتدي من قليل

وطبعا مش هيكون أخر موضوعاتي

ولما تيجي تزورني ما تنساش تجيب معاك عيش وحلاوة

وما تنساش أكيد الشاي بلبن علشان أنا ماأقدرش أستغني عنها يوم واحد

وأنا أعتقد إن الحكم هيورث لجمال بس بعد كده لعلاء صعب ويا ريت علاء هو إللي يمسك البلد

الصراحة علاء مبارك ده شخصية فعالة في البلد وشكله هيظبتها صح

وده رأيي

إحنا بنتكلم بالعقل وما بنعملش مظاهرات والكلام ده

ربنا يسترها بس هتوحشني ناس كتيرة وهأستريح من نااااس كتيرة

أنا مستني الباب يخبط في أي وقت

الظاهر كده أنا مش فاكر برضه كتبت الموضوع ده إمته

ياعم ما حدش يقدر يأخدني هي البلد سايبة ولا إيه مافيش قانون في البلد وفين حقوق الإنسان وحرية التعبير عن الرأي