تؤيد سيادتك؟؟؟؟؟؟؟؟؟؟؟؟

<H1 style="MARGIN: 0px" align=center>نؤيد سيادتك

نؤيد سيادتك

نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره

احمد فؤاد نجم

</H1>

موضوع جامد جامد جامد قول زى متقول

بس لو انت لسه عايش اديني رنه احسن انا قلقان عليك بصراحه

تسلم الايادى يا بوسطجى وشكرا للمجهود

تحيا جمهورية مصر العربية Very Happy

شكرا على المرور الغالى

تسلم الايادى يانجم

» محكمة جنح مستأنف كرداسة تؤيد حبس (جزارى الحمير)
» محكمة الاستئناف تؤيد الحكم بحبس بلال ستة أشهر
» محكمة استئناف القاهرة تؤيد كشف الحسابات السرية للبوشى وبدر الدين
» وزارة الأسرة والسكان تؤيد رفض شيخ الأزهر للتدخل التشريعى فى تنظيم النسل ..
» محكمة النقض تؤيد بطلان قرار زيادة إشتراكات عضوية نادى القضاة