2008_____________________2009

السلام عليكم ورحمه الله وبركاته
احنا بعد كام يوم هنودع سنه بحلوها ومرها بكل ما مر منها من احداث سواء مفرحه او محزنه وهنستقبل ان شاء الله سنه جديدة نتمى انها تكون سعيدة ان شاء الله علشان كدة انا حابب اسئل شويه اسئله يارب تعجبكم:::::::

1- نفسك تقول ايه لسنه 2008 قبل ما تنتهى ؟

2- ايه اكتر شئ فرحك فى سنه 2008 ؟

3-ايه اكتر شئ احزنك فى سنه 2008 ؟

4-ايه اهم حدث سياسى انت شايف ان اهم حدث حصل فى سنه 2008 ؟

5-ايه اهم حدث رياضى شايف انه اهم حدث حصل فى سنه 2008 ؟

5-ايه اهم حدث اقتصادى شايف انه اهم حدث حصل فى سنه 2008 ؟

6-ايه احسن خبر سمعته فى سنه 2008 ؟

7- ايه اسؤ خبر سمعته فى سنه 2008 ؟

8_ ايه احلى حاجه حصلتلك فى سنه 2008 ؟

9-ايه اوحش حاجه هحصلتلك فى سنه 2008 ؟

10-هل حققت كل ما خططت تحقيقه فى سنه 2008 ؟

11-هل كانت 2008 سنه سعيدة او حزينه بالنسبه لك ؟

12-شخص افتقدته فى سنه 2008 ؟

13 -اكتر شىء سعيد انك عملته فى سنه 2008 ؟

14-اكتر شئ ندمت انك عملته فى سنه 2008 ؟

15-ايه رايك فى الناس من حيث الطباع فى سنه 2008؟

16- ايه رايك فى العالم فى سنه 2008 ؟

17-ايه اللى كان نفسك تحققه فى 2008 ومعرفتش تحققه ؟

18-نفسك تقول لسنه 2009 فى بدايتها؟

19-ايه احلامك فى سنه 2009؟

ومن هنا بقول يارب تكون سنه 2009 سنه سعيدة علينا جميعا وتكون احلى من 2008 ونقدر ان شاء الله نحقق فيها كل احلامنا والسلام ختاااااااااااام............................

أسئلة تااااااااااااااااني Shocked

ومالو يا باشا ما انت ادها وادود
يللا بهدل المنتدي بردودك يا معلم

1- نفسك تقول ايه لسنه 2008 قبل ما تنتهى ؟

مع الف سلامه هتوحشينا بس متقطعيش الجوابات

2- ايه اكتر شئ فرحك فى سنه 2008 ؟

اكتر شئ هو حبى اللى تم احياؤه فى 2008

3-ايه اكتر شئ احزنك فى سنه 2008 ؟

مادة اقصاد الانجلش كان نفسى انجح صافى

4-ايه اهم حدث سياسى انت شايف ان اهم حدث حصل فى سنه 2008 ؟

هما حدثين مظاهرات 6 ابريل اللى كانت عندنا ف المحله والتانيه جزمة بووش

5-ايه اهم حدث رياضى شايف انه اهم حدث حصل فى سنه 2008 ؟

وصول الاهلى لليابان للمره التالته فى تاريخه

5-ايه اهم حدث اقتصادى شايف انه اهم حدث حصل فى سنه 2008 ؟

الازمه الاقتصاديه اللى هزت كيان العالم كله

6-ايه احسن خبر سمعته فى سنه 2008 ؟

اهو سمعت اخبار كتير مش فاكر منها حاجه بصراحه

7- ايه اسؤ خبر سمعته فى سنه 2008 ؟

اه تعديل نظام الامتحانات فى الكامحه وخلوها صعبه موووووووت

8_ ايه احلى حاجه حصلتلك فى سنه 2008 ؟

السؤال دا اجابته هى السؤال رقم 2

9-ايه اوحش حاجه هحصلتلك فى سنه 2008 ؟

انى كان نفسى انجح ضافى وشيلت ماده

10-هل حققت كل ما خططت تحقيقه فى سنه 2008 ؟

طبعا طموح الانسان ليس له نهايه

11-هل كانت 2008 سنه سعيدة او حزينه بالنسبه لك ؟

عادى زيها زى ال17 اللى فاتو من عمرى

12-شخص افتقدته فى سنه 2008 ؟

كل حبايبى جنبى الحمد لله

13 -اكتر شىء سعيد انك عملته فى سنه 2008 ؟

التسجيل ف الافضل

14-اكتر شئ ندمت انك عملته فى سنه 2008 ؟

موضوع كده مش لازم ذكره

15-ايه رايك فى الناس من حيث الطباع فى سنه 2008؟

والله الناس اشكال والوان فى منها الكويس ومنها الوحش

16- ايه رايك فى العالم فى سنه 2008 ؟

ربنا ع الظالم

17-ايه اللى كان نفسك تحققه فى 2008 ومعرفتش تحققه ؟

كان نفسى انجح صافى فى اولى

18-نفسك تقول لسنه 2009 فى بدايتها؟

يارب يتصلح الحال وتبقى سنه سعيده على الكل

19-ايه احلامك فى سنه 2009؟

مفيش اى مخططات فى دماغى حاليا

يلا احب اشكرك ع الموضوع ده ا فيروس واتمنى اشوف اجاباتك

اها اكيد طبعا بس اكيد بعد محسوووووووووون ومقاتل باشا

تؤتؤتؤتؤتؤ

المفروض انتى قبل الكل بس يلا عملناها وسبقنا

يلا نشوف اجاباتك

يللا يا محسن انجز عاوزه ارد قبل ما انام ههههههههههههه

طب ردي وأرد بكرة

1- نفسك تقول ايه لسنه 2008 قبل ما تنتهى ؟
يللا مع السلامه علي اد ما كان فيكي اجمل حاجه حصلتلي ف حياتي اللا انك اكتر سنه بكيت فيها من قلبي

2- ايه اكتر شئ فرحك فى سنه 2008 ؟
لقيت حد يفهمني

3-ايه اكتر شئ احزنك فى سنه 2008 ؟
ظهور النتيجه مهما حصل هتفضل علامه ف حياتي

4-ايه اهم حدث سياسى انت شايف ان اهم حدث حصل فى سنه 2008 ؟
بوش والجزمه

5-ايه اهم حدث رياضى شايف انه اهم حدث حصل فى سنه 2008 ؟

اكيد تدهور الزمالك اللي كلنا كنا متوقعين انه يشد الموسم ده
واكيد طبعا احتراف الحضري ومتعب حبايب قلبي

5-ايه اهم حدث اقتصادى شايف انه اهم حدث حصل فى سنه 2008 ؟

كادر المعلمين ووعود بابا حسني اللي ما شاء الله كلها اتنفذت

6-ايه احسن خبر سمعته فى سنه 2008 ؟

(بحبك يا عمري) احسن جمله وخبر وكلمه

7- ايه اسؤ خبر سمعته فى سنه 2008 ؟

نتيجة الثانويه العامه

8_ ايه احلى حاجه حصلتلك فى سنه 2008 ؟

ما انا قولتلك يا ليندا لقيت حد يفهمني

9-ايه اوحش حاجه هحصلتلك فى سنه 2008 ؟
الثانويه العاااااااااااااامه

10-هل حققت كل ما خططت تحقيقه فى سنه 2008 ؟

اكيد لا

11-هل كانت 2008 سنه سعيدة او حزينه بالنسبه لك ؟

الله اعلم بس في المجمل حزييييييييييييييينه

12-شخص افتقدته فى سنه 2008 ؟
انا

13 -اكتر شىء سعيد انك عملته فى سنه 2008 ؟
حبي

14-اكتر شئ ندمت انك عملته فى سنه 2008 ؟

مش عارفه

15-ايه رايك فى الناس من حيث الطباع فى سنه 2008؟

كانوا مضغوطين اوي طول الوقت

16- ايه رايك فى العالم فى سنه 2008 ؟

كلو محصل بعضه

17-ايه اللى كان نفسك تحققه فى 2008 ومعرفتش تحققه ؟

احل ف امتحان البرمجه النهارده

18-نفسك تقول لسنه 2009 فى بدايتها؟

يارب تبقي احلي وبجد مانتجرحش فيكي

19-ايه احلامك فى سنه 2009؟

افضل جمب حبيبي ونجيب تقديرات او حتي ننجح

يللا يا محسون شوفت سهله ازاي

ها يا جماعه شاهدين علي محسون

طب علشان إحنا في أخر الشهر لسه ما قبضناش إن شاء الله عالفجر كده كله يبقي تمام

نجاوب علي الأسئلة دلوقتي أخيرا الجهاز إتظبط

1- أقولها وداعا يا 2008 م بكل أفراحك ومأسيكي وأهلا ب 2009 م

ويارب تكوني سنة سعيدة علينا كلنا

2- الصراحة فوز مصر بكأس أفريقيا وحصولي علي جيد السنة إللي فاتت والفرحة الكبيرة

حصولي علي 15 من 20 في البلاغة والدرجة دي مش سهل حد يجيبها في المادة دي

وطبعا فوز الأهلي بكأس الأندية الأفريقية أبطال الدوري

3- إلا يا ناس جرح الحبيب ما يتنسيش

4- طبعا بلا شك الجزمة وهجوم إسرائيل علي غزة وطبعا فوز أوباما برئاسة أمريكا

5- فوز منتخب مصر بكأس الأمم الأفريقية وبعده فوز الأهلي ببطولة أفريقيا

6- الإقتصادي طبعا الأزمة الإقتصادية العالمية إللي بوظت إقتصاد العالم وبالذات أمريكا

7- خبر الجزمة

8- خبر غزة

9- أحلي حاجة حصلتلي تكريم الكلية ليا والمكافأة إللي إدهالي العميد

10- أوحش حاجة التعويرة الكبيرة

11- حققته بنسبة كبيرة وليست كاملة

12- سعيدة بنسبة أكبر حزينة بنسبة أقل

13- أستاذي العزيز وليد محمد عبدالباقي نفسي أقابله تاني

14- إني ضيعت وقت كتير وتفكير أكبر في حاجة ما تستاهلش

15- لأ فيه ناس كويسة وناس مش كويسة طبعا وربنا يهدي الجميع

16- يتجه للأسوأ

17- إني أِشتغل وأعرف معني الشغل الحقيقي مع أصحابي

18- أهلا بيكي يا 2009 م ويارب تكوني سنة سعيدة علينا

19- يارب يعم الخير والسلام علي كل العالم وتبقي سنة سعيدة علي الكل

وشكراااااااا ليكي يا فينوس ونايس مصراوية يا مصراوية

لا مش بس مصراويه ماتنساش مسلمه ميه ميه

تمام أحسن ناس

اي خدعه ده انا ههريكو اسئله والشاطر يرد ويوريني نفسه
هههههههههههههههههههههههههههههههههههههههههههههههه

حراااااااااااااااااااااااام كتير أوي كده Sleep

لالالالالالالالالالالالالا
انت لسه شوفت حاجه يا معلم

هو لسه فيه تاني ؟؟؟؟؟؟؟؟؟

[size=24]موضوع جميل يا فينوس وردى لن يختلف عن محمود ومحسن واهلا 2009[/size]

ماشي يا بوسطجي كروتتني مااااااشي
ع العموم ميرسي ع المرور