ملوووووووووووخيه

تذكير بمساهمة فاتح الموضوع :

السلام عليكم ورحمة الله وبركاته

أحب أن أقدم لكم أبيات الزجل هذه والتى تناقش بعض الظواهر السلبيه الموجوده فى مجتمعاتنا وتنقدها نقداًُ بناءً .

أنا كنت ماشى فى السكه لقيت طينه ولبخه وعكه

وناس كتير واقفه وسطيها أنا قلت لازم دى عاركه

رحت داخل أنا بحماس فى الزحمه من وسط الناس

ما لقتشى عاركه ولا حاجه أتارى فى واحد محتاس

ورجله محشوره فى بلاعه وهو عالحال ده بقاله ساعه

عمال يسرخ وينادى ما تنجدونى يا جماعه

وبعد حيره ومقاسيه وشدوا معانا يا أفنديا

خرجناه من البلاعه وخلصنا من الورطه دهيه

لكن علشان متحصلشى تانى نفس الحكايه ونرجع نعانى

ونتأذى بسبب الاهمال ويبقى حالنا هو الحال

فضلت أدور وأقول مين يا جماعه هنا المسئول

ما لقتشى حد يرد عليا كأنى بكلم فى أبو الهول

رحت ماشى وأنا محتار وقمت مكمل المشوار

أخدتها مشى لحد الدار وقربت أوصل للبيت

نزلت عليا حلة خضار ببص فوقى ما لقتشى غير

واحده وبتقولى حصل خير سبتها ومشيت وأنا متغاظ

وقلت أهو أحسن من الغير لكن رجعت وقلت ليه

ترموا الزباله من البلكونات وتتأذوا وتأذوا الغير

من الماشيين فى الطرقات واحنا مش ناقصين متاهات

واصابه بالميكروبات ليه ما نمحيش كل الظواهر السلبيه

واللى فيها أضرار وأذيه وكل الناس تمشى فى أمان

وما تستحماش بالملوخيه .

شكرا للمرور الجميل يا ايمان

توهت على العزومه
اوك بس انا مش هسيب حقى

تسلم الايادى يانجم

mohaa كتب:: توهت على العزومه
اوك بس انا مش هسيب حقى

حقك محفوظ

ابو مصطفى كتب:: تسلم الايادى يانجم

شكرا ليك

ههههههههههه موضوع جميل تسلم ايدك