شوفوا الموقف ده............

ازيكوا يا جما عه

انا بشارك معاكوا في حوار بين دكاتره في غرفه عمليات

بس اكيد مش كل الدكاتره كده

في المستشفيات الحكوميه بس

واتمني ان الموضوع ما يكونش قديم



- يالهوى!


- هيييييه النور جه!

- طيب اذا كان ده البنكرياس ، أمال اللى طلعناه ده يبقى ايه؟
- حد شاف الدبله بتاعتى؟


- طب أقوله ايه لما يفوق؟ و زعلان انى سقطتك 3 مرات فى الماجستير!

- إلحق يابنى القطه اللى جريت بالعضمه دى ، خلينا نرجعها للراجل من سكات!

- ياما ربنا بيخلق عجايب ، ماحدش معاه كاميرا يا اخوننا؟

- ولا حركه ماحدش يخيط ، أنا مش لاقى الكونتاكت لنسز بتاعتى!

- ياجماعه تعرفوا إذا كان حد عاش بعد ما خد 500 مللى من الهباب ده؟

- شيل ايدك ، الحاله دى بتاعتى أنا ، ولا هى الكحكه فى إيد اليتيم عجبه؟

- آه ياعينى! والله مانا سايبك!

- حد يسكت الزفت اللى بيدق ده ، مش مخلينى عارف أركز!

- لأ حاشتغل ، أنا صحيح نسيتها ، بس يعنى باعرف اشوف طشاشا من غيرها

ياأخى سيبك من دلع الخواجات ده، المشرط مش تلم ولا حاجه!

- أنا مش عارف ده ايه بالضبط، بس حطه فى التلج و هات لنا واحد بتاع جراحه أوعيه بسرعه!

- ياللآ يابنى خلص ، الماتش هايبتدى بعد ربع ساعه!

- ياجدع انت شيل الملايه من على وشه ، ده لسه له نفس و بيتكرع!

- إنت متأكد إن الحاله عارفه ان شكلها حيبقى كده بعد العمليه؟

- ريحة شياط؟ ...حريقه......حريقه....!!

- سدوا مناخيركوا، خلاص حاتتفقع!!
- طيب ده شريان ، وده وريد ، وده عصب ، أمال ده يطلع ايه؟ حبل غسيل؟

- مسمار بلاتين مين يابه، شوف له أى مسمار من الوكاله ، عياله أولى!

- ياراجل توكل على الله ، ماهى الأرضيه برضه معقمه!

- عقمى السباك و دخليه بسرعه ، النيله ده بيخر!

- يابت مش وقته ، العيان قرب يفوق!!

- الله يخرب بيتك ، ده عصب يابنى مش أستك بتاع نبله!!

- يووووه ، روحى وانتى طالق!!

- يامامى، دم؟

- اطلب البت بتاعة الحسابات خليها تدفع أهله قبل ما يعرفوا !!

- متخدر؟ خلينا نتفق على النسبه وما تحاولش تغير الموضوع ، يعنى هو هايهرب!

- لأ ياست الحكيمات ، مش أول مره أعمل النوع ده من العمليات ، ليه بقى السؤال ده؟





ياجماعه عاوز اسمع ردود

ياااااااااااااااه نكتة جامدة أوي الدكاترة دوووووول دماغ هههههههههههههه

شكراااااا ليك يا محسن علي الرد
ويارب ماحدش يقع في الموقف ده ابدا

العفوووو يا عمر ويا رب ما يحصلش كده

الله يخليك يا فوكس مان
شكرااا ليك علي الرد الجميل

ههههههههههههههههههههههه
ههههههههههههههههههههههههههههه
ههههههههههههههههههههههههههههههههههه
ايه الجمال ده
بص والله ما هنافق
عجبتنى جدااااااااااااااااااااااااا
هههههههههههههههههههههههه
بقولك يا عمر
لو هتجيلى بليل هاتلى معاك نص كيلو جبنه براميلى
علشان نعمل شاى بقى وشندوتشات جنبه
ونهيص بقى يا ريس
هههههههههههههههههههههههههههههههههههههههه
تسلم ايدك يا عموور
تقبل احترامى ومرورى

الموضوع فعلا جميل أوي من غير نفاق علي رأي أحزان