يلا ياض ياصايع

موضوع: يلا ياض ياصايع الأحد يناير 25, 2009 1:10 am

تذكير بمساهمة فاتح الموضوع :

يلا ياض يا صايع

ازيكم يا جماعه طبعاً انا جايب موضوع معايا عاملوا زى حوار كدا هتفهموا الموضوع بيتكلم عن مشكله ايه من خلال

قرأه هذا الحوار

اتفضلوا
.

.
.

وانا بخبط باب الشقه

ظهر كرش عظيم من وراء الباب يرتدى (فنلة داخلية) وسراول سلم على وطلب منى الجلوس بدأت الكلام يا عمى

والله أنا يشرفنى إن أطلب ايد بنتك للجواز تحرك الشارب الضخم وسمعت صوت جهورى يقول وماذا تعمل (ارتعدت

ونظرت خلفى فلم أجد أحد إذن هذا الكرش هو الذى يتكلم ) أنا حضرتك لسة طالب أمال هازز طولك وجاى ليه(ارتعدت

ونظر.) انت بتبص وراك لييييييييييييييه .لأ مافيش حاجة أنا كنت عاوز اتجوز بنتك وإن شاء الله أبدأ أنا وهى من الصفر

زى بيل جيتس صاحب ميكرو....... صفر ايه وبل ايه اللى أنت بتقوله أنت عندك شقة ما أنا قلت لحضرتك ..روح خلص

دراستك ولاقى شغل وكون نفسك وجيب شقة وبعدين تعالى لكن أدى بنتى لواحد صايع ..بس احنا يا عمو بنحب بعض

قفزت من مكانى ظنا أن هناك زلزال ولكن اكتشفت أن الكرش يتحرك من مكانه وهو بيقول بتحب مين يا....... (ارتعدت

ونظر.. ثم تذكرت إنه الكرش الذى يتكلم ) يا عمو بلاش غلط قلتها وأنا أقفز السلالم وسمعت من بعيد صوت قهقه قال

بيحب قال . ذهبت إلى المنزل وأنا أجر أذيال الهزيمة وقلت لأبى وهو يأكل أن أهلها رفضوا لأنى طالب ومعنديش شقة

قال وهو يلوك الطعام فى فمه ما أنا قلت لك مين اللى( يجوز بنته لواحد صاااااااايع ..طب أنا

عايز شقة نعم منين يا ابن.........هذه المرة لم أحتمل فصحت فى وجهه حرااااااااام قرفتنى من الصبح من الصبح

وبعدين أنا وهى بنحب بعض وحنتجوز ومفيهاش حاجة لما أبدأ من الصفر زى بيل جيتس صاحب ميكرو...صفر إيه وبيل

إيه أنا قلت من الأول التعليم مش حيفيدك اتعلملك صنعة فيها إيه لو كنت اشتغلت حلاق معاية زى أنا ما عملت وأنا

صغير وأدينى دلوقتى عندى محل حلاقة أد الدنيا سيبته ودخلت حجرتى وقفلت على نفسى الباب وتانى يوم سمعت

خطبة جمعة من واحد شيخ وبعد الصلاة دخلت القهوه الراجل ب صاحب القهوه نادانى سلم علي وقاللى مالك

قلتله عايز أتجوز قاللى ما تتجوز قلتله أبوها رفض علشان معند يش شقة ولسة طالب وما بشتغلشى قال عنده حق

وحد يرضى يجوز بنته لواحد صايع لم أشعر بنفسى إلا وأنا أنقض علية وأهل المنطقه يحولوا يشيلونى من عليه وهم

بيقولوا عيب كده ياابنى ده أد أبوك وأنا أفتكر أبوية أضربه أكتر والراجل يضحك ويقول( قال عاوز يتجوز قال) خرجت من

القهوه إلى طريق البحر وقلت أى عربية تدوسنى وأخلص نفسى وبعد ما فكرت 36 مرة وقفت فى الطريق وجت

عربية بسرعة ناحيتى وقبل أن تدهسنى لم أشعر بنفسى إلا وأنا أقفز على الرصيف وأسمع صوته ما تبص أدامك
يا صايع يا ابن ال......
وقررت إنى أعمل إضراب عن الأكل وما خرجش من حجرتى لحد ما حد يلاقيلى حل وبعد عشر أيام لم يلاحظ أبى

وأخواتى إنى عامل إضراب وفجأة انقضضت على الأكل ولم أستطع أن أكمل وبعد أسبوع آخر ذهبت إليها

وقابلتها وقلتلها مفيش حل غير أن احنا نتجوز بالدم من وراهم قالتلى نتجوز بالدم ايه يا صايع انت شايفنى جاية من

الشارع

وبعد نقاش طويل قررنا أن نحب بعض حب افلاطونى يعنى عالبحر وتبقى تخلى السبع ابوها ينشف راسه..

أكيد طبعاً فهمتوا القصه والحوار ودى مشكله يعانوها أكتر شباب اليومين دول وياريت بقا نوصل لحل هنا

برافو يا محمد والله كلام مظبوط ميه فى الميه

الحمد لله ان رأيى سديد

صح يا محمد2 بس ايه حال الشبااااااااااااااب اللى بيقابل تعقيدات من هذا النوع فى حياتو

هقولك
فى مثل
بيقوله
جدى وجدك
الغاوى ينقط بطقيته
واللى معهوش ميلزموش

واللى يبص لفوق رقبته تنكسر
متهيألى الكلام ده يفى بالغرض رداً على سؤالك

بص يا محمد2 الموضوع بيقول ان المشكله ليس فى ضيق حال اليد والاموال فقط
انما يناقش مشكله مغاله المهور وان المفروض التسهيل فى الزاواج

دلوقتى روح اخطب اى واحده وإن ابوها قالك تلت التلاته كام قولى وانا هبعتلك عمامى يظبطولك ام الراجل ده بس هتدى كل واحد فيهم 50 جنيه غير الوجبة
هههههههههههههههههههههههههههههههههههههههههههههههههههههه
اصلهم محترفين شر وميصدقو يلاقو حاجة زى كده
يبنى هو فيه بنت لاقيه تتجوز اساساً اليومين الفقر دول

أها كل واحد يدي الموضوع ده لعمه إللي هو أبو حبيبته ويبينله مناقشتنا فيه

ههههههههههه بس يقابلني لو عرف يتجوز برده

والله اى واحد عايز يتجوز يبقى قد المسؤليه قبل التفكير مش قبل ما ياخد خطوة

أها فعلا وما نستعجلش برده

الموضوع جميل وتسلم الايادي

شكرا يا زفتور على المرور الغالى