جربت تعاكس بنت قبل كده ادخل وشوف

عزيزي الشاب، جربت تعاكس بنت قبل كدا ؟
أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش !
عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟!
تهريج .. بتباتة !
شعب مصر شعب حميمي بطبعه، بيحب الألفة والانسجام والضحك، لدرجة إن في أحيان كتير بتتحول عنده المعاكسة لمجرد نكتة ..
طبعا طرق المعاكسة ومستوياتها كتيرة .. منها المعاكسة التبتة اللي بيفضل الواحد لازق زى الدبان بعد المطر بالظبط ! ودا إما لجمال البنية الباهر – في نظر الدبان طبعاـ أو لأنه حاسس إنه حيطلع من اللزقة دي بفايده !

وفيه معاكسة التهريج، شباب مرمي على النواصي مش لاقي حاجه يعملها غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر، حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج ..

مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟ .. طب تتجوزيني وأرضع العيال ؟!! ) وتلاقي التلاتة ماتوا على نفسهم من الضحك .. طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه ..

أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا ) .. ويا ويلهم لو لمحوهم بيبصوا على جزم بعض !! يأخذوهم تريأة للصبح!
مامتك نحلة ؟
وفيه معاكسات مفتكسة، مثلا الشاب من دول يرمى كلمة يحاول يشد انتباه البنت، زى واحدة ماشي في حالها لا بيها ولا عليها تلاقي واحد متعرفوش بيبصلها وفجأة يقف قدامها ويقولها ( لازم ماما كانت نحلة !! ) طبعا البنت حتفكر ( هو بيجيب سيرة الأم إبن الــ .. )
أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت ... هنا الواد ينط ويقولها بسرعة ( عشان تجيب العسل دا كله !! ) وهو شطارته بقى بعد كدا..

بس مش دايما الشطارة بتنفع .. وفى واحد صاحبى جرب الموضوع دا وقال أول جملة .. راحت البنت بصاله بمنتهى الثقة وقالته له ( إشمعنى ؟ ) بعد ما خلص جملته راحت قايلاله ( تصدق .. وإنت لازم ماما كانت فرخة .. عشان تجيب البيض دا كله !! ) طبعا صاحبنا قعد تلات أسابيع بعدها في البيت .. لحد ما يفقس !

والمعاكسات برضه مقامات يعني معاكسة الماشيين غير معاكسة الواقفين، وأصحاب العربيات لهم طرقهم الخاصة تلاقي واحد بعربية واقف قدام واحدة وهات يا كلاكس وعمّا ل يشاور على تحت وعامل مجنون في العربية .. وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة !! )..

طبعا البنت شافت نمرته وهو بيرجع أو مشافتهاش بس فهمت إنها نمرة العربية من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! )
صوت حريمي .. اقفش !
ومع عن المعاكسة في التليفون قدمت قوي إلا إنها لسه شغالة لحد دلوقتي ولان الدنيا اتطورت والتكنولوجيا دخلت البيوت وفي ظل نظام إظهار الرقم ظهرت خدمات المعاكسات من تليفونات ميناتل والنيل ورينجو، يعني الشاب من دول يشتري كارت بخمسة أو بعشرة وهاتك يا نمر وهو ونصيبه وأول ما يرد عليه صوت حريمي يقفش فيه .. كدا على طول من غير ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. وشرقان كمان !! )

وطبعا كل عشرتلاف مكالمة ممكن واحدة تكمل معاه عشر دقايق على الخط،، وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل !

وفيه معاكسة التليفونات المقصودة .. ودي عادة في المدارس .. واحد خد موبايل واحدة معاه في الفصل ميعرفهاش من واحد صاحبه وقعد يزاولها من أى كابينة تليفون .. أو يكون شافها مرة مع حد من صحابه وياخد تليفونها ويبتدي يظبط هو .. المهم .. التليفونات أثبتت إنها كانت ولازالت وسيلة مهمة للمعاكسة !
من حقهم برضه !
قلت في أول الموضوع خلونا نبعد عن البنات شوية ، بس مش معنى كدا إننا ننساهم ..لأنهم لب الموضوع يعني لو مفيش بنات الشباب هيعاكس مين؟

والجديد دلوقتي إنك تلاقي بنتين – عادة لابسين لبس المدارس الأبيض في كحلي – ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف ! – وهما ماشيين وراه وبيقولوا ( القطة خايفة ولا إيه ؟! ) ..
بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة .. يمكن من كتر ما سمعوا ! بس الموضوع بقى بالنسبالهم وسيلة تهريج

NO COMMENT

موضوع جميل يا إسلام بس ماقولتلناش بتفضل أي طريقة؟؟؟؟؟؟؟؟

اولا اشكر الكاتب الذى علمت انه اسلام
لان بالضبط هذا ميحدث عندما يجد الولد البنت يجن جنونه وهات يامعاكسه

هو فعلا يا ميدو اسمه إسلام وعلي فكرة إسلام بيجيب حاجة واقعية يعني بتحصل في الواقع

نايس موضوع يا اسلام (سمسم) Very Happy

شكرا يا جماعه على كل الردود الجميله دى وبالنسبه لسؤال محسن البرنس انا بتبع طريقه جديده خالص وبريح دماغى من كل الطرق القديمه دى

يا ريت نتعرف عليها يا دكتور إسلام ومنكم نستفيد

هههههههههههههههه ماشى يا محسن مقبوله منك وانا من وجهه نظرى ان البنت اللى تتقل عليها بتموت فيك لكن لو كنت مدلوق عليها ولا هتعبرك وعشان كده انا بحب ابقى تقيل اوى

حتى ولو فى المعاكسه ده اذا كنت بعاكس اصلا

طب تقيل مع البنت إللي بأحبها ماشي بس إللي بأعاكسها إزاي؟؟؟؟؟؟؟؟؟؟

عادى يا محسن مش شرط انك تعاكسها بالكلام وكل يوم ممكن من نظره وتانى يوم ولا كأنك تعرفها يعنى مره ومره مش كل يوم خليييك تقييييييييييييييييييل

الصراحة حكاية النظرة دي مش مع كل البنات دول كلهم بيبقوا مستنيين كلمة حنان لكن معظم

البنات ما يعرفوش الحب بالنظرات واللفتات والصمت الرهيب علي رأي نجاة

ايه يا محسن انت شكلك خام فى الحاجات دى ابقى قابلنى كل يوم سبت فى الجامعه وانا اديلك قرصات فى المواضيع دى ههههههههههه

أكيد بس أنا فعلا من خلال تجاربي أعرف إن البنات في النظرات مش قوي

مش فى مقوله بتقول

نظره ثم ابتسامه ثم موعد ثم لقاء ولا انا غلطان يا محسن؟

صح بس فيه حاجة إنت بتقول نظرة فا بتسامة يعني مش نظرة بس

انا قصدى يا محسن ان اول حاجه هيا النظره يارب تكون فهمت قصدى

أه كده ماشي الكلام Very Happy

ربنا يكتر من البنات الوحشة !!! عشاااااااان تبطلوا معاكسات؟!؟!؟!؟!؟!

البنات الحلوة يا المغربي مالية البلد نعمل إيه بقي الشباب معذورة

تانى خبره وانت مبتفضلش النظره لان .............. ,ولا بلاش شاووووووووووووو يا جماعه ابل ما لغلط في حد

NO COMMENT

ههههههههههههههههههههه هو ده محسن معندوش رد يواجه بيه اى حد والظاهر ان المحامي بتاعه الوه متؤلش الا no commentههههههههههههههههههه الله يسهلك يبنى

خلاص يا بني بقي إبعد عن نفوخي إنت صدعتلي دماغي

ومن الأخر مش عايزك ترد علي موضوعاتي تاني

ههههههههههههههههههههه ده برحتى يا بوب ولا انتا خايف من عيوبك الى انتا مش شيفها

» ادخل وشوف ومش هتندمو
» ادخل وشوف وظيفتك
» قصه رائعه جدا ادخل وشوف
» نكت جامده اخر حاجه ادخل وشوف
» حقائق غريبه ادخل وشوف