المحكمة (شبه كرسي الاعتراف )

اولا احب ابدي اعجابي الشديد بعصام اللي ظبطك بمعني الكلمة
واحب اديك بعض الاسئلة السهلة وربنا هجبلك اسالة هتشوف بس اصبر عليا وحيات عنيا
1-من هو توأم روحك وبلسم جروحك؟؟


2-هل سبق وصدمت في شخص أحببتة وحطيت لة مكانة فوق ما يستحقها..؟!


3-ايهما أهم برأيك المال أم الحب؟ (بكل صراحة )

4-أيهما أقوي الحب قبل الزواج أم بعده في نظرك؟


5-هل يهمك راي الاخرون فيمن تحب؟


6- اول قصه حب عشتها فى حياتك ممكن تحكهلنا ؟

7- سؤال الظبط بقي:
ياريت تحكلنا وبالتفصيل الممل والشيق البنت اللي عصام بيقول عليها حكيتك معها اية ؟؟(وتأكد ان انا كل اسألتي هتتلعب علي النقطة دية )
8- اية هي مشاكل اللي في حياتك وبتواجهك

تيحاتي معوض بيظبط

بسم الله الرحمن الرحيم

الصراحة في بداية كلامي أحب أعترف إنك يا عصام قدرت تمسكني من اليد إللي بتوجعني بس أحمد ربنا دايما ربنا يقف معايا ويساعدني الحمدلله علشان أنا دايما أعمل خير ومن نعم ربنا عليا إن ربنا أعطاني نعمة تخليني ما أثقش إلا في نفسي وحدث إللي كنت أتوقعه السر إذا وقع بين اثنين لم يصبح سرا ومن الحكمة إللي فاتت يتضح الأمر وربنا أعطاني فطنة عالية وفراسة عالية بكسر الفاء ومن هنا حصل الموقف مع عصام وهي إني بأحكيله إن أنا خاصمتها مدة وبسأله أجيبلها إيه علشان أصالحها المهم عرض عليا كذا حاجة قمت رفضتهم كلهم وقولتله هجيبلها دهب لان قيمتها عندي عالية وهنا تظهر المفاجأة ويظهر عصام علي حقيقته ويظهر إنه أكبر قفا عرفته البشرية منذ فجر التاريخ وهي إن أنا عمري في حياتي ما خصمتها وربنا مايجيب خصام وعلشان معوض بيقوللي هترد رد دبلوماسي هأحلفلك وأقولك والله العظيم ما خصمتها من ساعة ما عرفتها وحتي لو حصل كده عمري ماهجيب دهب لأن إنتم عارفين إن الدهب غالي والموقف ده أثبتلي إن ربنا بيحبني لأني كنت باختبر عصام ساعتها بس مش في حفظ الأسرار لكن في مساعدته لصديقه يعني هشوفه هيساعدني
وأحب أٌولك إن إللي أكدلي إنها بتحبني صاحبتها فضحتها وقالتلي وهي اتحرجت ووجهها دل علي كده واعترفت وعلي فكرة أنا بشوفها تقريبا كل اسبوع علشان هي ما بتجيش الجامعة كتير وماعندهاش موبايل وفي نهاية كلامي أحب أقول لعصام الشاطر من يضحك أخيرا هكذا علمتني الحياة

أما إجابة السؤال التاني أحب أوضحلك لو مثلا غلط مع حد وأحس لو اعترفت بالغلط انه مش هيشمت اعترف علي طول لان اللي قدامي هينصحني بالصح وأنا مهما كنت لسه صغير وخبرتي محدودة شيئا ما وحصل قبل كده موقف مع رامي خلاني أعتذرله عليه ورامي ده الملتحي إللي اتكلمت عليه قبل كده في السؤال بتاع المترو

مستني ردك يا حلووووووووو

أما الأسئلة بتاعة معوض فهاجاوب عليها بعد لما أشرب كباية شاي بلبن

في أول كلامي بقولك ماعاش من ظبت محسن وما إتوجدش ولا خلقه ربنا والدليل علي كلامي ده الرد بتاعي علي عصام إبقي اقرأه وبعد شرب كباية الشاي أرد عليك

بسم الله الرحمن الرحيم

1 - تؤام روحي وبلسم جروحي هما شخصيتان حبيبي ورامي وأدعو ربنا إنه مايبعدنيش عنهم لأن رامي ده شخصية محترمة جدااااا وأنا باحبها جدااااااااااااا وهو علي فكرة إللي علمني الروح العالية دي وهو إللي علمني روح التحدي وتقريبا أنا ماقابلهوش يوم غير للما أستفيد منه بحاجة جديدة

2- أنا عمري مااتصدمت في شخص أحبه وده لأني بحسبها صح فإذا كانت المقدمة صح تصبح النتائج صح

3-أنا شايف إن الحب هو إللي أقوي ممكن نستغني في حياتنا عن المال لكن الحب صعب لأن ربنا_سبحانه وتعالي _ خلق لينا عضو مرتبط بالحب وهو القلب والحب مش حرام أما المال ممكن يؤدي لخسارة الناس لبعضها وممكن يستغل لااستغلال جيد في انشاء المؤسسات الخيرية زي الجوامع والممستشفيات يعني المال مهم بصورة نسبية

4-الحب قبل الجواز بيبقي لذيذ أما بعد الجواز ممكن يستمر ويبقي أحسن من قبل الجواز لكن الحب قبل الجواز قليل ما يتحقق فلابد من تدخل العقل في الحكاية ولو بصورة صغيرة ولذلك الحب بعد الجواز بيبقي أقوي لأنه توجد علاقة مقدسة بين الزوجين وإللي بيخلي الحب قبل الجواز قوي الظروف التي ينشأ فيها والسؤال ده اتطرح قبل كده في موضوع منة وأنا رديت عليه يعني سؤال مكرر

5 - أنا زمان ماكانش يهمني رأي الأخرين _مش الأخرون زي ما إنت كاتب علشان مضاف إليه
في إللي بحبها لكن دلوقتي أصبح يهمني رأيهم وخاصة والدي ووالدتي لأن هم أكثر مني خبرة وحنكة يقدروا ينصحوني كويس لكن رأي أصحابي مايهمنيش كتير بس أصحابي المقربين رأيهم يهمني طبعا
6- أنا أول وأخر قصة حب عيشتها في حياتي جاتلي من غير ماأحس اكتشفت ساعتها أنني أحب ودي علي فكرة كانت في تانية ثانوي وحصلت الحكاية منها مش مني وده بسبب تفوقي واسلوبي الراقي في الكلام وباعترافها هي وحسيت ساعتها بإحساس غريب يتوغل في جدران وأعماق قلبي وأن كل دقة في قلبي تنطق باسمها وساعتها كنت باشتاقلها بجنون لكن أول قصة إعجاب في حياتي كانت من واحدة طبعا مش معقول أقول اسمها كانت معانا في زهرة السلام هي إللي كانت بتحبني وأنا لا وطلبت مني إني أمشي معاها قمت رفضت بشدة بس ساعتها كنت صغير في تانية إعدادي لدرجة إنها جابت رقم تليفون البيت مش عارف منين وقالتلي الكلام ده ورفضت الكلام ده طبعا لأني كنت صغير

7- نفس الاجابة

8 -مشاكلي في الحياة زي أي شاب عايز يخلص ويشتغل والبطالة مالية البلد غير كده لابد من الاستقرار وأكمل نصف ديني

وشكراااااااااااااااااااااااا

أحب أقولك يا عصام ردا علي كلامك إللي صادر من فشل ذريع ورهيب وأنا دايما أحب أختبر أصحابي علشان كده أصحابي المقربون عددهم قليل بس أصحاب صعب إنكم تلاقي زيهم اليومين دول ومن الأول حسيت إن عصام ماينفعش إنه يكون صاحبي فحطيته في البلاك ليست حتي قبل ما يقول الكلام بتاعه ده وبعد كده وزي ما بتقول الحكمة رب ضارة نافعة والحاجات دي كانوا بيعملوها في حرب أكتوبر وعشان كده انتصرنا علي إسرائيل وعشان كده انتصرت علي عصام
وسبحان الله دي فطنة أعطاني الله إياها وأعطاني الخبرة برضه لأني أعرف عصام من أيام الحضانة وأعرف عمايله وأحب أقوله أنا ماكدبتش علي المحكمة في حاجة أنا قةلت علي كل حاجة وماخبيتش شئ

وشكرااااااااااااااا

خلاص يا جماعه انا مش مش هسال الشخصيه دى تانى .... و كمان مش على راى احمد سعيد انا مش عايز اعرفه .... عشان اصلا الشخصيه دى مش محترمه اصلا ....... و يا محسن انت متعرفنيش اصلا ... وبتقول ضد النجاح .... ماشى .... انا مش هرد عليك ..... و انت بقى بتتكلم على اللى بدا ...لو عايز تعرف مين اللى بدا اسال اسلام مازن و هو اللى يقولك مين اللى بدا .... ولما اجى ارد فى موضوع .... بايز متتدخلش فيه ..... عشان مش عايز اسمع رايك احسن ......... خلاص بقى متكلمش تانى بليز ..... عشان بجد انا مش طايق

0سبحان الله وبحمدهزسبحان الله العظيم.من قالها مائة مره غفر الله له ذنوبه ولو كانت مثل زبد البحر[/size]

اولآ يا محسن انا معرفكش بس الظاهر انك شخصية لذيذة والناس كلها بتحبكوالدليل على كدة كتر الاسئلة الموجودهعامة احب اسئلك سؤال
ايه اكتر حاجة تخاف منها؟

تعليقا علي كلام إللي اسمه أحمد ولقبه توينز مايهمنيش إني أعرفك عايز تتعلم مني اتعلم مش عايز

خلاص دي حرية شخصية وأنا قولت إنك ضد النجاح من كلامك الشامت لكن مش من شخصيتك

وقد تتفق شخصيتك معه وقد تختلف لكن أنا حكمي علي الظاهر أمامي وأنا عن نفسي لو حطيت

موضوع وده طبعا مابيحصلش مش هرد فيه لكن موضوع حطه غيرك يبقي لازم أشارك برأيي

علشان أفيد الناس ولو مش عايز تسمع رأيي ماتقرأهوش خالص غيرك عايز يقرأه ويستفيد منه

زعلي فكرة لما قلت إني شخصية مش محترمة أنا مش زعلان لأن رأيك فيا ميهمنيش لكن في

الأول والأخر هطلع أنا الكبير في العقل ومش هرد عليك بنفس الرد لكن هأقولك ربنا يسامحك

1 -إللي حصل إن محسن إللي هو العبد لله شايف عصام من النوع إللي مايفيدنيش بحاجة وإن فادني بحاجة يرجع يقول كده وواحدة أعرفها قالها الكلام ده طبعا أنا بقي شكلي وحش فحطيته في البلاك ليست علي طول وعلي فكرة ممكن أصفح عنه بس لما يجيلي مزاجي

2 -إللي كانت معانا في زهرة السلام دي ساكنة قدام واحد صاحبي ووالدها كان في ليبيا واسمها بيتكون من أربعة حروف وماأٌقدرش أقول أكتر من كده

3-أنا هي مرة إللي حبيت فيها طول حياتي بس فيه مرات كتيرة إعجاب بس وأنا لسه ماخطبتش
أخلص جامعة وبعد كده ربنا يسهل والمرة إللي حبيت فيها من تانية ثانوي حتي الأن

4 -العيوب إللي ممكن أقبلها في الإنسانة إللي أحبها هي ممكن تكون بتهزر كتير وأنا علي فكرة من النوع المسامح يعني ما بدققش في الأخطاء لأن الواحد بيشوف حبيبته خالية من الأخطاء وده بصورة عامة

وتحياتي إليك يا أحمد

رد علي الجميل شكرا ليك ده من أصلك وعلي فكرة كل لما ربنا يحب العبد يحبب الناس ليه يعني

ده من حب ربنا عليا أنا أكتر حاجة بخاف منها هي الموت لأن الموت أخد مني شخصيات كتير

كنت وما زلت بحبها زي محمد عبدالوهاب غير كده ناس قرايبي وناس معارف الله يرحمهم جميعا

علشان كده لازم أعمل خير في دنيتي لأجد جزاءه في أخرتي

وعلي فكرة أنا معرفتش اسمك برضه ممكن تدخل منتدي التعارف تعرفلنا نفسك

بص بجد خلاص متوجهليش كلام بقى ......... عشان انت بردوا بتفضب تخبط و فى الاخر تقول انت اللى بدأت و تقول انت بتتكلم وحش ........ ماشى ياريت خلاص بقى ....... عشان بجد انا مخنوق و مش ناقص

as you like

no comment علشان ماترجعش تقول أنا إللي بابتدي وهرد عليك نفس الرد إللي قبل كده ربنا يسامحك

لا والله انت اللى ابتديت و اسال اسلام ....... ساعت لما قولت انت المفروض المشرف و متقولش كده و كلام زى ده ........ يبقى انت اللى بدات ....... و ربنا ان شاء الله يسامحنى ....... يا رب .......... بس انت بردوا مش مقتنع انك بردوا فضولى زياده .... وكمان رد فعلك مش حلوه ...... No Cooment

خلاص بقي مش كل شوية ومن غير no comment استريحت كده

خلاص يا يا جماعة حصل خير انتوا هاتسيوا الموضوع وتتخانقوا يعنى كبروا دماغكوا شوية والمسامح كريم احنا كلنا هنا اخوات فى الاخر ومينفعش نزعل من بعض يعنى

عندك حق يامنة وأنا ما بأحبش أخاصم أو أزعل من حد

أنا علي فكرة يا أحمد باتقبل النقد بصدر رحب وعلي فكرة إنت ماغيرتش الإيميل القديم إللي في

المنتدي وعلي فكرة برضه أنا شوفتك النهاردة قدام العيوطي حتي بالأمارة كنت لابس طقم جينز

احب اشكر من ساهموا في الخناقة

اعتقد كفايا تونز و محسن قبلوا بعض واتخنقوا فككوا بقي

س: لو مثلا البنت اللي انت بتحبها لقيتها ماشية مع واحد غيرك وشوفتها وشفتك فيس تو فيس هتعمل اية فيها ياريت تجاوب بصراحة (يا ترا هتعيط مع نفسك ههههههههههه والا هتروح تديها بالقلم )

س: اية اكتر حاجة بتدايق منها في حياتك كلها ياريت تقول كذا حاجة لينا (عل الاقل 3 حاجات)

طلب مني من غير ما تعلق علية لو سمحت يا محسن ياريت تنهي المشاكل مع تونز لو سمحت

س: اية اكتر عضو بتحبوا :لازم واحد بس لازم واحد بس اديني بكرر عشان هتقولي كلوا هقولك لازم واحد :
واية اكتر شخص مش بتحبوا في المنتدي او زعلان منوا لازم تذكر شخص هتقولي مفي هقولك لازم تذكر شخص

معوض بيظبط