المحكمة (شبه كرسي الاعتراف )

تذكير بمساهمة فاتح الموضوع :

السلام عليكم ورحمة الله وبركاته

اولا يا جماعة دية لعبة جميلة جدا جدا جدا
ثانيا هنعمل تصويت بين الاتنين علي إللي يقعد في المحكمة ونسأله أسئلة أي سؤال وأي حد عايز يسأل يسأل

وإللي هيقعد في المحكمة دية المدة بتاعة إللي هيتسأل لية وهو هيجاوب عليها حوالي 7 أيام بحيث يتعصر أسئلة
وبعد كده نختار اتنين كمان ونصوت بينهم والاكتر هيقعد علي الكرسي وهكذا

ومدة التصويت يا جماعة حوالي 4 أيام I love you

وهيقف لوحدوا

اتمني إن الفكرة دية تكون جميلة وحلوة ولعبة مسلية

lol!

شكرااااااا جزيلااا ااااااا يا مني الشرقاوي برضه علي البراءة بس مش عارف منة هتقدر تستحمل كل ده إزاي الشغلانة دي صعبة قوي ما يقدرش يستحملها غير الرجالة

هههههههههههه
لالا ان شاء الله هتستحمل
البنت برضه ب 100 راجل وزياده Very Happy

انا لو عليا مش عايزة ادخل وحياة ربنا انا مش هاقدر بصراحة استحمل المطحنة دى
فياريت كل واحد يسال سؤالين كدة فى اللذيذ وخلاص وربنا معايا بقى

أتمني ذلك يا ثريا إن منة تكون بمائة رجل في المحكمة وعلشان أوفي بوعدي يا منة من الأسئلة

إللي كنت بأنتظرها أسئلة كتيرة منها إيه الشخصية إللي ساهمت في تأسيس شخصيتك غير كده

وكيف نشأت وإيه أكتر موقف خلاك معتز بنفسك كده يعني أسئلة من دي وأنا بطلع رجل لأخر وقت

وده لإني بجاوب لأخر لحظات ليا في المحكمة بعد لما أخدت البراءة والصراحة يا منة إنتي هتبقي

في موقف لا تحسدي عليه زي إيمان بتاعة ستار أكاديمي كده وما أعتقدش إن حد حيرحمك وده

بسبب تغيبك إللي أنا عارف إنه كان غصب عنك بس أعتقد إن الحكاية هتبقي ضرب نار برضه

وفي الأخر بقولك لكي الله

طب بلاش كتر كلام ونخش ف المهم ..سؤالين ايه يامنومنه الي انت عايزاهم دانت هاتلاقي

مجزره اسأله ياهربانه من حكم التنفيذ...

نبتدي بالسهل..!

1- مين انت بالظبط..؟(وماتقوليش منه طبيعي)..يعني عرفينا بشخصيتك اقصد.؟

2- ايه اكتر موقف محرج واكتر موقف حسيتي انك ضعيفه قدامه ايــــــــــه وبصراحه؟

3 - ايه اكتر شخصيه بتنجذبي اليها...والي مش بتنجذبي اليها ليه برضه ..؟

4- ايه هيا مواصفات فتي احلامك بوضوح شديد جدا ...!.؟

5 - اختاري 5 اعضاء من المنتدي ..واوصفيهم وقولنا رأيك فيهم...؟

6- بتفضلي قاعده الاصدقاء ولا قاعده البيت (كلتا الحالتين تقولي السبب)..؟

كفايه كده

جس نبض اولا....تقبلي تحيااااااااااتي يامنومنه

يا سعيد براحة شوية مش من أولها إبتيدلها الأول بسؤالين علي الماشي وبعد كده أرزع عشرين سؤال إذا كان أنا فأنا دلوقتي في مستشفي الأمراض النفسية من كتر الأسئلة مش عارف هي هيجرالها إيه

اولا احب اوجة شكري لمحسن اللي بيحاول يتذاكا علينا والله بنعديها بمزجنا Smile

وبعد كدة الله يكون في العون معاكي يا منة ولو سمحت واديني بطلب منك يا منة لو اي سوال معجبكيش ياريت متقوليش شيلوا عشان لو حصل كدة هحطوا واحط غيروا من نفس النوعية لان مفيش رحمة لان محسن اطحن هو و عصام وعقبالك Smile

حبة اسالة علي الماشي
1- بتحبي اية اكتر حاجة في الدنيا ؟
2- بتحبي الشخصية العقلانية والا الشخصية العاطفية لئما دية لئما دية انا مقولتش ان في وسط لئما دي لئما دي؟
3-لو بتحبى واحدة صحبتك اوى .. و لاقيتى حبيبك معاها .. ؟؟ هتعملى اية فى المنظر دة ؟؟
4-تحبى حبيبك يبقى حنين اكتر ولا مخلص اكتر ؟ اختارى واحدة تبقى غالبة عليه ؟
5-ايه اكتر حاجة بتشدك للواحد اللى قدامك ... فى شكله و فى شخصيته ؟
6-لو في قصص حب قبل كدة وفشلت كان ايه احساسك بعد فشل اول قصة حب فيهم ليكى ؟ ظلم ولا فشل ولا ايه ؟
7-ودة اخر سوال ا يه اصعب سؤال فى الاسئله اللى اتوجهتلك وايه السؤال اللى مش جوبتيه بضميير فيهم
المحكمة (شبه كرسي الاعتراف ) - صفحة 11 Shiny

المحكمة (شبه كرسي الاعتراف ) - صفحة 11 Shiny

؟

انت ما صدقت يا سعيد ولا اية حرام عليك واية البداية الجامدة دى
هما دول السؤالين الى قولت عليهم ماشى على العموم ليك يوم يعنى وردا على اسئلتك بقى:

1- مين انت بالظبط..؟(وماتقوليش منه طبيعي)..يعني عرفينا بشخصيتك اقصد.؟
انا زى اى بنت فى الدنيا كلها
شخصيتى عادية جدا بحب كل الناس وباخد على الناس بسرعة بحب الضحك. بحاول على قد ما اقدر انى مخليش حاجة تضايقنى بس
2- ايه اكتر موقف محرج واكتر موقف حسيتي انك ضعيفه قدامه ايــــــــــه وبصراحه؟
اكتر موقف احرجنى اول سنة ليا فى الجامعة لما غيرت جدولى بتاع المحاضرات وبابايا كان جابهولى وشاف الاتنين لقى دة واحد ودة واحد تانى خالص يعنى فمكنتش عارفة ارد اقولة اية بس بعد كدة خلاص محاولتش اكررها تانى يعنى هو فى الاول كدة يعنى لما لقيت كلة بيغير الجدول وكدة عملت زيهم عشان نبقى جدول واحد زى بعض
واكتر موقفببقى ضعيفة قدامة لما بحب حد .ببقى ضعيفة جدا قدام اللى بحبة
3 - ايه اكتر شخصيه بتنجذبي اليها...والي مش بتنجذبي اليها ليه برضه ..؟
اكتر حاجة بتجذبنى فى الشخص اللى قدامى انة طول ماهو قاعد بيهزر
انا عارفة كلة هايقول انى تافهة بس مش مشكلة هى دى بصراحة اكتر حاجة ممكن تجذبنى فى الشخص الى قدامى يعنى هو اكيد فية حاجات تانية يعنى مثلا انة يكون عاقل وبيفهم ومثقف فاهم الدنيا كويس بس اكتر حاجة بحب الشخصية المرحة جدا
واكتر حاجة مش بنجذب ليها انة يكون انسان كداب بجد بقرف انى اتعامل معاة مش بحب الكدب دة ابدا اى نعم انا بكدب ماشى وكلنا بنكدب بس مش على طول وانا بجد لما الاقى الى قدامى دة كداب بصورة مش طبيبعة مش ببقى عايزة اتعامل معاة ومش بنجذب لية
4- ايه هيا مواصفات فتي احلامك بوضوح شديد جدا ...!.؟
مواصفات فتى احلامى بقى بوضوح شديد جداااا
انة يكون جذاااااااااب جدا و لازم يكون طويل كمان مش شرط وسيم قوى يعنى بس جذاب
تانى بقى واهم حاجة من الاولانية انة يكون بيحبنى جداااااااا دى اهم حاجة عندى بجد ويكون مهتم بيا جدا ويستحملنى فى كل حاجة واكون عندة اهم حاجة فى حياتة
وبالنسبة لشخصيتة لازم يكون شخصية مرحة ويكون دمة خفيف جدااااا ويكون عاقل برضة ومتدين طبعا ويكون انسان ناجح فى حيانة وميكونش خنيق وممل وقادر يفهمنى وانة يبقى راجل بجد يعتمد علية مش عيل ويكون رومانسى جداااااااااااا
5 - اختاري 5 اعضاء من المنتدي ..واوصفيهم وقولنا رأيك فيهم...؟
1 معوض هو بيهزر كتير بس هو مش كدة
2 محسن حاساة انة بيفهم فى كل حاجة وردودة دبلوماسية وواثق فى نفسة قوى
3 اسلام جامد جدا ودمة خفيف وانسان كويس جدا
4 عصام حاسة انة مش طايق نفسة وعايز يهج من هنا باى طريقة
5 توينز انا معرفوش معرفة شخصية يعنى بس هو هادى قوى
6- بتفضلي قاعده الاصدقاء ولا قاعده البيت (كلتا الحالتين تقولي السبب)..؟
[size=18]قاعدة الاصحاب طبعا يعنى وانا هاقعد فى البيت اعمل اية
وبعدين وانت مع اصحابك بتعمل اللى انت عايزة ونقعد نضحك ونهزر وكدة لكن فى البيت مش بعمل اى حاجة باجى انام او بقعد قدام الكمبيوتر وخلاص [/size]

والف سلامة عليك يا محسن وعندك حق دول مش بيرحموا واللهى ربنا يعديها على خير

متشكرة يا معوض على احساسك الجميل دة وحاضر مش هاطلب ان حاجة تتشال عشان انا عارفة الرخامة
وبلاش اسئلة كتير كدة فى الاول حرام عليكوا داحنا لسة بنقول يا هادى
واجابة الاسئلة بتاعتك:
بتحبي اية اكتر حاجة في الدنيا ؟
مامتى
2- بتحبي الشخصية العقلانية والا الشخصية العاطفية لئما دية لئما دية انا مقولتش ان في وسط لئما دي لئما دي؟
بصراحة العاطفية
3-لو بتحبى واحدة صحبتك اوى .. و لاقيتى حبيبك معاها .. ؟؟ هتعملى اية فى المنظر دة ؟؟
هاسمع عرفت اللى فيها Sad

مش عارفة واللهى بجد رد فعلى ممكن يكون اية ساعتها بس اللى هايحصل بعد كدة لو اتاكدت فعلا انهم بيحبوا بعض يعنى خلاص هاقطع علاقتى بيهم هما الاتنين ويغوروا بعيد عنى
4-تحبى حبيبك يبقى حنين اكتر ولا مخلص اكتر ؟ اختارى واحدة تبقى غالبة عليه ؟
لا مخلص اكتر
5-ايه اكتر حاجة بتشدك للواحد اللى قدامك ... فى شكله و فى شخصيته ؟
فى الشكل انة يكون طويل واسمر وجذاب
وفى الشخصية انة يكون دمة خفيف ومتدين
6-لو في قصص حب قبل كدة وفشلت كان ايه احساسك بعد فشل اول قصة حب فيهم ليكى ؟ ظلم ولا فشل ولا ايه ؟
لا عادى مش ظلم ولا حاجة ولا فشل برضة هو الواحد بيبقى مخنوق شوية كدة والحكاية بتعدى يعنى محدش بيوقف حياتة عشان خاطر حد وخصوصا لو كان الحد دة اصلا ميستهلش
7-ودة اخر سوال ا يه اصعب سؤال فى الاسئله اللى اتوجهتلك وايه السؤال اللى مش جوبتيه بضميير فيهم
عيب عليك كلة جاوبتة بضمير على فكرة
ومكنش فيهم حاجة صعبة للدرجة يعنى
بس المهم ربنا يهديك ويهدى الباقى عليا

اسالة حلوة
1- اكتر حاجة تجرحك من حبيبك ؟
2-انتي راضية عن نفسك والا لا ؟ ولية اة ولية لا ؟
3-حبيتي قبل كدة من اول نظرة ؟ امتة ؟
4-انتي شايفة ان حب الوقت اللي في الزمن الوقت صح والا غلط ؟
5-اية اكتر كلمة عايزة تقوليها للشخص غالي عندك (دة لو في حد غالي Very Happy

)؟
6-لو انتي معجبا بحد وفي نظرات بينك وبينوا cyclops

وحاسة ان الواد دة هيجي يكلمك وحاسة كمان ان هو واصحبوا بيتكلموا عليكي وراحت صحبتك قالت وسطكوا انا معجبة بالواد دة وكدة ياترا بقي هتعملي اية

؟
7-اية اللي اكتر حاجة عجباكي في المنتدي واكتر حاجة مش عجباكي ولية ؟
8-بأمانة وبأخلاص النت احلي والا الحياة العادية ؟
9-اوحش حاجة في النت وفي الحياة العادية؟

نايس طحن يامعوووووض ..اسألتك ف الصميم

شويه اسأله فالسريع كده يامنمونه..

2- انت قولتي انك بتقضلي الشخصيه المرحه اكتر من الجاده ...طب تعملي ايه لو الي

بتحبيه شخصيه مرحه ومش جاد (مستهتر) والشخصيه الجاده (طيب وبيحبك وملتزم) هايبقي

موقفك ايه ساعتها وهتختاري من ف الوقت ده؟

3- كان ليكي حب اول ولا لا لو مستمر احكيلنا عنه ولو فشل برضه ليـــــه؟؟

4- اكيد كل واحد من البشر مر بمراحل طفوله معينه ..ايه مراحل طفولتك (والا انتي لسه

طفله )..؟

5- انت شايفه ان الحب ع الشات ممكن ينجح ولا لا...اجابتك لو نجح ليــــــه وبرضه لو

منجحش ليه برضه؟

6- ايه رأيك ف المنتدي بشكل عام ..وايه رأيك ف الاعضاء ..لو في نصيحه ممكن توجيها

لاحد الاعضاء تقوليها لمين ..! ..؟

7- باقه ورود تهديه لميـــــــن..وباقه شوك تهديها لمين وبصراااحه...؟

1- ايه هي نقاط ضعفك بصراحه..؟

أزيك يامنمونه
انا والله كنت جايه اديكى حبه اسئله بس لقيتك مطحووووووووونه ممووووووووووت
فأنا اسلم بس كده دلوقتى ويارب تكونى براءه
وادخل بعد مااالمطحنه تهدى شويه واعرف اسألك برااااااااااااحتى Twisted Evil

يا ثرايا بليززززززززز بليززززززززز مفيش رحمة في المطحنة وهي مفيش حاجة اسمها برائة دية في المحكمة يعني لازم تتسال انتي لما تكوني مكنها هتتطحني بردوا
وفين محسن اللي كان بيسأل يا ترا نام والا اية

يا جماعة ما فيش رحمة بس أنا بأبحث في ثرايا شخصية منة علشان أسئلتي تبقي تقيلة ومستنيلها روقة كده ومن الأن فصاعدا ما فيش براءة لإني هدقق في كلام منة كويس وهعمل رسالة دكتوراة عليه يعني إللي هيأخذ براءة بعد كده هيأخذها بطلوع الروح ده إن خدها من أصله ومن هنا بقي هتظهر شخصية الجلاد الذي لا يرحم Very Happy

بصي يا منة يا بعد كدة بقي تنظمي وقتك وتجوبي بسرعة عشان انا ورايا اسئلة تانية Smile

كتير اوووووووووووووووووووووووووووووووووووووووووووووووووووووووووووووووي

معلش ياجماعه اتأخرت شويه لكن هرجع بشويه اسأله لمنون الهاربه من اعداله ونبدا بسم الله

1_مين اكتر شخص بتحبيه و(ماتقوليش بابا وماما)وكان نفسك تعيشى معاه لكن ماحصلش نصيب او اكتشفتى انه حب من طرف واحد؟

2_لو كان حصل فعلا حب من طرف واحد كان ايه شعورك بعد الخروج من التجربه دى وازاى قدرتى تكملى حياتى ؟

3_انتى قولتى انى عايز اهج من البلد ايه اسباب تمسكك بيه ؟

4_هل تحبى الشخص اللى ترتبطى بيه يكون اكبر منك سنآ وعقلآ ولا سنآ بس ولا عقلآ بس؟

كفايه عليك الشويه الصغيرين دول

شكــــــــــــــــــــــــــــــــــرآ

اسالة حلوة

حلوة قوى بصراحة Evil or Very Mad

1- اكتر حاجة تجرحك من حبيبك ؟
اكتر حاجة تجرحنى من الى بحبة انة يكون مش مهتم بيا او احس انة مبقاش بيحبنى زى الاول
2-انتي راضية عن نفسك والا لا ؟ ولية اة ولية لا ؟
لا بصراحة مش راضية عن نفسى. ممكن عشان مش عارفة اعمل حاجة انا بقررها برجع فى كلامى على طول مش عارفة اخد موقف واثبت علية فية حاجات اة بقررها ماشى بس الاغلبية مش بعرف او معنديش ارادة انى اعمل الحاجة دى ودى حاجة مضيقانى جدا ونفسى انى اغيرها فيا
3-حبيتي قبل كدة من اول نظرة ؟ امتة ؟
لا محبتش من اول نظرة قبل كدة
4-انتي شايفة ان حب الوقت اللي في الزمن الوقت صح والا غلط ؟
اة طبعا صح وبعدين ماهو فى اى وقت زمان او دلوقتى اسمة حب برضة بس اللى بيتغير ممكن الظروف اللى حوالية وكمان الاشخاص اللى بيحبوا يتوقف عليهم اذا كان الحب دة صح ولا غلط او ممكن انة يستمر او مش هايستمر
5-اية اكتر كلمة عايزة تقوليها للشخص غالي عندك (دة لو في حد غالي Very Happy

)؟
اة طبعا اكيد فية حد غالى عندى اية اللى هايخلية مفيش
وبقولة انة غالى عندى Very Happy

6-لو انتي معجبا بحد وفي نظرات بينك وبينوا وحاسة ان الواد دة هيجي يكلمك وحاسة كمان ان هو واصحبوا بيتكلموا عليكي وراحت صحبتك قالت وسطكوا انا معجبة بالواد دة وكدة ياترا بقي هتعملي اية ؟
لو انا كمان بحبة بجد بقى وحاسة انة هو كمان بيحبنى هاكلمة قبل اما حد ياخدة منى
لكن لو الموضوع مجرد اعجاب بس يعنى وصاحبتى بتحبة اكتر منى هاسيبة يعنى لو بتحبة اكتر منى وهو كمان بيحبها
7-اية اللي اكتر حاجة عجباكي في المنتدي واكتر حاجة مش عجباكي ولية ؟
اكتر حاجة عجبانى اننا كلنا فية اصحاب وكلنا عارفين بعض
والى مش عاجبنى انة محدش بيرد على موضوعى لحد اما وقف Crying or Very sad

8-بأمانة وبأخلاص النت احلي والا الحياة العادية ؟
بامانة وباخلاص Very Happy

الحياة العادية طبعا
9-اوحش حاجة في النت وفي الحياة العادية؟
اوحش حاجة فى النت انة بقى بطئ جدا دة بالنسبة اللمواقع يعنى وكدة
اما لو بالنسبة للكلام على النت او انى اكلم حد شات وكدة دى مش بحبها قوى
هو اة انا بكلم اصحابى على النت ماشى بس مش ببقى شايفة اللى بكلمة واية انطبعاتة ودى حاجة مش بحبها

اهدى شوية يا معوض انت وسعيد حرام عليكوا انتوا فعلا ماصدقتوا Shocked

2- انت قولتي انك بتقضلي الشخصيه المرحه اكتر من الجاده ...طب تعملي ايه لو الي
بتحبيه شخصيه مرحه ومش جاد (مستهتر) والشخصيه الجاده (طيب وبيحبك وملتزم) هايبقي
موقفك ايه ساعتها وهتختاري من ف الوقت ده؟

لا هو مش لدرجة مستهتر يعنى فى حدود المعقول مانا مش هاحب واحد اهبل يعنى
ولو اتحطيت فى الموقف دة هاختار بصراحة الشخصية الجادة لانة محترم وبيحبنى وملتزم طبعا
واكيد هايبقى يهزر يعنى Laughing

3- كان ليكي حب اول ولا لا لو مستمر احكيلنا عنه ولو فشل برضه ليـــــه؟؟
هو انتوا معندكوش غير السؤال دة وطبعا هايتكرر كتييير انا عارفة ومن الاول كدة
انا لا بحب حد ولا حد بيحبنى ولا حبيت قبل كدة ولا عايزة احب بعد كدة

4- اكيد كل واحد من البشر مر بمراحل طفوله معينه ..ايه مراحل طفولتك (والا انتي لسه
طفله tongue

)..؟
لا الحمد لله كبرت Surprised

بس طفولتى عادية يعنى
انا اول واحدة اتولدت فى عليتنا فكنت مدلعة منهم كلهم يعنى غير كدة مفيش حاجة طفولتى زيكوا يعنى

5- انت شايفه ان الحب ع الشات ممكن ينجح ولا لا...اجابتك لو نجح ليــــــه وبرضه لو
منجحش ليه برضه؟
لا طبعا انا شايفة انة مبينجحش وانا مش بعترف بية اصلا
ازاى حد يقعد يكلم حد ويحب فية وهو مشافهوش وبعدين لما يجوا يتقابلوا بقى تلاقية قرد وهى قردة والموضوع بايظ يعنى فعلى اية من الاول

6- ايه رأيك ف المنتدي بشكل عام ..وايه رأيك ف الاعضاء ..لو في نصيحه ممكن توجيها
لاحد الاعضاء تقوليها لمين ..! ..؟

المنتدى زى الفل طبعا مقدرش اتكلم
والاعضاء كلهم اصحابى واخواتى يعنى
والنصيحة ليك انت ومعوض بلاش اسئلتكوا الرخمة

7- باقه ورود تهديه لميـــــــن..وباقه شوك تهديها لمين وبصراااحه...؟
باقة ورد لكل الى فى المنتدى ما عدا انت ومعوض flower

وباقة شوك ليك يا سعيد

1- ايه هي نقاط ضعفك بصراحه..؟
نقط ضعفى وبصراحة اى حد بحبة مش برفضلة طلب لو اعرف اعملة ولو مش بعرف بحاول على قد ما اقدر

ازيك انتى يا ثريا ؟؟؟؟؟؟؟
اناا تمام الحمد لله جداااااااااااااا زى ماانتى شايفة كدة
وشكرا جدا انك حسيتى بالمطحنة اللى انا فيها دى وياريت متكونيش شريرة زيهم Question

وعقبالك ان شاء الله

وملكش دعوة يا معوض بحد كفاية الدور الى انت قايم بية

وربنا يهديك يا محسن انت كمان

حمد الله على السلامة يا عصام Smile

واجابة اسئلتك:
1_مين اكتر شخص بتحبيه و(ماتقوليش بابا وماما)وكان نفسك تعيشى معاه لكن ماحصلش نصيب او اكتشفتى انه حب من طرف واحد؟
تامر حسنى Laughing

2_لو كان حصل فعلا حب من طرف واحد كان ايه شعورك بعد الخروج من التجربه دى وازاى قدرتى تكملى حياتى ؟
لا محصلش
3_انتى قولتى انى عايز اهج من البلد ايه اسباب تمسكك بيه ؟
يعنى على الاقل انك فى وسط اهلك واصحابك هنا
لكن هناك محدش ضامن ظروفة خالص لازم هاتتبهدل فى الاول لغاية ما توصل للى انت عايزة وبعديت لما تتبهدل بين اهلك هنا احسن ما تبقى لوحدك برة
على الرغم ان فية حاجات وحشة كتير هنا ولازم تتغير بس اى كان هى احسن من غيرها
4_هل تحبى الشخص اللى ترتبطى بيه يكون اكبر منك سنآ وعقلآ ولا سنآ بس ولا عقلآ بس؟
لا افضل انة يكون فى نفس سنى عشان نبقى فاهمين بعض اكتر هايكون احسن من حد اكبر منى بالنسبالى ولازم طبعا انة يكون اكبر منى فى العقل لانى متخلفة اوقات كتير ولازم ارتبط بحد اعقل منى

ميرسي اوي يامنه علي باقه الشوك ديه بجد احساسك عالي اوي..!

ع العموم ده تذكاار منك وبالنسبه للاسئله سعادتك والله انا عندي اسأله ارخم من دول بمراحل

بس احنا لسه ف الاول يعني متستعجليش علي رزقك...

بس الحق يقااااال...احييك علي جرأتك وبساطك في اجاباتك رغم انها مليانه شتايم ليا

ومعوض...خالص تحياااتي ليكي ..وتقدري تخدي البراءه (بعد عمر طويل).

بس .. وعايز اقولك حاجه ده اسمه كرسي اعتراف يعني توقعي الحلو والوحش فـــــيه

قعبالك ياثريا لما تتطحني انتي كماااااااااان...

العفو يا سعيد دى اقل حاجة ممكن اقدمهالك Smile

وبعدين اسئلة اية اللى ارخم من كدة دى ربنا يهديك خليك كويس كدة للاخر Very Happy

أولا السلام عليكم ورحمة الله وبركاته أما بعد أنا طبعا بدأت كلامي بالسلم وده يديكي واقع إن أسئلتي هتكون سهلة لكن الحقيقة هتشوفيها وتحكمي بنفسك وهيخليكي تقولي عليها إنها أسئلة ضرب نااارومن غير إطالة ندخل علي طول في الأسئلة بس قبل ما أدخل في الأسئلة أحب أعرفك إني مجهز حاجة وستين سؤال كده Twisted Evil

منهم بتاع 5 أسئلة محروقة
الأسئلة
1- ماهي أكتر الشخصيات التي تثقي فيها؟

2- هل تختاري أصحابك بدقة ؟ أم تتركي الحبل علي الغارب وتبقي إنت وحظك؟

3- ماهي العوامل التي جعلتك تفضلي الشخصية العاطفيةعن الشخصية العقلانية ؟ولماذا ؟وكيف تم تغليب الشخصية العاطفية عن الشخصية العقلانية؟

4-ماهو هدفك في الحياة؟ وكيف تستطيعين تحقيقه ؟وهل تسعين بجدية لتحقيقه؟وماذا تفعلي إذا وجدتي شخصية تقف أمامك لتحقيقه؟

5- هل أنتي سريعة الانفعال ؟وماذا تفعلي إذا واجهك موقف يجعلك شديدة الانفعال ؟

6-ماذا تفعلين أمام الأشخاص المخطئين في حقك ؟وكيف تتعاملين معهم بعد ذلك ؟

7-ما تعريف الخوف بالنسبة لكي ؟

8-ممن تخافين ؟ ولماذا ؟

9-ماهو أكثر موقف محرج تعرضتي له مع أصدقائك؟ ومن السبب في هذا الموقف المحرج؟

10- كم مرة تخاصمتي مع أصدقائك ؟ واذكري سبب هذه المرات ؟ ولو مافيش يبقي تقوللي إن شاء الله مشكلة صغيرة بس ساعتها هاعتبرها برضه إجابة ضعيفة

11-كيف تقضين يومك؟ بصورة مفصلة

12- هل في يومك شيئ تشعري إنه مفيد فعلا؟

13- ما أفضل منصب تتمنين الوصول إليه في هذه الحياة ؟

14- ماأكثر ما يعجبك في النت؟ولماذا تجلسين أمام الكمبيوتر بتاعك؟(الحاسب الألي )؟

15- ما أفضل وسيلة للحب من رأيك؟ وكيف يمكن الوصول إليه وتحقيقه من أكثر الطرق؟

16-بما أنك شخصية مرحةأذكري لنا أطرف موقف تعرضت له؟

17-بما أنك شخصية مرحة أذكري لنا أطرف نكتة حكيت لك؟

18- متي تشعرين بالذنب؟

19-متي تحاسبي نفسك علي خطأ إرتكبتيه؟

20-متي تشعري بأنك شخصية ذات قيمة في الحياة؟ وأين؟ومع من؟

إلي هنا انتهت الأسئلة ودول علي فكرة في الشكل 20 سؤال بس لو عددتيهم ممكن تلاقيهم بتاع 40 أو 50

مستني الإجابات بسرعة علشان أجيب الدفعة التانية من الأسئلة Twisted Evil

ازيكوا يا جماعه عاملين ايه ............... وحشنى جدا بجد
احب اقول لمنه اثيتى دى مجرد اسئله مش اكتر و انتى بتردى عليها .......... ربنا معاكى
و انا مش هادى اوى كده على راى منه ........ بس مع الناس اللى معرفوش بكلمش معاه اوى ... لكن اللى بعرفه ...... عادى بقى
انا هسال سؤال وحيد : مش معنا بقى اللى بيشدك يكون طويل ....؟؟
يالا بقى حاجه كده على الماشى Smile

» كرسي الجبلاية.. يهتز زاهر عاد لانتخابات الرئاسة.. والمنافسة من درويش وخليل وشاكر
» صور البشير علي هدايا للمتظاهرين ضد المحكمة
» إريتريا ..تتحدي المحكمة الجنائية الدولية
» المحكمة الجنائية الدولية تكيل أزمتي غزة ودارفور بمكيالين
» المحكمة تستمع إلى متهم من زعماء الخمير الحمر