المحكمة (شبه كرسي الاعتراف )

تذكير بمساهمة فاتح الموضوع :

السلام عليكم ورحمة الله وبركاته

اولا يا جماعة دية لعبة جميلة جدا جدا جدا
ثانيا هنعمل تصويت بين الاتنين علي إللي يقعد في المحكمة ونسأله أسئلة أي سؤال وأي حد عايز يسأل يسأل

وإللي هيقعد في المحكمة دية المدة بتاعة إللي هيتسأل لية وهو هيجاوب عليها حوالي 7 أيام بحيث يتعصر أسئلة
وبعد كده نختار اتنين كمان ونصوت بينهم والاكتر هيقعد علي الكرسي وهكذا

ومدة التصويت يا جماعة حوالي 4 أيام I love you

وهيقف لوحدوا

اتمني إن الفكرة دية تكون جميلة وحلوة ولعبة مسلية

lol!

المهم السؤال

السؤال التالت ليا وهو سؤال هادي شوية إيه أكتر موقف ضحكك وأكتر نكتة ضحكتك وتقول

الموقف لمين والنكتة لمين؟

الموقف معاك يا ابو حميد فاهم طبعا والنكته من غير زكر ليها كانت فى ثانويه من واحد صحبى

أه الموقف افتكرته وبلاش احراج أما النكتة بقي قولها لإني ما اعرفهاش

يا محسن انا قصدى اننا نختار اتنين وعقبال يوم الاتنين يجى نكون اخترنا اللى عليه الدور

انا رايي نخليها يوم الاتنين لسبب ان الموضوع ده واكل الجو من باقي موضوعات منتدي الحب

والرومانسية وبكده هيتسمي منتدي المحكمة مش الحب والرومانسي

الظاهر الكل عايز يسلخ عصام فانا من رايي اخر يوم الاتنين وبعد كده نعمل استفتاء بتاع ثلاثة ايام وبعد كده نبدأ الموضوع مع العضو التاني

ازيكوا ياجماعه
وازيك ياعصام انت شكلك ياعييييينى خلاص اتبهدلت اسئله وعلشان كده انا جايبه كام سؤال كده خفاف Evil or Very Mad

ونبدأ بقى :-
* ايه اكتر قسم عاجبك هنا فى المنتدى( من غير دبلوماسيه)؟
* متى انذرفت منك دموعا غصب عنك؟
* هل تعشق البحر ؟ ولو اه ايه السبب ولو لا برضه ايه السبب؟
* هل تشعر بالرضا؟
* موقف حسسك ان الدنيا لسه بخير؟
* كيف تتصرف مع انسان تجد فيه عيوبا فاضحه وهو لا يشعر وتخشى اذا وجهت له نقدا ان تجرحه بقسوه؟
* ماذا يعنى لك:-
الصفاء - الامل - الوفاء - الاخلاص - الحب؟
(بس اوصف كل كلمه بكلمه واحده او عباره صغيره مش موضوع تعبير يعنى)
* همسه بأذن عضو ...... ماهو العضو وماهى الهمسه التى ستهمس بها فى اذنه؟
* موقف مر بك وتمنيت ان تنشق الارض وتبلعك .ماهو ؟
* من كاتم اسرارك؟
* ياترى بعد 10-15 سنه نفسك تبقى ايه ومين ومع مين؟؟
* ايه اكتر حاجه بتجذبك فى الشخص اللى ادامك؟
* ايه اكتر موقف عملته فى حياتك وكنت انت غلطان فييييه اووووووى ولسه ندمان عليه لحد دلوقتى ومش ممكن تنساه؟؟؟؟؟
* لو اديولك فرصه تعيد شريط حياتك من الاول تانى ياترى تحب تغير ايه ؟؟؟
واخيييييييرا بقى
ايه السؤال اللى انا سالته ومكنتش عايزنى اسأله ؟
وايه رأيك فى الاسئله ؟
وانا زهقتك بأسئلتى ولا لا ؟ Crying or Very sad

وكفاااااااايه كده بقى النهارده عليك
ويمكن الحقك تانى قبل ماتقوم من ادام المحكمه Twisted Evil

كل دى اسئله يا ثريا ؟؟؟

ده هيجاوب عليهم لحد بكره

كويس الحمدلله يا ثريا وهجوبك على اسألتك مع انى حاسس انى جوبت زيها قبل كده

1_القسم اللى عاجبنى هو القسم بتاعى او اللى انا مشرف فيه الرومانسى لانى ما اتخيلش حياتى من غير رومانسيه جايز مكونش بشر ابقى وحش زى ناس كتير.

2_يعنى مقدرش اقول غصب عنى بس بتحصل لما اشوف ان الناس بتجرى ورا الفلوس وهى الدنيا فانيا ودى ساعات بتحص فى مواقف كتير بس مش كل المواقف بيكون فيه دموع.

3_ اكيد بعشق البحر لانه شفاف كل شىء فيه واضح ومابيكدبش او بيمثل زى الناس مع انه ساعات بيكون فيه اسرار فى اعماقه بس معظم الأسرار بيكون مفيد لينا.

4_بشعر بالرضا فى تصرفاتى مع غير بس ساعات مابكونش راضى عن تصرفاتى مع نفسى بس فى الحاله دى برجع لربنا وبستغفر لان ساعات بتكون غصب عنى .

5_لما الاقى صديق يسمعنى ويسحملنى فى ظروفى والحمدلله بيكون لى صديق فى كل مكان حتى لو فى شغل مش دراسه بس.

6_هحاول اوصله ده من خلال شخص عزيز عليه وبيحبه واكيد هو هيحس منه انه خايف عليه وعلى مظهره ومشاعره وهو بينبه لحاجات زى دى.

7_الصفاء :هو ان الأنسان يكون شفاف بيبان منه اللى جواه حتى لو بيجرح بس كفايه انه صادق. الأمل :هو انى اكون طموح وما استسلمش فى اى موقف لازم احط قدامى ان الأمل ده موجود ومن غيره محدش يقدر يعيش . الوفاء: هو انك توفى لصديقك او حبيبك وماتتخلاش عنه فى جميع الأحوال وماتخنوش لان الجرح بيكون مؤلم اوى يعنى يحط نفسه مكانه ويشوف هو هيتصرف ازاى ويتصرف احسن منه كمان . الأخلاص:انك تخلص لعملك وتتقنه وتخلص لحبك وماتخنوش . الحب:حاجة زي الكيميا.. حاجة كدة بتحصل متعرفلهاش تفسير الحب هو إنك تحب إنسان معين لذاته مش لأي حاجة تانية هو إنك تشوف حبيبك أجمل واحد في الدنيا.. أحلى من كل البشر الحب هو إنك تخاف عليه الحب هو إن هو يخاف عليك أكتر ما بتخاف على نفسك الحب هو إنه يوحشك و هو جنبك هو إن حبيبك يبقى مالي عينيك هو إنك تحافظ على كرامة اللي بتحبه وتحط صورته دايما أصاد عينيك الحب هو إنك تبقى عايز تتغير و تكون أحسن عشانه هو.. لما تبقى ضحكة حبيبك و سعادته عندك أهم من أي حاجة تانية بس.

8_احب اهمس لكل الأعضاء بس مادام عضو واحد احب اقول لمحسن ليه بتبعد عن اصدقائك واهلك وهو فاهم بقى .

9_موقفين هم الحيره والموت.

10_نفسى هى افضل شىء وفى صديق تانى بس بصراحه بحب احتفض بأسرارى لان الزمن ده مفهوش امان.

11_دكتور او مهندس فى الكمبيوتر وبشتغل فى شركاه كبيره ومش مهم الشهره بس احقق ذاتى ومستقبل لى يريحنى ويريح اولادى علشان ما يتعذبوش زى وانا كنت اتمنى يبقى فى اوروبا لو مقدرتش انه يكون هنا.

12_انه يكون فهمنى وفى لغه حوار بينا يعنى من غير غموض وانه يثق فيا علشان بعد كده اثق فيه.

13_ما افتكرش انى غلط فى حد قبل كده بس الخجل فى اللى ساعات بيمنعنى من الوصول لحاجات معينه يعنى بس.

14_يمكن كنت غيرت حاجات كتير كان زمانى بدرس فى جامعه بدل المعهد او كانت ماشى مع كذا واحده وكنت قتلت خجلى اللى بيضيعنى ساعات يمكن كنت غيرت اشخاص قريبى ويمكن كنت اخترت بلد تانى اتولد فيه وكان زمانى مش فى مصر ولا فى كرسى الأعترف ده ولا كنتوا سمعتوا بيه او بشعرى ورسائلى ههههههههههههههههه مستحيل.

15_ سؤالك عن المواقف لانه ملهوش اجابات كويسه عندى.

16_كويسه بس كتير شويه يعنى.

17_لا ولا يهمك بس احب اقول ان كل واحد هيجى دوره وهسأل اسأله محرجه جدا .

ليه مكنتى كاملتى .شكــــــــــــــــــــــــــــــــــــــــــــــــرآ.

شكرا ليك يا عصام علي التنبيه وأنا بحاول أكون معتدل بس لو إنت شايفني مقصر مع أصحابي

شوية فالتقصير غصب عني

أحب أنبه الأعضاء إن النهاردة أخر يوم لعصام في المحكمة يعني إللي ليه حاجة عند عصام

يخلصها منه

وهنصدر الحكم النهاردة علي عصام بليل الساعة 12 بناء علي الإجابات إللي جاوبها وبعد

إعلان الحكم كل واحد عايز يرشح نفسه في المحكمة للإسبوع القادم يعلنها ويقول أنا هرشح نفسي

وبعد كده نجري استفتاء ونختار العضو إللي هيدخل المحكمة

وشكراااااااااااااااااااا

كده يا جماعة خلاص انتهي وقت الأسئلة لعصام بعد نصف ساعة من الأن سيتم الإعلان عن الحكم

بعد سماع أقوال المتهم

الحكم بعد المداولة

بعد الاطلاع علي جميع الأوراق حكمت المحكمة حضوريا علي المتهم عصام الشهير بفوكس مان

بالبراءة لما وجدته المحكمة من صراحة كبيرة في أغلب الإجابات التي جاء بها

رفعت الجلسة

وأنا عن نفسي بهني عصام بالبراءة وعقبال العضو التاني

اقيموا الأفراح وهاتوا سعد الصغير يوقلى اغنيه الأهلى

أهم الأنباء

تم الاعلان عن فتح الباب للأعضاء الراغبين للدخول في المحكمة وعلي من يرغب في ذلك يعلن

ذلك وسوف نجري استفتاء حول أول اثنين ممن يرغبون للدخول في المحكمة

انتهي النبأ

يعني إللي يدخل يرشح نفسه وأول اتنين يقولوا كده هم اللي الاستفتاء هيحصل بينهم وكل واحد

يقول رايه في الحكم بتاع عصام

مبروك يا حضرى على البراءه ... ارقص يا حضرى

الله يخليك وعقبالك

لا انا مش ناوى ادخل فى المطحنه

ياخساااااااااااره عصام قام Twisted Evil

يعنى ايه مش هتدخل ياااسلام
انا بقى برشحك انت تدخل وتقف ادام المحكمه Twisted Evil

ياايه يا جماعة محدش ناوي يدخل المحكمة عايزين حد يرشح نفسه علشان نعمل الاستفتاءات

مش شرط حد يرشح نفسه ممكن حد يرشح تانى
Twisted Evil

فعلا مش لازم حد يرشح نفسه وعشان كده انا برشح معوض يكون ع الكرسي

ياريت دانت هاتشوف سلخ اسأله هاتحلف بيها طول عمرك

طب يا جماعة طالما كل واحد بيتهرب من الحكاية جاتلي فكرة نختار 5 من الأعضاء ونعمل مابينهم الاستفتاء والاستفتاء تكون مدته حوالي 3 ايام حول الشخصية التي تفضلها لدخول المحكمة ايه رايكم في كده؟

اوكي

معوض #1 اكيد طبعا

انا مستني موافقة الباقي يا سعيد وهعمل الاستفتاء وهخليهم 4 مكان 5 علشان العدد مايفتحش

اخر التصويت هيكون الجمعة ان شاء الله التصويت هيقف اليوم دة

» كرسي الجبلاية.. يهتز زاهر عاد لانتخابات الرئاسة.. والمنافسة من درويش وخليل وشاكر
» صور البشير علي هدايا للمتظاهرين ضد المحكمة
» إريتريا ..تتحدي المحكمة الجنائية الدولية
» المحكمة الجنائية الدولية تكيل أزمتي غزة ودارفور بمكيالين
» المحكمة تستمع إلى متهم من زعماء الخمير الحمر